Entries by ndb14

,

မြန်မာ့အရေး ကုလလုံခြုံရေးကောင်စီ တံခါးပိတ်ဆွေးနွေး

တစ်နေ့တခြား ပိုပြီးဆိုးလာနေတဲ့ မြန်မာနိုင်ငံအတွင်းက ပဋိပက္ခတွေနဲ့ စီးပွားရေး ကျဆင်းမှုတွေကြောင့် လူသုံးသန်းကျော်အတွက် အကူအညီတွေ သေရေးရှင်ရေး လိုအပ်နေတယ်လို့ ကုလသမဂ္ဂရဲ့ ကူညီမှုဆိုင်ရာအကြီးအကဲ Martin Griffiths က မနေ့က သတိပေးလိုက်တဲ့အကြောင်း Reuters သတင်းက ဖော်ပြပါတယ်။ မြန်မာနိုင်ငံက လူသားချင်းစာနာမှုဆိုင်ရာအခြေအနေတွေဟာ ဆိုးသထက်ဆိုးလာနေတယ်လို့လည်း ဆိုပါတယ်။ မနေ့က ၂ဝ၂ဝ ခုနှစ်ရွေးကောက်ပွဲ တစ်နှစ်ပြည့် နှစ်ပတ်လည်နေ့မှာပဲ ကုလသမဂ္ဂလုံခြုံရေးကောင်စီမှာ မြန်မာ့အရေးနဲ့ပတ်သက်ပြီး တံခါးပိတ်ဆွေးနွေးမှု လုပ်ခဲ့ပါတယ်။ ဒီဆွေးနွေးပွဲကို ဗြိတိန်နိုင်ငံရဲ့ မေတ္တာရပ်ခံချက်နဲ့ကျင်းပတာဖြစ်ပြီး မြန်မာနိုင်ငံအနောက်မြောက်ပိုင်းမှာ မြန်မာစစ်တပ်ရဲ့ စစ်ရေးတိုးမြင့်မှုတွေအပေါ် အထူးစိုးရိမ်မှုတွေ ရှိနေပြီး ဒီလုပ်ရပ်တွေက လွန်ခဲ့တဲ့လေးနှစ် ရခိုင်ဒေသမှာ ရိုဟင်ဂျာတွေ ရက်ရက်စက်စက် ဖိနှိပ်ခံခဲ့ရတာတွေကို ပြန်မြင်ယောင်စေတယ်လို့ ဗြိတိန်နိုင်ငံရဲ့ ကုလသမဂ္ဂဆိုင်ရာ လက်ထောက်သံအမတ်က သတင်းသမားတွေကို ပြောခဲ့ပါတယ်။ ကုလသမဂ္ဂရဲ့ ကူညီမှုဆိုင်ရာအကြီးအကဲ […]

,

စဉ့်ကူးမြို့နယ်တွင် အုပ်ချုပ်ရေးမှူး အသတ်ခံရသည့်ရွာကို စစ်တပ်က စီးနင်းလုယက်

ဧရာဝတီမြစ်ကမ်းဘေးရှိ ဟင်္သာမကျေးရွာတွင် စစ်ကောင်စီခန့် အုပ်ချုပ်ရေးမှူး အနီးကပ်လုပ်ကြံခံရပြီးနောက် စစ်သားများ ရောက်ရှိလာကာ နေအိမ်လေးလုံးကို ဖျက်ဆီးပြီး တန်ဖိုးရှိပစ္စည်းများအပါအဝင် ဆန်၊ ဆီ၊ စက်သုံးဆီနှင့် ဈေးဆိုင်တစ်ခုမှ ရောင်းရငွေများနှင့် မော်တော်တစ်စင်းကိုပါ ယူဆောင်သွားသည်ဟု ဆိုသည် မန္တလေးတိုင်း၊ စဉ့်ကူးမြို့နယ်တွင် အုပ်ချုပ်ရေးမှူးအသတ်ခံရသည့် ကျေးရွာကို စစ်သား ၅၀ ခန့်က ယနေ့ (နိုဝင်ဘာ ၈) နံနက်ပိုင်းတွင် ဝင်ရောက်စီးနင်းကာ ဖျက်ဆီးလုယက်ခဲ့ကြောင်း ဒေသခံနှစ်ဦးထံမှ သိရသည်။ ဧရာဝတီမြစ်ကမ်းဘေးရှိ စဉ့်ကူးမြို့နယ် ဟင်္သာမကျေးရွာတွင် ယမန်နေ့က စစ်ကောင်စီခန့်အုပ်ချုပ်ရေးမှူးဖြစ်သူ ဦးခင်မောင်သန်း သေနတ်ဖြင့် အနီးကပ်လုပ်ကြံခံရပြီး ယနေ့တွင် စစ်သားများက နေအိမ်လေးလုံးအပါအဝင် ဈေးဆိုင်များနှင့် မော်တော်များကိုပါ ဖျက်ဆီးလုယက်ခဲ့သည်ဟု ဆိုသည်။ “အုပ်ကြီး(အသတ်ခံရသူ) ရဲ့ မိန်းမက ခေါ်လို့ နေ့လယ် ၁၁ လောက်မှာ […]

,

ဟိုပင်မြို့ လက်ဖက်ရည်ဆိုင်ပစ်ခတ်ခံရမှုတွင် ကလေးနှစ်ဦးအပါအဝင် ၆ ဦး သေဆုံး

လူစည်ကားရာ လက်ဖက်ရည်ဆိုင်အတွင်း ဝင်ရောက်ပစ်ခတ်မှုမှာ ပျူစောထီးဟု နာမည်ထွက်နေသူတစ်ဦး ရှင်းလင်းခံရသည့်အပေါ် လက်တုံ့ပြန်ခြင်းဖြစ်နိုင်ကြောင်း မြို့ခံအချို့က ယူဆနေသည် ကချင်ပြည်နယ်၊ ဟိုပင်မြို့တွင် ယနေ့ (နိုဝင်ဘာ ၇) နံနက်ပိုင်းက လက်ဖက်ရည်ဆိုင်တစ်ခုအတွင်း ပစ်ခတ်မှုဖြစ်ပွားရာ ကလေးငယ်နှစ်ဦးနှင့် ရဟန်းတစ်ပါး အပါအဝင် စုစုပေါင်း ၆ ဦး သေဆုံးခဲ့သည်ဟု ဒေသခံအချို့ထံမှ သိရသည်။ နံနက် ၈ နာရီခန့်တွင် ထူးထိုက်စံအမည်ရ လက်ဖက်ရည်ဆိုင်သို့ မျက်နှာဖုံးစွပ် လူ ၅ ဦး ကားဖြင့် ရောက်လာပြီး ဆိုင်အတွင်းဝင်ရောက်ကာ အဆက်မပြတ်ပစ်ခတ်ခဲ့ခြင်းဖြစ်သည်ဟု အခင်းဖြစ်ပွားမှုကို မြင်တွေ့ခဲ့သူ ဟိုပင်မြို့ခံ အမျိုးသားတစ်ဦးက Myanmar Now ကို ပြောသည်။ “ကားနဲ့ရောက်လာပြီးတော့ လူ လေးငါးယောက်လောက် ဆင်းလာတယ်။ မျက်နှာဖုံးတွေလည်း စွပ်ထားတယ်။ AK-47 (မောင်းပြန်ရိုင်ဖယ်) တွေလို့ထင်တယ်၊ […]

မြန်မာနိုင်ငံ လူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် အောက်တိုလ ၂၅ ရက်နေ့မှ ၃၁ ရက်နေ့အထိ

လူ့အခွင့်အရေးလေ့လာစောင့်ကြည့်ရေးအဖွဲ့ HRW နှင့် Associated Press တို့မှ မြန်မာပြည်မှ အပြစ်မဲ့အရပ်သားပြည်သူများအား ပစ်မှတ်ထားကာ ညှဉ်းပမ်းနှိပ်စက်ခံရသည့်အကြောင်းကို အသေးစိတ်ထုတ်ဖော်ထားသည့် အစီရင်ခံစာကို ထုတ်ပြန်ခဲ့သည်။ ဤနည်းဗျူဟာများသည် အသစ်အဆန်းမဟုတ်သော်လည်း အကြမ်းဖက်စစ်ကောင်စီ၏ လုံး၀တရားမဲ့ ပြုမူဆောင်ရွက်ချက်များကြောင့်  နိုင်ငံရေးအကျဥ်သားများကူညီစောင့်ရှောက်ရေးအသင်း (AAPP) တွဲဖက်အတွင်းရေးမှူး ကိုဘိုကြည်မှ  “စစ်ကောင်စီသည် နည်းလမ်းပေါင်းစုံဖြင့် ပို၍ ရက်စက်ကြမ်းကြုတ်လာကြောင်း” မှတ်ချက်ပြုခဲ့သည်။ ညှဉ်းပန်းနှိပ်စက်သည့်နည်းများတွင် မျက်ကွယ်သေဒဏ်ချမှတ်ခံထားရခြင်း၊ ရိုက်နှက်ခြင်း နှင့် လျှပ်စစ်ဖြင့် ဓါတ်လိုက်ခြင်း စသည့်နည်းများပါ၀င်သည်။ အမျိုးသမီးများသည် စိတ်ပိုင်းဆိုင်ရာနှင့် လိင်ပိုင်းဆိုင်ရာ စော်ကားအကြမ်းဖက်ခံနေရသည်။ အကြမ်းဖက်စစ်ကောင်စီ၏ ဖမ်းဆီးခြင်းကို ခံခဲ့ရသော လိင်စိတ်ခံယူမှုကွဲပြားသူ LGBT စာရေးဆရာမတစ်ဦးသည် စစ်ကြောရေးတွင် လိင်ပိုင်းဆိုင်ရာ စော်ကားအကြမ်းဖက်ခံခဲ့ရကာ သေနတ်ဒင်ဖြင့်ရိုက်နှက်ခံခဲ့ရသည်။ သူမတစ်ကိုယ်လုံးကို ရေနွေးပူဖြင့် လောင်းချခံခဲ့ရသည်။ အသက်ရှင်ကျန်ရစ်သူများထံမှ ဤမှတ်တမ်းများသည် စစ်ကြောရေးစခန်းများ၏ နံရံများအတွင်း၌ […]

အာဏာသိမ်း ကိုးလအတွင်း ပြည်သူတွေရဲ့ လုံခြုံမှု ပိုဆိုးလာ

မြန်မာနိုင်ငံမှာ စစ်တပ်က အာဏာသိမ်းပြီး ဒီမိုကရေစီ ဆိတ်သုဉ်းနေခဲ့တာ ဒီနေ့ဆိုရင် ကိုးလတိတိ ပြည့်ခဲ့ပါပြီ။ ရန်ကုန်၊ မန္တလေး အပါအဝင် မြို့ကြီးတွေမှာ အရပ်သားအစိုးရ ကာလအတွင်း စည်ကားခဲ့တဲ့လမ်းမတွေ၊ ဈေးဝယ်စင်တာတွေ၊ အပန်းဖြေစခန်းတွေဟာ အန္တရာယ်ဇုန် တစ်ခုလိုဖြစ်လာပြီး အေးအေးချမ်းချမ်း လုပ်ကိုင် စားသောက်ခဲ့တဲ့ ကျေးလက်နေ ပြည်သူတွေဟာလည်း တိုက်ပွဲတွေအကြား အသက်လုထွက်ပြေး နေရဆဲ ဖြစ်တယ်လို့ ဒေသခံတွေကပြောပါတယ်။ ပြီးခဲ့တဲ့ အောက်တိုဘာ ၂၉ ရက်မှာပဲ ချင်းပြည်နယ် ထန်တလန်မြို့ပေါ်က နေအိမ် ၁၆၀ ကျော် မီးရှို့ခံခဲ့ ရပါတယ်။ ချင်းဒေသကာကွယ်ရေးတပ် (CDF) နဲ့ စစ်တပ်အကြား တိုက်ပွဲတွေ၊ မီးရှို့ဖျက်ဆီးမှုတွေကြောင့် ထန်တလန်မှာ နေထိုင်သူမရှိတော့ဘဲ မြို့ပျက်ကြီး တစ်ခုလို ဖြစ်နေပြီလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက RFA […]

,

စစ်တပ်ဖမ်းသွားသည့် ခင်ဦးမြို့နယ်မှလူငယ် သေနတ်ဒဏ်ရာဖြင့် သေဆုံး

ယောက်သွားအိုင်ကျေးရွာတွင် လွန်ခဲ့သည့် သုံးရက်က စစ်ကောင်စီ ဖမ်းခေါ်သွားသည့် အသက် ၂၁ နှစ်အရွယ် လူငယ်၏ ရုပ်အလောင်းကို ရွာအပြင် လမ်းနံဘေးတွင် ဝဲဘက်ရင်အုံ သေနတ်ဒဏ်ရာနှစ်ချက်ဖြင့် ရှာတွေ့သည်။ စစ်ကိုင်းတိုင်း၊ ရွှေဘိုခရိုင် ခင်ဦးမြို့နယ်၊ ယောက်သွားအိုင်ကျေးရွာတွင် လွန်ခဲ့သည့်သုံးရက်က စစ်ကောင်စီဖမ်းသွားသည့် လူငယ်မှာ သေနတ်ဒဏ်ရာဖြင့် သေဆုံးနေသည်ကို ယနေ့ (အောက်တိုဘာ ၃၁) နံနက်ပိုင်းတွင် ဒေသခံများက တွေ့ရှိခဲ့သည်။ အသက် ၂၁ နှစ်အရွယ် ယောက်သွားအိုင်ရွာသား ကိုအောင်နိုင်ဦး၏ ရုပ်အလောင်းကို ရွာအပြင် လမ်းဘေးတွင် တွေ့ရှိခြင်းဖြစ်ကြောင်း၊ ၎င်းမှာ အောက်တိုဘာ ၂၉ နံနက်ပိုင်းက ယောက်သွားအိုင်ကျေးရွာကို စစ်သား၊ ရဲနှင့် ပျူစောထီးအဖွဲ့ဝင် ၃၀ ခန့် ဝင်ရောက်စီးနင်းစဉ် ဖမ်းဆီးခံရခြင်းဖြစ်ကြောင်း ခင်ဦးမြို့နယ်ပြည်သူ့ကာကွယ်ရေးအဖွဲ့ (PDF) ထံမှ သိရသည်။ […]

,

အင်းစိန်ထောင်ရောက် အသက်အငယ်ဆုံး ဓားစာခံ

ရန်ကုန်စည်ပင် သန့်ရှင်းရေးဝန်ထမ်း အာဏာဖီဆန်ပြီး တိမ်းရှောင်နေသဖြင့် အာဏာသိမ်းစစ်ကောင်စီက ထိုသူ၏ လူမမည်သမီး၊ ဇနီး၊​ မိခင်တို့ကို အင်းစိန်ထောင်ထဲ ထည့်ထားသည်။ ၂ နှစ်ကျော်သမီးငယ်ကို ချီပိုးထားသဖြင့် ကပိုကရိုဖြစ်နေသော အသက် ၃၀ ကျော်အရွယ် အမျိုးသမီးသည် လက်တစ်ဖက်က ပြေကျတော့မည့် ထဘီကို ထိန်းရင်း အင်းစိန်ထောင်၊ အမျိုးသမီးအချုပ်ဆောင်ကို ရောက်ရှိလာသည်။ အတူဖမ်းဆီးခံရသည့် ကလေး၏ အဘွား၊ ထိုအမျိုးသမီး၏ အသက် ၅၀ ကျော်အရွယ် ယောက္ခမလည်း အခြားအခန်းတစ်ခုသို့ ရောက်ရှိသွားသည်။ မတ်လ ၃၀ ရက်နေ့က မြေးအဘွား ၃ ယောက် ထောင်ထဲဝင်လာသည်ကို တွေ့ရသည့် အကျဉ်းသားများ ခဏတာ ဆွံ့အသွားကြသည်။ ကလေးငယ်ကို နံရံလေးဖက်ထဲတွင် တွေ့လိုက်ရသဖြင့် စိတ်မချမ်းမမြေ့ဖြစ်ရသည်ဟု ထောင်မှ ပြန်လွတ်လာသည့်အမျိုးသမီးတစ်ဦးက ပြောသည်။ “ရောက်ရောက်ချင်းမှာ သူ့တို့ သမီးယောက္ခမနှစ်ယောက်ကို […]

၈၈ မျိုးဆက်ကျောင်းသားခေါင်းဆောင် ကိုဂျင်မီ (ခ) ကိုကျော်မင်းယုအား အကြမ်းဖက်ဖမ်းဆီးမှုနှင့်ပတ်သက်၍ ထုတ်ပြန်ချက်

၂၅၊ အောက်တိုဘာလ၊ ၂၀၂၁ ၂၀၂၁ ခုနှစ်၊ အောက်တိုဘာလ ၂၃ရက်နေ့ ညပိုင်းတွင် ၈၈ ငြိမ်းချမ်းရေးနှင့်ပွင့်လင်းလူ့အဖွဲ့အစည်း၏ ခေါင်းဆောင်တဦးဖြစ်သူ ကိုဂျင်မီ(ခ) ကိုကျော်မင်းယုအား အာဏာသိမ်းစစ်အုပ်စုမှ အင်အားအလွန်အကျွံသုံးပြီး အကြမ်းဖက်ဖမ်းဆီးခဲ့ကြောင်း သိရှိရသည်။ ထိုသို့ ဖမ်းဆီးစဉ်အတွင်း ဦးခေါင်းတွင် အသက်အန္တရာယ် စိုးရိမ်ရသည်အထိ ထိခိုက်ဒဏ်ရာရရှိကြောင်း သိရှိရသည်။ အာဏာသိမ်း စစ်အုပ်စုသည် ၎င်းတို့နှင့် အယူအဆမတူသူများအား ဖမ်းဆီးရာတွင် မလိုလားအပ်ဘဲ ကြမ်းတမ်းစွာဆက်ဆံခြင်းများကို ပြုလုပ်နေသည်ကိုလည်း တွေ့ရှိနေရပါသည်။ ဖမ်းဆီးစဉ်ပစ်ခတ်ခံရပြီး သေဆုံးမှုများ၊ စစ်ကြောရေးတွင် ညှဉ်းပန်းနှိပ်စက်မှုကြောင့် သေဆုံးမှုများလည်း ရှိနေသည်ကို တွေ့ရှိရပါသည်။ ထိုကဲ့သို့သော လုပ်ရပ်များသည် အာဏာသိမ်းစစ်အုပ်စုသည် ၎င်းတို့အာဏာတည်မြဲရေးအတွက် တရားဥပဒေကို မထေမဲ့မြင်ပြုပြီး အပြစ်မဲ့ ပြည်သူများကို စိတ်ထင်တိုင်း တရားမဲ့ပြုကျင့်နေကြောင်း ပေါ်လွင်စေသည်။ ထို့ကြောင့် ကိုဂျင်မီ(ခ) ကိုကျော်မင်းယု နှင့်ပတ်သက်၍ […]

စစ်အာဏာသိမ်းပြီးနောက် မြန်မာနိုင်ငံ လူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် အောက်တိုဘာလ ၁၈ ရက်နေ့ မှ ၂၄ ရက်နေ့အထိ

အောက်တိုဘာလ ၁၈ ရက်နေ့နှင့် ၁၉ ရက်နေ့တို့တွင် စစ်အာဏာသိမ်းသည့်အချိန်မှစ၍ ဖမ်းဆီးခံထားရသော နိုင်ငံရေးအကျဥ်းသား ၅၀၀၀ ကျော်ကို ပြန်လွတ်ပေးမည်ဟု စစ်ကောင်စီမှ ကြေငြာခဲ့သည်။  ထိုကဲ့သို့သော ဆုံးဖြတ်ချက်ချခြင်းသည် တိုက်ဆိုင်မှုမဟုတ်ဘဲ အရှေ့တောင်အာရှနိုင်ငံများအသင်း (အာဆီယံ) မှ ယခုလနှောင်းပိုင်းတွင်ကျင်းပမည့် ထိပ်သီးအစည်းအဝေးများသို့ စစ်ကောင်စီအား ဖိတ်ကြားရန် ငြင်းဆိုပြီးချိန်နှင့် မကြာမီ ကျရောက်မည့် မြန်မာတို့၏ရိုးရာ သီတင်းကျွတ်ပွဲတော် ကာလအတွင်းတွင် ပြန်လွတ်ပေးသောကြောင့် တိုက်ဆိုင်မှုသက်သက် မဟုတ်ဘဲ နိုင်ငံရေး အရသာ လွတ်ပေးခြင်းဖြစ်သည်။ အကြမ်းဖက်စစ်ကောင်စီသည် အရပ်သားပြည်သူများကို ကာကွယ်ရန် လုံး၀ ပျက်ကွက်ခဲ့သည်။ ဘုံသဘောတူညီချက် ၅ ချက်ကို အကောင်အထည်ဖော်ရန် စစ်ကောင်စီမှ သဘောတူခဲ့သော်လည်း ၎င်းတို့၏ကတိက၀တ်ကို အကောင်အထည်ဖော်ဆောင်ခဲ့ခြင်းမရှိပါ။ စစ်ကောင်စီသည် နိုင်ငံတကာအသိုင်းအ၀ိုင်းထံမှ ငွေကြေး ၊ လက်နက်နှင့် တရား၀င်မှုရရန် ကြိုးပမ်းနေသည်ဟု ကုလသမဂ္ဂအထူးကိုယ်စားလှယ် […]

,

ဖမ်းဆီးခံထားရသည့် ကိုဂျင်မီ မင်္ဂလာဒုံ စစ်ဆေးရုံ၌ အရေးပေါ်ကုသမှု ခံနေရ

စစ်ကောင်စီက ဖမ်းဆီးထားသည့် ၈၈ မျိုးဆက် ကျောင်းသား ခေါင်းဆောင် ကိုဂျင်မီ (ခေါ်) ဦးကျော်မင်းယုသည် မင်္ဂလာဒုံ စစ်ဆေးရုံတွင် အရေးပေါ်ကုသမှု ခံယူနေရဆဲဖြစ်ပြီး စိုးရိမ်ရသည့် အခြေအနေရှိကြောင်းသိရသည်။ အောက်တိုဘာလ ၂၃ ရက် ည ၉ နာရီခန့်က ရန်ကုန်တိုင်း မြောက်ဒဂုံမြို့နယ်ရှိ နေအိမ်တလုံးတွင် ကိုဂျင်မီကို စစ်ကောင်စီ က အင်အားအလုံးအရင်းဖြင့် ဝင်ရောက်ဖမ်းဆီးခဲ့ခြင်းဖြစ်ပြီး၊ ဖမ်ဆီးမှုတွင် ကိုဂျင်မီ၏ ဦးခေါင်းထိခိုက်သွားကာ အသက် အန္တရာယ် စိုးရိမ်ရသည့်အခြေအနေမျိုးဖြစ်ကြောင်း၊ ထိခိုက်ခဲ့ရသည့် အသေးစိတ်ဖြစ်စဉ်ကိုမူ မသိရှိရသေးကြောင်းနှင့် နောက်ဆက်တွဲ အခြေအနေများနှင့် ပတ်သက်ပြီး စစ်ကောင်စီတွင် တာဝန်ရှိပြီး တာဝန်ယူရမည်ဖြစ်ကြောင်း ကိုဂျင်မီ၏ ဇနီး မနီလာသိန်းက ဆိုသည်။ “နောက်ဆုံးအခြေအနေကတော့ မင်္ဂလာဒုံ စစ်ဆေးရုံမှာ ရှိတယ်ကြားတယ်။ စိုးရိမ်ရတဲ့ အနေအထားတော့ ရှိတယ်၊ […]