Entries by ndb14

အိုးဘိုထောင်မှာ ငလျင်ကြောင့် ထိခိုက်၊ သေဆုံးသူ ၃၀၀ ကျော်ရှိ

မန္တလေးမြို့ အိုးဘိုအကျဉ်းထောင်မှာ ငလျင်ကြောင့် အကျဉ်းသား ၃၀ ထက်မနည်းသေဆုံးပြီး ဒဏ်ရာရသူ ၂၈၀ ဦးရှိတယ်လို့ နိုင်ငံရေးအကျဉ်းသားအရေးဆောင်ရွက်နေတဲ့ အဖွဲ့အစည်း(၇)ဖွဲ့က ဧပြီလ ၂၀ ရက်မှာ သတင်းထုတ်ပြန်ပါတယ်။ သေဆုံးသူတွေထဲ နိုင်ငံရေးအကျဉ်းသားဆယ်ဦး၊ နိုင်ငံရေးအကျဉ်းသူ ဆယ်ဦး နဲ့ အခြားအကျဉ်းသား ၁၀ ဦး ပါဝင်တယ်လို့ ဆိုပါတယ်။ ဒါ့အပြင် နောက်ထပ် ဒဏ်ရာရသူ ၂၈၀ ကျော် ရှိပြီး ဒီအရေအတွက်ဟာ စနစ်တကျပြုစုထားနိုင်တဲ့ အရေအတွက်ဖြစ်သလို နောက်ထပ်လည်း တိုးလာနိုင်တယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM) တည်ထောင်သူ ကိုသိုက်ထွန်းဦးက RFA ကိုပြောပါတယ်။ “မျက်မြင်တွေ့ရှိမှု အရေအတွက်နဲ့ အတည်ပြုထားနိုင်ပြီးသား အချက်အလက်တွေအပေါ်မှာ အခြေတည်ပြီးတော့ ပြောတာဖြစ်ပါတယ်။ နိုင်ငံတကာအနေနဲ့လည်း မြန်မာငလျင်ကို အာရုံစိုက်နေတဲ့နည်းတူ အကျဉ်းထောင်တွေကိုလည်း ချန်မထားဖို့အဓိက ရည်ရွယ်ပါတယ်” အိုးဘိုအကျဉ်းထောင်ဟာ ငလျင်ကြောင့် […]

သတင်းစာဆရာ ဦးဟံသာညိန်းနဲ့ ဒါရိုက်တာစတီးတို့ ပြန်လွတ်လာ

ရန်ကုန်မြို့ အင်းစိန်အကျဉ်းထောင်မှာ အကျဉ်းကျခံနေရတဲ့ ကမာရွတ်မီဒီယာပူးတွဲတည်ထောင်သူ အယ်ဒီတာချုပ် ဦးဟံသာညိန်းနဲ့ ဒါရိုက်တာစတီးတို့ စစ်ကောင်စီရဲ့ လွတ်ငြိမ်းသက်သာခွင့်အမိန့်နဲ့ ဧပြီလ ၁၇ ရက် ဒီနေ့ ပြန်လွတ်လာကြတယ်လို့ သူ့ရဲ့မိတ်ဆွေတွေကပြောပါတယ်။ ပြန်လွတ်လာတဲ့ ဦးဟံသာညိန်းဟာ ကျန်းကျန်းမာမာရှိနေတယ်လို့ သူ့ရဲ့လုပ်ဖော်ကိုင်ဖက်တစ်ဦးဖြစ်တဲ့ ဦးနေသန်မောင်က RFA ကိုပြောပါတယ်။ “လေးနှစ်ကျော်လောက် စောင့်ခဲ့ရတာဆိုတော့ ကျွန်တော်တို့လည်း ဝမ်းသာတာပေါ့ဗျာ။ သူကျန်းကျန်းမာမာ ရှိပါတယ်ဗျ” မြန်မာနိုင်ငံမှာ စစ်တပ်ကအာဏာသိမ်းပြီးနောက် ၂၀၂၁ ခုနှစ် မတ်လ ၉ ရက်နေ့က ရန်ကုန်မြို့က ကမာရွတ်မီဒီယာရုံးခန်းကို စစ်ကောင်စီတပ်က ဝင်ရောက်စီးနင်းပြီးနောက် ဦးဟံသာညိန်းဟာ ဦးနေသန်မောင်အတူ ဖမ်းဆီးခံခဲ့ရတာပါ။ အမေရိကန်နိုင်ငံသားခံယူထားတဲ့ ကမာရွတ်မီဒီယာတည်ထောင်သူ ဦးနေသန်မောင်ကို ၂၀၂၁ ခုနှစ် ဇွန်လမှာ စစ်ကောင်စီက ပြန်လွှတ်ပေးခဲ့ပေမယ့် ဦးဟံသာညိန်းကိုတော့ ၂၀၂၂ ခုနှစ် မတ်လ ၂၁ ရက်နေ့က […]

အင်းတော်တိုက်ပွဲက ဖမ်းမိ စစ်သုံ့ပန်းတွေကို စစ်ဆေး အရေးယူမယ်လို့ NUG ထုတ်ပြန်

စစ်ကိုင်းတိုင်း အင်းတော်မြို့ သိမ်းတိုက်ပွဲအတွင်း စခန့်စွန့်လွှတ် ဆုတ်ခွာထွက်ပြေးသွားတဲ့ တပ်မ ၇၇ တပ်မမှူး ဗိုလ်မှူးချုပ် အောင်သက်ဦး ကို ဖမ်းမိခဲ့ကြောင်း၊ သူ နဲ့ အတူ တပ်သားတွေကို စစ်ဆေးနေပြီး အရေးယူမှုတွေ ဆက်လက်ဆောင်ရွက်သွားမှာဖြစ်ကြောင်း အမျိုးသားညီညွတ်ရေးအစိုးရ NUG က ထုတ်ပြန်ပါတယ်။ လက်ရှိအချိန်မှာ ဖမ်းဆီးရမိထားတဲ့သူတွေကို စစ်သုံ့ပန်းဆိုင်ရာ မူဝါဒနဲ့အညီ ထိန်းသိမ်းထားပြီး စစ်ဆေးနေကြောင်း NUG ဝန်ကြီးချုပ်ရုံး ပြောခွင့်ရသူ ဦးနေဘုန်းလတ်က ပြောပါတယ်။ အင်းတော်မြို့သိမ်းတိုက်ပွဲအတွင်း စစ်ကောင်စီတပ်ဖွဲ့ဘက်က ဟောင်ဝစ်ဇာ (၂) လက်၊ ၁၂၀ မမ (၂) လက် အပါအဝင် လက်နက်ကြီး၊ လက်နက်ငယ် နဲ့ ခဲယမ်းမီးကျောက် အမြောက်အမြား သိမ်းပိုက် ရရှိခဲ့တယ်လို့ NUG ကာကွယ်ရေး ဝန်ကြီးဌာနကလည်း ထုတ်ပြန်ပါတယ်။ […]

ငလျင်ဒဏ်ခံနေရချိန် စစ်တပ်က ဗုံးကြဲမှု လုံးဝ လက်ခံနိုင်စရာမရှိဟု ကုလကိုယ်စားလှယ်ပြော

မြန်မာနိုင်ငံမှာ အင်အားပြင်းငလျင်ကြောင့် သေဆုံးသူ အရေအတွက် ၁,၆၀၀ ကျော်လာချိန်မှာ စစ်ကောင်စီတပ်က နိုင်ငံအနှံ့ လေကြောင်းကနေ ဗုံးဆက်ကြဲနေတာဟာ “လုံးဝ တရားလွန်တဲ့ကိစ္စ၊ လက်ခံနိုင်စရာမရှိတဲ့ကိစ္စ” ဖြစ်တယ်လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် တွမ်အန်ဒရူးစ်က ဝေဖန်လိုက်ပါတယ်။ ငလျင်ကြီးလှုပ်ပြီးတဲ့နောက် ပြည်သူတွေကိုကယ်ဖို့ ကြိုးစားရမယ့်အချိန်မှာ စစ်တပ်က ဗုံးတွေ ကြဲနေတာဟာ အင်မတန်ကို အံ့အားသင့်စရာကောင်းတယ်လို့ တွမ်အန်ဒရူးစ်က BBC သတင်းဌာန ကို ပြောပါတယ်။ စစ်တပ်အနေနဲ့ စစ်ဆင်ရေးအားလုံးကို ရပ်ဆိုင်းဖို့လည်း တောင်းဆိုလိုက်ပါတယ်။ “စစ်တပ်အပေါ် ဩဇာရှိတဲ့ ဘယ်သူမဆို ဖိအားပေးပြီး ဒါဟာ လက်ခံနိုင်စရာမရှိကြောင်း ရှင်းအောင်ပြောဖို့ လိုတယ်” လို့ လူ့အခွင့်အရေး အထူးကိုယ်စားလှယ် တွမ်အန်ဒရူးစ်က ပြောဆိုလိုက်ပြီး “စစ်ကောင်စီအနေနဲ့ စစ်ဆင်ရေးအားလုံး ရပ်လိုက်ဖို့ ကျနော်တောင်းဆိုပါတယ်” လို့ ဖြည့်စွက်ပြောပါတယ်။ […]

,

သတင်းထုတ်ပြန်ကြေညာချက် – မြန်မာနိုင်ငံရှိ ငလျင်ဒဏ်သင့် သက်ရှင်ကျန်ရစ်သူများနှင့် ထိခိုက်ခံစားရသည့် လူထုများအတွက် သဘာဝဘေးအန္တရာယ်ဆိုင်ရာ ကူညီကယ်ဆယ်ရေးအတွက် အရပ်ဘက်လူထုအဖွဲ့အစည်းများတောင်းဆို

၂၀၂၅ ခုနှစ်၊ မတ်လ၊ ၃၀ ရက်နေ့ သတင်းထုတ်ပြန်ကြေညာချက် မြန်မာနိုင်ငံရှိ ငလျင်ဒဏ်သင့် သက်ရှင်ကျန်ရစ်သူများနှင့် ထိခိုက်ခံစားရသည့် လူထုများအတွက် သဘာဝဘေးအန္တရာယ်ဆိုင်ရာ ကူညီကယ်ဆယ်ရေးအတွက် အရပ်ဘက်လူထုအဖွဲ့အစည်းများတောင်းဆို အကူအညီပေးရေးအဖွဲ့အစည်းများအနေဖြင့် ကယ်ဆယ်ရေးအကူအညီများကို စစ်အုပ်စု၏ အမြတ်ထုတ်မှု မရှိစေရေး သေချာစွာ လုပ်ဆောင်ရမည် ၂၀၂၅ ခုနှစ်၊ မတ်လ၊ ၂၈ ရက်နေ့တွင် ဖြစ်ပွားခဲ့သော ငလျင်ကြောင့် ပျက်ဆီးဆုံးရှုံးမှု ကြီးမားစွာ ကြုံတွေ့ခံစားနေရသော ထိုင်းနိုင်ငံနှင့် မြန်မာနိုင်ငံတဝှမ်း ပြည်သူလူထုများအတွက် အလွန်ပင်ဝမ်းနည်း ကြေကွဲရပါကြောင်း အောက်တွင်လက်မှတ်ရေးထိုးထားသော မိမိတို့ မြန်မာ၊ ဒေသတွင်းနှင့် နိုင်ငံတကာ အရပ်ဘက်လူထုအဖွဲ့အစည်း ၂၆၅ ဖွဲ့တို့မှ ထုတ်ဖော်ပြသအပ်ပါသည်။ မြန်မာနိုင်ငံတွင် စစ်အုပ်စုမှ မြန်မာပြည်သူများအပေါ် အကြမ်းဖက်လုပ်ဆောင်မှုများ မြင့်တက်လာနေချိန်တွင် နောက်ထပ်သော လူသားချင်းစာနာထောက်ထားမှုဆိုင်ရာ အကျပ်အတည်းတစ်ခုကို ရင်ဆိုင်နေရခြင်းဖြစ်ရာ နိုင်ငံတကာ အသိုင်းအဝိုင်းအနေဖြင့် […]

ငလျင်ဒဏ်အတွက် အရေးပေါ်အကူအညီများ ပေးမည်ဟု ကုလ၊ အီးယူနှင့် INGO အချို့ ကြေညာ

မြန်မာနိုင်ငံတွင် ယမန်နေ့ (မတ်လ ၂၈ရက်) က ဖြစ်ပွားခဲ့သည့် ငလျင်ကြောင့် ထိခိုက်မှုများအတွက် အရေးပေါ်အကူအညီ ယူရို ၂.၅ သန်း ကနဦးပေးအပ်သွားမည်ဟု ဥရောပသမဂ္ဂ (EU) က ထုတ်ပြန်ကြေညာလိုက်သည်။ ယခုပေးအပ်မည့် လူသားချင်းစာနာထောက်ထားမှုဆိုင်ရာ အကူအညီသည် မြန်မာနိုင်ငံအတွင်း ဖြစ်ပွားနေသည့် တိုက်ပွဲများကြောင့် နေရပ်စွန့်ခွာနေရသူများကို အဓိကထားကာ ထိခိုက်မှုအများဆုံး ကြုံတွေ့နေရသည့် မြန်မာနိုင်ငံမှ ပြည်သူများ၏ အသက်ကို ကယ်တင်ရန်နှင့် အရေးကြီး လိုအပ်ချက်များကို ကူညီဖြည့်ဆည်းပေးရန် ရည်ရွယ်ကြောင်း ထုတ်ပြန်ချက်တွင် ဖော်ပြထားသည်။ ဥရောပသမဂ္ဂသည် Copernicus ဂြိုလ်တုဝန်ဆောင်မှုကို အသုံးပြုကာ ထိခိုက်မှုများကို အကဲဖြတ် လေ့လာလျက်ရှိသည်။ “ယခုဖြစ်ပွားခဲ့သည့် အင်အားပြင်း ငလျင်၏ နောက်ဆက်တွဲအကျိုးဆက်များကို ခံစားနေရသော မြန်မာနိုင်ငံနှင့် ဒေသတွင်းရှိ ပြည်သူများနှင့်အတူ ဥရောပသမဂ္ဂက စည်းလုံးညီညွတ်စွာ ရပ်တည်နေပါသည်။ […]

“ပြည်သူလူထုအား ဖိနှိပ်အုပ်ချုပ်ရာတွင် တရားဥပဒေကို လက်နက်သဖွယ်အသုံးပြုခြင်း” အစီရင်ခံစာအား  နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) မှ မိတ်ဆက်တင်ပြခြင်း။

နိုင်ငံရေး အကျဉ်းသားများ ကူညီစောင့်ရှောက်ရေးအသင်းမှ ယနေ့ထုတ်ပြန်လိုက်သော အစီရင်ခံစာတွင်  အကြမ်းဖက်စစ်အာဏာရှင်မှ ကိုလိုနီခေတ်ကာလ ကတည်းက ပြဋ္ဌာန်းခဲ့သည့် ဖိနှိပ်ချုပ်ချယ်သည့်  ဥပဒေများကို ဆက်လက်ကျင့်သုံးခြင်း၊ ထပ်မံပြင်ဆင်ခြင်းနှင့် ဥပဒေအသစ်များရေးဆွဲ အတည်ပြုခြင်းတို့ကို ပြုလုပ်ကာ ၎င်းဥပဒေများကို လက်နက်သဖွယ်အသုံးချ၍  မြန်မာပြည်သူများအပေါ် အကြမ်းဖက်မှုနှင့် လူ့အခွင့်အရေး ချိုးဖေါက်မှုများကို စနစ်တကျ စဉ်ဆက်မပြတ် ကျူးလွန်နေသည့် အခြေအနေကို ရေးသား တင်ပြထားပါသည်။ “စစ်အာဏာရှင်တွေက မတရားတဲ့ဥပဒေတွေ၊ စစ်ကြောရေးစခန်းတွေ၊ အကျဉ်းထောင်တွေကို အသုံးချပြီး သူတို့ကို ပြည်သူလူထု မတော်လှန်ရဲအောင် အကြောက်တရားဝန်းကျင်ကို ဖန်တီးဖို့လုပ်ဆောင် နေကြ တယ်၊ တော်လှန်သူတွေကို နှိပ်စက်ညှဉ်းပမ်းဖို့ အသုံးချနေကြတယ်။ ဒါမျိုး မြန်မာနိုင်ငံ နယ်နိမိတ် အတွင်းမှာထပ်မဖြစ်အောင်ကြိုးစားကြရပါမယ်။ မိမိတို့ရဲ့ကိုယ်ပိုင်ထိန်းချုပ်နယ်မြေများမှာ အုပ်ချုပ်ရေး ယန္တရားတွေကို ဖေါ်ဆောင်နေကြတဲ့ အမျိုးသားညီညွတ်ရေးအစိုးရ (NUG) နဲ့ တိုင်းရင်းသားအုပ်စုများ […]

မြန်မာစစ်တပ်ရဲ့ အကြမ်းဖက်မှုတွေကို အရေးယူဖို့ ဗြိတိန်တိုက်တွန်း

မြန်မာနိုင်ငံမှာ အစုလိုက်အပြုံလိုက် ကွပ်မျက်မှုတွေ၊ အမျိုးသမီးတွေနဲ့ မိန်းကလေးငယ်တွေအပေါ် လိင်ပိုင်းဆိုင်ရာ အကြမ်းဖက်မှုတွေ ကျယ်ကျယ်ပြန့်ပြန့် ဖြစ်ပွားနေခြင်း၊ အာဏာသိမ်းပြီးနောက်ပိုင်း စစ်တပ်က နေအိမ် တစ်သိန်းကျော်နဲ့ အရပ်ဘက် အဆောက်အအုံတွေကို မီးရှို့ခြင်းစတဲ့ ကုလအထူးကိုယ်စားလှယ်ရဲ့ အစီရင်ခံစာအပေါ် ဗြိတိန်အစိုးရအနေနဲ့ အလွန်စိုးရိမ်ပူပန်ကြောင်း ပြောကြားလိုက်ပါတယ်။ ဆွစ်ဇာလန်နိုင်ငံ ဂျနီဗာမြို့မှာကျင်းပနေတဲ့ ၅၈ ကြိမ်မြောက် ကုလသမဂ္ဂ လူ့အခွင့်အရေးကောင်စီ ညီလာခံ မတ် ၂၀ ရက်နေ့အစည်းအဝေးမှာ ဗြိတိန်ကိုယ်စားလှယ် Eleanor Sanders က ပြောလိုက်တာပါ။ မြန်မာနိုင်ငံမှာ တိုက်ပွဲတွေ ပိုပြင်းထန်လာနေတာ၊ အထူးသဖြင့် ဖေဖော်ဝါရီ တစ်လတည်းမှာတင် လေကြောင်းတိုက်ခိုက်မှု သုံးရာကျော်ရှိခဲ့ပြီး အရပ်သားတွေ သေဆုံးတာ၊ ဆေးရုံနဲ့ စာသင်ကျောင်းတွေကို ပစ်မှတ်ထား တိုက်ခိုက်တာတွေအပေါ် အထူးစိုးရိမ်ထိတ်လန့်မိတယ်လို့ ဆိုပါတယ်။ နိုင်ငံတကာ အသိုင်းအဝိုင်းအနေနဲ့ မြန်မာစစ်တပ်ကို နိုင်ငံတကာဥပဒေ ချိုးဖောက်မှုတွေနဲ့ […]

စဉ့်ကူးလေကြောင်းတိုက်ခိုက်မှု အရပ်သား သုံးဦးသေ၊ ငါးဦးဒဏ်ရာရ

မန္တလေးတိုင်း စဥ့်ကူးမြို့နယ်ကို စစ်ကောင်စီတပ်က မတ်လ ၁၇ ရက်နေ့ ညနေမှာ လေကြောင်းတိုက်ခိုက်ခဲ့တာကြောင့် အရပ်သား သုံးဦးသေဆုံးပြီး ငါးဦး ထိခိုက်ဒဏ်ရာရခဲ့ပါတယ်။ စစ်ကောင်စီက ညနေ ၆ နာရီကျော်မှာ လက်ပံလှရွာကို လေကြောင်းတိုက်ခိုက်ခဲ့တာကြောင့် အမျိုးသမီးသုံးဦးသေဆုံးခဲ့တာလို့ ပြည်သူ့ကာကွယ်ရေးတပ်မတော်-မန္တလေး (MDY-PDF) ပြောရေးဆိုခွင့်ရှိသူ ကိုအော်စမွန်က RFA ကို ပြောပါတယ်။  “ပြည်သူ အမျိုးသမီး သုံးဦး သေဆုံးခဲ့ပြီး ထိခိုက်ဒဏ်ရာရသူ ပြည်သူ ငါးဦးရှိပါတယ်”  ထိခိုက်ဒဏ်ရာရသူတွေကို ဆေးကုပေး‌နေတယ်လို့ ဆိုပါတယ်။ ပြီးခဲ့တဲ့ မတ်လ ၁၄ ရက်နေ့ကလည်း လက်ပံလှရွာ ဈေးဆိုင်တန်းကို စစ်ကောင်စီတပ်ကလေကြောင်း တိုက်ခိုက်ခဲ့တာကြောင့် ကလေးခြောက်ဦးအပါအဝင် အရပ်သား ၂၇ ဦးသေဆုံးခဲ့ပါတယ်။ လေကြောင်းတိုက်ခိုက်မှုကြောင့် အရပ်သားတွေသေဆုံးဒဏ်ရာရတာနဲ့ ပတ်သက်ပြီး စစ်ကောင်စီပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို RFA က […]