Entries by ndb14

ပြစ်မှုကျူးလွန်သူတပ်မတော်သားများကို အရေးယူနိုင်သည့်ကာလသတ်မှတ်ချက်ကို ပြင်ရန်ကြိုးစား

တပ်မတော်အက်ဥပဒေအရ တပ်မတော်သားတစ်ဦးသည် ပြစ်မှုကျူးလွန်ပြီး သုံးနှစ်ကျော်လျှင် စစ်တရားရုံးက ယင်းပြစ်မှုအတွက် အရေးယူစီရင်နိုင်ခြင်း မရှိပေ တပ်မတော်သားများ ပြစ်မှုကျူးလွန်ပါက သုံးနှစ်ကျော်လွန်ပြီးနောက် အရေးယူမရသည့် တပ်မတော်အက်ဥပဒေပါ ပုဒ်မကို ပြင်ဆင်ရန်ဥပဒေကြမ်းကို ယနေ့ (ဇူလိုင် ၁၅) ကျင်းပသည့် အမျိုးသားလွှတ်တော် အစည်းအဝေး၌ တပ်မတော်သားကိုယ်စားလှယ်က တင်သွင်းခဲ့သည်။ ၁၉၅၉ ခုနှစ် တပ်မတော်အက်ဥပဒေပုဒ်မ ၁၂၅ (၁) တွင် တပ်မတော်သားတစ်ဦးသည် “ပြစ်မှုကျူးလွန်သည့် နေ့ရက်မှ သုံးနှစ်ကုန်ဆုံးသည့်အခါ ထိုပြစ်မှုအတွက် စစ်တရားရုံးဖြင့် စစ်ဆေးစီရင်ခြင်းကို စတင်မပြုလုပ်ရ” ဟု ပြဋ္ဌာန်းထားသည်။ တပ်မတော်သားလွှတ်တော်ကိုယ်စားလှယ် ဒုတိယဗိုလ်မှူးကြီး အောင်ထွန်းလင်းက ပြင်ဆင်လိုသည့်ဥပဒေကြမ်းတွင် အချိန်ကာလသတ်မှတ်ချက်သုံးနှစ်ကို ပြစ်မှုကျူးလွန်သည့်နေ့ရက်မှ စတင်ရေတွက်ခြင်းအပြင် နစ်နာသူနှင့် အရေးယူနိုင်သည့်အခွင့်အာဏာပိုင်က ပြစ်မှုကျူးလွန်မှု သို့မဟုတ် ပြစ်မှုကျူးလွန်သူကို စတင်သိရှိသည့် အစောဆုံးနေ့ရက်မှ စတင်ရေတွက်ရန် ဟူသည့် […]

စာရင်းမပါသည့် လက်ဗလာများ (COVID-19 ကူးစက်ရောဂါကာလအတွင်း မြန်မာနိုင်ငံတောင်ပိုင်းရှိ ရွှေ့ပြောင်းအခြေချသူများ၏ စားဝတ်နေရေးရုန်းကန်မှု)

အစီရင်ခံစာ ထုတ်ဝေခြင်း မွန်ပြည်လူ့အခွင့်အရေးဖောင်ဒေးရှင်း ၁၅ ဇူလိုင် ၂၀၂၀ မြန်မာနိုင်ငံတောင်ပိုင်း ဝေးလံခေါင်သီသောဒေသများရှိ ရွှေ့ပြောင်းအခြေချသူများအနေဖြင့် COVID-19 ကူးစက်ရောဂါ ကာလအတွင်း စားဝတ်နေရေးအတွက် ခက်ခဲကြပ်တည်းစွာ ရုန်းကန်နေကြရသည်။  အသွားအလာကန့်သတ်ခြင်း ကဲ့သို့သော COVID-19 နှင့်ပတ်သက်သည့် ကန့်သတ်ထိန်းချုပ်မှုများကို နိုင်ငံတော်အစိုးရသာမက တိုင်းရင်းသား လက်နက်ကိုင်အဖွဲ့အစည်းများကပါ ချမှတ်ကျင့်သုံးခဲ့ရာ ရွှေ့ပြောင်းအခြေချသူများအနေဖြင့် ပုံမှန်လုပ်ငန်းများ လုပ်ကိုင် ရန်နှင့် မိုးတွင်းအတွက် အစားအစာများ ကြိုတင်သိုလှောင်သိမ်းဆည်းရန် မဖြစ်နိုင်ခဲ့ချေ။ ရွှေ့ပြောင်းအခြေချသူများ၏ အထက်ပါရုန်းကန်မှုများကို နိုင်ငံတကာအသိုင်းအဝိုင်း၊ အစိုးရနှင့် သက်ဆိုင်ရာအင်အား စုများ သိရှိနားလည်ရန်အတွက် မွန်ပြည်လူ့အခွင့်အရေးဖောင်ဒေးရှင်းက “စာရင်းမပါသည့် လက်ဗလာများ” အစီရင်ခံစာ ကို မြန်မာနှင့် အင်္ဂလိပ် နှစ်ဘာသာဖြင့် ထုတ်ဝေလိုက်ပါသည်။ “တဖြည်းဖြည်းနဲ့ စားရမဲ့ သောက်ရမဲ့ဘဝကို ရောက်တော့မယ်။ ဆင်းရဲတာကနေ “လက်ဗလာ” အနေအထားကို ရောက်တော့မယ်။ ဒီရောဂါက ကျွန်တော်တို့ကို သပ်သပ်ခွဲခြားလိုက်တာပဲ။ ဥပဒေ(ကန့်သတ်ချက်) အသစ်တွေ ကြောင့်လည်း အလုပ်လုပ်ဖို့ အဆင်မပြေဘူး။ မိသားစုကို ဘယ်လိုရှာကျွေးမလဲ။ အခုတော့ ဖြေလျှော့မှု တစ်ချို့တော့ ရှိလာပါပြီ။ ဒါပေမယ့် သိပ်နောက်ကျနေပြီ။ မိုးကျလာပြီလေ။ နွေရာသီမှာ အစားအစာစုဆောင်းဖို့ ကျွန်တော်တို့ အလုပ်လုပ်ခွင့် မရခဲ့ဘူးလေ” စီးပွားရေးထိခိုက်မှုကို ကုစားနိုင်ရန်အတွက် ၂၀၂၀ ဧပြီလ (၂၈) ရက်နေ့တွင် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီက COVID-19 စီးပွားရေး ထိခိုက်မှု သက်သာရေး စီမံချက်ကို ချမှတ်ခဲ့သည်။ ပန်းတိုင် (၇) ရပ်၊ နည်းဗျူဟာ (၁၀) ချက်၊ လုပ်ငန်းစဉ် (၃၆) ချက်နှင့် လုပ်ဆောင်ချက် (၇၆) ချက်ပါဝင်သော အဆိုပါစီမံချက်တွင် သာမန်လက်လုပ်လက်စား အိမ်ထောင်စုများကို အစားအသောက်နှင့် ငွေကြေး ထောက်ပံ့သည့် အစီအစဉ်အပြင် ရွှေ့ပြောင်းအခြေချသူများနှင့်သက်ဆိုင်သော စီမံချက်များလည်း ပါဝင်သည်။ နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “မည်သူ့ကိုမျှ ချန်မထားခဲ့သည့် စီမံချက်” ဟုဆိုကာ အဆိုပါစီမံချက်ကို ချီးကျူးခဲ့သည်။ “ကလေးတွေက စားစရာတောင်းရင် မရှိဘူးလို့ ကျွန်မ ဘယ်လိုပြောထွက်မလဲ။ သူတို့ကို လုံလုံလောက်လောက် မကျွေးနိုင်ဘူးဆိုတာ သိတယ်။ ဒီအချိန်က ကျွန်မအတွက် အခက်ခဲဆုံးပဲ။ ကျွန်မခင်ပွန်းက လွန်ခဲ့တဲ့ (၂) နှစ်က တည်းက ကျွန်မကို ကလေး (၃) ယောက်နဲ့ ထားသွားတယ်။ ကိုယ့်ဟာကိုယ်ပဲ ရှာဖွေစားသောက်နေရတယ်။ တံမြက်စည်းပင်တွေ ရောင်းတယ်၊ ရာဘာခြံတွေမှာ အလုပ်လုပ်တယ်” အထက်ပါအခက်အခဲများအပြင် နိုင်ငံရပ်ခြားမှ ပြန်လာသည့် ရွှေ့ပြောင်းအလုပ်သမားများအရေးကြောင့်လည်း မွန်နှင့် ကရင်ပြည်နယ်များမှ ဒေသခံပြည်သူများက ပိုမိုအခက်ကြုံခဲ့ရသည်။ ကန့်သတ်ချက်များကြောင့် အလုပ်မလုပ်နိုင်သဖြင့် ဝင်ငွေမရှာနိုင်သည့်အနေအထားတွင် ပြည်ပမှပြန်လာသူများကို ကူညီပံ့ပိုးပေးရသည့်အတွက် ဘူးလေးရာဖရုံ ဆင့်ဖြစ်ခဲ့ ရသည်။ “အစိုးရ လက်တွေ့ကျကျ ဘာမှ မထောက်ပံ့ဘူး။ ကျိုက်မရောမြို့နယ်က ကျေးရွာအားလုံးလိုလိုပဲ နေရပ်ပြန်တွေကို လက် ခံဖို့ သူတို့ကျန်းမာရေးကို စောင့်ရှောက်ဖို့ အခက်အခဲဖြစ်နေတယ်။ မွန်အဖွဲ့အစည်းတစ်ခုက အပူတိုင်းစက် လှူတယ်၊ နောက်မွန်အဖွဲ့တစ်ခုက လက်ဆေးရည်တို့ နှာခေါင်းစည်းတို့ လက်ကမ်းစာစောင်တို့ လာပေးတယ်။ ကျွန်တော်တို့ရွာ မှာတော့ အစိုးရထုတ်ပြန်ချက်တွေကို တော်တော်လေးလိုက်နာကြတာ တွေ့ရတယ်။ အစိုးရက ဘာမှမထောက်ပံ့ဘူး ဆိုပေမယ့်ပေါ့လေ။ ထုတ်ပြန်ချက်တွေကို အတိအကျလိုက်နာနိုင်ဖို့အတွက် ရွာသူရွာသားတွေကို (ရောဂါကာကွယ်ရေး ဆိုင်ရာ) ပစ္စည်းကိရိယာတွေ ထောက်ပံ့ပေးဖို့ အစိုးရကို တောင်းဆိုချင်ပါတယ်” ဟု ကျိုက်မရောမြို့နယ် မယ်ဂရိုကျေးရွာမှ တက်ကြွလှုပ်ရှားသူတစ်ဦးဖြစ်သူ နိုင်ရွှေဝင်းက မေတ္တာရပ်ခံပါသည်။  အစီရင်ခံစာအပြည့်အစုံကို ရယူရန် (English / Burmese). အစီရင်ခံစာနှင့်ပတ်သက်၍ အသေးစိတ်သိရှိလိုပါက – မြန်မာနှင့် အင်္ဂလိပ်ဘာသာအတွက် ဗညားအက်ဗန် +95 996 191 9757 Email: ogvon@rehmonnya.org မွန်၊ မြန်မာနှင့် အင်္ဂလိပ်ဘာသာအတွက် နိုင်အဲမွန် +66 861 679 741 Email: info@rehmonnya.org, auemon@rehmonnya.org, Website: www.rehmonnya.org

,

AA ဖမ်းသွားတဲ့ ကျမတို့ ယောကျ်ားတွေကို ပြန်လွှတ်ပေးပါ

ဧရာဝတီ၊ ဇူလိုင် ၁၀၊ ၂၀၂၀ ချင်းပြည်နယ်၊ ပလက်ဝမြို့နယ်ထဲက ဘောင်ဝကျေးရွာမှ ခူမီးချင်း အမျိုးသား ၄ ဦးသည် ပျောက်ဆုံးနေသည်မှာ ယခုလ ၁၆ ရက်တွင် တစ်နှစ်တင်းတင်း ပြည့်ပြီ ဖြစ်ပြီး ယခုအချိန်အထိ အိမ်ပြန်ရောက်ရှိလာခြင်း မရှိသေးကြောင်း သိရသည်။ ၂၀၁၉ ခုနှစ် ဇူလိုင်လ ၁၆ ရက် ည ၇ နာရီဝန်းကျင်တွင် ဘောင်ဝကျေးရွာသားများ ဖြစ်ကြသည့် အိုက်ကျော်ကျော်သန်း၊ အိုက်ကျော်စန်း၊ အိုက်စိုးရဲအောင် နှင့် အိုက်ကျော်လင်း တို့သည် ကုလားတန်မြစ်ကြောင်းပေါ်က တံတားဆောက်လုပ်ရေး လုပ်ငန်းခွင်မှအပြန် လမ်းတွင် လက်နက်ကိုင်အဖွဲ့တခုက ခေါ်ဆောင်သွားခဲ့ခြင်း ဖြစ်သည်။ အင်တာဗျူး – နန်းလွင်နှင်းပွင့် ရိုက်ကူး/တည်းဖြတ် – ငြိမ်းဇော်

,

တိုက်ပွဲအတွင်း အရပ်သားသေဆုံးမှုကြောင့် တပ်ကို ICC တင်ဖို့ AI တောင်းဆို

တပ်မတော်ရဲ့ ဆိုးဝါးတဲ့ ကျူးလွန်ချိုးဖောက်မှုတွေ ဆက်လက်ဖြစ်ပွားနေတာကြောင့် မြန်မာနိုင်ငံ အခြေအနေတွေကို နိုင်ငံတကာရာဇဝတ်ခုံရုံး ICC မှာ တင်ပြပေးဖို့ ကုလသမဂ္ဂ လုံခြုံရေးကောင်စီကို နိုင်ငံတကာ လွတ်ငြိမ်းချမ်းသာခွင့်အဖွဲ့ AI က ထပ်မံတောင်းဆိုလိုက်ပါတယ်။ ရခိုင်ပြည်နယ်နဲ့ ချင်းပြည်နယ်မှာ လေကြောင်းတိုက်ခိုက်တာတွေကြောင့် အရပ်သား သေဆုံးဒဏ်ရာရတာတွေ တားဆီးနိုင်ဖို့ တပ်မတော်ကို နိုင်ငံတကာ ရာဇဝတ်ခုံရုံး ICC တင်ဖို့ ကုလသမဂ္ဂ လုံခြုံရေးကောင်စီကို နိုင်ငံတကာ လွတ်ငြိမ်းချမ်းသာခွင့်အဖွဲ့က ဒီကနေ့ တိုက်တွန်းလိုက်ပါတယ်။ ရက္ခိုင့်တပ်တော် AA နဲ့ ဖြစ်ပွားတဲ့ တိုက်ပွဲတွေမှာ တပ်မတော်က ပစ်မှတ်ခွဲခြားခြင်းမရှိတာကြောင့် လေကြောင်းတိုက်ခိုက်မှုတွေမှာ ကလေးသူငယ်တွေအပါအဝင် အရပ်သားတွေသေဆုံးတဲ့ အထောက်အထားတွေ ရထားတယ်လို့ ဒီအဖွဲ့ရဲ့ သတင်းထုတ်ပြန်ချက်မှာ ဖော်ပြထားပါတယ်။ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကတော့ စစ်ဆင်ရေးတွေမှာ တပ်မတော်အနေနဲ့ […]

,

ကာချုပ်နဲ့ ဒုကာချုပ်ကို ဗြိတိန်က အရေးယူပိတ်ဆို့/အမေရိကန်က ထောက်ခံ

မြန်မာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒု- ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး စိုးဝင်းတို့ကို ဗြိတိန်အစိုးရက စီးပွားရေးအရေးယူပိတ်ဆို့လိုက်တယ်လို့ မနေ့က ဇူလိုင်လ ၆ ရက်နေ့မှာ ကြေညာလိုက်ပါတယ်။ ပြီးခဲ့တဲ့နှစ်ပိုင်းတွေအတွင်းက ရိုဟင်ဂျာတွေကို စနစ်တကျ အကြမ်းဖက်နှိမ်နင်းတယ်ဆိုတဲ့ စွပ်စွဲချက်နဲ့ အရေးယူလိုက်တာဖြစ်ပါတယ်။ ဗြိတိန်နိုင်ငံကို ဝင်ရောက်ခွင့်ဗီဇာပိတ်တာ၊ ဗြိတိန်နဲ့ ဆက်စပ်တဲ့ဘဏ်တွေမှာသိမ်းထားတဲ့ပိုင်ဆိုင်မှုတွေရှိရင် ထုတ်ယူသုံးစွဲခွင့်မပြုတာ၊ ဘဏ်တွေကတဆင့် ငွေအလွှဲအပြောင်းလုပ်ခွင့်မရအောင် ထိန်းချုပ်လိုက်တဲ့ သတ်မှတ်ချက်တွေဖြစ်ပါတယ်။ ဒီလို ဗြိတိန်နိုင်ငံက ၂၀၁၈ ခုနှစ် ပိတ်ဆို့အရေးယူရေးနဲ့ ငွေကြေးခဝါချမှုတိုက်ဖျက်ရေး အက်ဥပဒေအရ အရေးယူ ပိတ်ဆို့လိုက်တာကို အမေရိကန်ပြည်ထောင်စုက ကြိုဆိုတဲ့အကြောင်း နိုင်ငံခြားရေးဝန်ကြီး Mike Pompeo က မရှေးမနှောင်းမှာပဲ ကြေညာချက် ထုတ်ပြန်လိုက်ပါတယ်။ ရုရှား၊ ဆော်ဒီအာရေးဗျ၊ မြန်မာနဲ့ မြောက်ကိုရီးယားနိုင်ငံတွေက ပုဂ္ဂိုလ်တဦးချင်းနဲ့ အဖွဲ့အစည်းတွေကို ဗြိတိန်က စီးပွားရေးပိတ်ဆို့တဲ့ […]

၂၀၂၀ ခုနှစ်၊ ဇွန်လအတွင်း ရခိုင်ပြည်အရေးနှင့် ပတ်သက်သည့် သတင်းသုံးသပ်ချက်

၃။       တွေ့ရှိချက်များ ************** ၃.၁. နိုင်ငံရေးဆိုင်ရာ တွေ့ရှိချက်များ ———————————– (၁)      ၂၀၂၀ ရွေးကောက်ပွဲ ကျင်းပရေး – ၂၀၂၀ ရွေးကောက်ပွဲအား ရခိုင်ပြည်၊ ချင်းပြည်၊ ရှမ်းပြည်မြောက်ပိုင်းနှင့် ကချင်ပြည်ရှိ ဒေသတချို့အား ချန်လှပ်၍ မြန်မာတစ်နိုင်ငံ လုံးရှိ မြို့နယ်ပေါင်း (၃၃၀) ၌ ကျင်းပမည် ဖြစ်ကြောင်း ရွေးကောက်ပွဲကော်မရှင်မှ ကြေညာချက် ထုတ်ပြန်လိုက်သည်။ ၂၀၂၀ တွင် လွတ်လပ်ပြီး   တရားမျှတသည့် ရွေးကောက်ပွဲ ဖြစ်စေ ရန် အတွက် နိုင်ငံရေးပါတီ (၃၀) မှ အချက် (၁၂) ချက်အား   ဆွေးနွေးရန် တွေ့ဆုံခွင့် အတွက် ရွေးကောက်ပွဲ ကော်မရှင်၊ နိုင်ငံတော်သမ္မတရုံး နှင့်တပ်မတော် ကာကွယ်ရေး ဦးစီးချုပ်ရုံးသို့ တောင်းခံစာ […]

,

ရှမ်းမြောက်တွင် အရပ်သားသေဆုံးမှု လူ့အခွင့်အရေးကော်မရှင်ထံတိုင်ကြား

ကျောက်မဲမြို့နယ်ကိုယ်စားပြု လွှတ်တော်ကိုယ်စားလှယ်လေးဦး၏ စုံစမ်းစစ်ဆေးမှုများအရ တပ်မတော်စစ်ကြောင်းက အကြောင်းမဲ့ပစ်ခတ်ခဲ့ခြင်းဖြစ်သည် ရှမ်းပြည်နယ်မြောက်ပိုင်း ကျောက်မဲမြို့နယ်တွင် တပ်မတော်စစ်ကြောင်း၏ ပစ်ခတ်မှုကြောင့် ကျေးရွာသား တစ်ဦးသေဆုံးခဲ့သည့်ဖြစ်စဉ်ကို စုံစမ်းစစ်ဆေးပေးရန် ကျောက်မဲမြို့နယ်ကိုယ်စားပြု လွှတ်တော်ကိုယ်စားလှယ်များက ဇူလိုင် ၁ တွင် လူ့အခွင့်အရေးကော်မရှင်ထံ တိုင်ကြားစာပို့ထားသည်။ ပြီးခဲ့သည့် ဇွန် ၂၇ နှင့် ၂၈ ရက်များတွင် ကျောက်မဲမြို့နယ် ၊ ဟဲကွီကျေးရွာအုပ်စုအတွင်း တပ်မတော်နှင့် ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် (RCSS/ SSA) တို့အကြား တိုက်ပွဲ ဖြစ်ပွားခဲ့သည်။ ဇွန် ၂၈ က ဟဲကွီကျေးရွာအုပ်စု ပန်ကျန်ကျေးရွာအတွင်း တပ်မတော်စစ်ကြောင်း ဝင်ရောက်လာပြီး အခြားရွာသားများ ထွက်ပြေးနေချိန် ရွာထဲတွင် ပုန်းအောင်းကျန်ရှိနေသည့် အသက် ၆၀ အရွယ် ဦးလုံးဆုကို ပစ်ခတ်ခဲ့ခြင်းဖြစ်သည်ဟု ကျောက်မဲမြို့နယ် ပြည်နယ်လွှတ်တော်ကိုယ်စားလှယ် ဦးစိုင်းထွန်းဉာဏ်က Myanmar […]

,

ဂူတာပြင်ဖြစ်စဉ်နဲ့ပတ်သက်ပြီး အရာရှိကြီးတစ်ဦး အပါအဝင် ၃ ဦးကို စစ်တရားရုံးက ပြစ်ဒဏ်ချ

ဂူတာပြင်ဖြစ်စဉ်ကို စစ်တရားရုံးနဲ့ စစ်ဆေးရာမှာ အရာရှိကြီးတစ်ဦးအပါအဝင် ၃ ဦးကို သက်ဆိုင်ရာစွဲချက်အရ အပြစ်ရှိကြောင်း ဆုံးဖြတ်ပြီး ပြစ်ဒဏ်ချမှတ်ချက်တွေကို အတည်ပြုပြီးဖြစ်ကြောင်း တပ်မတော်သတင်းမှန်ပြန်ကြားရေးအဖွဲ့က ဒီကနေ့ ဇွန် ၃၀ ရက်မနက်မှာ သတင်းထုတ်ပြန်ပါတယ်။ ထုတ်ပြန်ချက်မှာ အရာရှိကြီးတစ်ဦး၊ အရာရှိတစ်ဦးနဲ့ အခြားအဆင့် စစ်သည်တစ်ဦးတို့ကို သက်ဆိုင်ရာစွဲချက်အရ အပြစ်ရှိကြောင်း ဆုံးဖြတ်ချက်နဲ့ ပြစ်ဒဏ်ချမှတ်တာတွေ အတည်ပြုထားပြီဖြစ်တယ်လို့ ပါရှိပါတယ်။ ဒီဖြစ်စဉ်ကို စစ်တရားရုံးကနေ သက်သေစုံလင်စွာနဲ့ စစ်ဆေးခဲ့တာဖြစ်ပြီး၂၀၂၀ ဧပြီ ၃၀ ရက်မှာ စစ်ဆေးပြီးစီးခဲ့တယ်လို့ ဆိုပါတယ်။ ဒါပေမဲ့ အခုထုတ်ပြန်ချက်မှာ ပြစ်ဒဏ်တွေဘယ်လောက်ချမှတ်တယ်ဆိုတာနဲ့ အရေးယူခံရတဲ့ အရာရှိအပါအဝင် ၃ ဦးဟာ ဘယ်သူဘယ်ဝါတွေဖြစ်တယ်ဆိုတာတော့ မပါရှိသေးပါဘူး။ စစ်ဆေးစီရင်မှုတွေနဲ့ပတ်သက်လို့ သက်ဆိုင်ရာအာဏာပိုင်ရဲ့ ပြစ်ဒဏ်အတည်ပြုချက်ရရှိပါက ဆက်လက်ထုတ်ပြန်သွားမယ်လို့တော့ ထုတ်ပြန်ချက်မှာထည့်သွင်းထားပါတယ်။ ဘူးသီးတောင်မြို့နယ် ဂူတာပြင် ကျေးရွာမှာ လူသေအလောင်းအများအပြားတွေ့ရှိခဲ့တဲ့ဖြစ်စဉ်နဲ့ပတ်သက်ပြီး […]

ရခိုင်နဲ့ ချင်း စစ်ဆင်ရေးတွေရပ်ဖို့ ကုလမဟာမင်းကြီးတောင်းဆို

ရခိုင်နဲ့ ချင်းပြည်နယ်တွေမှာ အပစ်အခတ်ရပ်စဲပြီး စစ်ဆင်ရေးတွေကိုလည်းရပ်ဖို့ လူ့အခွင့်အရေးဆိုင်ရာ ကုလသမဂ္ဂ မဟာမင်းကြီး Michelle Bachelet က တပ်မတော်ကို တောင်းဆိုလိုက်ပါတယ်။ “မြန်မာနိုင်ငံ တခြားဒေသတွေမှာ အပစ်အခတ်ရပ်စဲထားသလိုပဲ ရခိုင်နဲ့ချင်းပြည်နယ် တွေမှာလည်း အလားတူ အပစ်အခတ်ရပ်စဲပြီး နယ်မြေရှင်းလင်းတဲ့ စစ်ဆင်ရေးတွေကိုရပ်ဆိုင်းဖို့ တပ်မတော်ကို ကျမ တောင်းဆိုပါတယ်။” လို့ ဒီကနေ့ ဂျီနီဗာမှာလုပ်တဲ့ ကုလသမဂ္ဂ လူ့အခွင့်အရေးကောင်စီ ၄၄ ကြိမ်မြောက် အစည်းအဝေးအတွင်း မဟာမင်းကြီး Michelle Bachelet က ပြောသွားတာပါ။ တကမ္ဘာလုံးမှာ အပစ်အခတ်ရပ်စဲဖို့ ကုလသမဂ္ဂ အတွင်းရေးမှူးချုပ်က တောင်းဆိုထားတာကို မြန်မာနိုင်ငံအနေနဲ့ လေးစားလိုက်နာဖို့လည်း မစ္စ Bachelet က ပန်ကြားသွားပါတယ်။ ရိုဟင်ဂျာမွတ်ဆလင်တွေ အရင်က နေထိုင်သွားခဲ့တဲ့ ဘူးသီးတောင်မြို့နယ်တွင်းက ကျေးရွာတွေကို ပြီးခဲ့တဲ့လမှာ တပ်မတော်က […]

အပြည်ပြည်ဆိုင်ရာ ညှဉ်းပန်းနှိပ်စက်ခံရသူများကို ကူညီထောက်ပံ့ရေးနေ့

အပြည်ပြည်ဆိုင်ရာ ညှဉ်းပန်းနှိပ်စက်ခံရသူများကို ကူညီထောက်ပံ့ရေးနေ့ ၂၀၂၀ခုနှစ်၊ ဇွန်လ၊ ၂၆ရက်နေ့ တရားမျှတမှုရရှိရေး၊   ပြစ်ဒဏ်ပေးခြင်း ကင်းလွတ်ခွင့်ရ ဓလေ့အား ရပ်တန့်ပေး ယနေ့  ၂၀၂၀ ခုနှစ် ဇွန်လ ၂၆ရက် ကျရောက်သော  အပြည်ပြည်ဆိုင်ရာ ညှဉ်းပန်းနှိပ်စက်ခံရသူများကို ကူညီထောက်ပံ့ရေးနေ့ကို  အမျိုးသမီးများအဖွဲ့ချုပ် (မြန်မာနိုင်ငံ) (WLB)၊ လူ့အခွင့်အရေးမှတ်တမ်းကွန်ရက် (မြန်မာနိုင်ငံ) (ND-Burma)၊ နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP)၊ ဝိမုတ္တိအမျိုးသမီးအဖွဲ့ (VWO) နှင့် အာရှတရားမျှတမှုနှင့် လူ့အခွင့်အရေးဆိုင်ရာအဖွဲ့ (AJAR)တို့မှ ပူးပေါင်းပြီး ညှဉ်းပန်းနှိပ်စက်မှုများကို အဆုံးသတ်ရန်နှင့် အသက်ရှင်လွတ်မြောက်လာသူများအတွက် အားလုံးအတွက် လွှမ်းခြုံနိုင်သော ပြန်လည်အစားထိုးကုစားခြင်းလုပ်ငန်းစဉ်များနှင့် တရားမျှတမှု လုပ်ငန်းစဉ်များ ဖေါ်ဆောင်ရန် သက်ဆိုင်သူအားလုံးအား တိုက်တွန်းလိုက်ပါသည်။ ယခုအခါ Corona Virus, Covid-19 ကမ္ဘာ့ကပ်ရောဂါ ဆိုက်ရောက်မှုကြောင့် အခမ်းအနားများ၊ လှုပ်ရှားမှုများ  ပြုလုပ်ရန် အခက်အခဲများစွာရှိသဖြင့် မြန်မာနိုင်ငံတွင် […]