Entries by ndb14

ရေစကြိုမြို့နယ်တွင် ရဲများ၏ ပစ်ခတ်စီးနင်းမှုကြောင့် တစ်ဦးသေဆုံး၊ ၄ ဦးအဖမ်းခံရ

ရေစကြိုမြို့တောင်ဘက် ငါးမိုင်ခန့်အကွာရှိ ဟင်္သာရွာတွင် ဩဂုတ် ၂၂ ရက်က ရဲများ၏ ပစ်ခတ်စီးနင်းမှုကြောင့် အသက် ၂၁ အရွယ်လူငယ်တစ်ဦး သေဆုံးပြီး အခြားလူငယ် ၄ ဦးအဖမ်းခံခဲ့ရသည် မကွေးတိုင်း ရေစကြိုမြို့နယ် ဟင်္သာရွာတွင် ရဲတပ်ဖွဲ့က လူနာတင်ယာဉ်ဖြင့် အယောင်ပြကာ ဝင်ရောက်ပစ်ခတ်ဖမ်းဆီးစဉ် လူငယ်တစ်ဦးသေဆုံးပြီး ၄ ဦးအဖမ်းခံခဲ့ရကြောင်း ဒေသခံနှစ်ဦးထံမှ သိရသည်။ ရေစကြိုမြို့တောင်ဘက် ငါးမိုင်ခန့်အကွာရှိ ဟင်္သာရွာမှ နေအိမ်တစ်လုံးကို ရဲတပ်ဖွဲ့က ယမန်နေ့ (ဩဂုတ် ၂၂) ညနေ ၃ နာရီခွဲခန့်တွင် ဝင်ရောက်ပစ်ခတ် ဖမ်းဆီးခဲ့ခြင်းဖြစ်ကြောင်း မျက်မြင်တွေ့ရှိသူ အမျိုးသမီးတစ်ဦးက Myanmar Now ကို ပြောသည်။ “လူနာတင်ကားလေးနဲ့ လာတာ။ ရဲဝတ်စုံနဲ့ ၁၀ ယောက်လောက်။ ကလေးတွေက ဂိမ်ဆော့တဲ့လူက ဆော့နေတာ။ အဲဒီအိမ်က အိမ်ထောင်ဦးစီးက စက်လာပြင်တဲ့သူရှိလို့ […]

August 23, 2021 by

စစ်အာဏာသိမ်းပြီးနောက် မြန်မာနိုင်ငံလူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် သြဂုတ် ၁၆ ရက်နေ့မှ ၂၂ ရက်နေ့အထိ

ဖေဖော်ဝါရီ ၂ ရက်နေ့ စစ်အာဏာသိမ်းပြီးနောက် အကြမ်းဖက်စစ်ကောင်စီလက်ချက်ဖြင့် အရပ်သားတစ်ထောင်ကျော် သတ်ဖြတ်ခြင်းခံခဲ့ရသည်။ လူ့အခွင့်အရေးမှတ်တမ်းကွန်ရက်-မြန်မာနိုင်ငံ(ND-Burma) ၏အဖွဲ့၀င် အဖွဲ့အစည်းဖြစ်သော နိုင်ငံရေးအကျဥ်သားများ ကူညီစောင့်ရှောက်ရေးအသင်း (AAPP) မှ  “စစ်တပ်မှ အာဏာရှိနေသမျှ လူငယ်များ၊ ကျွမ်းကျင်ပညာရှင်များဖြစ်သော ဆရာ၀န်များ၊ ကျောင်းဆရာများ၊ အမျိုးသား၊ အမျိုးသမီးများနှင့်ကလေးသူငယ်များကို ဆက်လက် သတ်ဖြတ်နေအုန်းမည်ဖြစ်သည်”ဟု စာနယ်ဇင်းရှင်းလင်းပွဲတွင် ပြောကြားခဲ့သည်။ လူသားမျိုးနွယ်အပေါ်ကျူးလွန်သည့် ရာဇ၀တ်များသည်လည်း ကူးစက်ရောဂါကြား တိုးလာလျက်ရှိပြီး နေ့စဥ်နှင့်အမျှ ဒါဇင်နှင့်ချီ သေဆုံးလျက်ရှိသည်။ အကြမ်းဖက်စစ်ကောင်စီ၏ ရက်စက်ကြမ်းကြုတ်မှုကိုပြသည့် စစ်ကိုင်းတိုင်းဒေသကြီး မင်းကင်းမြို့တွင် ဖြစ်ပွားခဲ့သော ဖြစ်ရပ်တစ်ခုတွင် မူးယစ်သောင်းကျန်းနေသည့် အကြမ်းဖက်စစ်ကောင်စီတပ်သားတစ်ဦးသည် အရပ်သားများကို ပရမ်းပတာပစ်ခတ်ခဲ့ပြီး အမျိုးသားတစ်ဦးကို နားထင်တွင် သေနတ်နှင့် တေ့ပစ်သတ်ခဲ့မှုကြောင့် ပွဲချင်းပြီးသေဆုံးခဲ့သည်။ စစ်ကိုင်းတိုင်းဒေသကြီးတွင်အကြမ်းဖက်စစ်တပ်ကို ချေမှုန်းရန်နှင့် ဖျက်သိမ်းရန် ကြိုးပမ်းအန်တုနေသော အတိုက်အခံအင်အားစုများပြားနေချိန် အကြမ်းဖက်စစ်ကောင်စီလက်နက်ကိုင်တပ်၏ တိုက်ခိုက်ခြင်းကို […]

August 23, 2021 by
,

ကနီဒေသ တဝိုက် အစုလိုက်အပြုံလိုက် သတ်ဖြတ်ခံရမှုများ

မြန်မာနိုင်ငံတွင် နှစ်ပေါင်း (၇၀) ကျော်ကြာ ဖြစ်ပွားနေသော ပြည်တွင်းစစ်အတွင်း တိုင်းရင်းသားပြည်သူ အများစု မှာ စစ်အုပ်စု၏ နယ်မြေရှင်းလင်းရေးမူဝါဒအောက်တွင် မတရား ညှဉ်းပန်းနှိပ်စက်ခံရခြင်း၊ တရားမဲ့ သတ်ဖြတ် ခံရခြင်း၊ အဓမ္မပြုကျင့်ခံရခြင်း၊ မြို့ရွာများကို မီးရှို့ခြင်း၊ အစုလိုက်အပြုံလိုက် သတ်ဖြတ်ခံရခြင်း၊ အတင်းအကြပ် နေရာရွှေ့ပြောင်းခံရခြင်း စသည်များကို ခံစားနေရကြရသည်။ ထိုအခြေအနေများကို နိုင်ငံတဝှမ်းရှိ လူ့အခွင့် အရေးအဖွဲ့အစည်းများနှင့် အရပ်ဘက် လူမှုအဖွဲ့အစည်းများမှ အစဉ်တစိုက် ထောက်ပြခဲ့ပြီး စစ်အုပ်စုအားအရေး ယူရန် တိုက်တွန်းချက်များ အကြိမ်ကြိမ်ပြုလုပ်ခဲ့ကြသည်။ ကုလသမဂ္ဂမှလည်း အချက်အလက်ရှာဖွေရေးအဖွဲ့ကို (၂၀၁၈) တွင် ဖွဲ့စည်းပြီး စစ်အုပ်စု၏ လူ့အခွင့်အရေးချိုးဖောက်မှုများကို စုံစမ်းမှတ်တမ်းတင်သည်အထိ ဆောင် ရွက်မှုများရှိနေသည်။ သို့သော် စစ်အုပ်စုသည် လူ့အခွင့်အရေး ချိုးဖောက်မှုများကို ရပ်တန့်သည်မရှိဘဲ စစ်ရာဇ ဝတ်မှုနှင့် လူသားဖြစ်တည်မှုကို […]

August 18, 2021 by

မင်းကင်းမြို့တွင် အရက်မူးနေသော စစ်သားများက လူတစ်ဦးကို အနီးကပ်ပစ်သတ်

ကွမ်းဝါးနေသော အမျိုးသားတစ်ဦးကို နှာခေါင်းစည်းမတပ်သည်ကို ရန်ရှာလျက် လူလယ်ကောင်တွင် နားထင်ကို သေနတ်ဖြင့် တေ့ပစ်သတ်ခဲ့သည်ဟု အခင်းဖြစ်ပွားရာတွင် ရှိနေခဲ့သူက ဆိုသည်  စစ်ကိုင်းတိုင်း မင်းကင်းမြို့တွင် ယနေ့ (ဩဂုတ် ၁၇) မွန်းလွဲပိုင်း၌ အရက်မူးနေသော စစ်သားများက လူတစ်ဦးကို အနီးကပ်ပစ်သတ်ခဲ့ပြီး အခြားအမျိုးသမီးနှစ်ဦးလည်း ဒဏ်ရာရရှိခဲ့သည်ဟု အခင်းဖြစ်ပွားရာတွင် ရှိနေခဲ့သူနှင့် မင်းကင်းဒေသခံများထံမှ သိရသည်။ ချင်းတွင်းမြစ်ပေါ်ရှိ မင်းကင်းမြို့တွင် မုံရွာ − မင်းကင်း ပြေးဆွဲသည့် အမြန်ရေယာဉ်များဆိုက်ကပ်ရာ ဆိပ်ကမ်း၌ အခင်းဖြစ်ပွားခဲ့ခြင်းဖြစ်ကာ သေနတ်ဖြင့် အနီးကပ်ပစ်ခံရမှုကြောင့် ဆိပ်ကမ်းအုတ်ခုံပေါ် ထိုင်နေသူ အသက် ၃၉ နှစ်အရွယ် ကိုဇော်မျိုးမြင့် ပွဲချင်းပြီးသေဆုံးပြီး အနီးအနားရှိ အမျိုးသမီးတစ်ဦးလည်း သေနတ်ကျည်ဆန်ထိမှန်ခဲ့သည်။ ကိုဇော်မျိုးမြင့် ဆိပ်ကမ်းအုတ်ခုံပေါ်ထိုင်လျက် ကွမ်းစားနေစဉ် အရက်မူးနေသော စစ်သားများက နှာခေါင်းစည်းမတပ်သည်ကို ရန်ရှာလျက် အနီးကပ်ပစ်သတ်ခဲ့ခြင်းဖြစ်သည်ဟု […]

August 17, 2021 by

အာဏာသိမ်း အကြမ်းဖက် လက်နက်ကိုင်အဖွဲ့ရဲ့ ကိုဗစ်အကြောင်းပြ အပြင်ထွက်ခွင့် ကန့်သတ်မှု မန္တလေးမြို့လူထု မကျေနပ်

မဇ္ဈိမ၊ဩဂုတ်-၁၇ အာဏာသိမ်း အကြမ်းဖက် လက်နက်ကိုင်အဖွဲ့ရဲ့ ကိုဗစ်အကြောင်းပြ သွားလာခွင့် ကန့်သတ်ထားတာဟာ လူထုကို အခက်အခဲ အကြပ်အတည်းတွေ ဖြစ်စေတယ်လို့ မန္တလေးမြို့ခံ သမိုင်းသုတေသီ ဦးအောင်ကျော်မိုး(ပန်းပျိုးလက်)ကမဇ္ဈိမကိုပြောပါတယ်။ “အခုက ပေးတဲ့အချိန်ကတိုတယ်။ဘာလုပ်စားကြမလဲ။စဥ္းစားလုပ်လို့ ​ပြောရအောင်ကလည်း စဥ္းစားမယ့်ကောင်တွေမဟုတ်ဘူး။မစဥ်းစားလို့ ဒီအခြေအနေဖြစ်နေတာလေ။”လို့ ဦးအောင်ကျော်မိုး(ပန်းပျိုးလက်)ပြောပါတယ်။ အခုဆိုရင် မန္တလေးမြို့တွင်းကို အလုပ်လာလုပ်တဲ့သူတွေ စျေးရောင်း စျေးဝယ်ပြုတဲ့တွေလည်း အလုပ်မသွားရတာ စျေးရောင်း စျေးဝယ် မလုပ်ရတာတွေကြောင့် စားဝတ်နေရေးပါခက်လာတယ်လို့ ဆိုကြပါတယ်။ “ကျွန်မတို့က ပုသိမ်ကြီးဘက်က စျေးလာရောင်းရတာ အခု ၉နာရီဆိုတော့ စျေးဗန်းရွက် ပြန်ရုံပဲ။ရောက်ပြန်ပဲ။ကလေးတွေနဲ့ ဘာသွားစားမလဲ။”လို့ ကုန်စိမ်းသည် မသိတာအေးကပြောပါတယ်။ “ကျွန်တော်တို့အဖွဲ့က ပန်းရံလုပ်သားတွေ အသွားက ပြဿနာမရှိပေမယ့် အပြန်က ပြဿနာဗျာ။၅နာရီအလုပ်သိမ်းတယ်။တောင်ပြုန်းအထိပြန်ရမှာ ၅နာရီခွဲကိုပဲ သူတို့ပိတ်စစ်နေတယ်။မနေ့ က ဒဏ်ငွေ ၅၀၀၀ ရိုက်တယ်။လုပ်အားခက ၈၀၀၀ရတယ်။”လို့ တောင်းပြန်းရွာက […]

August 17, 2021 by

စစ်အာဏာသိမ်းပြီးနောက် မြန်မာနိုင်ငံလူ့အခွင့်အရေးအခြေအနေ အပတ်စဥ်ထုတ်ပြန်ချက် ၂၀၂၁ ခုနှစ် သြဂုတ် ၉ ရက်နေ့မှ ၁၅ ရက်နေ့အထိ

ကြောက်ရွံ့မှုထက် အမှန်တရားကိုရွေးချယ်ခဲ့သည့် လူငယ် ၅ ဦးသည် အကြမ်းဖက်စစ်ကောင်စီ၏ လုံခြုံရေးတပ် ၀င်ရောက်စီးနင်းဖမ်းဆီးချိန်တွင် တိုက်ပေါ်မှ ခုန်ချသွားခဲ့သည်။ အကြမ်းဖက်စစ်ကောင်စီသည် မိသားစု၀င်များ၏ ဆန္ဒမပါ၀င်ဘဲ မီးသင်္ဂြိုဟ် ခဲ့ကြသည်။ သေဆုံးသူများ၏ အရိုးပြာကိုလည်း မိသားစု၀င်များ ကောက်ခွင့်မရခဲ့ပါ။ ဤကြေကွဲ၀မ်းနည်းဖွယ် ကောင်းသော ဖြစ်ရပ်သည် ဒီမိုကရေစီနှင့်ငြိမ်းချမ်းရေးကို လိုလားသူများအား ၀မ်းနည်းကြေကွဲ စေခဲ့ပြီး အသက်စွန့်ခဲ့သောလူငယ်များအတွက် အနုပညာဖြင့် အမျိုးမျိုးပုံဖော်ကာ ဂုဏ်ပြုခဲ့ကြသည်။ ထိုအဖြစ်အပျက်သည် အာဏာသိမ်းစစ်ကောင်စီ၏ ဆိုးကျိုးကို သိသာမြင်သာစေပြီး လူငယ်များသည် ၎င်းတို့၏ လွတ်လပ်မှုအတွက် ဘာမဆို စွန့်စားပေးဆပ် လိုကြောင်း လူငယ်မျိုးဆက်သစ်တို့အား အထင်ကြီးစေသည့် အမွေကိုပေးခဲ့သည်။ သူတို့ ငြိမ်းချမ်းစွာနဲ့ အနားယူနိုင်ပါစေ။ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် Christine Schraner Burgener မှ မြန်မာနိုင်ငံတွင် အထူးသဖြင့် […]

August 16, 2021 by

မန္တလေး ဆန္ဒပြလူငယ်ခေါင်းဆောင်တစ်ဦး ဖမ်းဆီးခံရ

အိမ်သုံးကားများပေါ်မှ အရပ်ဝတ် စစ်ကောင်စီတပ်သားများက မန္တလေးတက္ကသိုလ်အနီးလမ်းမပေါ်တွင် ကိုကျော်သီဟကို သေနတ်ဖြင့်ချိန်၊ ရိုက်နှက်ပြီး ဖမ်းခေါ်သွားသည် စစ်အာဏာရှင်ကို အစဉ်တစိုက် ဆန့်ကျင်လာသော မန္တလေးဆန္ဒပြအင်အားစု (တပ်ပေါင်းစု) ဆန္ဒပြစစ်ကြောင်းမှ ခေါင်းဆောင်တစ်ဦးဖြစ်သူ ကိုကျော်သီဟသည် ယနေ့ ဩဂုတ်(၁၆)ညနေ ၅ နာရီခန့်က မန္တလေးတက္ကသိုလ်အနီးလမ်းမပေါ်တွင် ဖမ်းဆီးခံရကြောင်း သိရှိရသည်။ အိမ်သုံးကားဖြင့် ရောက်ရှိလာသော စစ်ကောင်စီတပ်သားအရပ်ဝတ်များက ဆိုင်ကယ်မောင်းနေသူ အသက်(၂၀)ကျော်အရွယ် ကိုကျော်သီဟကို ရပ်တန့်စေပြီး ဝိုင်းဝန်းထိုးကြိတ်ကာ သေနတ်များဖြင့် ချိန်ရွယ် ဖမ်းဆီးသွားကြောင်း မျက်မြင်သက်သေတစ်ဦးက ဆိုသည်။ ၎င်းနေထိုင်ခဲ့သည့် မန္တလေး၊ ပုသိမ်ကြီးမြို့နယ် နေအိမ်သို့ စစ်ကောင်စီ တပ်သား ၂၀ ကျော်က ည ၈ နာရီခန့်၌ ဝင်ရောက်စီးနင်းရှာဖွေခဲ့သည်ဟု အတူနေ သူငယ်ချင်းဖြစ်သူ တပ်ပေါင်းစုဆန္ဒပြခေါင်းဆောင် ကိုသူရအောင်ထံမှ သိရသည်။ “အခု ကျွန်တော်တို့အတူနေတဲ့ အိမ်ကိုပါ ဝင်စီးတယ်၊အားလုံးထွက်ပြေးနေရတယ်” ဟု […]

August 16, 2021 by

မြင်းခြံမှအကျဉ်းသားသေဆုံးမှု ကိုဗစ်ကြောင့်မဖြစ်နိုင်ဟု မိသားစုပြော

စစ်ကောင်စီတပ်က ဖမ်းဆီးထားသူကို မိသားစုနှင့် အဆက်အသွယ်ဖြတ်ထားသလို သေဆုံးသွားသည့်အခါတွင်လည်း ရုပ်အလောင်းကို အနီးကပ်ကြည့်ခွင့် မပြုခဲ့ပေ  စစ်ကောင်စီတပ်ဖွဲ့က တစ်လကြာ ဖမ်းဆီးထားသော မန္တလေးတိုင်း၊ မြင်းခြံမြို့နယ်၊ ကျွဲခြံရွာသား ၅၅ နှစ်အရွယ် ဦးမောင်ဌေးသည် ယနေ့(ဩဂုတ် ၉) နံနက်ပိုင်းက မြင်းခြံထောင်တွင်း သေဆုံးသွားသည်။ နှလုံးနှင့်ပတ်သက်သည့် ရောဂါကြောင့် သေဆုံးသည်ဟု မြင်းခြံအကျဉ်းထောင်က ယနေ့ မနက် ၈ နာရီတွင် ဖုန်းဖြင့် ဖြေကြားကြောင်း၊ မြင်းခြံပြည်သူ့ဆေးရုံ၊ ရင်ခွဲရုံသို့ ရုပ်အလောင်းပို့ထားစဉ် ထောင်ဝန်ထမ်းများက ကိုဗစ်အကြောင်းပြပြီး အခန်းအပြင်ဘက်မှသာ ကြည့်ခွင့်ပြုကြောင်း  သေဆုံးသူ၏ သမီးက ပြောသည်။ ရင်ခွဲရုံထဲသို့ ဝင်ရောက်သည့် ဆရာဝန်များ၊ အကျဉ်းထောင်အရာရှိများ၊ နာရေးအသင်းများမှာ ကူးစက်ရောဂါအကာအကွယ်ဝတ်စုံ(PPE) မဝတ်ကြကြောင်း ၎င်းက ဆက်လက်ပြောသည်။ “ကျွန်မတို့ကို စောစောစီးစီး ကြိုအကြောင်းကြားသင့်တာပေါ့လို့။ အရင်နေ့ကတည်းက ဆေးရုံတင်ခွင့်ရရင် ဒီရောဂါ သေရမယ့် ရောဂါမဟုတ်ဘူးလို့ အဲလို […]

August 9, 2021 by

စစ်အာဏာသိမ်းပြီးနောက်ပိုင်း မြန်မာနိုင်ငံ လူ့အခွင့်အရေးအခြေအနေ အပတ်စဉ်ထုတ်ပြန်ချက် (သြဂုတ်လ ၂-၈)၂၀၂၁

မြန်မာပြည်သူများသည် အကြမ်းဖက်စစ်ကောင်စီနှင့် ၎င်းတို့၏ တရားမဝင်စစ်အာဏာသိမ်းမှုကို ငြင်းပယ်နေကြသည်။ တရားဝင်အစိုးရဖြစ်ရေးအတွက် အကြမ်းဖက်စစ်ကောင်စီမှ အိမ်စောင့်အစိုးရအဖြစ် အသွင်ပြောင်းခဲ့သော်လည်း မည်သူတစ်ဦးတစ်ယောက်ကိုမျှ လှည့်စားနိုင်ခြင်း မရှိခဲ့ပါ။ ဆန္ဒပြပွဲများ ဆက်လက်ဖြစ်ပွားနေပြီး အထူးသဖြင့် ၈၈၈၈ အရေးတော်ပုံနှစ်ပတ်လည်နေ့အထိမ်းအမှတ်နေ့တွင် ဒီမိုကရေစီရေးအတွက်တောင်းဆို ဆန္ဒပြခဲ့ကြသည်။ အပတ်စဥ်နောက်ဆုံး အခြေအနေ အကျဉ်းချုပ်တွင်ရှုပါ။  

August 9, 2021 by

စစ်ဖြစ်နေသည့် ကယားဒေသမှ စစ်ရှောင်များ အကူအညီလိုအပ်

ဒေသခံ တစ်သိန်းကျော် နေရပ်စွန့်ခွာနေရသည့် ကယားပြည်နယ်တွင် လက်နက်ကိုင်အံတုသူတို့ကို ရင်ဆိုင်ရန် စစ်ကောင်စီတပ်က အင်အားဖြည့်တင်းနေသည်  ကယား(ကရင်နီ)ပြည်နယ်တွင် တိုက်ပွဲများ ပြန်လည်အရှိန်မြင့်လာသောကြောင့် ပြည်နယ်လူဦးရေ၏ သုံးပုံတစ်ပုံခန့်ရှိသည့် ဒေသခံ တစ်သိန်းဝန်းကျင်ခန့်မှာ နေရပ်စွန့်ခွာနေကြရပြီး အရေးပေါ်အကူအညီများ လိုအပ်နေသည်ဟု စစ်ရှောင်အရေးကူညီသူတို့က ပြောသည်။ ဇူလိုင်လအတွင်း တိုက်ပွဲအနည်းငယ်သာဖြစ်ပွားခဲ့ပြီး နေရပ်ပြန်သူတချို့ ရှိကြသော်လည်း ဩဂုတ်လဆန်းမှ စတင်ကာ တိုက်ပွဲများ ခပ်စိပ်စိပ်ပြန်လည်ဖြစ်ပွားလာ၍ ထောင်နှင့်ချီသည့် ဒေသခံများ ထပ်မံစစ်ရှောင်ရသည်ဟု သိရသည်။ ပြီးခဲ့သည့် ရက်အနည်းငယ်အတွင်း ကရင်နီတပ်တော် (KA)၊ ကရင်နီအမျိုးသားများကာကွယ်ရေးတပ် (KNDF) တို့သည် စစ်ကောင်စီတပ်နှင့် လွိုင်ကော်၊ ဖရူဆို၊ ဘော်လခဲ၊ ဒီးမော့ဆို၊ ရှမ်းပြည်နယ် ဖယ်ခုံမြို့နယ်တို့တွင် တိုက်ပွဲ ၆ ကြိမ် ထက်မနည်းဖြစ်ခဲ့ကြောင်း၊ စစ်ကောင်စီတပ်ဘက်မှ ၂၀ ကျော်သေဆုံးခဲ့သည်ဟု KNDF ပြန်ကြားရေးတာဝန်ခံက ပြောသည်။ ဩဂုတ် ၃ တစ်ရက်တည်းတွင် […]

August 8, 2021 by