Entries by ndb14

,

ဟုမ္မလင်းမြို့တွင် CDM ကျောင်းဆရာမ ပစ်သတ်ခံရ

စစ်ကိုင်းတိုင်း၊ ဟုမ္မလင်းမြို့မှ ဒလန်ဟု သတင်းကြီးသူ လုပ်ကြံခံရသည့်နေ့တွင် သေနတ်သမား ၃ ဦးက ဆန္ဒပြခေါင်းဆောင်တစ်ဦး၏ နေအိမ်သို့ သွားရောက်ပြီး ပစ်ခတ်ခဲ့သည်။ စစ်ကိုင်းတိုင်း၊ ဟုမ္မလင်းမြို့ ဆန္ဒပြပွဲဦးဆောင်သူတစ်ဦးဖြစ်သည့် ကိုကျော်ဝင်းစိန်က သူ၏ နေအိမ်ကို ယမန်နေ့ (အောက်တိုဘာ ၂၄) ညနေပိုင်းတွင် သေနတ်သမား ၃ ဦး ရောက်လာပြီး ပစ်ခတ်ရာ မရီးဖြစ်သူ ကျောင်းဆရာမ သေဆုံးသွားသည်ဟု ပြောသည်။ အာဏာဖီဆန်ရေးလှုပ်ရှားမှု (CDM) တွင် ပါဝင်သူ အသက် ၃၀ ဝန်းကျင် ဆရာမ ဒေါ်မေနှင်းအေးမှာ ဝရန်တာ၌ ထိုင်နေစဉ် ခြေထောက်၊ လက်နှင့် ရင်ဘတ်တို့တွင် ကျည်ထိမှန်သဖြင့် ပွဲချင်းပြီး သေဆုံးသွားခဲ့ခြင်းဖြစ်သည်ဟု ဆိုသည်။ အဆိုပါနေအိမ်တွင် မိဘနှစ်ဦး၊ အစ်ကိုဖြစ်သူတို့လင်မယားနှင့် ၎င်းတို့၏ တစ်နှစ်အရွယ် သားငယ်တစ်ဦးတို့ နေထိုင်ကြခြင်း ဖြစ်သည်။ ညနေ ၆ နာရီခွဲခန့်က အဖြူရောင်ကားဖြင့် ရောက်လာသော အမျိုးသား […]

,

ဟားခါးမှ ဖလမ်းသို့ ပြန်လာသည့် စစ်ကြောင်း နေအိမ် ၁၃ လုံး မီးရှို့

စစ်သည် ၂၀၀ ဝန်းကျင်ပါသည့် စစ်ကြောင်းက ဟားခါး -ဖလမ်း လမ်းတစ်လျှောက်ကျေးရွာများကို အသွားရောအပြန်ပါ ဖျက်ဆီးလုယက်ကြသည်ဟု ဒေသခံများထံမှ သိရသည်။ ချင်းပြည်နယ်၊ ဟားခါးမြို့မှ ဖလမ်းမြို့ဘက်သို့ ပြန်ဦးတည်လာသည့် စစ်ကောင်စီတပ်ယာဉ်တန်းသည် ယနေ့ (အောက်တိုဘာ ၂၅) နံနက်ပိုင်းတွင် တားလ်နှင့် တလန်ရောန်ကျေးရွာရှိ နေအိမ် ၁၃ လုံးကို မီးရှို့ဖျက်ဆီးသွားသည်။ ဖလမ်းမြို့နယ်၊ တားလ်ကျေးရွာကို ယမန်နေ့ ညနေက ရောက်ရှိလာပြီး စခန်းချခဲ့ကာ သံချပ်ကာယာဉ်နှစ်စီးနှင့် စစ်ကား အစီး ၅၀ ဝန်းကျင်ပါ ထိုယာဉ်တန်းမှ စစ်သားများသည် ပြန်လည်ထွက်ခွာသည့် ယနေ့ နံနက် ၇ နာရီခန့်တွင် နေအိမ်များကို မီးရှို့ကြသည်ဟု ချင်းအမျိုးသားကာကွယ်ရေးအဖွဲ့ (CNDF) ပြောရေးဆိုခွင့်ရှိသူထံမှ သိရသည်။ “တားလ်ကျေးရွာကို မီးရှို့ကြတယ်။ ၁၀ အိမ်မီးရှို့တယ်။ ၂ အိမ်ကတော့ သူတို့ထွက်သွားတဲ့အချိန်မှာ ရွာသားတွေ ပြန်ငြှိမ်းသတ်နိုင်ခဲ့တဲ့အတွက် ၈ […]

,

PDF နှင့် ရွာသားများကို “ရှင်းလင်းရန်” ဒုဗိုလ်ချုပ်မှူးကြီးစိုးဝင်း ညွှန်ကြား

ယခုအခါ စစ်ကောင်စီ ခေါင်းဆောင်များသည် ကျေးလက်ဒေသမှ ကြီးထွားလာနေသော လက်နက်က်ိုင်ခုခံမှုနှင့် ပြည်သူ့ကာကွယ်ရေးတပ် (PDF) လှုပ်ရှားမှုကို အာရုံစ်ိုက်နေကြောင်း နေပြည်တော်ရှိ စစ်ဖက်လုံခြုံရေးရာ အသိုက်အဝန်းနှင့် နီးစပ်သည့် သတင်းရင်းမြစ်များက ပြောသည်။ ပြည်သူ့ကာကွယ်ရေးတပ်များနှင့် ရွာသားများကို “ရှင်းလင်းရန်” အမိန့်ကို ယခုလအတွင်း ထုတ်ပြန်ခဲ့ကြောင်း သိရသည်။ ထိုကိစ္စကို သိရှိသော သတင်းရင်းမြစ်များ၏ အဆိုအရ အောက်တိုဘာလ ၁၃ ရက်နေ့တွင် ဒု ဗိုလ်ချုပ်မှူးကြီး စိုးဝင်းက PDFs များကို အမြစ်ဖြတ် ချေမှုန်းရန် သူ၏တပ်မှူးများနှင့် တပ်ဖွဲ့များအားလုံးကို အမိန့်ထုတ်ပြန်ကြောင်း သိရသည်။ ထိုသို့ အမြစ်ဖြတ် ချေမှုန်းရန် အမိန့်နှင့်အတူ စိုးဝင်းက ရွာသားများနှင့် PDF များ ဆက်သွယ်ခြင်းကို တားမြစ်သည့် အမိန့်နှင့် ထိုအမိန့်ကို မလိုက်နာပါက ပြင်းထန်စွာ […]

စစ်အာဏာသိမ်းပြီးနောက် မြန်မာနိုင်ငံ လူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် အောက်တိုဘာလ ၁၁ ရက်နေ့ မှ ၁၇ ရက်နေ့အထိ

ဆယ်စုနှစ်များစွာ အလိမ်အညာများ၊ ငြင်းဆိုမှုများ နှင့် အမှန်တရားကိုဖုံးကွယ်သော လုပ်ကြံလီဆယ်မှုများကို မြန်မာ့အကြမ်းဖက်ကောင်စီ အမှီလိုက်နေသည်။ နိုင်ငံတကာအသိုင်းအ၀ိုင်း၏ သံတမန်ရေးရာ အခန်းကဏ္ဍသို့ မြေပြင်ပေါ်မှ​ သိရှိထားသော အခြေအနေမှန်များနှင့် ပြည်သူတို့၏ အသံကို မြှင့်တင်ကြားသိစေခဲ့သည်။​ လာမည့်အောက်တိုဘာလ ၁၅ ရက်နေ့တွင် အရှေ့တောင်အာရှနိုင်ငံများအသင်း ​(ASEAN) နိုင်ငံခြားရေး ၀န်ကြီးများသည် ယခုနှစ်အစောပိုင်း ဧပြီလ ၂၄ ရက်နေ့ ဂျကာတာတွင် ကျင်းပခဲ့သော အာဆီယံ ထိပ်သီးအစည်းအ၀ေး တွင် ချမှတ်ခဲ့သည့် အာဆီယံဘုံသဘောတူချက်ကို အာဏာသိမ်းခေါင်းဆောင် မင်းအောင်လှိုင်မှ လိုက်နာမှု မရှိသောကြောင့် မြန်မာ့နိုင်ငံရေး အကျပ်အတည်းဆိုင်ရာ အရေးပေါ်အထူးအစည်းအ၀ေးကို  အောက်တိုဘာလ ၁၅ ရက်နေ့တွင်  ကျင်းပခဲ့သည်။ မြန်မာနိုင်ငံတွင်း ဖြစ်ပွားနေသော ခွဲခြားမှုမရှိသည့် အကြမ်းဖက်မှုများကို ထိန်းချုပ်ရန် ပြည်တွင်း၊ ဒေသတွင်းနှင့် နိုင်ငံတကာတာဝန်ခံမှု ယန္တရားများ […]

,

ဂန့်ဂေါတွင် မြစ်ရေကြီးမှုကြောင့် စစ်ဘေးရှောင်ပြည်သူများ ရေဘေးပါရှောင်နေရ

By ဧရာဝတီ 18 October 2021 မိုးသည်းထန်စွာ ရွာသွန်းမှုကြောင့် မကွေးတိုင်း၊ ဂန့်ဂေါမြို့နယ်တွင် မြစ်သာမြစ်ရေ မြင့်တက်လာပြီး စစ်ဘေးရှောင် နေသည့် ဒေသခံ ပြည်သူများ ရေဘေးပါ ထပ်မံ တိမ်းရှောင်နေရကြောင်း ဒေသခံသတင်းရင်းမြစ်များထံမှ သိရသည်။ စစ်ကောင်စီက ရွာအတွင်း မကြာခဏ ဝင်ရောက်စီနင်းပြီး နေအိမ်များ မီးရှို့ခံရသည့် နှမ်းခါးရွာတွင် ဒေသခံပြည်သူ ထောင်နှင့်ချီကာ မြစ်သာမြစ် တဖက်ကမ်းတွင် စစ်ဘေးရှောင်နေရခြင်း ဖြစ်ပြီး မြစ်ရေ မြင့်တက်လာမှုကြောင့် ထပ်မံ ရှောင်တိမ်းနေရခြင်း ဖြစ်ကြောင်း ဒေသခံများ၏ ပြောပြချက်အရ သိရသည်။ မိုးသည်ထန်စွာ ရွာသွန်းမှုကြောင့် မြစ်သာမြစ်ရေမြင့်တက်နေပြီး မြစ်သာတမံရေပိုလွှဲမှလည်း အမြင့် ၅ ပေထက် မနည်း ရေလျှံကျနေကြောင်း သိရသည်။ စစ်ဘေးရှောင်တွေ ရေကြီးမှုနှင့်ပါ ရင်ဆိုင်နေရ နှမ်းခါးရွာ ဒေသခံတဦးက “မြစ်သာမြစ်ရိုး […]

,

မိတ္ထီလာ NLD လွှတ်တော်အမတ်ကို ထောင်ကလွှတ်ပေးပြီးနောက် မြို့နယ်ရဲစခန်းသို့ခေါ်ဆောင်သွား

မန္တလေးတိုင်း၊ မိတ္ထီလာမြို့နယ် အမျိူးသားဒီမိုက ရေစီအဖွဲ့ ချုပ် မဲဆန္ဒနယ်အမှတ်(၁)မှ တိုင်းဒေသကြီးလွှတ်တော်ကိုယ်စားလှယ် ဦးလွင်မောင်မောင်အား ယ နေ့ အောက်တိုဘာလ ၁၈ ရက် ညနေ ၆ နာရီဝန်းကျင်တွင် မိတ္ထီလာထောင်ဘူးဝရှေ့မှ လက်ထိပ်ခတ် ၍ အမှတ် ၁ မြို့နယ်ရဲစခန်းသို့ ခေါ်ဆောင်သွားကြောင်း ၎င်းနှင့်ဆွေမျိူးနီးစပ်သူ တစ်ဦးက မဇ္ဈိမသို့ပြောသည်။ “ထောင်ရှေ့သွားစောင့်တော့ သူ့ကို(ဦးလွင်မောင်မောင်)ကို လွှတ်မယ့်ပုံစံနဲ့ တခြားလွှတ်မယ့်သူတွေနဲ့ အတူမြင်လိုက်တယ်။ ဒါပေမယ့် ကျန်တဲ့သူတွေကိုလွှတ်ပြီး သူအပါအဝင် ၁၀ ယောက်ကို မလွှတ်ဘဲ ထောင်အဝကနေ ရဲစခန်းကိုတန်းခေါ်သွားတာ။ ဘာကြောင့်မှန်းလဲမသိရဘူး။ ရဲစခန်းအထိ ကျွန်တော်တို့လည်းလိုက်သွားတော့ ဟိုရောက်တော့ လူတစ်ယောက်စခန်းရှေ့ကထွက်လာတယ် ရုတ်ရုတ်နဲ့မလုပ်နဲ့ဆိုပြီးအော်တာ မိသားစုဝင်တွေစောင့်ကြတာ စကားပြောခွင့်တောင်မရဘူး။ ကျွန်တော်လည်းမိုးချုပ်တော့အဝေးကြီးပြန်ရမှာမို့ ဆက်မစောင့်တော့ပဲပြန်လာတာ”ဟု ၎င်းက မဇ္ဈိမကိုပြောသည်။ ယနေ့အကြမ်းဖက်စစ်ကောင်စီမှ မိတ္ထီလာအကျဉ်းထောင်အတွင်း နိုင်ငံရေအကျဉ်းသား အမျိူးသား […]

,

“မြို့ပေါ်မှာ ဘယ်သူမှ မရှိလို့ မနေရဲတာ”- ထန်တလန်စစ်မြေပြင်က ဒုက္ခသည်များ

စစ်မီး ပိုကြီးလာဖွယ်ရှိနေသည့် ချင်းပြည်နယ်၊ ထန်တလန်မြို့ပေါ်မှ တိမ်းရှောင်ရသူ ၇၀၀၀ ကျော်သည် နယ်စပ်ကျေးရွာများတွင် သောင်တင်နေကြပြီး ဆက်လက်ရှင်သန်ရေးအတွက် ခက်ခဲလာသည်။ စက်တင်ဘာ ၁၈ ရက်နေ့က ထန်တလန်မြို့တွင်း လက်နက်ကြီးကျည်ထိသော နေအိမ်များ မီးလောင်ပြီးနောက် အသက် ၅၇ အရွယ် ပင်စင်စား သူနာပြု ဒေါ်နူးထာ၏ ထန်တလန်မြို့ နေအိမ်ရှေ့တွင် သေနတ်သံများ ထွက်ပေါ်လာသည်။ မီးငြှိမ်းသတ်ရန် ဆိုင်ကယ်ဖြင့် ရောက်လာသော ခရစ်ယာန်သင်းအုပ်ဆရာ ဦးကျုံးဗျက်ဟုမ်းကို စစ်ကောင်စီတပ်သားများက ပစ်ခတ်ရာမှ ထွက်ပေါ်လာသော သေနတ်သံများ ဖြစ်သည်။ စစ်သားတို့က သင်းအုပ်ဆရာ၏ လက်ချောင်းကို ဖြတ်ပြီး လက်ထပ်လက်စွပ်နှင့် နာရီတို့ကို ယူဆောင်သွားသည်ဟု ဒေသခံတို့ကို ကိုးကားပြီး ချင်းနှင့် ကချင် နှစ်ခြင်းခရစ်ယာန်အဖွဲ့ချုပ်များက သတင်းထုတ်ပြန်သည်။ လူနေရပ်ကွက်များအတွင်း တိုက်ပွဲရောက်လာသောကြောင့် ဒေါ်နူးထာအပါအဝင် ဒေသခံတို့သည် မြို့ကို စွန့်ခွာပြီး နယ်စပ်ဒေသ ကျေးရွာများတွင် ရောက်ရှိ […]

,

နှစ်လအတွင်း အဆောက်အအုံ ၂၀၀ နီးပါး ဖျက်ဆီးခံရကြောင်း ချင်းလူ့အခွင့်အရေးအဖွဲ့ ထုတ်ပြန်

ပြီးခဲ့တဲ့ သြဂုတ်နဲ့ စက်တင်ဘာ နှစ်လအတွင်း ချင်းတိုင်းရင်းသားတွေ အများစု နေထိုင်ကြတဲ့ ချင်းပြည်နယ်၊ စစ်ကိုင်းနဲ့ မကွေးတိုင်းတွေမှာ စစ်တပ်က လူပေါင်း ၁၀၀ ကျော် ဖမ်းဆီးခဲ့ပြီး လူနေအိမ်တွေနဲ့ ဘာသာရေး အဆောက်အအုံပေါင်း ၂၀၀ နီးပါး ဖျက်ဆီးခံခဲ့ရသလို လူ ၈၀၀၀ လောက်လည်း အိုးအိမ်စွန့်ခွာ ထွက်ပြေး နေရတယ်လို့ ချင်းလူ့အခွင့်အရေးအဖွဲ့ CHRO က အောက်တိုဘာ ၁၅ ရက်စွဲနဲ့ ထုတ်ပြန်လိုက်ပါတယ်။ ချင်းပြည်နယ် ဟားခါး၊ ဖလမ်း၊ ထန်တလန်၊ မင်းတပ်၊ မတူပီ စတဲ့ မြို့နယ်တွေအပြင် မကွေးနဲ့ စစ်ကိုင်းတိုင်း အစပ်မှာနေထိုင်တဲ့ ချင်းတိုင်းရင်းသား လူ့အခွင့်အရေး ချိုးဖောက်ခံနေရတဲ့ အခြေအနေတွေကို ချင်းလူ့အခွင့်အရေးအဖွဲ့က စာရင်းပြုစုထားတာ ဖြစ်ပါတယ်။ ဒီဒေသတွေမှာ ဖြစ်ပျက်နေတာတွေကို နိုင်ငံတကာက […]

စစ်အာဏာသိမ်းပြီးနောက် မြန်မာနိုင်ငံလူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် အောက်တိုဘာလ ၄ ရက်နေ့မှ ၁၀ ရက်နေ့အထိ

စက်တင်ဘာလအတွင်းတွင် စိုးရိမ်ဖွယ်ကောင်းသော မှတ်တိုင်တစ်ခုကို ဖြတ်ကျော်ခဲ့ပြီးဖြစ်သည်။​ စက်တင်ဘာလကုန်အတွင် စစ်ကောင်စီ၏ အသိဉာဏ်မဲ့သော အင်အားသုံး အကြမ်းဖက် လုပ်ရပ်ကြောင့် ကလေးသူငယ်နှင့် သက်ကြီးပိုင်းအပါအ၀င် လူပေါင်း ၁၀၀ နီးပါး အသတ်ခံခဲ့ရသည်။​ လူ့အခွင့်အရေးမှတ်တမ်းကွန်ရက်(မြန်မာနိုင်ငံ) အဖွဲ့၀င်များသည် အကြမ်းဖက်စစ်ကောင်စီ ကျူးလွန်လျက်ရှိသော လူ့အခွင့်အရေးချိုးဖောက်မှုများကို အသက်စွန့်ကာ မှတ်တမ်းရယူနေသည်။ ချင်းလူ့အခွင့်အရေးအဖွဲ့ (CHRO) မှ ရက်စက်ကြမ်းကြုတ်သော အကြမ်းဖက်မှု ဖြစ်ပွားနေသည့် အခြေအနေများကို မီးမှောင်းထိုးကာ မြေပြင်မှ နောက်ဆုံးရ အခြေအနေများကို ပုံမှန်တင်ပြပေးနေသည်။  အင်တာနက်ဖြတ်တောက်မှုများကြောင့် အရပ်သားများ ထွက်ပြေးနေကြသည်။ ပစ္စည်းများကို ပြန်ယူရန် နေရပ်သို့ စွန့်စားကာ ပြန်သွားသော အရပ်သားများသည် တိုက်ပွဲများအတွင်း အသတ်ခံနေရသည်။ အမှောင်ထု၏ နောက်ကွယ်တွင် စစ်ကောင်စီသည် ချိုးဖောက်မှုများကို ပို၍ ကျယ်ကျယ်ပြန့်ပြန့် စနစ်တကျ ကျူးလွန်ရန် အလားအလာ […]

, ,

စစ်တပ်ဝင်သည့် ကန့်ဘလူမြို့တွင် ရွာသား ရိုက်နှက်ခံရ၊ ပစ္စည်းတချို့ပျောက်

ပုဏ္ဏားကြီးကျေးရွာကို ရောက်သွားသော စစ်ကောင်စီတပ်များက အမျိုးသားတစ်ဦးကို ဖမ်းဆီးရိုက်နှက်ကာ NLD ခေါင်းဆောင်တို့၏ နေအိမ်များကို ပြသခိုင်းခဲ့သည်။ စစ်ကိုင်းတိုင်း၊ ကန့်ဘလူမြို့နယ် မြောက်ဘက် မိုင် ၃၀ ခန့်အကွာရှိ ပုဏ္ဏားကြီးကျေးရွာကို ယမန်နေ့ (အောက်တိုဘာ ၁၀) မနက်ပိုင်းက ရောက်သွားသော စစ်ကောင်စီတပ်များက နေအိမ် ၆ လုံးခန့်ကို ဝင်ရောက်စီးနင်းရှာဖွေကာ ရွာသားတစ်ဦးကို ရိုက်နှက်ခဲ့သည်ဟု ဒေသခံ ၂ ဦးထံမှ သိရသည်။ သေနတ်ပစ်ဖောက်ဝင်ရောက်လာသည့် စစ်ကောင်စီတပ်သား ၅၀ ခန့်က ဒေသခံ ပြည်သူ့ကာကွယ်ရေးတပ်ဖွဲ့ (PDF) ဦးဆောင်သူများကို လာရောက်ရှာဖွေသည်ဟု ဆိုကာ အိမ်များအတွင်း မွှေနှောက်ဖျက်ဆီးပြီး ပစ္စည်းတချို့ ယူဆောင်သွားကြသည်ဟု အမျိုးသမီးတစ်ဦးက Myanmar Now ကို ပြောသည်။ “အစ်မတို့အိမ်ကတော့ ဘာမှ အများကြီး မပါသွားဘူး။ ပစ္စည်းတွေ […]