Entries by ndb14

,

မြန်မာအရေး စုံစမ်းဖို့ ဖွဲ့ထားတဲ့ ကုလယန္တရားနဲ့ CRPH ရဲ့ ရှေ့နေတွေ ဆွေးနွေးမယ်

ပြည်ထောင်စုလွှတ်တော် ကိုယ်စားပြုကော်မတီ CRPH ရဲ့ ရှေ့နေအဖွဲ့နဲ့ မြန်မာနိုင်ငံ လူ့အခွင့်အရေးဆိုင်ရာ ကိစ္စတွေ အပေါ် စုံစမ်းနေတဲ့ လွတ်လပ်တဲ့ ယန္တရားအဖွဲ့ IIMM တို့ ဒီနေ့ ဧပြီ ၇ ရက်မှာ ဆွေးနွေးကြဖို့ ရှိနေပါတယ်။ စစ်အာဏာသိမ်းတဲ့ ဖေဖေါ်၀ါရီ ၁ ရက်က စလို့ မြန်မာစစ်တပ် တောက်လျှောက် ကျူးလွန်နေတဲ့ ကြမ်းကြုတ်ရက်စက်မှုတွေနဲ့ ပတ်သက်ပြီး ရှေ့နေအဖွဲ့ ဗော်တဲရာ ဖီယက်တာ Volterra Fietta နဲ့ IIMM ကို ဦးဆောင်နေသူတို့ကြား ဆွေးနွေးကြမှာ ဖြစ်တယ်လို့ CRPH ရဲ့ ကုလသမဂ္ဂဆိုင်ရာ သံတမန် ဒေါက်တာဆာဆာက ထုတ်ပြန်ပါတယ်။ စစ်တပ်ရဲ့ကျုးလွန်မှုတွေအပေါ် ကိုင်တွယ်နိုင်ရေး IIMM နဲ့ကြား ဘယ်လို ပုံစံမျိုးတွေနဲ့ ပူးပေါင်းညှိနှိုင်း လုပ်ဆောင်ကြမလဲ […]

ပင်လည်ဘူးမြို့သား အများအပြား တိမ်းရှောင်ထွက်ပြေး

ပင်လည်ဘူးမြို့သားတွေ တော်တော်များများ မြို့ကို စွန့်ခွာထွက်ပြေးကုန်ကြပါပြီ။ စွန့်ခွာ ထွက်ပြေးကြသူတွေဟာ မြို့တစ်ဝက်မကဘူးလို့ မြို့ခံတစ်ယောက်က ဆိုပါတယ်။ တချို့အိမ်တွေက အိမ်တံခါးပိတ်ပြီး အားလုံးရွှေ့ပြောင်းကြပါတယ်။ တချို့အိမ်တွေမှာတော့ လူကြီးတွေသာ အိမ်စောင့်ကျန်ရစ်ပြီး လူငယ်တွေက ရှောင်တိမ်းသွားကြတယ်လို့ ဆိုပါတယ်။ အခုအခါမှာ စစ်ပွဲကြီးကြီးမားမား ဖြစ်လာမှာကို ကြောက်လန့်စိုးရိမ်ကြလို့ အိုးအိမ်စွန့်ခွာပြီး နီးစပ်ရာရွာတွေဆီ ရွှေ့ပြောင်းကုန်ကြတာပါ။ ပင်လည်ဘူးမြို့ကနေ ကားတွေ ဆိုင်ကယ်တွေတန်းစီထွက်ခွာပြီး အလျင်အမြန် ရွှေ့ပြောင်းနေကြတယ်လို့လည်း မြို့ခံတွေက ဘီဘီစီကိုပြောပါတယ်။ ပင်လည်ဘူးမြို့ဆီဦးတည်ပြီး ကောလင်းမြို့ကနေ စစ်ကားတွေစစ်ကူလာနေတယ်ဆိုတဲ့ သတင်းတွေ ကြိုတင်ရထားတဲ့အတွက် အားလုံး တက်သုတ်ရိုက်ရွှေ့ပြောင်းနေကြတာလည်းဖြစ်ပါတယ်။ ပင်လည်ဘူးမြို့က တူးမီးတိုက်ပွဲ ဓာတ်ပုံ ရင်းမြစ်,NAING ZIN LAT ဓာတ်ပုံ ပုံစာ- ပင်လည်ဘူးမြို့မှာ အခြေခံဥပဒေကို မီးရှို့ဆန္ဒပြခဲ့ကြ စျေးတွေ၊ အိမ်ဆိုင်တွေ၊ ကျောင်းတွေ၊ ရုံးတွေ အားလုံးလည်းပိတ်သွားကြပါပြီ။ ပင်လည်ဘူးမြို့မှာ […]

မြန်မာနိုင်ငံ နောက်ဆုံး လူ့ခွင့်အရေးအခြေအနေ (မတ်လ ၂၉ – ဧပြီ ၄)၂၀၂၁

စစ်အာဏသိမ်းအဖွဲ့မှ အင်တာနက်ကန့်သတ်မှုများ ဆက်လက်ပြုလုပ် နေသော်လည်း မြန်မာပြည်သူများအနေဖြင့် တိတ်ဆိတ် ငြိမ်သက်သွားခြင်းမရှိပေ။ ကုလသမဂ္ဂအနေဖြင့် လုံလောက်သည့် အရေးယူဆောင်ရွက်မှုများပြုလုပ်ရန် တောင်းဆို သကဲ့သို့ ငြိမ်းချမ်းစွာ ဆန္ဒပြမှုများ ဆက်လက်ပြု လုပ်နေသည်။ မြန်မာနိုင်ငံအပေါ် ပြင်းထန်သည့် အရေးယူဆောင်ရွက်မှုများ ချမှတ်ရန် လိုအပ်နေ သည်။ အပြည့်အစုံကို အပတ်စဥ် နောက်ဆုံးအခြေအနေတွင် ရှုပါ။

, ,

၂၀၂၁ ခုနှစ် မတ်လ ၂၂-၂၈ နောက်ဆုံးအခြေအနေ။ ND-Burma

လူ့အခွင့်အရေးချိုးဖောက်မှုများ ၂၅၅၉ ဦး ဖမ်းဆီးခံအရေးယူခံရ၊ ၁၁၉ ဦး ဖမ်း၀ရမ်းထုတ်ခံရ၊ ၄၅၉+ ဦး သေဆုံး လူ့အခွင့်အရေးချိုးဖောက်မှုများ လက်ရှိ မြန်မာပြည်တွင်  အရပ်သားပြည်သူများမှာ လမ်းမများ၊ ၎င်းတို့၏ နေအိမ်များတွင်းနှင့် တပ်မတော်၏ ထင်တိုင်းကြဲ ပစ်ခတ်မှုများကြောင့် မကြုံစဖူး ရက်စက်ကြမ်းကြုတ်သော အကြမ်းဖက်မှုများနှင့် ရင်ဆိုင်ခဲ့ရသည်။  တပ်မတော်၏ ပရမ်းပတာလုပ်ရပ်များက ဆယ်စုနှစ်များစွာဖြစ်ပွားနေသည့် ပြည်တွင်းစစ်အတွင်းတွင်  အပြစ်ကျူး လွန်သော်လည်း အပြစ်ပေးအရေးယူခံရခြင်းမှ ကင်းလွတ်နေသည်ကို သက်သေပြနေခြင်းဖြစ်သည်။ ဖမ်းဆီးချုပ်နှောင်ခြင်းခံထားရသူ နှင့် ကျဆုံးသူ စာရင်းကို အဖွဲ့၀င် အဖွဲ့အစည်းဖြစ်သော နိုင်ငံသားအကျဥ်းသား များကူညီစောင့်ရှောက်ရေးအသင်း (AAPP) မှ အတည်ပြု မှတ်တမ်းတင်ထားသည်။  ဝမ်းနည်းစွာပင် ကျဆုံးသူစာရင်းသည် နေ့စဥ်တိုးလာလျှက် ရှိသည်။ ဤအတောအတွင်း အင်တာနက်ဖြတ်တောက်မှုကို မနက် ၁ နာရီမှ ၉ […]

,

ကေအန်ယူ တပ်မဟာ ၅ ကို လေယာဉ်ဖြင့် ဗုံးကြဲပြီးနောက် မြင်ကွင်းများ

KNU/KNLA မူတြော်ခရိုင် တပ်မဟာ (၅) ဒေဘိုးနိုရွာကို အကြမ်းဖက်စစ်အုပ်စုက လေယာဥ်နဲ့ ညနေ(၆)နာရီဝန်းကျင်ကနေစပြီး ပစ်ခတ်သောကြောင့် ဒေသခံ အပြစ်မဲ့ပြည်သူများ ထွက်ပြေးတိမ်းရှောင်နေကြရသည်။ ယမန်နေ့ ၂၇ ရက်နေ့ မနက်တွင် KNU တပ်မဟာ (၅)မှ သီးမူးထာတွင် တပ်စွဲထားသော စစ်ကောင်စီ၏ တောင်ပိုင်းတိုင်း စစ်ဌာနချုပ် လက်အောက်ခံ (ခမရ ၃၄၉)တပ်စခန်းကို သိမ်းပိုက်ခဲ့တဲ့နေ့တွင် စစ်ကောင်စီမှလေယာဥ်ဖြင့် တိုက်ခိုက်ခြင်းဖြစ်သည်။ ထိုသို့ တိုက်လေယာဉ်ဖြင့် ဝင်ရောက်ဗုံးကြဲတိုက်ခိုက်မှုကြောင့် ပြည်သူ ၃ ဦးသေဆုံးပြီး ၇ ဦး ပြင်းထန်စွာဒဏ်ရာရရှိသွားခဲ့သည်။

စစ်အုပ်ချုပ်ရေးကြောင့် နယ်ရွှေ့ပြောင်းရသူများအရေး IOM စိုးရိမ်

■ ရန်ကုန်တိုင်းအတွင်း စစ်အုပ်ချုပ်ရေးပြဋ္ဌာန်းချက်ကြောင့် နယ်ကို ရွှေ့ပြောင်းနေကြရတဲ့ အလုပ်သမားတွေအရေး သိပ်ကို စိုးရိမ်မိတယ်လို့ မြန်မာနိုင်ငံမှာရှိတဲ့ အပြည်ပြည်ဆိုင်ရာ ရွှေ့ပြောင်းသွားလာသူများအဖွဲ့ (IOM) က ဒီကနေ့ သတင်းထုတ်ပြန် ပြောဆိုကြောင်း ကုလသမဂ္ဂအတွင်းရေးမှူးချုပ်ရဲ့ ပြောခွင့်ရပုဂ္ဂိုလ် Farhan Haq က ပုံမှန်သတင်းစာရှင်းလင်းပွဲမှာ ပြောကြားလိုက်ပါတယ်။ မတ်လ ၁၅ ရက်နေ့က စစ်အုပ်ချုပ်ရေးကြေညာပြီးတဲ့နောက် နယ်တွေကနေ လာရောက် အလုပ်လုပ်ကိုင်ကြတဲ့ ထောင်ပေါင်းများစွာသော ရွှေ့ပြောင်းအခြေချနေထိုင်သူတွေဟာ လှိုင်သာယာမြို့နယ်ကနေ ထွက်ခွာခဲ့ကြတယ်လို့ ဆိုပါတယ်။ IOM ကတော့ ရွှေ့ပြောင်းအလုပ်သမား ၁ သိန်းလောက်ရှိမယ်လို့ ခန့်မှန်းထားပြီး အများစုက သူတို့ဌာနေဖြစ်တဲ့ ရခိုင်ပြည်နယ်နဲ့ ဧရာဝတီတိုင်းကို ပြန်သွားခဲ့ကြတာဖြစ်ပါတယ်။ အစားအစာပြတ်လပ်ပြီး ဘဏ်ဝန်ဆောင်လုပ်ငန်းတွေ ယာယီရပ်ဆိုင်းနေတာ အပါအဝင် စစ်အာဏာသိမ်းမှုရဲ့ နောက်ဆက်တွဲ အကျိုးဆက်တွေကြောင့် ဒီရွှေ့ပြောင်းအလုပ်သမားတွေဟာ ပူပင်သောကတွေနဲ့ […]

စစ်ကောင်စီလူ့အခွင့်အရေးချိုးဖောက်မှု ICC မှာ အရေးယူရေးအဆို ကုလလူ့အခွင့်အရေးကောင်စီအတည်ပြု

■ မြန်မာနိုင်ငံက ရဲနဲ့စစ်တပ်က နေ့စဉ်နဲ့အမျှ ကျူးလွန်နေတဲ့ လူ့အခွင့်အရေးချိုးဖောက်မှုတွေကို နိုင်ငံတကာတရားစီရင်ရေးလုပ်ငန်းစဉ်တွေကနေ အရေးယူရေးအပါအဝင် မြန်မာနိုင်ငံ လူ့အခွင့်အရေး အခြေအနေတွေနဲ့ပတ်သက်တဲ့ ဆုံးဖြတ်ချက်တရပ်ကို ကုလသမဂ္ဂ လူ့အခွင့်အရေးကောင်စီက ဒီကနေ့ သဘောတူ ချမှတ်လိုက်ပါတယ်။ ဆွစ်ဇာလန်နိုင်ငံ ဂျနီဗာမြို့မှာ ဒီကနေ့ကျင်းပတဲ့ ၄၆ ကြိမ်မြောက် ကုလသမဂ္ဂ လူ့အခွင့်အရေး ကောင်စီညီလာခံကနေ ချမှတ်ခဲ့တဲ့ ဒီဆုံးဖြတ်ချက်ထဲမှာ – အပြည်ပြည်ဆိုင်ရာ ရာဇဝတ်တရားရုံး (ICC) အပါအဝင် နိုင်ငံတကာတရားရုံးတွေနဲ့ အနီးကပ် ဆက်သွယ်ဆောင်ရွက်ဖို့ ပါဝင်ပါတယ်။ ဆုံးဖြတ်ချက်မချခင် မူကြမ်းအဆိုကို ဦးဆောင်တင်သွင်းခဲ့တဲ့ ကုလသမဂ္ဂဆိုင်ရာ ပေါ်တူဂီအမြဲတမ်းကိုယ်စားလှယ် Rui Macieira ကတော့ – “မြန်မာစစ်တပ်ဟာ ရက်ရက်စက်စက် ဖိနှိပ်တာတွေကို တိုးပြီး လုပ်ဆောင်လာနေတယ်။ ဒီလုပ်ရပ်တွေအတွက် တာဝန်ခံမှု ရှိရမှာဖြစ်ပါတယ်။ အင်အားအလွန်အကျွံအသုံးပြုနေတာတွေ ရပ်ပြီး […]

သံပုံးတီး၍ဆိုကာ အကြမ်းဖက်စစ်တပ်ပစ်ခတ်သဖြင့် မန္တလေးတွင် ၁၆နှစ်အရွယ်အမျိုးသားတစ်ဦးသေဆုံး

မန္တလေး၊ ချမ်းမြသာစည်မြို့နယ်၊ (ဃ)ရပ်ကွက် စိန်ပန်းလမ်းတွင် သံပုံးတီးသူများကို စစ်ကောင်စီအကြမ်းဖက်တပ်က “မိုက်ကြလားဟေ့ ထွက်ခဲ့စမ်း” ဟု အော်ဟစ်ကာ ပစ်ခတ်သဖြင့် ၁၆ နှစ်အရွယ် အမျိုးသားတစ်ဦးသေဆုံးကြောင်း ကူညီပေးနေသည့် ဆရာဝန်တစ်ဦးက အတည်ပြုသည်။ ၆၆၊၆၇ လမ်း၊ မနော်ဟရီ၊ စိန်ပန်းလမ်းကြားတွင် ၁၆ နှစ်အရွယ် မောင်ဖိုးထီ၏ ကျောကို ကျည်ဆံထိမှန်ကာ ကျဆုံးကြောင်း ဆွေမျိုးနီးစပ်တော်စပ်သူများက ပြောသည်။ ယနေ့ (မတ် ၂၄) ည ၈ နာရီခွဲက စတင်၍ ပစ်ခတ်နေခြင်းဖြစ်ပြီး အနည်းဆုံး ပြည်သူ ၅ ဦး ထိခိုက်ဒဏ်ရာ ရရှိကြောင်း သိရသည်။ ယင်းမှာ လတ်တလောအခြေအနေကို သိရှိရခြင်းဖြစ်ပြီး လူဦးရေ ထပ်တိုး ထိခိုက်နိုင်ဖွယ်ရှိကြောင်း ကယ်ဆယ်ရေးအသင်းတစ်ခုက ပြောသည်။ “ကျွန်မတို့သံပုံးတီးပြီးတော့ သူတို့ဝင်လာတာ၊ဘယ်သူတွေမိုက်တာလဲဟ၊ခုနက ဘယ်သူတွေတီးကြတာလဲဟ […]

,

မန္တလေး မှာ ညနေပိုင်းပစ်ခတ်မှုတွေထပ်ဖြစ်ပြီး ခုနှစ်နှစ် အရွှယ်ကလေးငယ်တစ်ဦး အပါအဝင် နှစ်ဦးသေဆုံး

မန္တလေး မှာ မတ်လ ၂၃ ရက် ညနေပိုင်းပစ်ခတ်မှုတွေထပ်ဖြစ်ပြီး ၇ နှစ် အရွယ်ကလေးငယ်တစ်ဦး အပါအဝင် နှစ်ဦးသေဆုံးသွားတယ်လို့ဒေသခံတွေက ပြောပါတယ်။ သေနတ်ကျည်ထိမှန်ခဲ့သူက‌တော့ မန္တလေး အောင်ပင်လယ်ရပ်က ၇နှစ်သမီးလေး မခင်မျိုးချစ် ဖြစ်ပြီး အိမ်မှာ ရှိနေစဥ် ဗိုက်ကို ကျည်ထိမှန်ပြီး သေဆုံးသွားခဲ့တယ်လို့ မိသားစုဝင်တွေဆီက သိရပါတယ်။ သူ့ရဲ့ အသက်၁၉ နှစ်အရွယ် အကိုဖြစ်သူကို လည်းဖမ်းသွားတယ်လို့ မိသားစုဝင်တွေက ပြောပါတယ်။ မခင်မျိုးချစ် ကျည်မှန်သွားတာကို ဆေး အဖွဲ့ကဆရာဝန်တွေဆီအမြန်ရောက်အောင်သွားပြီး ကြိုး စားခဲ့ ပေမဲ့ အသက်မကယ်လိုက်နိုင်ဘူးလို့အကူအညီပေးသူတွေက ပြောပါတယ်။ ဒါ့အပြင်ဒီကနေ့ ညနေပိုင်းက လည်း ၅၇ လမ်းနဲ့ ၁၀၃ လမ်းထောင့်မှာပန်းရံ လုပ်ကိုင်သူတစ်ဦး သေနတ်ကျည်မှန်ပြီးသေဆုံးခဲ့ပါတယ်။ မန္တလေး မှာ မတ်လ ၂၃ ရက်နေ့ […]

အကြမ်းဖက်နှိပ်ကွပ်မှု ရပ်ဆိုင်းဖို့ ကုလဆက်လက်တောင်းဆို

မြန်မာ့ စစ်အာဏာသိမ်းမှု ဆန့်ကျင် ဆန္ဒပြမှုတွေ အတွင်း လုံခြုံရေး တပ်ဖွဲ့ဝင်တွေ လက်ချက်နဲ့ သေဆုံးသူ အနည်းဆုံး ၂၂၄ ဦး ရှိပြီ ဖြစ်ကြောင်း ကုလသမဂ္ဂ လူ့အခွင့်အရေးရုံးက ပြောဆိုထားပါတယ်။ “ဖမ်းဆီးစဉ် သေဆုံးရသူတွေ အပါအဝင် လုံခြုံရေး တပ်ဖွဲ့တွေ လက်ချက်နဲ့ သေဆုံးရသူ အရပ်သား အနည်းဆုံး ၂၂၄ ယောက် ရှိတယ်လို့ ကုလသမဂ္ဂ လူ့အခွင့်အရေးရုံးက ထုတ်ပြန်ထားကြောင်း” ပြောခွင့်ရ Farhan Haq က တနလာၤနေ့ သတင်းစာ ရှင်းလင်းပွဲမှာ ပြောဆိုခဲ့တာပါ။ အမှန်တကယ် အရပ်သား သေဆုံးရမှုက ၂၅၀ နဲ့ အထက် ရှိနိုင်တယ်လို့ ကုလသမဂ္ဂက ယူဆထားပါတယ်။ နိုင်ငံရေး အကျဉ်းသားများ ကူညီစောင့်ရှောက်ရေး အသင်း AAPP ရဲ့ […]