Entries by ndb14

မြန်မာ့အရေး ကုလလူ့အခွင့်အရေးကောင်စီ ဆွေးနွေးမည်

စက်တင်ဘာ ၉ ရက်နေ့ကနေ အောက်တိုဘာ ၁၁ ရက်ထိ ကျင်းပမယ့် ၅၇ ကြိမ်မြောက် ပုံမှန်အစည်းအဝေးမှာ မြန်မာ့အရေးဆွေးနွေးမယ်လို့ ကုလသမဂ္ဂ လူ့အခွင့်အရေးကောင်စီက စက်တင်ဘာ ၄ ရက်မှာ ကြေညာချက်ထုတ်ပြန်ပါတယ်။ အပြန်အလှန် ဆွေးနွေးပွဲပေါင်း ၃၀ ရှိပြီး မြန်မာ့အရေးက လေးကြိမ်ပါဝင်ပါတယ်။ ပုံမှန်အစည်းအဝေး စတင်တဲ့ စက်တင်ဘာ ၉ ရက်မှာ မြန်မာနိုင်ငံက ရိုဟင်ဂျာ မွတ်စလင်နဲ့ လူနည်းစုတွေရဲ့ လူ့အခွင့်အရေး အခြေအနေကို မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) နဲ့ ဆွေးနွေးပြီး စက်တင်ဘာ ၂၃ ရက်မှာ မြန်မာနိုင်ငံက လူ့အခွင့်အရေး အခြေအနေနဲ့ ပတ်သက်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးနဲ့ အပြန်အလှန် ဆွေးနွေးမယ်လို့ ကြေညာချက်မှာ ဖော်ပြထားပါတယ်။ […]

ရိုဟင်ဂျာတွေကို အကာအကွယ်ပေးဖို့ BROUK တောင်းဆို

ရိုဟင်ဂျာတွေကို ထိထိရောက်ရောက် အကာအကွယ်ပေးနိုင်ဖို့ လိုအပ်နေပြီး နိုင်ငံတကာက အကူအညီတွေပေးဖို့ ဗြိတိန်အခြေစိုက် မြန်မာရိုဟင်ဂျာအသင်း (BROUK) က တောင်းဆိုလိုက်ပါတယ်။ သြဂုတ် ၂၅ ရက်နေ့မှာကျရောက်တဲ့ ရိုဟင်ဂျာတွေ လူမျိုးတုံးသတ်ဖြတ်မှု ခုနစ်နှစ်ပြည့် အထိမ်းအမှတ်အနေနဲ့ ထုတ်ပြန်တဲ့ ကြေညာချက်မှာ တောင်းဆိုလိုက်တာပါ။ မြန်မာ စစ်တပ်က ရိုဟင်ဂျာတွေအပေါ် ကျူးလွန်ထားတဲ့ပြစ်မှုတွေအတွက် တရားမျှတမှုရရှိအောင် နိုင်ငံတကာက အရေးယူဆောင်ရွက်နိုင်ဖို့ လိုအပ်နေဆဲဖြစ်ပြီး ကုလသမဂ္ဂအဖွဲ့ဝင်နိုင်ငံတွေကလည်း ပျက်ကွက်မှုတွေရှိနေတယ်လို့ BROUK ဥက္ကဋ္ဌ ဦးထွန်းခင်က ပြောကြားပါတယ်။ ရခိုင်ပြည်နယ်မြောက်ပိုင်းမှာ မြန်မာစစ်တပ်က ၂၀၁၇ ခုနှစ်က နယ်မြေရှင်းလင်းတဲ့ စစ်ဆင်ရေးအတွင်း ဘင်္ဂလားဒေ့ရှ်နိုင်ငံကို ရိုဟင်ဂျာ တစ်သန်းကျော်ထွက်ပြေးခဲ့ရပြီး အခုလည်း ရခိုင်ပြည်နယ်က တိုက်ပွဲတွေကြားမှာ ရိုဟင်ဂျာ ခြောက်သိန်းလောက်ဟာ တိုက်ပွဲတွေအတွင်း လူမျိုးတုံးသတ်ဖြတ်မှုအပါအဝင် အကျပ်အတည်းတွေနဲ့ ရင်ဆိုင်နေရတယ်လို့ ဆိုပါတယ်။ စစ်ကောင်စီနဲ့ […]

စစ်ကောင်စီလက်အောက်ခံ ဘီးလူးစစ်ကြောင်းမှူးအပါအဝင် ငါးဦးကို ဖမ်းမိထားကြောင်း PLA ပြော

စစ်ကိုင်းတိုင်းက ဒေသခံတွေနဲ့ ကာကွယ်ရေးတပ်တွေ (PDF) တွေကို ရက်ရက်စက်စက်သတ်ဖြတ်ခဲ့တဲ့ စစ်ကောင်စီ လက်အောက်ခံ ဘီလူးစစ်ကြောင်းက စစ်ကြောင်းမှူးအပါအင် ငါးဦး ဖမ်းမိထားပြီး စစ်ဆေးမေးမြန်းနေတယ်လို့ ပြည်သူ့လွတ်မြောက်ရေးတပ်မတော် (PLA) က RFA ကိုပြောပါတယ်။ သူတို့ကို သြဂုတ်လ ၁၄ ရက်နေ့က မိုးကုတ်-သပိတ်ကျင်းလမ်းပေါ်က ဖော့တော့တိုက်ပွဲအတွင်းမှာ ဖမ်းဆီးရမိခဲ့တာလို့ PLA ပြောရေးဆိုခွင့်ရှိသူက RFA ကို ပြောပါတယ်။ “ဘီးလူးစစ်ကြောင်းမှူးနဲ့ သူအပါအဝင် ငါးယောက်ကို အရှင်ဖမ်းမိပါတယ်၊ မိုးကုတ်နဲ့ သပိတ်ကျင်း လမ်းပိုင်းမှာပေါ့နော်၊ ၁၄ ရက်နေ့က ဖမ်းမိတယ်ဆိုတာ သတင်းဝင်လာပါတယ်၊ စစ်ရသလောက် ဘီးလူးစစ်ကြောင်းမှူး နာမည်က ဂျက်ဖိုက်တာပေါ့၊ အဲလိုနာမည်ပေးထားတယ်၊ တပ်မ ၉၉ လက်မောင်းတံဆိပ်ကို တပ်ထားတယ်၊ သူတို့စစ်ကြောင်းက ၁၅၀ နဲ့ ၂၀၀ ကြားမှာရှိတယ်၊ […]

မြန်မာနိုင်ငံမှာ အကြမ်းဖက်မှုတွေ အဆုံးသတ်ဖို့ ကုလအတွင်းရေးမှူးချုပ်တောင်းဆို

မြန်မာနိုင်ငံမှာ အကြမ်းဖက်တိုက်ခိုက်မှုတွေ ရပ်တန့်ဖို့နဲ့ အရပ်သား ပြည်သူတွေကို အကာအကွယ်ပေးဖို့ ကုလသမဂ္ဂ အတွင်းရေးမှုးချုပ် အန်တိုနီယို ဂူတားရက်စ်က ကြေညာချက်ထုတ်ပြန် တောင်းဆိုလိုက်ပါတယ်။ မြန်မာနိုင်ငံ ရခိုင်ပြည်နယ်က ရိုဟင်ဂျာတွေနဲ့ အခြား လူမျိုးစုတွေ အလုံးအရင်းနဲ့ နေရပ်စွန့်ခွာထွက်ပြေးခဲ့ရတာ ဩဂုတ် ၂၅ ရက်နေ့မှာ ခုနှစ်နှစ်ပြည့်မြောက်ပြီ ဖြစ်ပါတယ်။  အခုအချိန်မှ ရိုဟင်ဂျာတစ်သန်းလောက်ဟာ ဘင်္ဂလားဒေ့ရှ်နိုင်ငံမှာ ခိုလှုံနေထိုင်နေရပြီး နောက်ထပ် တစ်သိန်း သုံးသောင်းလောက်ကတော့ ဒေသတွင်းနိုင်ငံတွေမှာ ရောက်ရှိ ပျံ့နှံ့နေပြီး၊ နေရပ်ပြန်ဖို့ မျှော်လင့်ချက် မရှိဘဲ ဖြစ်နေတယ်လို့ သြဂုတ်လ ၂၃ ရက်နေ့က ထုတ်ပြန်တဲ့ ကြေညာချက်မှာ ဖော်ပြထားပါတယ်။ မလုံခြုံမှုနဲ့ လူသားချင်းစာနာမှုအကူအညီ လိုအပ်မှုတွေကြောင့် အရင်ကတည်းက ထိခိုက်လွယ်တဲ့ အခြေအနေ ဖြစ်နေတဲ့ မြန်မာပြည်သူတွေအတွက် အခြေအနေ ပိုဆိုးစေပါတယ်။ ဒီအထဲက […]

,

လူ့အခွင့်အရေးချိုးဖောက်မှု မှတ်တမ်းများ (၂၀၂၄ ခုနှစ်၊သြဂုတ်(၁၅)ရက်မှ (၂၁) ရက်နေ့ထိ)

၂၀၂၄ ခုနှစ်၊ ဩဂုတ်(၁၅)ရက်မှ (၂၁)ရက်အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ ဩဂုတ်လ (၁၅)ရက်မှ (၂၁)ရက်အတွင်း စစ်အာဏာရှင်တပ်သားများက စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ မန္တလေးတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်နှင့် ရှမ်းပြည်နယ် တို့တွင် လေကြောင်း အသုံးပြု ဗုံးကြဲ တိုက်ခိုက်ခြင်းများ ပြုလုပ်ခဲ့သည်။ စစ်အာဏာရှင်တပ်သားများက ပဲခူးတိုင်းဒေသကြီး၊ မကွေးတိုင်း ဒေသကြီး နှင့် မန္တလေးတိုင်းဒေသကြီး တို့တွင် စစ်မှုထမ်းရန်အတွက် ပြည်သူများကို အတင်းအဓမ္မဖမ်းဆီးခြင်းများ ပြုလုပ်ခဲ့သည်။ ပဲခူးတိုင်းဒေသကြီး ဒိုက်ဦး အကျဉ်းထောင်နှင့် သာယာဝတီ အကျဉ်းထောင်တို့တွင် နိုင်ငံရေး အကျဉ်း သားများကို ညှင်းပန်းနှိပ်စက်ခြင်းများ ပြုလုပ်ခဲ့သည်။ စစ်အာဏာရှင်တပ်သားများ၏ လက်နက်ကြီး၊ လက်နက်ငယ်တို့ဖြင့် ပစ်ခတ်မှုကြောင့် တပတ်အတွင်း ပြည်သူ (၂၀)ကျော် သေဆုံးခဲ့ပြီး […]

မြန်မာစစ်တပ်သည် ရက်စက်ကြမ်းကြုတ်မှုများ ပိုမိုပြင်းထန်စွာကျူးလွန်သည့် အထောက်အထားများရှိကြောင်း မြန်မာယန္တရား၏ နှစ်ပတ်လည်အစီရင်ခံစာတွင် တင်ပြ

ဂျီနီဗာ၊ ဩဂုတ် ၁၃၊ ၂၀၂၄။         ။မြန်မာစစ်တပ်သည် ရက်စက်ကြမ်းကြုတ်သော စစ်ရာဇ၀တ်မှုများနှင့် လူသားမျိုးနွယ်အပေါ် ကျူးလွန်သည့် ရာဇ၀တ်မှုများကို နိုင်ငံတဝှမ်းတွင် စိုးရိမ်ဖွယ်နှုန်းဖြင့် ပိုမိုပြင်းထန်စွာ ကျူးလွန်နေသည့် အထောက်အထား အများအပြားရှိနေကြောင်း မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (ယန္တရား) က စုဆောင်းစိစစ်သုံးသပ်ထားသော အချက်အလက်များနှင့် ယနေ့ထုတ်ပြန်သည့် နှစ်ပတ်လည်အစီရင်ခံစာ က ညွှန်ပြနေသည်။ ဤအစီရင်ခံစာတွင် စစ်အုပ်ချုပ်ရေးကို စိန်ခေါ်တွန်းလှန်မှုများ ပြင်းထန်ပြီး နိုင်ငံတဝှမ်း လက်နက်ကိုင် ပဋိပက္ခများ အရှိန်မြင့်နေသည့် ၂၀၂၃ ခုနှစ်၊ ဇူလိုင်လ ၁ ရက်နေ့မှ ၂၀၂၄ ခုနှစ်၊ ဇွန်လ ၃၀ ရက်နေ့အထိ ကာလကို အလေးပေး ဖော်ပြထားသည်။ ဤအချိန်ကာလအတွင်း ယန္တရားသည် ပိုမိုပြင်းထန်ကြမ်းကြုတ်သော စစ်ရာဇ၀တ်မှုများ ကျူးလွန်သည့် အထောက်အထား အများအပြားကို စုဆောင်းခဲ့သည်။ ယင်းတို့အနက် စစ်ဘက်ဆိုင်ရာပစ်မှတ် မရှိသော […]

,

လူ့အခွင့်အရေးချိုးဖောက်မှု မှတ်တမ်းများ (၂၀၂၄ ခုနှစ်၊သြဂုတ်(၈)ရက်မှ (၁၄) ရက်နေ့ထိ)

၂၀၂၄ ခုနှစ်၊ ဩဂုတ်(၈)ရက်မှ (၁၄)ရက်အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ ဩဂုတ်လ (၈)ရက်မှ (၁၄)ရက်အတွင်း စစ်အာဏာရှင်တပ်သားများက စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ တနင်္သာရီတိုင်းဒေသကြီး၊ မန္တလေးတိုင်းဒေသကြီး၊ ချင်းပြည်နယ်၊ ရှမ်းပြည်နယ် နှင့် ကချင်ပြည်နယ် တို့တွင် လေကြောင်းအသုံးပြု ဗုံးကြဲ တိုက်ခိုက်ခြင်းများ ပြုလုပ်ခဲ့သည်။ စစ်အာဏာရှင်လက်အောက်ခံ အကျဉ်းဦးစီး ဌာနရှိ ဝန်ထမ်းများက ဧရာဝတီတိုင်းဒေသကြီး၊ မြောင်းမြ အကျဉ်း ထောင်နှင့် ပဲခူးတိုင်းဒေသကြီး၊ သာယာဝတီထောင် တို့တွင် နိုင်ငံရေး အကျဉ်းသားများကို ရိုက်နှက် ညှင်းပန်းနှိပ်စက်မှုများ ပြုလုပ်လျှက်ရှိသည်။ စစ်အာဏာရှင်တပ်သား များနှင့် ရပ်/ကျေး အုပ်ချုပ်ရေးမှုးများက မန္တလေးတိုင်းဒေသကြီး တွင် မသန်စွမ်းသူများ၊ ဥာဏ်ရည်မဖွံ့ဖြိုးသူများကို စစ်မှုထမ်းရန်အတွက် စာရင်းထည့်သွင်းခဲ့ခြင်း၊ စစ်မှုထမ်းရန် ဆင့်ခေါ်ခံရသူများ […]

,

လူ့အခွင့်အရေးချိုးဖောက်မှု မှတ်တမ်းများ (၂၀၂၄ ခုနှစ်၊သြဂုတ်(၁)ရက်မှ (၇) ရက်နေ့ထိ)

၂၀၂၄ ခုနှစ်၊ ဩဂုတ်(၁)ရက်မှ (၇)ရက်အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ ဩဂုတ်လ (၁)ရက်မှ (၇)ရက်အတွင်း စစ်အာဏာရှင်တပ်သားများက မန္တလေးတိုင်းဒေသကြီး၊ ရှမ်းပြည်နယ်၊ ချင်းပြည်နယ် နှင့် ရခိုင်ပြည်နယ် တို့တွင်‌ လေကြောင်း အသုံးပြု ဗုံးကြဲတိုက်ခိုက်ခြင်းများ ပြုလုပ်ခဲ့သည်။ စစ်အာဏာ ရှင်တပ်သားများက ရန်ကုန်တိုင်းဒေသကြီး နှင့် ဧရာဝတီတိုင်းဒေသကြီးတွင် စစ်မှုထမ်း အပတ်စဉ်(၄) အတွက် လူငယ် များကို စာရင်းကောက်ယူ ဖမ်းဆီးလျှက်ရှိသည်။ စစ်ကိုင်းတိုင်းဒေသကြီး နှင့် ရခိုင်ပြည်နယ် တို့မှ ဒေသခံပြည်သူ (၁၀၀)ကျော်ကို စစ်အာဏာရှင်တပ်သားများက ဖမ်းဆီးခဲ့သည်။ စစ်အာဏာရှင်တပ်သားများ၏ လက်နက်ကြီး၊ လက်နက်ငယ်တို့ဖြင့် ပစ်ခတ်မှုကြောင့် တပတ်အတွင်း ပြည်သူ (၃၀)ကျော် သေဆုံးခဲ့ပြီး (၄၀)ကျော် ထိခိုက်ဒဏ်ရာရရှိခဲ့သည်။ စစ်အာဏာရှင်တပ်သားများ၏ လူ့အခွင့်အရေး […]

မြောက်ဦးမြို့ ဗုံးကြဲခံရမှု ခြောက်ဦးသေဆုံး၊ ခုနစ်ဦးထက်မနည်း ဒဏ်ရာရ

ရခိုင်ပြည်နယ်၊ မြောက်ဦးမြို့ပေါ်ကို သြဂုတ်လ ၁၀ ရက် ဒီနေ့ နေ့လယ် ၁၂ နာရီခွဲအချိန်မှာ စစ်ကောင်စီတပ်က ဂျက်တိုက်လေယာဥ်နဲ့ လာရောက်ဗုံးကြဲတာကြောင့် အရပ်သားခြောက်ဦး သေဆုံးပြီး ခုနစ်ဦးထက်မနည်း ဒဏ်ရာရသွားတယ်လို့ ဒေသခံတွေက RFA ကို ပြောပါတယ်။ သေဆုံးသူတွေက အမျိုးသမီးတစ်ဦးနဲ့ အမျိုးသားငါးဦးဖြစ်ပြီး အဲဒီအထဲမှာ အသက် ၁၂ နှစ်အရွယ် ကလေးတစ်ဦးလည်း ပါဝင်တယ်လို့ ဆိုပါတယ်။ မြောက်ဦးဟိုတယ်အနီး သျှစ်သောင်း ဘုရားဘက်ကိုသွားတဲ့ ကားလမ်းမပေါ်မှာ ကျရောက်ပေါက်ကွဲခဲ့တာလို့ မြောက်ဦးမြို့ခံတစ်ဦးက ပြောပါတယ်။ “ဂျက်လေယာဥ်နဲ့ ဗုံးတစ်လုံး ချသွားတာ။ မြောက်ဦးဟိုတယ်နားက လမ်းမပေါ်မှာ ကျတယ်။ အဲဒီအနားမှာ သွားလာနေတဲ့သူတွေ သေဆုံးဒဏ်ရာရတာ။ လောလောဆယ်တော့ ခြောက်ယောက် သေသွားပြီ။ အခု အလောင်းတွေကို ကျွန်တော်တို့ နာရေးရုံးကို ပို့နေတယ်” ဗုံးကြဲခံရတဲ့ […]

ထွက်ပြေးလာသည့် ရိုဟင်ဂျာ ဒုက္ခသည် ၃၄ ဦးအလောင်းများ ဘင်္ဂလားဒေ့ရှ် ဆယ်ယူ

စစ်ဖြစ်နေသော မြန်မာမှ ဘင်္ဂလားဒေ့ရှ်သို့ ထွက်ပြေးလာစဉ် လူအပြည့်အကျပ်တင်ဆောင်ထားသည့် လှေနစ်မြုပ်ပြီး သေဆုံးသည့် ရိုဟင်ဂျာ ဒုက္ခသည် ၃၄ ဦး၏ အလောင်းများကို ပြန်လည်ရရှိထားကြောင်း ဒေသဆိုင်ရာ အဆင့်မြင့်အရာရှိတဦးက ကြာသပတေးနေ့တွင် ပြောသည်။ လူထောင်ပေါင်းများစွာ ထွက်ပြေးလွတ်မြောက်ရန် ကြိုးစားစဉ် ပြင်းထန်သော ပဋိပက္ခကြောင့် ထွက်ပြေးလာသည့် အခြားဒုက္ခသည်များက သွေးချောင်းစီးသည့် လွန်စွာတုန်လှုပ်ဖွယ် မြင်ကွင်းများကို ပြောကြားကြသည်။ ထိုလှေသည် အင်္ဂါနေ့တွင် နစ်မြုပ်ခြင်းဖြစ်ပြီး ထိုစဉ်က ကလေးငယ်များအပါအဝင် လူ ၁၀ ဦး၏ အလောင်းများကို ကနဦး ပြန်လည် ရရှိသည်။ သို့သော် ထိုနောက်ပိုင်းတွင် နောက်ထပ်အလောင်းများ ကမ်းခြေသို့ မျောပါလာပြီး စုစုပေါင်းသေဆုံးသူ ၃၄ ဦးအထိ ရှိလာသည်။ ထိုဒုက္ခသည် အုပ်စုသည် မြန်မာနိုင်ငံ ရခိုင်ပြည်နယ်ရှိ ကျေးရွာများမှ ထွက်ပြေးလာပြီး […]