Entries by ndb14

မြန်မာနိုင်ငံဆိုင်ရာ ကုလအထူးသံတမန်ရာထူး ပြန်ရုပ်သိမ်းဖို့ အဖွဲ့ ၈ဝဝ ကျော် ပူးတွဲတောင်းဆို

ကုလသမဂ္ဂအနေနဲ့ မြန်မာနိုင်ငံအရေးကို ကိုင်တွယ်တဲ့နေရာမှာ အထူးသံတမန်တွေစေလွှတ်ပြီး စေ့စပ်ညှိနှိုင်းဖို့ ကြိုးစားတဲ့နည်းလမ်းဟာ အလုပ်မဖြစ်တဲ့အတွက် ဒီရာထူးကို ရုပ်သိမ်းပြီး အထွေထွေအတွင်းရေးမှူးချုပ်ကိုယ်တိုင် ကိုင်တွယ်ဖို့ မြန်မာ့အရေးလုပ်ဆောင်နေတဲ့ အဖွဲ့အစည်း ၈၀၀ ကျော် စုပေါင်းလက်မှတ်ထိုးပြီး ကုလသမဂ္ဂအထွေထွေညီလာခံကို တိုက်တွန်းလိုက်ပါတယ်။ အခုလိုတောင်းဆိုရတာဟာ မြန်မာနိုင်ငံကို နောက်ဆုံး လာရောက်ခဲ့တဲ့ အထူးသံတမန် မစ္စနိုလင်းဟေဇာဟာ အမျိုးသားညီညွတ်ရေးအစိုးရအပါအဝင် အခြားနိုင်ငံရေးအင်အားစုတွေ အားလုံးပါဝင်ရေး အတွက် ကြိုးစားအားထုတ်ခဲ့တာ မရှိဘူးလို့လည်း သုံးသပ်တာလည်းရှိပါတယ်။ ရှေ့လမှာ စတင်ကျင်းပမယ့် ကုလသမဂ္ဂအထွေထွေညီလာခံအစည်းအဝေးမှာ မြန်မာနိုင်ငံအတွက် စေလွှတ်တဲ့ ကုလသမဂ္ဂရဲ့အထူးကိုယ်စားလှယ် ရာထူးကို ပြန်လည်ရုပ်သိမ်းဖို့ ဆုံးဖြတ်ပြီး မြန်မာနိုင်ငံမှာ တစ်စထက်တစ်စ ဆိုးဝါးလာတဲ့ လူ့အခွင့်အရေးချိုးဖောက်မှုတွေနဲ့ လူသားချင်းစာနာမှု အကျပ်အတည်းအခြေအနေတွေကို ကုလသမဂ္ဂအထွေထွေအတွင်းရေးမှူးကိုယ်တိုင် ကိုင်တွယ်ဆောင်ရွက်ဖို့ မြန်မာနိုင်ငံအရေး လုပ်ဆောင်နေတဲ့ အရပ်ဘက် အဖွဲ့အစည်း ၈၆၄ ခုက လက်မှတ်ရေးထိုးတောင်းဆိုကြောင်း […]

,

ကုလသမဂ္ဂအထွေထွေညီလာခံမှ ကုလသမဂ္ဂအထူးသံတမန်၏ လုပ်ပိုင်ခွင့်အာဏာကို ရုပ်သိမ်းရန်

ကုလသမဂ္ဂအထွေထွေညီလာခံမှ ကုလသမဂ္ဂအထူးသံတမန်၏ လုပ်ပိုင်ခွင့်အာဏာကို ရုပ်သိမ်းရန် ကုလသမဂ္ဂအထူးသံတမန်မှ စစ်ရာဇဝတ်ကောင် မင်းအောင်လှိုင်နှင့် တွေ့ဆုံမှုကို အရပ်ဘက်လူထု အဖွဲ့အစည်းများက ကန့်ကွက်ရှုတ်ချလိုက်သည်။ ကုလသမဂ္ဂအထွေထွေညီလာခံအနေဖြင့် မြန်မာနိုင်ငံဆိုင်ရာ ကုလသမဂ္ဂအထူးသံတမန်၏ လုပ်ပိုင်ခွင့်အာဏာကို ပြန်လည်ရုပ်သိမ်းရန် အောက်တွင် လက်မှတ်ရေးထိုးထားသော မိမိတို့ အဖွဲ့အစည်း ၈၆၄ ဖွဲ့က တောင်းဆိုလိုက်သည်။ မြန်မာနိုင်ငံအတွင်း ဆိုးရွားလှသော လူ့အခွင့်အရေးနှင့် လူသားချင်း စာနာထောက်ထားမှုဆိုင်ရာ အကြပ်အတည်းကို ဖြေရှင်းရန်အတွက် ကုလသမဂ္ဂအထွေထွေ အတွင်းရေးမှူးချုပ် (UN Secretary-General) အနေဖြင့် ၎င်းကိုယ်တိုင် မြန်မာနိုင်ငံနှင့်ပတ်သက်သော အခန်းကဏ္ဍတစ်ခု တာဝန်ယူပြီး တိကျပြတ်သားသော အရေးယူဆောင်ရွက်မှု လုပ်ဆောင်ခြင်းဖြင့် ၎င်း၏ ကတိကဝတ်ကို ပြသရန် မိမိတို့မှ တောင်းဆိုလိုက်သည်။ ၂၀၂၂ ခုနှစ် ဩဂုတ်လ ၁၆ မှ ၁၇ ရက်နေ့တွင် မြန်မာနိုင်ငံသို့ သွားရောက်ခဲ့သော လက်ရှိကုလသမဂ္ဂ အထူးသံတမန် […]

စစ်တပ်ဝင်သည့် ကနီမြို့တွင် ၇၀ ကျော်အမျိုးသမီးနှင့် သမီးဖြစ်သူ အသတ်ခံရ

အရပ်သားများကို သတ်ဖြတ်ခြင်းမပြုရန် ကုလကိုယ်စားလှယ် နေပြည်တော်တွင် တောင်းဆိုသည့်နေ့က စစ်တပ်ဝင်သည့် စစ်ကိုင်းတိုင်း ကနီမြို့နယ် ကင်းရွာတွင် အမျိုးသမီး ၂ ဦး သတ်ဖြတ်ခံရသည်။ စစ်ကိုင်းတိုင်း၊ ကနီမြို့နယ်ရှိ ကင်းရွာကို စစ်ကောင်စီတပ်သားများ ရဟတ်ယာဉ်များဖြင့် အင်အားဖြည့်ရောက်ရှိလာအပြီး ၂ ရက်အကြာ ဩဂုတ် ၁၉ တွင် ဒေသခံ သားအမိနှစ်ဦး၏ ရုပ်အလောင်းများ တွေ့ရှိရကြောင်း ဒေသခံများက ပြောသည်။ ဩဂုတ် ၁၇ တွင် စစ်သားများသည် တိုက်ခိုက်ရေး ရဟတ်ယာဉ် ၁ စီး၊ ရိုးရိုးရဟတ်ယာဉ် ၂ စီးတို့ဖြင့် ရောက်ရှိလာစဉ် ဘေးလွတ်ရာသို့ ရှောင်တိမ်းခြင်း မပြုနိုင်သူများထဲမှ အသက် ၇၀ ကျော်အရွယ် ဒေါ်မြနှစ်၊ သမီးဖြစ်သူ အသက် ၄၀ အရွယ် မမိစိုးတို့ ပါဝင်သည်။ မမိစိုး၏ […]

,

“အရှင်လတ်လတ်မီးရှို့တာလေ”၊ ဖားကန့် ဆယ်ဇင်းရွာ၏ ကမ္ဘာပျက်ည

ဖားကန့်ကျောက်စိမ်းတွင်းအနီး စစ်တပ်အထိနာခဲ့သည့်နေရာတွင် အိမ်ခြေ ရာနှင့်ချီ မီးရှို့၊ အရပ်သားများကို ပစ်သတ်မှုသည်  စစ်တပ်နှင့် ရှမ်းနီ SNA ၏ လက်ချက်ဟု ဒေသခံတို့က ပြောသည်။ အလျှံငြီးငြီး တောက်လောင်နေသည့် မီးတောက်မီးလျှံများကြားတွင် ပြေးလွှားအော်ဟစ် ငိုယိုသံများ၊ သေနတ်သံများနှင့် ဩဂုတ် ၉ ရက်နေ့ညသည် တောင်ကုန်းတောင်တန်းထူထပ်သည့် ကချင်ပြည်နယ်၊ ဖားကန့်ခရိုင် ဥရုချောင်းဘေးရှိ ဆယ်ဇင်းရွာအတွက် ကမ္ဘာပျက်သည့်ည  ဖြစ်ခဲ့ရသည်။ ညဦးပိုင်းတွင် အိမ်များလိုက်ဖျက်ဆီးသည့် စစ်ကောင်စီတပ်နှင့် ကချင်ပြည်နယ်တွင်လှုပ်ရှားနေသော  ရှမ်းနီအမျိုးသားများတပ်မတော်(SNA) လက်နက်ကိုင်အဖွဲ့ မှ စစ်သားတချို့ ဓာတ်ဆီပုလင်းများကိုင်ပြီး အိမ်ရှေ့ရောက်လာချိန်မှာ နံနက် ၂ နာရီခန့် ဖြစ်သည်ဟု ဆယ်ဇင်းရွာ ရပ်ကွက်(၁)မှ ကိုမျိုးဝင်းက ပြောသည်။ “အိမ်ကို မီးရှို့တော့မယ်၊ ထွက်ကြတော့ဆိုပြီးတော့ လာပြောတယ်။ ဝမ်းလျားမှောက်ခိုင်းထားတယ်၊ ဘယ်အဖွဲ့အစည်းကလဲလို့မေးတယ်၊ အရပ်သားတွေပါဆိုတော့ အဲဒါဆို အိမ်မီးရှို့တော့မယ်၊ […]

ကုလအထူးသံတမန် မြန်မာနိုင်ငံကို ရောက်ရှိ

မြန်မာနိုင်ငံဆိုင်ရာ ကုလသမဂ္ဂအထူးသံတမန် နိုလင်းဟေဇာဟာ သြဂုတ်လ ၁၆ရက်နေ့ မနက်ပိုင်းမှာ ရန်ကုန်ကို ရောက်ရှိခဲ့ပြီး နေပြည်တော်ကို ဆက်လက်ထွက်ခွာသွားတယ်လို့ စစ်ကောင်စီသတင်းမှန်ပြန်ကြားရေးက ထုတ်ပြန်ပါတယ်။ ဒီခရီးစဉ်ဟာ မစ္စ နိုလင်းဟေဇာကို မြန်မာနိုင်ငံဆိုင်ရာ ကုလသမဂ္ဂအထူးကိုယ်စားလှယ်အဖြစ် ပြီးခဲ့တဲ့နှစ် အောက်တိုဘာလက တာဝန်ပေးခန့်အပ်ခံရပြီးတဲ့နောက် ပထမဆုံးလာရောက်တဲ့ ခရီးစဉ် ဖြစ်ပါတယ်။ မစ္စ နိုလင်းဟေဇာဟာ ဒီခရီးစဉ်မှာ လတ်တလောဖြစ်ပေါ်နေတဲ့ မြန်မာ့အရေး အကျပ်အတည်းတွေနဲ့ ပတ်သက်ပြီးစစ်ကောင်စီခေါင်းဆောင်တွေနဲ့ ဆွေးနွေးမှာဖြစ်ပါတယ်။ ဒါ့အပြင် ကုလသမဂ္ဂလုံခြုံရေးကောင်စီက နောက်ဆုံးတောင်းဆိုထားတဲ့ .. အကြမ်းဖက်မှုအားလုံးကို ချက်ချင်း အဆုံးသတ်ရေး၊ ပဋိပက္ခဖြစ်ပွားနေတဲ့ နေရာတွေက ဒေသခံတွေအတွက် လူသားချင်းစာနာထောက်ထားမှုအကူအညီတွေ အတားအဆီးမရှိဘဲ ဝင်ရောက်ခွင့် ရရှိရေးတို့အတွက်လည်း ဒီခရီးစဉ်အတွင်း ဆွေးနွေးသွားဖို့ ရှိတယ်လို့ AP သတင်းမှာ ဖော်ပြထားပါတယ်။ နယူးယောက်အခြေစိုက် ကုလသမဂ္ဂဌာနချုပ်ရဲ့ ဩဂုတ်လ ၁၅ […]

တိုက်ပွဲပြင်းထန်နေသည့် သထုံနှင့် ညောင်လေးပင်တွင် စစ်ရှောင် တစ်သိန်းခွဲကျော်ရှိလာ

KNU ၏ မွန်ပြည်နယ်၊​ ပဲခူးတိုင်း နယ်မြေအတွင်း စစ်ကောင်စီရန်ကြောင့် နေရပ်စွန့်ခွာရသူ တစ်သိန်းခွဲ ကျော်လာပြီး အစားအစာ၊ ဆေးဝါး၊ နေရာထိုင်ခင်း လိုနေကြသည်ဟု ကူညီပေးနေသူများထံမှ သိရသည်။ တိုက်ပွဲများ ပြင်းထန်နေသည့် ကရင်အမျိုးသားအစည်းအရုံး(KNU) နယ်မြေအတွင်း မွန်ပြည်နယ် သထုံခရိုင်၊ ပဲခူး တိုင်း ညောင်လေးပင်ခရိုင်တို့မှ ထွက်ပြေးတိမ်းရှောင်ရသူ ဒေသခံ  တစ်သိန်းခွဲကျော် ရှိလာပြီဖြစ်ပြီး ရိက္ခာနှင့် ဆေးဝါးများ လိုအပ်နေကြောင်း စုံစမ်းသိရှိရသည်။ KNU တပ်မဟာ (၁) နယ်မြေ သထုံခရိုင်နှင့် တပ်မဟာ (၃) နယ်မြေ ညောင်လေးပင်ခရိုင်တို့တွင် စစ်တပ်က စစ်ရေး လှုပ်ရှားမှုများ ပိုမိုတိုးချဲ့ပြုလုပ်လာပြီးနောက် KNU တပ်များနှင့် တိုက်ပွဲဖြစ်ကာ စစ်တပ်က ကျေးရွာများအတွင်း လက်နက်ကြီးများဖြင့် ပစ်ခတ်ခဲ့၍ အရပ်သားများ ထွက်ပြေးတိမ်းရှောင်နေရခြင်း ဖြစ်သည်။ ထိုနယ်မြေ ၂ […]

ရွှေဘိုတွင် ၆ တန်းကျောင်းသား ၂ ဦးနှင့် ညီအစ်ကိုများ နှိပ်စက်သတ်ဖြတ်ခံရ

ရွှေတွင်းသွားသည့် ညီအစ်ကို ၇ ဦးကို စစ်တပ်က ဖမ်းဆီးသတ်ဖြတ်ခဲ့ရာ ထိုအထဲတွင် ကလေး ၂ ဦးလည်း ပါသွားသည်ဟု မိသားစုဝင်နှင့် ဒေသတွင်း သတင်းရင်းမြစ်တို့က အတည်ပြုသည်။ စစ်ကိုင်းတိုင်း ရွှေဘိုမြို့နယ်တွင် စစ်တပ်က ညှဉ်းပန်း သတ်ဖြတ်ခဲ့သည့် အမျိုးသား ၇ ဦးထဲတွင် အသက် ၁၈ နှစ် မပြည့်သေးသူ ၂ ဦးပါဝင်သည်။ သေဆုံးသူများမှာ ရွှေဘိုမြို့နယ်နှင့် ခင်ဦးမြို့နယ်အစပ်ရှိ အိမ်ခြေ ၁၀၀ ခန့်ရှိ ဝန်းကြီးရွာသားများ ဖြစ်ကြောင်း၊ သပိတ်ကျင်းမြို့နယ်ရှိ ရွှေတွင်းများသို့ အသွား  ဩဂုတ် ၁၄ရက်၌ စစ်ကောင်စီက ဖမ်းကာ သတ်ဖြတ်ခဲ့ကြောင်း သေဆုံးသူတို့၏ မိသားစုဝင်နှင့် အခြားသတင်းရင်းမြစ် ၂ ဦးက ပြောသည်။ ဆွေမျိုးများဖြစ်သည့် ၁၄ နှစ်အရွယ် ကိုမင်းညီ၊ […]

,

ရဟတ်ယာဉ်များဖြင့် တိုက်ခိုက်ခံရသည့်ရင်ပေါင်တိုင်ရွာက မီးကျွမ်းရုပ်အလောင်းများ

အမည်နှင့်တကွ အတည်ပြုနိုင်သည့် ရုပ်အလောင်း ၁၂ လောင်းအပြင် နောက်ထပ် ၆ လောင်း တွေ့ခဲ့ရပြီး ခရီးတစ်ထောက်ဝင်နားသည့် ချင်းဒေသကာကွယ်ရေးအဖွဲ့ဝင်များ ရောက်ရှိနေစဉ် လေကြောင်းမှ ပစ်ခတ်တိုက် ခိုက်ခံရခြင်းဖြစ်သောကြောင့် စစ်ကောင်စီတပ်ဘက်မှ သတင်းကြိုရထား၍ ဖြစ်နိုင်ကြောင်း ဒေသခံများက ယူဆနေကြသည် စစ်တပ်က လေကြောင်းမှ ပစ်ခတ်တိုက်ခိုက်ပြီးနောက် ၃ ရက်ကြာ တပ်စွဲခဲ့သည့် စစ်ကိုင်းတိုင်း၊ ယင်းမာပင် မြို့နယ်၊ ရင်ပေါင်တိုင်ရွာတွင် အသက် ၁၀ နှစ်အရွယ်ကလေးအပါအဝင် အရပ်သားပြည်သူ ရုပ်အလောင်း ၁၈ ခု ကို တွေ့ရှိခဲ့ကြောင်း ဒေသခံများထံမှသိရသည်။  ပြီးခဲ့သည့် ဩဂုတ် ၁၁ ရက်ညနေတွင် ယင်းမာပင်မြို့နှင့်ပုလဲမြို့အစပ် ရင်ပေါင်တိုင်ရွာကို စစ်တပ်က Mi 35 တိုက်ခိုက်ရေးရဟတ်ယာဉ် ၃ စီးဖြင့် တစ်နာရီနီးပါးကြာ ပစ်ခတ်တိုက်ခိုက်ပြီး ရဟတ်ယာဉ် […]

လူ့အခွင့်အရေးမှတ်တမ်းကွန်ရက် (မြန်မာနိုင်ငံ) နောက်ဆုံးထွက်ရှိသည့် အစီရင်ခံစာတွင် မြန်မာ စစ်အာဏာရှင်တို့က လူသားမျိုးနွယ်အပေါ်ကျူးလွန်သည့်ပြစ်မှုနှင့် စစ်ရာဇဝတ်မှုများ ကျူးလွန်ကြောင်း တွေ့ရှိထားသည်

လူ့အခွင့်အရေးမှတ်တမ်းကွန်ရက် (မြန်မာနိုင်ငံ) နောက်ဆုံးထွက်ရှိသည့် အစီရင်ခံစာတွင် မြန်မာ စစ်အာဏာရှင်တို့က လူသားမျိုးနွယ်အပေါ်ကျူးလွန်သည့်ပြစ်မှုနှင့် စစ်ရာဇဝတ်မှုများ ကျူးလွန်ကြောင်း တွေ့ရှိထားသည် ၂၀၂၂ ခုနှစ် ဇူလိုင် ၂၈ ရက် လူ့အခွင့်အရေးမှတ်တမ်းကွန်ရက် (မြန်မာနိုင်ငံ)၊ ND-Burma မှ “အာဏာသိမ်းမှုအား ခုခံခြင်း” ဆိုသည့် ၆ လပတ်အစီရင်ခံစာထုတ်ပြန်ပြီး ၂၀၂၂ ခုနှစ် ဇန်နဝါရီမှ ဇွန်လအတွင်း မြန်မာစစ်အာဏာရှင်များ ကျူးလွန် သည့် လူ့အခွင့်အရေးချိုးဖောက်မှုများကို တင်ပြထားသည်။ လွန်ခဲ့သည့် ၆ လအတွင်း စစ်အာဏာရှင်တို့ သည် ပြစ်ဒဏ်ခတ် အရေးယူခံရခြင်းမရှိဘဲ ထောင်နှင့်ချီသည့် အိုးအိမ်များအား မီးရှို့ဖျက်ဆီး၍ ပြည်သူများအား သတ်ဖြတ်နေသည်။ အကြမ်းဖက် ကျူးလွန်မှုများကြောင့် လူသားချင်းစာနာသည့် အကြပ်အတည်းများ ဖြစ်ပေါ်လျှက်ရှိပြီး သောင်းနှင့်ချီသည့် ပြည်သူများ စစ်ပြေးဒုက္ခသည်များအဖြစ် ထွက်ပြေးရကာ ဆင်းရဲကြပ်တည်းစွာ […]

,

အာဏာသိမ်းမှုအား ခုခံခြင်း

ယခုအစီရင်ခံသည့် ကာလဖြစ်သည့် ၂၀၂၂ ခုနှစ် ဇန်နဝါရီမှ ဇွန်လတလျှောက် မြန်မာစစ်တပ်သည် ဒီမိုကရေ စီ စံချိန်စံညွှန်းများနှင့် အခြေခံမူများအပေါ် မထီမဲ့မြင်ပြုနေသည်ကို ND-Burma အဖွဲ့ဝင်များက မျက်ဝါးထင်ထင် မြင်တွေ့ကြရသည်။ စစ်အာဏာရှင်တို့ အရိုးစွဲအောင် ကျင့်သုံးနေသည့် ပြစ်ဒဏ်ကင်းလွတ်ခွင့် ဓ လေ့နှင့် အကြမ်းဖက် ကျူးလွန်မှုကြောင့် လူသားချင်းစာနာသည့် အကြပ်အတည်းကိုဖြစ်ပေါ်စေပြီး လူဦးရေ တသန်းကျော် အိုးအိမ်စွန့်ခွာ ထွက်ပြေးနေရသည်။ ၂၀၂၁ ခုနှစ် ဖေဖော်ဝါရီ ၁ ရက်နေ့တွင် စစ်တပ်မှ အာဏာသိမ်းမှုကြောင့် တိုင်းပြည်၏ နိုင်ငံရေးအခြေအနေမှာ အကြီးအကျယ်ပြောင်းလဲသွားသည်။ ထို့အတူ တခုပြိုလဲသွားပြီးနောက် ဆင့်ကဲ ရိုက်ခတ်မှုဖြစ်စဥ်အရ စစ်အာဏာရှင်တို့၏ တရားမဝင်အာဏာသိမ်းမှုကို ဆန့်ကျင်၍ ဖွဲ့စည်းခဲ့သည့် အတိုက်အခံအင်အားစုများအ ပေါ် ရိုက်ခတ်မှုရှိခဲ့သည်။ အမျိုးသားဒီမိုကရေစီအဖွဲ့ချုပ် (NLD) သောင်ပြိုကမ်းပြို အနိုင်ရပြီး […]