Entries by ndb14

သာယာဝတီ အကျဉ်းထောင်များနှင့် အချုပ်ခန်းများအား ကြည့်ရှုစစ်ဆေးခြင်း

မြန်မာနိုင်ငံအမျိုးသားလူ့အခွင့်အရေးကော်မရှင်မှ ကော်မရှင်အဖွဲ့ဝင် ဦးယုလွင်အောင်နှင့် ဒေါက်တာမြင့်ကြည်တို့ ဦးဆောင်သော ကြည့်ရှုစစ်ဆေးရေးအဖွဲ့သည် ၇-၂-၂၀၁၉ ရက်နေ့နှင့် ၈-၂-၂၀၁၉ ရက်နေ့များတွင် သာယာဝတီမြို့မရဲစခန်း၊ တရားရုံး အချုပ်ခန်းများကို ကြည့်ရှုစစ်ဆေးခြင်း၊ အကျဉ်းဦးစီးဌာနအောက်ရှိ သာယာဝတီဗဟိုအကျဉ်းထောင်ကို ဝင်ရောက်၍ အကျဉ်းသား၊ အချုပ် သားများ၊ အိပ်ဆောင်များ၊ စားဖိုကြီး၊ ထောင်တွင်း ဆေးခန်း၊ အသက်မွေးမှု အတက်သင်ကျောင်း တို့ကို လည်းကောင်း ကြည့်ရှုစစ်ဆေးပြီး တစ်ဦးချင်း တွေ့ဆုံလိုသူ အကျဉ်းသား၊ အကျဉ်းသူ ၁၆၅ ဦးအား တစ်ဦးချင်းဖြင့် ၂ ရက်တွေ့ဆုံမေးမြန်း မှတ်တမ်းတင်ခြင်း၊ အချုပ်သား၊ အကျဉ်းသားများ နှင့် အဖွဲ့လိုက် ၃၄ နေရာခွဲ၍ တွေ့ဆုံပြီး အခက်အခဲများ မေးမြန်းခြင်း၊ လူ့အခွင့်အရေး ချိုးဖောက် ခံရခြင်း ရှိမရှိ မေးမြန်းစုံစမ်းခြင်း၊ တရားစာအုပ်များ၊ ဗလာစာအုပ်များ၊ […]

ကတီ်္တပါကားလိပ်သစ် ဖွင့်နိုင်ဖို့ လိုအပ်နေတဲ့ တရားမျှတမှု

“အသွင်ကူးပြောင်းရေးကာလ တရားမျှတမူ (Transitional Justice) လို့ ဆိုလိုက်ရင် “အမျိုးသားပြန်လည်သင့်မြတ်ရေး (National Reconciliation) အတွက် အဟန့်အတား တစ်ခုဖြစ်မယ်လို့ မြင်တတ်ကြတာဟာ မြန်မာ နိုင်ငံမှာမှမဟုတ်ဘဲ ကမ်္ဘာမှာလည်းရှိကြတာ ပါပဲ။ တကယ်တော့ တရားမျှတမှုဟာ အမျိုးသားပြန်လည်သင့်မြတ်ရေး အတွက် အခြေခံလို အပ်ချက်ဖြစ်နေတယ်ဆိုတာကို မမြင်ကြလို့ ခုလိုပြောကြတယ်လို့ယူဆပါတယ်။ ရှင်းပါမယ်။ အသွင်ကူးပြောင်းရေးကာလ တရားမျှတမှုကို ဘာလို့လိုချင်တာလဲဆိုရင် အရင်ဆုံး အကြောင်းပြချက်ကတော့ ဖြစ်ပျက်ခဲ့တဲ့အကြောင်းအရာ တွေနဲ့ပတ်သက်ရင် သက်ဆိုင်ရာ တာဝန်ရှိတဲ့လူဒါမှမဟုတ် အဖွဲ့အစည်းအနေနဲ့တာဝန်ယူမှု၊ တာဝန်ခံမှုရှိစေချင်တာကြောင့် လို့ဆိုရမှာပါ။ ဒါကလည်း သူတို့ဟာ အမှားကျူးလွန်ခဲ့တဲ့အတွက် အဲဒီလူ/ အဖွဲ့အစည်းမှာ အများ ပြည်သူက သူတို့အပေါ် ပျောက်ဆုံးသွားတဲ့ ယုံကြည်မှုထက် သူတို့ကိုယ်သူတို့ယုံကြည်မှုကို ပြန်ရစေချင်လို့ပါပဲ။ ဒီနေရာမှာ ဖြစ်ရပ်တစ်ခုကို ပြောပြချင်ပါတယ်။ ၁၉၉၅ ခုနှစ်က […]

အမျိုးသားလွှတ်တော် ၊ အမျိုးသမီးနှင့် ကလေးသူငယ် အခွင့်အရေးဆိုင်ရာ ကော်မတီ နှင့် ပြန်လည်ကုစားပေးလျော်မှုအလုပ်အဖွဲ့တို့မှ ဥပေက္ခာမပြုကောင်းသောဘဝများ အစီရင်ခံစာ စာအုပ်နှင့်စပ်လျဉ်းသည့်အစည်းအဝေးကျင်းပ

အမျိုးသားလွှတ်တော် ၊ အမျိုးသမီးနှင့် ကလေးသူငယ် အခွင့်အရေးဆိုင်ရာ ကော်မတီသည် ပြန်လည်ကုစားပေးလျော်မှုအလုပ်အဖွဲ့တို့မှ တာဝန်ရှိပုဂ္ဂိုလ်များနှင့် (၃၀.၁.၂၀၁၉) ရက်နေ့ (၁၁၃၀)နာရီအချိန်တွင် ရေးရာဆောင် အမှတ် (I-18) အစည်းအဝေးခန်းမ၌ အစည်းအဝေးပြုလုပ်ခဲ့ပါသည်။ ယင်းသို့တွေ့ဆုံရာတွင် “ ဥပေက္ခာမပြုကောင်းသောဘဝများ အစီရင်ခံစာ စာအုပ် ” နှင့်စပ်လျဉ်း၍ ဆွေးနွေးပြောကြားပါသည်။ အဆိုပါအစည်းအဝေးသို့ ကော်မတီဥက္ကဋ္ဌ ဒေါက်တာတင်တင်ဝင်း၊ အဖွဲ့ဝင်များ ဖြစ်ကြသော ဦးကျော်သန်း၊ ဦးကျော်ကျော်ဝင်း၊ ဒေါက်တာဝင်းမြင့်ချစ်၊ ဒေါ်အိအိပြုံး၊ ဦးညီစိန်၊ ဦးအောင်မျိုး၊ အတွင်းရေးမှူး ဒေါ်ခင်ဆွေလွင်နှင့် လွှတ်တော်ရုံးမှ တာဝန်ရှိသူများ တက်ရောက်ကြပါသည်။

အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာကော်မတီနှင့် ပြန်လည်ကုစားပေးလျော်မှုအလုပ်အဖွဲ့တို့ တွေ့ဆုံဆွေးနွေးပွဲ ကျင်းပခြင်း

အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာကော်မတီသည် ပြန်လည်ကုစားပေးလျော်မှုအလုပ်အဖွဲဝင် ဒေါ်သက်သက်အောင် ဦးဆောင်သောအဖွဲ့နှင့် တွေ့ဆုံဆွေးနွေးပွဲကို (၃၀.၁.၂၀၁၉)ရက်နေ့ နေ့လယ်(၁:ဝ၀)နာရီတွင် နေပြည်တော်ရှိ အမျိုးသားလွှတ်တော်၊ ရေးရာဆောင်အမှတ်(I-17) အောက်ထပ်ကော်မတီရုံးခန်း၌ ကျင်းပခဲ့ရာ အတွင်းရေးမှူး ဦးမျိုးထပ်(ခ) ဆလိုင်းမျိုးထိုက်နှင့် ကော်မတီအဖွဲ့ဝင်များ တက်ရောက်ခဲ့ကြပါသည်။ တွေ့ဆုံဆွေးနွေးပွဲတွင် ကော်မတီအတွင်းရေးမှူး မျိုးထပ်(ခ)ဆလိုင်းမျိုးထိုက်က အဖွင့်နှုတ်ခွန်းဆက်စကားပြောကြားပြီး ပြန်လည်ကုစားပေးလျော်မှုအလုပ်အဖွဲ့က (၁၆-၁၀-၂၀၁၈) ရက်နေ့တွင် ထုတ်ဝေခဲ့သည့် ̏ ဥပေက္ခာမပြုကောင်းသောဘဝများ˝ အမည်ရှိအစီရင်ခံစာစာအုပ် နှင့်စပ်လျဉ်း၍ လူ့အခွင့်အရေးချိုးဖောက်ခံရသည့် နစ်နာခံစားရသူများ၏ တရားမျှတမှုအတွက် ၎င်းတို့ ဆန္ဒများ မေးမြန်းဖော်ထုတ်ထားခြင်းများအား ရှင်းလင်းတင်ပြခဲ့ရာ အလုပ်အဖွဲ့ဝင် ဦးတိတ်နိုင်မှ အစီ၇င်ခံစာဖြစ်ပေါ်လာရတဲ့အရောင်းအရင်းနှင့် ND-Burma သမိုင်းအကြောင်း နိုင်ငံတကာအသွင်ကူးပြောင်းရေးကာလ အတွေ့အကြုံများ ကမ္ဘာ့နိုင်ငံရေးဖြစ်စဉ်မျာကို ဥပမာများပေးကာ ဦးစွာတင်ပြ ပါသည်။ ကော်မတီအတွင်းရေးမှူး ဦးမျိုထယ်အဖွဲ့ဝင်များဖြစ်ကြသော ဦးအောင်ကျော်စိုး၊ ဦးစောချစ်ဦး၊ […]

အကျဉ်းထောင်တွင်းလူဦးရေလျော့ချနိုင်ရေးအရေးတကြီးလုပ်ဆောင်ရန်လိုအပ်သည့် အကျဉ်းထောင်စနစ် ပြုပြင်ပြောင်းလဲရေး နည်းလမ်းများ အစီရင်ခံစာ

နိဒါန်း အကျဉ်းထောင်များသည် ထိုနိုင်ငံ၏ အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင်နှင့် တရားစီရင်ရေး မဏ္ဍိုင်တို့ အားကောင်းခြင်း၊ အားနည်းခြင်းကိုထင်ဟပ်စေပါသည်၊ ထို့အပြင် အကျဉ်းထောင်များသည် အများပြည်သူ မြင်ကွင်းမှ သီးခြားတည်ရှိနေခြင်းကြောင့်၊ အကျဉ်းသားများ ခံစားနေရသည့်အခွင့်အရေး ချိုးဖောက်ခံနေရမှုများအပေါ် အများပြည်သူ၏ သိရှိ၊ စာနာမှုကိုရရှိစေရန် ခက်ခဲစေပါသည်။

အကျဉ်းထောင်စနစ်ပြုပြင်ပြောင်းလဲရေး အစီရင်ခံစာမိတ်ဆက်ပွဲ.

အကျဉ်းထောင်တွင်းလူဦးရေလျော့ချနိုင်ရေးအရေးတကြီးလုပ်ဆောင်ရန်လိုအပ်သည့် အကျဉ်းထောင်စနစ် ပြုပြင်ပြောင်းလဲရေး နည်းလမ်းများ အစီရင်ခံစာမိတ်ဆက်ပွဲအား ရန်ကုန်မြို့ အမှတ် (ဝ၂) ဖိုးစိန်လမ်း တာမွေမြို့နယ်ရှိ Green Hill Hotel တွင် ယနေ့ ၁၃ ဒီဇင်ဘာ ၂၀၁၈ နေ့ နေ့လယ် ၃ နာရီမှ ညနေ ၅ နာရီထိ ကျင်းပပြုလုပ်ခဲ့ပါသည်။ အဆိုပါအစီရင်ခံစာမိတ်ဆက်ပွဲသို့ ရန်ကုန်တိုင်းဒေသကြီး လွှတ်တော် ကိုယ်စားလှယ်များ၊နိုင်ငံရေးအကျဉ်းသားဟောင်းများ၊ အရပ်ဖက်အဖွဲ့အစည်းများမှ ကိုယ်စားလှယ်များ၊ မီဒီယာ အသီးသီးမှသတင်းထောက်များ၊စိတ်ပါဝင်စားသူများတက်ရောက်ခဲ့ပါသည်။ အခမ်းအနားအစီအစဉ်တွင် မီဒီယာများ၊ တက်ရောက်လာသူများ၏ မေးမြန်းမှုများအား ကိုတိတ်နိုင် (အတွင်းရေးမှူး- အေအေပီပီ)၊ ကိုဇော်မိုး (မှတ်တမ်းနှင့်သုတေသန) ကိုအောင်မျိုးကျော် (ရန်ကုန်ရုံးတာဝန်ခံ) တို့မှ ပြန်လည်ဖြေကြားပေးခဲ့ပါသည်။

နှစ်(၇၀)ပြည့် အပြည်ပြည်ဆိုင်ရာလူ့အခွင့်အရေးနေ့ လတ်တလော ဖမ်းဆီး၊ ထောင်ချ နေခြင်းနှင့်ပတ်သက်၍ ထုတ်ပြန်ချက်

ရက်စွဲ။ ။ ဒီဇင်ဘာလ ၁၀ ရက်၊ ၂၀၁၈ ခုနှစ် ၁) နိုဝင်ဘာလ ၃၀ ရက်နေ့၊၂၀၁၈ ခုနှစ်တွင် မြန်မာနိုင်ငံလုံးဆိုင်ရာ ဒီမိုကရက်တစ်တပ်ဦး၊ မြောက်ပိုင်း (ABSDF-NB) ဒုတိယ ဥက္ကဌ ဦးအောင်ဆွေဦး၊ ဗိုလ်မောင်ဦးနှင့် အရပ်သား ယာဉ်မောင်း ဦးသန်းထိုက်အောင် တို့အား မိုးညှင်းမြို့ ရွာသစ်ကုန်း ကျေးရွာရှိ နေအိမ်တအိမ်တွင် ဝင်ရောက်ဖမ်းဆီးခဲ့ည်။ ထို့နောက် မိုးညှင်းမြို့ အခြေစိုက် ခြေလျှင်တပ်ရင်း ခလရ ၁၅၊ ဗိုလ်ကြီး သီဟစိုး မှ မိုးညှင်းမြို့မ ရဲစခန်း စခန်းမှုးထံသို့ မြောက်ပိုင်း တိုင်းစစ်ဌာနချုပ်နယ်မြေ၊ KIA နယ်မြေအတွင်း ခွင့်ပြုချက်မရရှိဘဲ ဝင်ရောက်နေထိုင်ခဲ့သဖြင့် မတရားသင်း အက်ဥပဒေ ၁၇(၁) ဖြင့် တရားစွဲဆိုခဲ့ပါသည်။၂) ၂၀၁၈ ခု၊ ဒီဇင်ဘာလ […]

မြန်မာလုံခြုံရေးတာဝန်ရှိသူအချို့ EU အရေးယူမှုတိုးမြင့်မည်

ကချင်ပြည်နယ် ရှမ်းပြည်နယ်နဲ့ ရခိုင်ပြည်နယ်တွေမှာ အစိုးရစစ်တပ်က ဆိုးဝါးတဲ့လူ့အခွင့်ချိုးဖောက်မှုတွေကျူးလွန်ခဲ့တယ်လို့ ဥရောပကောင်စီက ဆုံးဖြတ်ပြီး တာဝန်ရှိတဲ့ စစ်တပ်ဘက် ထိပ်ပိုင်းအရာရှိကြီးတွေအပေါ် နောက်ထပ်ကန့်သတ်အရေးယူမှုတွေလုပ်မယ်လို့ ဒီကနေ့ကြေညာချက်ထုတ်ခဲ့ပါတယ်။ EU က မြန်မာအပေါ် အရေးယူကန့်သတ်မှုတွေ လုပ်ဖို့ စီစဉ်တာမှာ၊ ကုန်သွယ်မှုဆိုင်ရာ အထူးခံစားခွင့်ပေးတဲ့ GSP အခွင့်အရေးတွေကိုပါ ပြန်ရုပ်မယ်လို့ အရင်က သတင်းထွက်ခဲ့ပါတယ်။ ဒါပေမယ့် အခု EU ဆုံးဖြတ်ချက်ထဲမှာ ဒီ ကုန်သွယ်ရေးအခွင့်ထူးခံ ပြန်ရုပ်သိမ်းဖို့ကိစ္စ မပါဝင်တာမို့၊ EU နဲ့ ကုန်သွယ်ရေးပိုင်းမှာ မျှော်လင့်ချက်တွေ ပြန်ဖြစ်လာပါတယ်။ ဒီအကြောင်း ဗွီအိုအေ သတင်းထောက် မမေခ က စုံစမ်းမေးမြန်း သတင်းပေးပို့ထားပါတယ်။ ကချင်ပြည်နယ် ရှမ်းပြည်နယ်နဲ့ ရခိုင်ပြည်နယ်တွေမှာ အစိုးရစစ်တပ်က ဆိုးဝါးတဲ့လူ့အခွင့်ချိုးဖောက်မှုတွေကျူးလွန်ခဲ့တယ်လို့ ဥရောပကောင်စီက ဆုံးဖြတ်ပြီး တာဝန်ရှိတဲ့ စစ်တပ်နဲ့ နယ်ခြားစောင့်တပ်က […]

လူ့အခွင့် အရေး ပြည့်ဝတဲ့ နိုင်ငံတခုကို တည်ဆောက်ကြမယ်လို့ ယုံကြည်ပါတယ်

မြန်မာနိုင်ငံရဲ့ လူ့အခွင့်အရေး အနေအထားကို ကြည့်မယ်ဆိုရင် အားရ ကျေနပ်ဖွယ် အနေအထား တရပ်မှာ ရှိမနေသေး တာကို တွေ့ရပါတယ်။ နိုင်ငံတွင်း အချို့နေရာတွေမှာ ငြိမ်းချမ်းရေး မရရှိသေးတာ၊ စီးပွားရေး ဖွံ့ဖြိုးမှု မရှိသေးတာနဲ့ ဥပဒေ စိုးမိုးမှု ယုတ်လျော့နေတာတွေ စတဲ့ အကြောင်းအရင်းတွေကြောင့် ထိခိုက် နစ်နာမှုတွေ ရှိနေပါ တယ်။ ဦးသိန်းစိန် အစိုးရ တက်လာပြီးတဲ့ အချိန်မှာတော့ အမျိုးသား လူ့အခွင့်အရေး ကော်မရှင်ကို ဖွဲ့စည်းခဲ့ပြီး လူ့အခွင့်အရေး ဆုံးရှုံးနေသူများ အတွက် ကာကွယ်ပေးမှု မြှင့်တင်ပေးရန် ရည်ရွယ် ဆောင်ရွက်ခဲ့ပါတယ်။ သို့သော် ကော်မရှင်ရဲ့ ဆောင် ရွက်ချက်တွေဟာ အခွင့်အရေး ဆုံးရှုံးသူ အများစုကို မလွှမ်းခြုံနိုင်ဘူးလို့ ဝေဖန်မှုတွေ ရှိခဲ့ပါတယ်။ ဒီဇင်ဘာလ ၁၀ ရက်ကို […]