Entries by ndb14

တောင်ငူမှာ ရေဘေးဒုက္ခသည် ရှစ်သောင်းကျော် အကူအညီ လိုအပ်နေ

ပဲခူးတိုင်း၊ တောင်ငူမြို့နယ်ထဲမှာရှိတဲ့ ကျေးရွာပေါင်း ငါးဆယ်ကျော်က လူရှစ်သောင်းကျော် စားနပ်ရိက္ခာနဲ့ ဆေးဝါးအကူအညီတွေ လိုအပ်နေတယ်လို့ ရေဘေးကြုံနေရသူတွေက ပြောပါတယ်။ တောင်ငူခရိုင်အတွင်း ရေကြီးနစ်မြုပ်မှုကြောင့် တောင်ငူ၊ အုတ်တွင်း၊ ရေတာရှည်၊ ထန်းတပင် စတဲ့မြို့နယ်က ပြည်သူတွေ ဘေးလွတ်ရာ ရွှေ့ပြောင်းနေထိုင်နေရတယ်လို့ ဆိုပါတယ်။ တောင်ကျချောင်းရေနဲ့ စစ်တောင်းမြစ်ရေ တက်လာတာကြောင့် အနိမ့်ပိုင်း မြို့ပေါ်ရပ်ကွက်တွေနဲ့ ကျေးရွာတွေကို ကိုးပေကျော် ရေဝင်နစ်မြုပ်ခဲ့တာပါ။ လတ်တလောမှာတော့ ရေလေးပေကျော် ပြန်ကျသွားပေမဲ့ သွားလို့ လာလို့ မရသေးဘဲ ချက်ပြုတ်စားသောက်ဖို့အတွက် အခြေခံစားသောက်ကုန်တွေ လိုအပ်နေတယ်လို့ လုံခြုံရေးကြောင့် အမည်မဖော်လိုတဲ့ တောင်ငူမြို့ ရေဘေးဒုက္ခသည်တစ်ဦးက RFA ကို ပြောပါတယ်။ “ထမင်းထုပ်တွေ ဝေပေမဲ့လေ သိုးကုန်တာတွေ ရှိတော့။ ညစာဆို နေ့တိုင်း မစားရဘူးပေါ့နော်။ ဆန်တို့ ဘာတို့ရရင်တော့ ချက်ပြုတ်စားလို့ […]

ဖမ်းဆီးခံထားရစဉ် အနည်းဆုံး လူ နှစ်ထောင်နီးပါး သေဆုံးခဲ့ကြောင်း UNHRC ပြော

စစ်တပ်အာဏာသိမ်းပြီးနောက် ညှဉ်းပန်းနှိပ်စက်မှုတွေနဲ့ လုံလောက်တဲ့ ကျန်းမာရေးစောင့်ရှောက်မှု မရတာတွေကြောင့် ဖမ်းဆီးထိန်းသိမ်းခံထားရစဉ် သေဆုံးသူ အနည်းဆုံး ၁,၈၅၃ ဦး ရှိတယ်လို့ စက်တင်ဘာ ၁၇ ရက်နေ့က ထုတ်တဲ့ ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံး အစီရင်ခံစာမှာ ဖော်ပြပါတယ်။ ခိုင်လုံတဲ့သတင်းရင်းမြစ်တွေအရ သေဆုံးခဲ့သူတွေထဲမှာ အမျိုးသမီး ၁၂၅ ဦးနဲ့ ကလေး ၈၈ ဦး ပါဝင်တယ်လို့ အစီရင်ခံစာက ဖော်ပြထားပါတယ်။ စစ်တပ်က ဖမ်းဆီးထိန်းသိမ်းထားသူတွေကို နှိပ်စက်ညှဉ်းပန်းတာ၊ ဆိုးဝါးပြင်းထန်တဲ့ ပြုမူဆက်ဆံပုံတွေနဲ့ စစ်ဆေးမေးမြန်းတာကြောင့် သေဆုံးခဲ့တာလို့လည်း ဆိုပါတယ်။ အာဏာသိမ်းပြီးကတည်းက အရပ်သား ၂၇,၄၀၀ ဖမ်းဆီးခံခဲ့ရပြီး၊ အခုနှစ် ဖေဖော်ဝါရီမှာ စစ်မှုမထမ်းမနေရ ဥပဒေ စတင်ကျင့်သုံးခဲ့တဲ့နောက် ဖမ်းဆီးခံရသူ ဦးရေ မြင့်တက်လာနေတယ်လို့လည်း ပါရှိပါတယ်။ ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံးက မေးမြန်းထားချက်တွေအရ စစ်ကောင်စီ […]

,

လူ့အခွင့်အရေးချိုးဖောက်မှု မှတ်တမ်းများ (၂၀၂၄ ခုနှစ်၊စက်တင်ဘာလ(၁)ရက်မှ (၇) ရက်နေ့ထိ)

၂၀၂၄ ခုနှစ်၊ စက်တင်ဘာ(၁)ရက်မှ (၇)ရက်အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ စက်တင်ဘာလ (၁)ရက်နေ့မှ (၇)ရက်နေ့အတွင်း စစ်အာဏာရှင်တပ်သားများက စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး နှင့် ရှမ်းပြည်နယ် အသုံးပြု ဗုံးက တိုက်ခိုက် ခြင်းများ ပြုလုပ်ခဲ့သည်။ အာဏာသိမ်းစစ်‌တပ်က ၎င်းတို့အနေဖြင့် လက်လွှတ်ဆုံးရှုံးထားရသော မြို့နယ်များကို လေကြောင်းအသုံးပြု တိုက်ခိုက်မည် ဖြစ်ကြောင်း ခြိမ်းခြောက်ပြောဆိုခဲ့သည်။ စစ်အာဏာရှင်တပ်သားများက ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီး တို့တွင် စစ်မှုထမ်းရန်အတွက် တက္ကသိုလ်ကျောင်းသားများကိုပါ ဖမ်းဆီးခြင်းများ ပြုလုပ်ခဲ့ သည်။ ဧရာဝတီတိုင်းဒေသကြီး မအူပင်အကျဉ်းထောင်တွင် စစ်အာဏာရှင်လက်အောက်ခံ အကျဉ်းဦးစီးဌာနက ထောင်ဝင်စာတွေ့ရာတွင် ငွေကြေးတောင်းခံခြင်းများ ပြုလုပ်ခဲ့သည်။ စစ်အာဏာရှင်တပ်သားများ၏ လက်နက်ကြီး၊ လက်နက်ငယ်တို့ဖြင့် ပစ်ခတ်မှုကြောင့် တပတ်အတွင်း ပြည်သူ (၄၀)ကျော် သေဆုံးခဲ့ပြီး […]

ဘိုကလေးတွင် စစ်မှုထမ်းအပတ်စဉ် ၅ အတွက် လူငယ် ၄ဝ ကျော် အဓမ္မစုဆောင်းခံရ

ဧရာဝတီတိုင်း၊ ဘိုကလေးမြို့နယ်ကနေ စစ်မှုထမ်းအမှတ်စဉ် ၅ အတွက် အသက် ၄၀ အရွယ်တွေ အပါအဝင် အရပ်သား အယောက် ၄၀ အဓမ္မ စစ်သားစုဆောင်းခံရတယ်လို့ ဒေသခံတွေဆီကနေ သိရပါတယ်။ ဘိုကလေးမြို့နယ်ကနေ စစ်မှုထမ်း အမှတ်စဉ် ၅ အတွက် စစ်ကောင်စီခန့် ရပ်ကွက်နဲ့ ကျေးရွာအုပ်ချုပ်ရေးမှူးတွေက စစ်ကောင်စီတပ်နဲ့ပေါင်းပြီး အသက် ၄၀ ကျော်အရွယ်တွေ အပါအဝင် အရပ်သား အယောက် ၄၀ ကျော်အထိ စစ်မှုထမ်းဖို့ အဓမ္မ စစ်သားစုဆောင်းခဲ့တာလို့ ဆိုပါတယ်။ စစ်သားစုဆောင်းခံရတဲ့ မိသားစုဝင်တယောက်က “အမှတ်စဉ် ၅ အတွက် အယောက် ၄ဝ ခေါ်တာ။ မဲနှိုက်ပြီး ရွေးချယ်တာမဟုတ်ဘဲ အိမ်တွေထဲအထိ လိုက်ဆွဲခေါ်သွားတာ။ အခေါ်ခံရတဲ့သူတွေထဲမှာ အသက် ၄၀ ကျော် အရွယ်တွေ ပါတယ်။ […]

စစ်တပ် မီးရှို့ဖျက်ဆီးခဲ့သည့် ပြည်သူလူထု နေအိမ်ပေါင်း အလုံး ၁ သိန်းကျော် ရှိလာ

စစ်အာဏာသိမ်း ၃ နှစ်ကျော်ကာလအတွင်း စစ်ကောင်စီတပ်နဲ့ လက်အောက်ခံအဖွဲ့အစည်းတွေရဲ့ မီးရှို့ဖျက်ဆီးမှုကြောင့် အရပ်သားပြည်သူလူထုနေအိမ်ပေါင်း ၁ သိန်း ကျော် ပျက်စီးခဲ့ရပြီး စစ်ကိုင်းတိုင်းကတော့ မီးရှို့ဖျက်ဆီးခံရတဲ့ နေအိမ်စုစုပေါင်းရဲ့ ၇၂ ရာခိုင်နှုန်းနဲ့ အများ ဆုံးဖြစ်တယ်လို့ Data for Myanmar အဖွဲ့က ထုတ်ပြန်ပါတယ်။ အဲဒီထဲမှာတော့ အခု ၂၀၂၄ ခုနှစ်အတွင်း မီးရှို့ဖျက်ဆီးခံရတဲ့ နေအိမ်အလုံးပေါင်း ၂၁,၀၀၀ ကျော် ပါဝင်နေပြီး ကောလင်း၊ ကလေး၊ ဘူးသီးတောင်၊ မြင်းခြံနဲ့ မုံရွာ မြို့နယ်တွေမှာတော့ အိမ်ခြေ ၁,၀၀၀ ကနေ ၅,၀၀၀ အထိ အများဆုံး ပျက်စီးဆုံးရှုံးခဲ့ရတယ်လို့ ဆိုပါတယ်။ ဒါ့အပြင် အခုနှစ်အတွင်းမှာပဲ နိုင်ငံတဝန်း စစ်ကောင်စီတပ်တွေက မြို့/ရွာဒေသ ၃၂၆ ခုမှာ မီးရှို့ဖျက်ဆီးမှုတွေ ကျူးလွန်ခဲ့ကြပြီး […]

လေကြောင်းတိုက်ခိုက်မှုကြောင့် နှစ်ရက်အတွင်း အရပ်သား သုံးဆယ်နီးပါး သေဆုံး

စက်တင်ဘာ ၅ ရက်နဲ့ ၆ ရက် ဒီနှစ်ရက်အတွင်း ရှမ်းပြည်နယ်ထဲက နမ့်ခမ်းမြို့ပေါ်နဲ့ ဖယ်ခုံမြို့နယ်က လအိ စစ်ဘေးဒုက္ခသည်စခန်းတွေကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့တာကြောင့် အရပ်သား နှစ်ဆယ်ကျော် သေဆုံးခဲ့သလို မကွေးတိုင်း မြိုင်မြို့နယ် လက်ယက်မရွာကိုလည်း ဗုံးကြဲချခဲ့တာကြောင့် အရပ်သား ခြောက်ယောက် သေဆုံးခဲ့ပါတယ်။ ဒီနှစ်ရက်အတွင်း စစ်ကောင်စီ လေကြောင်း တိုက်ခိုက်မှုကြောင့် အရပ်သား သုံးဆယ်နီးပါး သေဆုံးခဲ့တာပါ။ လက်ယက်မရွာမှာ တိုက်ပွဲဖြစ်တာမရှိဘဲ စစ်ကောင်စီက ဗုံးကြဲခဲ့တာလို့ အဲဒီရွာမှာ ကယ်ဆယ်ရေးလုပ်ခဲ့တဲ့ ပခုက္ကူခရိုင် တပ်ရင်း ၁၇ ရဲ့ ပြောရေးဆိုခွင့်ရှိသူ ကိုအေကေက ပြောပါတယ်။ “ကျွန်တော်တို့တပ်ဖွဲ့တွေအနေနဲ့ စာသင်ကျောင်းနားမှာနေတာလည်း မရှိဘူး၊ ရပ်ရွာတွေထဲမှာလည်း နေတာမရှိဘူး၊ ဘာသတင်းရပြီး ပစ်သွားတယ်မသိဘူးဗျ၊ အကြောင်းမဲ့သက်သက်ကို လာပစ်သွားတာ၊ ပေါင် ငါးရာဗုံးနဲ့ […]

,

လူ့အခွင့်အရေးချိုးဖောက်မှု မှတ်တမ်းများ (၂၀၂၄ ခုနှစ်၊သြဂုတ်(၂၂)ရက်မှ (၃၁) ရက်နေ့ထိ)

၂၀၂၄ ခုနှစ်၊ ဩဂုတ်(၂၂)ရက်မှ (၃၁)ရက်အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ ဩဂုတ်လ (၂၂)ရက်မှ (၃၁)ရက်အတွင်း စစ်အာဏာရှင်တပ်သားများက စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ ပဲခူးတိုင်းဒေသကြီး၊ မန္တလေးတိုင်းဒေသကြီး၊ တနင်္သာရီတိုင်းဒေသကြီး နှင့် ရှမ်းပြည်နယ် တို့တွင် လေကြောင်း အသုံးပြု ဗုံးကြဲ တိုက်ခိုက်ခြင်းများ ပြုလုပ်ခဲ့သည်။ မကွေးတိုင်းဒေသကြီး သရက်ထောင်နှင့် မကွေး ထောင်၊ ဧရာဝတီတိုင်း ဒေသကြီး မြောင်းမြထောင် နှင့် ပဲခူးတိုင်းဒေသကြီး သာယာဝတီထောင် တို့တွင် စစ်အာဏာ ရှင်လက်အောက်ခံ အကျဉ်းဦးစီးဌာနက နိုင်ငံရေးအကျဉ်းသားကို ညှင်းပန်းနှိပ်စက်ခြင်း၊ ငွေကြေးတောင်းခံခြင်းများ ပြုလုပ်ခဲ့သည်။ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး နှင့် နေပြည်တော် တို့တွင် စစ်အာဏာရှင်တပ်သားများက စစ်မှုထမ်းရန် အသက်ပြည့်သူများကို အတင်းအဓမ္မဖမ်းဆီးခြင်း၊ […]

စစ်ဘေးဒဏ်ခံနေရတဲ့ ကလေးတွေကိုကူညီဖို့ ဦးကျော်မိုးထွန်း ပြော

မြန်မာပြည်တွင်းက စစ်ဘေးဒဏ်ခံနေရတဲ့ ကလေးငယ်တွေကို နိုင်ငံတကာအနေနဲ့ ထိရောက်တဲ့အကူအညီတွေပေးဖို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက စက်တင်ဘာ ၃ ရက်နေ့မှာ တောင်းဆိုလိုက်ပါတယ်။ အမေရိကန်ပြည်ထောင်စု၊ နယူးယောက်မြို့၊ ကုသသမဂ္ဂ ဌာနချုပ်မှာလုပ်တဲ့ ကုလသမဂ္ဂကလေးများ ရန်ပုံငွေအဖွဲ့ (UNICEF) ရဲ့ ၂၀၂၄ ခုနှစ်၊ ဒုတိယအကြိမ် ပုံမှန်အစည်းအဝေးမှာ အခုလို ပြောလိုက်တာပါ။ စစ်ကောင်စီဟာ ၂၀၂၁ ခုနှစ်၊ ဖေဖော်ဝါရီ ၁ ရက် အာဏာစသိမ်းတဲ့အချိန်ကစပြီး ကလေးငယ်တွေအပါအဝင် မြန်မာပြည်သူအားလုံးအပေါ် ရက်စက်မှု ကျူးလွန်ခဲ့တာကြောင့် လူသားချင်းစာနာမှုအရ ဖြေရှင်းပေးဖို့ လိုအပ်နေတဲ့ ပြဿနာတွေ အခုအချိန်အထိ မရှင်းနိုင်ဘဲ အလှမ်းဝေးနေသေးတယ်လို့ ဦးကျော်မိုးထွန်းက ပြောပါတယ်။ “စစ်ကောင်စီတပ်ဟာ ရက်စက်ကြမ်းကြုတ်သလောက် မြေပြင်တိုက်ပွဲတွေမှာလည်း ဆက်တိုက် ရှုံးနိမ့်နေတယ်။ ဒါကြောင့် စစ်သားစုဆောင်းမှုတွေ ပြုလုပ်နေတဲ့အကျိုးဆက်က […]

အင်းစိန်ထောင်ဆေးရုံတွင် အကျဉ်းသားချင်း အဓမ္မပြုကျင့်မှု ထိရောက်စွာအပြစ်ပေးအရေးယူခြင်း မရှိ

မဇ္ဈိမ။ ။အင်းစိန်အကျဉ်းထောင်ရှိ ထောင်ဆေးရုံတွင် နိုင်ငံရေးအကျဉ်းသားတဦးကို အဓမ္မပြုကျင့်ခဲ့သည့် အကျဉ်းခန်းလူကြီးအား ထောင်အာဏာပိုင်များက ထိရောက်စွာ အပြစ်ပေးအရေးယူခြင်းမရှိကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM)၏ သတင်းထုတ်ပြန်ချက်အရ သိရ သည်။ သြဂုတ်လ ၂၀ ရက်နေ့ နံနက် ၃ နာရီက မုဒိမ်းမှုဖြင့် ထောင်ကျနေသည့် အကျဉ်းခန်းလူကြီး ဇင်မျိုးကို(ခ) မျိုးကြီးက ပုဒ်မ ၅၀(ည)ဖြင့် ထောင်ဒဏ် ၁၁ နှစ်ချမှတ်ခံထားရသည့် အသက် ၂၅ နှစ်အရွယ် နိုင်ငံရေး အကျဉ်းသားကို ထိုးကြိတ်၍အဓမ္မပြုကျင့်ခဲ့သည်။ ဖြစ်စဉ်ဖြစ်ပွားရာနေရာမှာ အင်းစိန်ထောင်ဝင်းအတွင်း ရှိ ထောင်ဆေးရုံ၊ တီဘီရောဂါသမားများအားထားသည့် အခန်းတွင်ဖြစ်ပြီး ကျူးလွန်သူမှာ အဆိုပါအခန်း ၏ အခန်းလူကြီးအဖြစ် တာဝန်ပေးခံထားရသူဖြစ်ကြောင်း သိရသည်။ ယင်းသို့ အဓမ္မပြုကျင့်မှုနှင့်ပတ်သက်၍ ဇင်မျိုးကိုအား ထောင်အာဏာပိုင်များက တစုံတရာ အရေးယူမှု မရှိကြောင်း […]

မြန်မာ့အရေး ကုလလူ့အခွင့်အရေးကောင်စီ ဆွေးနွေးမည်

စက်တင်ဘာ ၉ ရက်နေ့ကနေ အောက်တိုဘာ ၁၁ ရက်ထိ ကျင်းပမယ့် ၅၇ ကြိမ်မြောက် ပုံမှန်အစည်းအဝေးမှာ မြန်မာ့အရေးဆွေးနွေးမယ်လို့ ကုလသမဂ္ဂ လူ့အခွင့်အရေးကောင်စီက စက်တင်ဘာ ၄ ရက်မှာ ကြေညာချက်ထုတ်ပြန်ပါတယ်။ အပြန်အလှန် ဆွေးနွေးပွဲပေါင်း ၃၀ ရှိပြီး မြန်မာ့အရေးက လေးကြိမ်ပါဝင်ပါတယ်။ ပုံမှန်အစည်းအဝေး စတင်တဲ့ စက်တင်ဘာ ၉ ရက်မှာ မြန်မာနိုင်ငံက ရိုဟင်ဂျာ မွတ်စလင်နဲ့ လူနည်းစုတွေရဲ့ လူ့အခွင့်အရေး အခြေအနေကို မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) နဲ့ ဆွေးနွေးပြီး စက်တင်ဘာ ၂၃ ရက်မှာ မြန်မာနိုင်ငံက လူ့အခွင့်အရေး အခြေအနေနဲ့ ပတ်သက်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးနဲ့ အပြန်အလှန် ဆွေးနွေးမယ်လို့ ကြေညာချက်မှာ ဖော်ပြထားပါတယ်။ […]