Entries by ndb14

မန္တလေး နန်းတွင်းစစ်ကြောရေးရောက်နေတဲ့ ကျောင်းသားနှစ်ဦး အသက်အန္တရာယ် စိုးရိမ်ရ

နေပြည်တော်နဲ့ မန္တလေး သပိတ်စစ်ကြောင်းတွေမှာ ဦးဆောင်ခဲ့သူ ကျောက်ဆည်နည်းပညာတက္ကသိုလ်က ကျောင်းသားတွေဖြစ်တဲ့ ကိုလင်းပိုင်စိုးနဲ့ ကိုငြိမ်းမင်းသန့်တို့ နှစ်ဦး မန္တလေးနန်းတွင်း စစ်ကြောရေးကို ရောက် ရှိနေတာ ဆယ်ရက်ကျော်လာပြီဖြစ်လို့ အသက်အန္တရာယ်စိုးရိမ်နေရတယ်လို့ သူတို့နဲ့နီးစပ်သူတွေက ပြော ပါတယ်။ ကိုလင်းပိုင်စိုး၊ ကိုငြိမ်းမင်းသန့်နဲ့ အာဏာဖီဆန်ရေး (CDM) သူနာပြုဆရာမ မကြည်ကြည်ဝင်း တို့ သုံးဦးကို စက်တင်ဘာလ ၃၀ ရက်နေ့က မန္တလေးမြို့မှာ စစ်ကောင်စီတပ်သားတွေက ရိုက်နှက်ဖမ်းဆီးပြီး မန္တလေး နန်းတွင်း စစ်ကြောရေးကို ခေါ်ဆောင်သွားတယ်လို့ နေပြည်တော် ကျောင်းသားသမဂ္ဂအဖွဲ့ဝင် ကိုနေသမိုင်း က ပြောပါတယ်။ ကိုလင်းပိုင်စိုးဟာ ဂေါ်ရခါးလူမျိုးဖြစ်ပြီး စစ်ကြောရေးမှာ လူမျိုးရေးခွဲခြားတဲ့ ရုန့်ရင်းကြမ်းတမ်းတဲ့ စကားတွေ နဲ့ ဆဲဆိုခံရတာ၊ ကိုးကွယ်ယုံကြည်မှုကို စော်ကားတာတွေအပြင် ရိုက်နှက်တာကိုလည်း ပိုခံနေရတယ်လို့ ကိုနေသမိုင်းက ပြောပါတယ်။ […]

ဒီးမော့ဆို ဒေသခံတချို့ မြေမြှုပ်မိုင်းကြောင့် ထိခိုက်

ကယားပြည်နယ် ဒီးမော့ဆိုမြို့နယ်မှာ ဒေသခံရွာသားတချို့ မြေမြှုပ်မိုင်းနင်းမိလို့ ခြေလက်ဆုံးရှုံးခဲ့ကြပါတယ်။ စစ်တပ်နဲ့ ဒေသခံကာကွယ်ရေးအဖွဲ့တွကြား တိုက်ပွဲတွေကြောင့် တောတောင်တွေထဲ တိမ်းရှောင်နေကြတဲ့ဒေသခံတွေ လိုတဲ့ပစ္စည်းတွေ အိမ်ပြန်သွားယူစဉ် နေအိမ်တွေနားမှာ မြေမြှုပ်မိုင်းတွေ နင်းမိနေတာဖြစ်ပါတယ်။ လုံခြုံရေးစိတ်မချရသေးချိန် ခုလို မြေမြှုပ်မိုင်းအန္တရာယ် ထပ်ရှိလာတဲ့အတွက် အိုးအိမ်စွန်ထွက်ပြေးနေသူတွေ နေရပ်ပြန်ဖို့ ပိုစိုးရိမ်စရာဖြစ်လာတဲ့အကြောင်း ရန်ကုန်ကလာတဲ့ သတင်းကို မခင်ဖြူထွေးက တင်ပြပေးထားပါတယ်။ ကယားပြည်နယ် ဒီးမော့ဆိုမြို့နယ်ထဲမှာ စစ်ကောင်စီတပ်တွေနဲ့ ဒေသခံကာကွယ်ရေးတပ်တွေကြား တိုက်ပွဲတွေဖြစ်ပွားခဲ့ပြီး ဒေသခံတော်တော်များများ အိုးအိမ်စွန့်ပစ်ပြီး တော်တောင်တွေထဲမှာ သွားရောက်ခိုလှုံနေကြပါတယ်။ အဲဒီလို တောထဲ ဘေးကင်းရာ သွားနေကြသူတချို့ နေအိမ်မှာကျန်ခဲ့တဲ့ ဆေးဝါး အသုံးအဆောင်ပစ္စည်းတွေ ပြန်ယူစဉ် မြေမြှုပ်မိုင်းနင်းမိလို့ ထိခိုက်ဒဏ်ရာရသူတွေ ရှိနေပါတယ်။ အောက်တိုဘာ ၂ ရက်နေ့က ဒီးမော့ဆိုမြို့နယ် ကုန်းသာကျေးရွာကို ပြန်လာတဲ့ အသက် ၄၂ နှစ်အရွယ် […]

ထီးချိုင့်မြို့၊ လေသာရွာကို စစ်တပ်စီးနင်းစဉ် PDF တချို့ သေဆုံး

စစ်ကောင်စီတပ်နှင့် တိုက်ပွဲဖြစ်ရာတွင် PDF ၄ ဦး သေဆုံး၊ တချို့ဖမ်းဆီးခံရကာ လက်နက်တချို့ ဆုံးရှုံးခဲ့ရသည်ဟု ထီးချိုင့် PDF ပြောရေးဆိုခွင့်ရှိသူက ပြောသည်။ စစ်ကိုင်းတိုင်း၊ ထီးချိုင့်မြို့နယ်၊ လေသာရွာကို ယနေ့ (အောက်တိုဘာ ၁၁) နံနက်ပိုင်းတွင် စစ်ကောင်စီတပ်က ဝင်ရောက်စီးနင်းစဉ် တိုက်ပွဲဖြစ်ပွားရာ ထီးချိုင့်ဒေသခံကာကွယ်ရေးအဖွဲ့ (PDF) ၄ ဦး သေဆုံးခဲ့သည်ဟု ထိုအဖွဲ့၏ ပြောရေးဆိုခွင့်ရှိသူက ပြောသည်။ နံနက် ၄ နာရီခွဲခန့်တွင် စစ်သား အင်အား ၁၀၀ ကျော်က မြို့၏ မြောက်ဘက် ၁၀ မိုင်ခန့်အကွာရှိ လေသာရွာသို့ ရောက်ရှိခဲ့သည်ဟု ဆိုသည်။ သေဆုံးသူ ၄ ဦးမှာ ထီးချိုင့်ဒေသခံများဖြစ်ကြသော PDF များဖြစ်သည့် ဦးတင်ညွန့်နှင့် လူငယ်များဖြစ်သော ကိုဖြိုးမင်းထက်၊ ကိုလွင်မိုးနှင့် […]

မင်းကင်းမြို့ ကျောက်တန်းရွာက အိမ်တစ်လုံးကို စစ်ကောင်စီ မီးရှို့

စစ်ကိုင်းတိုင်း မင်းကင်းမြို့နယ် ကျောက်တန်းရွာက ဦးကမ္ဘာကျော်ရဲ့အိမ်ကို စစ်ကောင်စီတပ်ဖွဲ့ဝင်တွေက အောက်တိုဘာ ၉ ရက် မနေ့ညပိုင်းက မီးရှို့ ဖျက်ဆီးသွားတယ်လို့ ဒေသခံတွေက ပြောပါတယ်။ စစ်တပ်လာလို့ တစ်ရွာလုံးပုန်းရှောင်နေကြရာ အဲဒီအိမ်မှာလည်း လူမရှိတဲ့အချိန် မီးရှို့ခံရလို့ ပြာကျသွားတယ်လို့ အမည်မဖော်လိုတဲ့ ဒေသခံတစ်ဦးက ပြောပါတယ်။ ဦးကမ္ဘာကျော်ရဲ့အိမ် မီးရှို့ခံရတာဟာ ပျူစောထီးတွေက စစ်ကောင်စီကို သတင်းမှား ပေးတာကြောင့်လို့ ဒေသခံတွေက ပြောကြပါတယ်။ ဦးကမ္ဘာကျော်တို့ မိသားစုဝင်တွေဟာ ဆန္ဒပြသပိတ်မှောက်တာတွေနဲ့ ပတ်သက်မှုမရှိတဲ့ သာမန်အရပ်သားတွေဖြစ်တယ်လို့ မင်းကင်းဆန္ဒပြသပိတ် ဦးဆောင်သူက ဆိုပါတယ်။ ဒီလိုအိမ်မီးရှို့ခံရတဲ့ ဖြစ်စဉ်နဲ့ပတ်သက်ပြီး စစ်ကောင်စီတပ်ဖွဲ့ဝင်တွေက သီးခြားသတင်း ထုတ်ပြန်တာ မတွေ့ရသေးသလို RFA အနေနဲ့ သီးခြားအတည်မပြုနိုင်သေးပါဘူး။ စစ်ကောင်စီတပ်ဖွဲ့ဝင်တွေဟာ ကြာပင်ရွာမှာ တပ်စွဲထားပြီး ကျောက်တန်း၊ ကြာပင်၊ ရေဦး စတဲ့ အနီးအနားရွာက […]

လိုအပ်နေသူတွေဆီ စာနာမှုအကူအညီ ရောက်ရှိအောင် ဆောင်ရွက်ကြဖို့ ကုလတိုက်တွန်း

မြန်မာနိုင်ငံမှာ အကူအညီ လိုအပ်နေသူတွေထံကို လူသားချင်း စာနာမှု အကူအညီ ပေးသူတွေ အဟန့်အတား မရှိ ဘေးကင်းလုံခြုံစွာ သွားရောက်နိုင်ရေး သက်ဆိုင်ရာ ဘက်အားလုံးက ဆောင်ရွက်ပေးဖို့ ကုလသမဂ္ဂက တောင်းဆိုလိုက်ပါတယ်။ မြန်မာနိုင်ငံတွင်း လူသားချင်း စာနာမှု အကူအညီတွေ ပေးအပ်နိုင်ရေး အတွက် အလှူရှင်တွေဘက်က ပိုပြီး ထည့်ဝင်လာရေး အတွက်လည်း ကုလသမဂ္ဂက တနလာၤနေ့မှာ ပန်ကြားပါတယ်။နိုင်ငံတွင်း ဒေသအမျာအးပြားမှာ တိုက်ပွဲတွေ ပြင်းထန်ပြီး လုံခြုံရေး အခြေအနေ မတည်မငြိမ် ဖြစ်နေတဲ့ အတောအတွင်း လူသားချင်း စာနာထောက်ကူမှု ဆိုင်ရာ အခြေအနေတွေလည်း ယိုယွင်းဆိုးရွားနေကြောင်း မြန်မာနိုင်ငံမှာ ရှိနေတဲ့ ကုလသမဂ္ဂ အဖွဲ့က ပြောဆိုထားကြောင်း ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရ တဦး ဖြစ်တဲ့ Farhan Haq က […]

မြန်မာ့အရေး အာဆီယံလုပ်ဆောင်ချက်အပေါ် ALTSEAN ဝေဖန်

မြန်မာစစ်အာဏာသိမ်းမှုအပေါ် အာဆီယံဘက်က တစည်းတလုံးတည်းဆန့်ကျင်တုန့်ပြန်နိုင်မှုမရှိတဲ့အတွက် လက်ရှိအာဆီယံကြားဝင်ဆောင်ရွက်မှုတွေဟာ ထိရောက်မှုရှိမှာ မဟုတ်ဘူးလို့ အာဆီယံလူထုအခြေပြုအဖွဲ့ ဦးဆောင်သူက သုံးသပ်ပါတယ်။ မြန်မာစစ်ကောင်စီအနေနဲ့ အာဆီယံရဲ့ အထူးသံတမန်နဲ့ ပူးပေါင်းဆောင်ရွက်မှုတွေမရှိတဲ့အပေါ်မှာ သူတို့အနေနဲ့ စိတ်ပျက်မိကြောင်း တနင်္လနေ့က ပြုလုပ်တဲ့ အာဆီယံ နိုင်ငံခြားရေးဝန်ကြီးအစည်းအဝေးမှာ မလေးရှားနဲ့ အင်ဒိုနီးရှားက ထုတ်ဖေါ်ပြောဆိုခဲ့ကြတာပါ။ မြန်မာ့အရေး အာဆီယံအနေနဲ့ ဘယ်လိုကိုင်တွယ်သင့်သလဲဆိုတာနဲ့ ပတ်သက်လို့ ALTSEAN တည်ထောင်သူ Debbie Stothard ကို ဆက်သွယ်မေးမြန်းထားတဲ့ မအင်ကြင်းနိုင်က အကြောင်းစုံကို ပြောပြမှာပါ။ အခုလို စစ်ကောင်စီနဲ့ ပတ်သက်လို့ အာဆီယံနိုင်ငံခြားရေးဝန်ကြီးတချို့ ပွင့်ပွင့်လင်းလင်းထုတ်ဖေါ်ပြောဆိုလာတာကို ကြည့်မယ်ဆိုရင် မြန်မာနိုင်ငံမှာ စစ်အာဏာသိမ်းတာနဲ့ ပတ်သက်လို့ အာဆီယံအဖွဲ့ဝင်နိုင်ငံတွေကြားမှာ ကွဲနေတာတွေ့ရတယ်လို့ အာဆီယံယှဉ်ပြိုင်အဖွဲ့ ALTSEAN ကို တည်ထောင်သူ Debbie Stothard ကဗွီအိုအေကိုပြောပါတယ်။ အရင် စစ်အစိုးရလက်ထက်တုန်းကလည်း […]

စစ်အာဏာသိမ်းပြီးနောက် မြန်မာနိုင်ငံ လူ့အခွင့်အရေး အခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် စက်တင်ဘာလ ၂၇ ရက်နေ့မှ အောက်တိုဘာလ ၃ ရက်နေ့အထိ

စစ်အာဏာသိမ်းရန် ကြိုးပမ်းခဲ့သည်မှာ ၈ လကြာမြင့်ခဲ့ပြီဖြစ်သည်။ နေ့စဥ်နှင့်အမျှ တိုင်းပြည်သည်  ယခင်အခြေအနေသို့ ပြန်မရောက်နိုင်သော အခြေအနေဖြင့်  ပို၍ နက်သောချောက်ထဲသို့ ကျနေသည်။ မြန်မာကျပ်ငွေတန်ဖိုးသည် အနိမ့်ဆုံးသို့ ကျရောက်ခဲ့ပြီး မြန်မာနိုင်ငံရှိ မြို့နယ် ၂၅ ခုကို အင်တာနက်ဖြတ်တောက်မှုကြောင့် ယိုယွင်းနေပြီးသော လူ့အခွင့်အရေးအခြေအနေကို ဆိုး၀ါးစေသည်။​ အင်တာနက်ဖြတ်တောက်မှု နောက်တွင် စစ်ကောင်စီသည် ကြီးလေးသော လူ့အခွင့်အရေးချိုးဖောက်မှုများကို ရဲရဲတင်းတင်း ကျူးလွန်စေသည်။ စစ်ကောင်စီစည် မကွေးတိုင်းဒေသကြီးရှိ ဂန့်ဂေါ၊ ထီးလင်းနှင့် မြိုင်မြို့နယ် နှင့် ချင်းပြည်နယ် ဖလမ်း၊ကန်ပက်လက်၊ မတူပီ၊ မင်းတပ်၊ ပလက်၀၊ တီးတိန်၊ ထန်တလန် နှင့် တွန်းဇံမြို့နယ်များ အပါ၀င် မြန်မာနိုင်ငံအနောက်မြောက်ပိုင်းဒေသရှိ မြို့နယ် တော်တော်များများ တွင် အင်တာနက် ဖြတ်တောက်ခဲ့သည်။ ချင်းပြည်နယ်၊ ကယားပြည်နယ်၊ စစ်ကိုင်းတိုင်းဒေသကြီးတို့သည် […]

မိုဟစ်အူလာ လုပ်ကြံခံရမှု ရိုဟင်ဂျာ ငါးယောက်ကို ထပ်ဖမ်းထား

လုပ်ကြံခံရတဲ့ ရိုဟင်ဂျာဒုက္ခသည်ခေါင်းဆောင် ဦးမိုဟစ်အူလာကို ဘင်္ဂလားဒေ့ရှ်နိုင်ငံ ကုတုပလောင်ဒုက္ခသည်စခန်းမှာ၂ဝ၁၉ ခုနှစ်က တွေ့ရစဉ်Photo: Reuters ဘင်္ဂလားဒေ့ရှ်နိုင်ငံ ကောက်ဆက်ဘဇားက ဒုက္ခသည်စခန်းတစ်ခုမှာ လုပ်ကြံသတ်ဖြတ်ခံလိုက်ရတဲ့ မိုဟစ်အူလာ ကိစ္စနဲ့ပတ်သက်လို့ ရိုဟင်ဂျာ ငါးယောက်ကို ဘင်္ဂလားဒေ့ရှ်ရဲက မနေ့ကဖမ်းလိုက်တယ်လို့ AFP သတင်းမှာ ဖော်ပြထားပါတယ်။ သူတို့ထဲက နှစ်ယောက်ကို တရားရုံးထုတ်လာပြီး သုံးရက်ကြာ စစ်ဆေးမေးမြန်းဖို့ ရမန်ယူခဲ့တယ်လို့ သက်ဆိုင်ရာ အာဏာပိုင်က ပြောပါတယ်။ ဒါပေမဲ့ ကျန်တဲ့သုံးယောက်ကိုတော့ တရားရုံးထုတ်တာ မရှိသေးပါဘူး။ အသက် ၂၈ အရွယ် ရိုဟင်ဂျာတစ်ယောက်ကိုလည်း ပြီးခဲ့တဲ့သတင်းပတ်ထဲက ဖမ်းထားတဲ့အတွက် ဒီအမှုအတွက် ဖမ်းထားတဲ့သူ အခုဆိုရင် စုစုပေါင်း ခြောက်ယောက်ရှိနေပါပြီ။ သူတို့အားလုံးကို ARSA ရိုဟင်ဂျာလက်နက်ကိုင်အဖွဲ့နဲ့ ဆက်စပ်မှုတွေရှိ၊ မရှိ စစ်ဆေးမေးမြန်းနေတယ်လို့ ဆိုပါတယ်။ သူတို့ထဲက အသက် ၃၅ […]

ဒီးမော့ဆိုတွင် စစ်တပ်၏ မြေမြှုပ်မိုင်းကြောင့် သေဆုံးသူနှစ်ဦးရှိလာ

တိုက်ပွဲအပြင်းအထန်ဖြစ်ပြီးနောက် စစ်ကောင်စီတပ် ပြန်ဆုတ်သွားချိန်တွင် မြေမြှုပ်မိုင်းအများဆုံး တွေ့ရှိရသည်ဟု ဆိုသည် ကယားပြည်နယ်၊ ဒီးမော့ဆိုမြို့နယ်တွင် စစ်ကောင်စီတပ် ထောင်ထားခဲ့သော မြေမြှုပ်မိုင်းကြောင့် သေဆုံးသူနှစ်ဦးအထိ ရှိလာပြီး ခြေထောက်ပြတ်သည်အထိ ဒဏ်ရာရသူများလည်း ရှိကြောင်း ဒေသခံ ပြည်သူ့ကာကွယ်ရေးတပ်ဖွဲ့ဝင်အချို့ထံမှ သိရသည်။ ဒီးမော့ဆိုမြို့နယ် နန်းမယ်ခုံမြို့တွင် အောက်တိုဘာ ၁ ရက်က မိုင်းရှင်းလင်းရေးလုပ်နေသည့် တပ်ဖွဲ့ဝင်တစ်ဦး မိုင်းထိသေဆုံးခဲ့ကာ နောက်တစ်ရက်တွင် ကုန်းသာရွာ၌ အသက် ၄၀ အရွယ် စစ်ရှောင်အမျိုးသမီးတစ်ဦး နေအိမ်ပြန်လာစဉ် ခြံဝတွင် မိုင်းနင်းမိရာမှာ ခြေထောက်တစ်ဖက် ဆုံးရှုံးခဲ့ရသည်။ ကရင်နီအမျိုးသားများကာကွယ်ရေးတပ် (KNDF) အဖွဲ့ဝင်တစ်ဦးက စက်တင်ဘာ ၂၄ မှ ၂၆ အထိ တိုက်ပွဲအပြင်းအထန်ဖြစ်ပွားခဲ့ရာ ဒီးမော့ဆိုမြို့နယ်တွင် ကုန်းသာနှင့် သေးဆူလဲရွာတို့တွင် စစ်ကောင်စီတပ် ပြန်ဆုတ်သွားပြီးနောက် မြေမြှုပ်မိုင်းအများဆုံး တွေ့ရှိရသည်ဟု ဆိုသည်။ […]

ကုလသမဂ္ဂအထွေထွေညီလာခံမှာ ပထမဆုံးအကြိမ်အဖြစ် မြန်မာကိုယ်စားလှယ်စကားပြောခွင့်မရ

ရဲခေါင်မြင့်မောင် (ဝါရှင်တန်ဒီစီ) ■ စက်တင်ဘာလ ၂၇ရက်နေ့က ကျင်းပခဲ့တဲ့ ၇၆ ကြိမ်မြောက် ကုလသမဂ္ဂအထွေထွေညီလာခံရဲ့ ခြောက်ရက်မြောက် နောက်ဆုံးနေ့မှာ နိုင်ငံခေါင်းဆောင်တွေနဲ့ သက်ဆိုင်ရာ နိုင်ငံကိုယ်စားပြု သံတမန်တွေဟာ လူကိုယ်တိုင် တက်ရောက်သူတွေရော အွန်လိုင်းကနေ တက်ရောက် စကားပြောသူတွေရောရှိခဲ့ပြီး၊ အစည်းအဝေးမှာ ကမ္ဘာ့နိုင်ငံအားလုံးအတွက် ကိုရိုနာဗိုင်းရပ်စ် ကာကွယ်ဆေးအလုံအလောက်ရရှိဖို့နဲ့ ရာသီဥတုပြောင်းလဲမှုဆိုင်ရာ ကိစ္စရပ်တွေကို အဓိကထား ပြောသွားခဲ့ကြပါတယ်။ လက်ရှိ ကုလသမဂ္ဂဆိုင်ရာ မြန်မာနိုင်ငံ သံအမတ်ကြီး ဦးကျော်မိုးထွန်းက မြန်မာနိုင်ငံကိုယ်စားပြုပြီး မိန့်ခွန်းပြောကြားဖို့ ကနဦးက စီစဉ်ထားခဲ့ပေမယ့် အမှန်တကယ် မိန့်ခွန်းပြောကြားနိုင်ခြင်း မရှိခဲ့ပါဘူး။ အထွေထွေ ညီလာခံ နောက်ဆုံးနေ့မှာ မြန်မာ သံအမတ်ဦးကျော်မိုးထွန်း အမှန်တကယ် တက်ရောက် မိန့်ခွန်းပြောနိုင်ခြင်းရှိမရှိ အတည်ပြုနိုင်ဖို့ RFA မြန်မာပိုင်းကနေ အထွေထွေအတွင်းရေးမှူးချုပ်ရုံး ပြောခွင့်ရပုဂ္ဂိုလ် Stephane Dujarric […]