Entries by ndb14

,

ရခိုင်မြောက်ပိုင်း ပစ်ခတ်မှုကြောင့် ရွာသား ၁၀ ဦးသေ၊ ၂၃ ဦး ဒဏ်ရာရ

မောင်တော၊ ကျောက်တော်မှ စစ်ကောင်စီတပ်စခန်းများက တိုက်ပွဲဖြစ်ပွားခြင်း မရှိဘဲ လက်နက်ကြီးနှင့် ပစ်နေသဖြင့်  ကျေးရွာ ၂ ရွာမှ ဒေသခံ အများအပြား ထိခိုက် သေဆုံးသွားသည်။ ယနေ့ (နိုဝင်ဘာ ၁၆) တွင် ရခိုင်ပြည်နယ်မြောက်ပိုင်းရှိ ကျေးရွာများကို လက်နက်ကြီးကျည်များ ကျရောက်ပေါက်ကွဲမှုကြောင့် ၁၃ ဦးခန့် သေဆုံးပြီး ၂၃ ဦးခန့် ဒဏ်ရာရရှိခဲ့ကြောင်း ဒေသခံများထံမှ သိရသည်။ ယနေ့ မွန်းတည့်ချိန်မှ စတင်၍ မောင်တောမြို့နယ်၊ ကျောက်တော်မြို့နယ်တို့တွင် အခြေစိုက်သော စစ်ကောင်စီတပ်စခန်းများမှ ပစ်ခတ်ခြင်း ဖြစ်သည်။  ထိုသို့ ပစ်ခတ်ချိန် ရက္ခိုင့်တပ်တော် (AA) တပ်သားများ ထိုရွာများတွင် ရှိမရှိ မသိရသေးပေ။ မောင်တောမြို့နယ်မြောက်ပိုင်း ကြိမ်ချောင်း – ဂုပ္ပီကျော်လမ်းပေါ်ရှိ ဂြစ်ချောင်း (မြို) ကျေးရွာအတွင်း ပေါက်ကွဲမှုမှာ ထိုရွာမှ တစ်မိုင်ခွဲခန့်အကွာရှိ […]

,

ဒီးမော့ဆို မူကြိုကျောင်း လက်နက်ကြီးထိ၊ ၅ နှစ်သမီး သေဆုံးပြီး ၈ ဦး ဒဏ်ရာရ

ကယားပြည်နယ်ရှိ မူကြိုကျောင်း၊ ဘုရားရှိခိုးကျောင်းတို့ကို စစ်တပ်က ပစ်ခတ်သဖြင့် ခိုလှုံနေသူများ သေဆုံးဒဏ်ရာရနေသည်၊ ထိုနေရာတွင် မနေစေလိုသဖြင့် ပစ်ခတ်ခြင်း ဖြစ်သည်ဟု ယူဆနေကြသည်။ ကယား (ကရင်နီ) ပြည်နယ်၊ ဒီးမော့ဆိုမြို့နယ်တွင် စစ်ကောင်စီတပ်၏ လက်နက်ကြီးကျည် မူကြိုကျောင်းပေါ်တည့်တည့် ကျရောက်ပေါက်ကွဲပြီး ငါးနှစ်သမီးတစ်ဦး သေဆုံးကာ ၈ ဦး ဒဏ်ရာရကြောင်း သိရသည်။ နိုဝင်ဘာ ၁၅ ရက်၊  ညနေ ငါးနာရီခွဲတွင် မူကြိုကျောင်းအနီးတစ်ဝိုက် လက်နက်ကြီး သုံးလုံး ကျရောက်ခဲ့ရာ ဒုတိယမြောက်အလုံးမှာ ကျောင်းပေါ်တည့်တည့်ကျကြောင်း၊ ပေါင်တွင် လက်နက်ကြီးစ ထိမှန်ပြီး ဒဏ်ရာပြင်းထန်သည့် ကလေးမှာ အချိန်မီ ဆေးမကုသနိုင်သဖြင့် သေဆုံးကြောင်း ရွာခံအမျိုးသားတစ်ဦးက ပြောသည်။ “အော်ကြ ငိုကြတာပေါ့ ရွာသားသိပ်မရှိဘူး။ ရွာသားထက် လူနာပိုများသွားတယ်။ လူနာက ၉ ယောက်၊ ကယ်ဆယ်ရေးက လေးငါးခြောက်ယောက်ပဲ […]

,

စစ်ကောင်စီလွှတ်သည့် အကျဉ်းသား ၆၀၀၀ နီးပါး နိုင်ကျဉ်းအနည်းငယ်သာပါ

ဖိအားကြုံနေသည့် စစ်ကောင်စီက အကျဉ်းသား ၆၀၀၀ နီးပါး လွှတ်သည်ဆိုသော်လည်း သံဃာတော်၊ နိုင်ငံရေးသမား၊ ထင်ရှားကျော်ကြားသူနှင့် သတင်းထောက်ပါဝင်မှုနည်းပါးသည်။ အာဏာသိမ်း စစ်ကောင်စီက ယနေ့(နိုဝင်ဘာ ၁၇) တွင် နိုင်ငံတစ်ဝန်း အကျဉ်းထောင်များမှ ၆၀၀၀ နီးပါး လွှတ်ပေးသည်ဆိုရာတွင် နိုင်ငံရေးအရ ဖမ်းဆီးခံထားရသူ အနည်းစုသာ ပါဝင်သည်။ ရန်ကုန်မြို့ အင်းစိန်ထောင်မှ လွတ်မြောက်လာသူများထဲတွင် နာမည်ကျော် ၈၈ မျိုးဆက် ကျောင်းသားခေါင်းဆောင် ဦးမြအေး၊ စာရေးဆရာ မောင်သာချို၊ ရွှေညဝါဆရာတော်၊ အမျိုးသားဒီမိုကရေစီအဖွဲ့ချုပ်ပါတီ ဗဟိုအလုပ်အမှုဆောင်များဖြစ်သည့် ဦးမျိုးညွန့်၊ ဦးကျော်ဟိုးနှင့် ရုံးအဖွဲ့မှူး ဦးသိန်းဦးတို့ ပါဝင်သည်။ ဩစတြေးလျနိုင်ငံသား စီးပွားရေးအကြံပေး ရှောင်တာနယ်နှင့် ဗြိတိန်သံအမတ်ဟောင်း ဗစ်ကီဘိုးမန်းနှင့် သူ၏ ခင်ပွန်း ပန်းချီကိုထိန်လင်း၊ ဂျပန်နိုင်ငံသား မှတ်တမ်းရုပ်ရှင်ရိုက်ကူးသူ မစ္စတာ တာရိုကူဘိုတာတို့ ပါဝင်သည်။Maung_thar_cho.jpeg ရန်ကုန်မြို့ အင်းစိန်ထောင်မှ နိုဝင်ဘာ ၁၇ ရက်တွင် ပြန်လည်လွတ်မြောက်လာသည့် […]

,

ဘုရားသုံးဆူအနီးသတ္တုမိုင်းဗုံးကြဲခံရပြီး ၃ ဦးသေဆုံး

စစ်ကောင်စီတပ်က ကရင်ပြည်နယ် သတ္တုတွင်းကို တိုက်ခိုက်ရာ အလုပ်သမား ၃ ဦးသေဆုံးပြီး ၆ ဦး ဒဏ်ရာရသည်၊ ဒဏ်ရာရသူများထဲတွင် ၁ ဦး ပါဝင်သည်ဟု KNU က ပြောသည်။ ကရင်ပြည်နယ် ကြာအင်းဆိပ်ကြီးမြို့နယ် ကရင်အမျိုးသားအစည်းအရုံး(KNU) ထိန်းချုပ်နယ်မြေအတွင်း ခဲသတ္တုတူးဖော်ရေးလုပ်ငန်းကို စစ်ကောင်စီတပ် လေယာဉ် ၂ စီးက နိုဝင်ဘာ ၁၆ နံနက်ပိုင်းတွင် ဗုံးကြဲတိုက်ခိုက်ရာ မိုင်းလုပ်သား ၃ ဦး သေဆုံးသွားသည်ဟု ဒေသတွင်းသတင်းရင်းမြစ်များထံမှ သိရသည်။ KNU တပ်မဟာ ၆ ခရိုင်အတွင်းရေးမှူး ပဒိုစောလစ္စတန်က ၎င်းတို့၏ထိန်းချုပ်နယ်မြေဖြစ်သော ထိုင်း-မြန်မာ နယ်စပ် ဘုရားသုံးဆူမြို့ မြောက်ဘက် မိုင် ၂၀ ခန့်အကွာတွင်ရှိသည့် သပြုကျေးရွာ ခဲသတ္တုမိုင်းလုပ်ကွက် ဖြစ်သည်ဟု ဆိုသည်။ “အဲ့လုပ်ကွက်မှာ လုပ်သားပေါင်း ၂၁ ယောက် […]

အကြမ်းဖက်စစ်ကောင်စီ၏ “A Nang Pa (အနန့်ပါ)ဒေသ စစ်ရာဇဝတ်မှုအား နက်နက်ရှိုင်းရှိုင်း လေ့လာသုံးသပ်အဖြေရှာကြခြင်း

၂၀၂၂ ခုနှစ် နို၀င်ဘာလ(  ၁၅ )ရက် ယနေ့တွင် လူ့အခွင့်အရေးမှတ်တမ်းကွန်ရက် (မြန်မာနိုင်ငံ)မှ အကြမ်းဖက်စစ်ကောင်စီ၏ “A Nang Pa (အနန့်ပါ)ဒေသ စစ်ရာဇဝတ်မှုအား နက်နက်ရှိုင်းရှိုင်း လေ့လာသုံးသပ်အဖြေရှာကြခြင်း” စာတမ်းတိုကို ထုတ်ပြန်လိုက်သည်။ အကြမ်းဖက်စစ်တပ်သည် ၂၀၂၁ခုနှစ် ဖေဖော်ဝါရီ ၁ရက်တွင် တိုင်းပြည်အာဏာကို မတရားသိမ်းပိုက်ပြီးနောက် တိုင်းရင်းသားဒေသများနှင့် ပြည်မများတွင်ပါမကျန် ပြည်သူလူထုအပေါ် နည်းလမ်းမျိုးစုံဖြင့် ၎င်းတို့အားဆန့်ကျင်သူများကို ရန်သူသဖွယ်ပစ်မှတ်ထားပြီး လူသားချင်းမစာမနာ ညှင်းပန်းနှိပ်စက် သတ်ဖြတ်ခြင်းသည် လျော့နည်းမသွားပဲ၊ တနေ့တခြား ပို၍ဆိုးရွားလာသည်မှာ အားလုံးအသိပင်ဖြစ်သည်။ အကြမ်းဖက်စစ်တပ်တွင် code of conduct ဆိုသည့် စစ်တပ်မှ လိုက်နာကျင့်သုံးရမည့် ကျင့်ဝတ်စည်းကမ်း လုံးဝမရှိတော့သည်ကို ၂၀၂၂ခုနှစ် အောက်တိုဘာလ ၂၃ ရက်တွင် ဖြစ်ပွားခဲ့သော ဖားကန့်ဖြစ်စဉ်သည် အထင်အရှား သက်သေပြနေသည်။ ၂၀၂၂ […]

,

အကြမ်းဖက်စစ်ကောင်စီ၏A Nang Pa (အနန့်ပါ)ဒေသ စစ်ရာဇဝတ်မှုအား နက်နက်ရှိုင်းရှိုင်း လေ့လာသုံးသပ်အဖြေရှာကြခြင်း

ဖြစ်စဉ်မှာ ၂၀၂၂ ခုနှစ် အောက်တိုဘာလ ၂၃ရက်နေ့ မြန်မာစံတော်ချိန် ည ၈နာရီ မိနှစ်၄၀ခန့်တွင် ဖားကန့်မြို့ ကံစီး ကျေးရွာမှ ၂မိုင်ကျော်သွားရသော KIA တပ်မဟာ ၉နယ်မြေ အနန့်ပါဒေသတွင် (KIO)ဖွဲ့စည်းသည့် (၆၂) ပြည့်အထိမ်းအမှတ်ပွဲ ကျင်းပနေစဉ် အကြမ်းဖက်စစ်တပ်မှ ဂျက်ဖိုက်တာ လေယာဉ်ဖြင့် ဗုံးကျဲပစ်ခတ် တိုက်ခိုက်ခဲ့သောကြောင့် အရပ်သားပြည်သူများ အယောက် ၈၀ ဝန်းကျင်သေဆုံးပြီး ၅၀ ကျော် ထိခိုက်ဒဏ်ရာရရှိခဲ့သည်။ သေဆုံး၊ ထိခိုက်ဒဏ်ရာရသူများထဲတွင် ကချင်အနုပညာရှင်အသင်းမှ နာမည်ကြီးအနုပညာရှင် အဆိုတော်များ၊ ဖိတ်ကြားထားသည့် စီးပွားရေးလုပ်ငန်းရှင်များ၊ အရပ်သားပြည်သူများနှင့် KIA တပ်မဟာ ၉ ၏ တပ်မဟာမှုး အပါအဝင် အရာရှိစစ်သည်များ ပါဝင်သည်ဟု ဒေသတွင်းသတင်းများတွင် ဖော်ပြထားသည်။ ပို၍ဆိုးရွားသည်မှာ ဒဏ်ရာရပြည်သူများကို ဖားကန့်မြို့သို့ သယ်ယူဆေးကုသခွင့်အား […]

,

သေဒဏ်ချမှတ်မှု တရားဝင်ဆိုင်းငံ့ခြင်းဆိုင်ရာ အဆိုမူကြမ်း ကုလအတည်ပြု

အမေရိကန်ပြည်ထောင်စု၊ နယူးယောက်မြို့မှာကျင်းပနေတဲ့ ကုလသမဂ္ဂအထွေထွေညီလာခံ၊ တတိယကော်မတီမှာ သေဒဏ်ပြစ်ဒဏ်ချမှတ်မှုကိုတရားဝင်ဆိုင်းငံ့ခြင်းဆိုင်ရာအဆိုမူကြမ်းကို မဲခွဲရာမှာ ထောက်ခံမဲ (၁၂၆) မဲနဲ့ မဲအများဆုံးရရှိခဲ့ပြီး အတည်ပြုနိုင်ခဲ့ပါတယ်။ နိုဝင်ဘာလ ၁၁ ရက်နေ့က မဲခွဲဆုံးဖြတ်ရာမှာ ထောက်ခံမဲ ၁၂၆ မဲ၊ ကန့်ကွက်မဲ ၃၇ မဲ၊ ကြားနေမဲ ၂၄ မဲရရှိခဲ့တာကြောင့် သေဒဏ်ချမှတ်မှုကို တရားဝင်ဆိုင်းငံ့ဖို့ ကော်မတီက အတည်ပြုခဲ့တာပါ။ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကလည်း (၇၇) ကြိမ်မြောက် ကုလသမဂ္ဂအထွေထွေ ညီလာခံ၊ တတိတယကော်မတီမှာ တင်သွင်းတဲ့ သေဒဏ်ပြစ်ဒဏ်ချမှတ်မှုကို တရားဝင်ဆိုင်းငံ့ခြင်းဆိုင်ရာ မူကြမ်းကို ထောက်ခံမဲပေးခဲ့ပါတယ်။ ကော်မတီမှာ သံအမတ်ကြီးက မြန်မာနိုင်ငံရဲ့ပြစ်မှုဆိုင်ရာဥပဒေမှာ သေဒဏ်ပေးတာကို တရားဝင် ဖျက်သိမ်းတာမရှိသေးပေမယ့် သေဒဏ်ချမှတ်တာကို တရားဝင်ဆိုင်းငံ့တာကို ဆယ်စုနှစ်လေးခုအထိ ဆောင်ရွက်ခဲ့ပေမယ့် စစ်ကောင်စီက အာဏာသိမ်းပြီးနောက် ဒီမိုကရေစီအရေးတက်ကြွသူလေးဦးကို သေဒဏ်ပေးကွပ်ပျက်ခဲ့ကြောင်း […]

,

မြန်မာ့အရေး ဖြေရှင်းဖို့ပျက်ကွက်ခဲ့ကြောင်း ကုလအတွင်းရေးမှူးချုပ်ဝန်ခံ

မြန်မာ့အရေးနဲ့ ပတ်သက်လို့ နိုင်ငံတကာကရော၊ ကုလသမဂ္ဂဘက်ကပါ ဖြေရှင်းဖို့ ပျက်ကွက်ခဲ့တယ်လို့ ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတားရက်က ဝန်ခံပြောဆိုလိုက်ပါတယ်။ ကမ္ဘောဒီးယားနိုင်ငံမှာ ကျင်းပနေတဲ့ အာဆီယံထိပ်သီးညီလာခံအပြီး ပြီးခဲ့တဲ့ တနင်္ဂနွေနေ့က သတင်းစာရှင်းလင်းပွဲမှာ အတွင်းရေးမှူးချုပ်က ထည့်ပြောခဲ့တာပါ။ မြန်မာပြည်သူတွေ မယုံနိုင်လောက်အောင် ဆိုးရွားတဲ့ ဒုက္ခတွေ ခံစားနေရတယ်လို့လည်း သူကပြောဆိုခဲ့ပါတယ်။ ကုလသမဂ္ဂဟာ မြန်မာ့အရေးနဲ့ ပတ်သက်ပြီး နှုတ်ဆိတ်နေတယ်လို့ နိုင်ငံတကာ မြန်မာ့အရေးလှုပ်ရှားသူတွေက ဝေဖန်နေတဲ့အချိန်မှာ အခုလိုပြောခဲ့တာ ဖြစ်ပါတယ်။ နိုင်ငံရေးအကျဉ်းသားတွေအားလုံးလွတ်မြောက်ဖို့လိုပြီး အကြမ်းဖက်မှုတွေ အမြန်ရပ်တန့်ဖို့ လိုတယ်လို့လည်း သူကဆိုပါတယ်။ လာမယ့်နှစ်အတွက် အာဆီယံ ဥက္ကဋ္ဌရာထူးကို အင်ဒိုနီးရှားနိုင်ငံက ပြောင်းလွှဲလက်ခံယူခဲ့ပါတယ်။ အာဆီယံ ဥက္ကဋ္ဌဖြစ်လာတဲ့ အင်ဒိုနီးရှားနိုင်ငံဟာ မြန်မာ့အရေးနဲ့ ပတ်သက်ပြီး ဆောင်ရွက်နိုင်မယ်လို့ ယုံကြည်ကြောင်းနဲ့ ကုလသမဂ္ဂကလည်း ပူးပေါင်းသွားမယ်လို့ အန်တိုနီယို ဂူတားရက်ကပြောပါတယ်။ […]

,

မြန်မာ့အရေးဖြေရှင်းဖို့ အာဆီယံဦးဆောင်မှုအားနည်းကြောင်း လူ့အခွင့်အရေးကျွမ်းကျင်သူတွေ ဝေဖန်

ပြီးခဲ့တဲ့ နိုဝင်ဘာလ ၁၁ရက်နေ့က ကမ္ဘောဒီးယားနိုင်ငံ ဖနွမ်းပင်မြို့မှာ ပြုလုပ်တဲ့ အကြိမ် ၄၀ နဲ့ ၄၁ ကြိမ်မြောက် အာဆီယံ ထိပ်သီးအစည်းအဝေးနဲ့ ဆက်စပ်အစည်းအဝေးတွေမှာ အာဆီယံခေါင်းဆောင်တွေဟာ မြန်မာနိုင်ငံမှာ အာဏာသိမ်းထားတဲ့ မြန်မာစစ်ကောင်စီရဲ့ အကြမ်းဖက်တိုက်ခိုက်မှုတွေ ရပ်တန့်အောင် ထိထိရောက်ရောက် ဖိအားပေးဆောင်ရွက်ဖို့ ကြိုးစားအားထုတ်မှု အနည်းအကျဉ်းပဲ ရှိခဲ့တယ်လို့ နိုင်ငံတကာသတင်းဌာနတွေက သုံးသပ်ဖော်ပြကြပါတယ်။ မြန်မာနိုင်ငံမှာ အာဏာသိမ်းထားတဲ့ စစ်ကောင်စီနဲ့ မြန်မာစစ်ခေါင်းဆောင်တို့ကို အာဆီယံထိပ်သီးညီလာခံနဲ့ နိုင်ငံခြားရေးဝန်ကြီးများ ညီလာခံအစည်းအဝေးတွေမှာ နိုင်ငံကိုယ်စားပြုတက်ရောက်ခွင့်ပြုဖို့ ပိတ်ပင်ထားခဲ့တာပါ။ ဆက်လက်ပြီး ထိပ်သီးအစည်းအဝေးမဟုတ်တဲ့ ကျန်အစည်းအဝေးတွေမှာပါ တက်ရောက်ခွင့်မပြုဖို့ လူ့အခွင့်အရေးအဖွဲ့တွေက တိုက်တွန်းနေခဲ့တာ ဖြစ်ပြီး၊ ပြီးခဲ့တဲ့အပတ်က ပြုလုပ်တဲ့ အာဆီယံ ထိပ်သီးညီလာခံမှာ အာဆီယံဥက္ကဋ္ဌတာဝန်ကို လွှဲပြောင်းရယူလိုက်တဲ့ အင်ဒိုနီးရှားနိုင်ငံက ဒီလိုပိတ်ပင်ဖို့ အဆိုပြုတင်ပြခဲ့တာဖြစ်ပါတယ်။ “အခုအပတ်မှာတင်ပဲ အာဆီယံရဲ့လေတပ်ဆိုင်ရာညှိနှိုင်းအစည်းအဝေးတစ်ခုကို မြန်မာလေတပ်က […]

မင်္ဂလာဒုံရှိ ရပ်ကွက် ၅ ခု ၅ ရက်အတွင်း ဖျက်သိမ်းပေးရန် စစ်ကောင်စီ ညွှန်ကြား

ရန်ကုန်တွင် ကာကွယ်ရေးဝန်ကြီးဌာနပိုင်မြေပေါ် တည်ဆောက်ထားသည်ဆိုသော ရပ်ကွက်မှ နေအိမ်များကို ဖယ်ရှားမည်ဟု အာဏာသိမ်းစစ်ကောင်စီက ခြိမ်းခြောက်ထားသည်ဟု ဆိုသည်။ ရန်ကုန်၊ မင်္ဂလာဒုံမြိုနယ်၊ ပြည်လမ်းနှင့် အမှတ် ၃ လမ်းကြားရှိ ရပ်ကွက် ၅ ခုမှ အိမ်ခြေ တစ်သောင်းကျော်ကို ၅ ရက်အတွင်း ပြောင်းရွှေ့ပေးရန် စစ်ကောင်စီက စာပို့ အကြောင်းကြားထားပြီး ဒေသခံ ၅ သောင်းခန့် အိုးမဲ့အိမ်မဲ့ဖြစ်မည့်အခြေအနေမျိုးနှင့် ရင်ဆိုင်နေရသည်ဟု ရပ်ကွက်နေသူများက Myanmar Now ကို ပြောသည်။  ပျဉ်းမပင်ကျေးရွာအုပ်စုအတွင်း ကာကွယ်ရေးဝန်ကြီးဌာနပိုင်၊ ပျဉ်းမပင်စက်မှုဇုန် ဧရိယာ ၅၆၀ ဒသမ ၀၆ ဧက ခန့်ရှိမြေပေါ်ရှိ ကျူးကျော် အဆောက်အဦများကို လာမည့် နိုဝင်ဘာ ၁၈ နောက်ဆုံးထား၍ မဖျက်သိမ်းပေးပါက  တည်ဆဲဥပဒေအရ အရေးယူ ဆောင်ရွက်သွားမည်ဟု စစ်ကောင်စီက ဒေသခံများကို […]