Entries by ndb14

မူလတန်းကျောင်းအတွင်း လက်နက်ကြီး ကျရောက်မှု တပ်မတော်နှင့် AA အပြန်အလှန် စွပ်စွဲ

ဖေဖော်ဝါရီ ၁၄ ။                  ။ ရခိုင်ပြည်နယ် မြောက်ပိုင်းက ဘူးသီးတောင်မြို့နယ်အတွင်းရှိ ခမီးချောင်းကျေးရွာ (အမက) မူလွန် စာသင်ကျောင်း အတွင်းသို့ လက်နက်ကြီး ကျရောက် ပေါက်ကွဲမှုနှင့် ပတ်သက်၍ တပ်မတော်နှင့် AA အဖွဲ့တို့ မိမိတို့ မပစ်ကြောင်း ငြင်းကာ အပြန်အလှန် စွပ်စွဲ ပြစ်တင်နေကြသည်။ ဘူးသီးတောင်မြို့နယ်ထဲမှာ ဖေဖော်ဝါရီ ၁၃ ရက်က တပ်မတော်နှင့် ရခိုင့်တပ်(AA)တို့ တိုက်ပွဲ ဖြစ်ပွားစဉ် AA အဖွဲ့သည် ခမီးချောင်းကျေးရွာ၏ အနောက်ဘက်သို့ ဝင်သွားစဉ် တပ်မတော်က လိုက်လံ နယ်မြေ ရှင်းလင်းရာ တပ်မတော်ဘက်သို့ လက်နက်ကြီး ဖြင့် ပစ်ခတ်ရာမှာ စာသင်ကျောင်းအတွင်းသို့ ကျရောက်သွားခြင်းဖြစ်သည်ဟု တပ်မတော် သတင်းမှန် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းက ပြောသည်။ […]

February 14, 2020 by

စုပြုံမြှုပ်နှံထားတဲ့ နေရာ ၅ ခု ရခိုင်မြောက်ပိုင်းမှာတွေ့

ရခိုင်ပြည်နယ်မြောက်ပိုင်းမှာ အစုလိုက်အပြုံလိုက် မြှုပ်နှံထားတဲ့ နောက်ထပ်နေရာ ၅ ခုကို အတည်ပြုနိုင်ကြောင်း AP သတင်းဌာနရဲ့ ဖေါ်ပြချက်နဲ့ ပတ်သက်ပြီး ထိထိရောက်ရောက် စုံစမ်းစစ်ဆေးခွင့်ပြုဖို့ မြန်မာအစိုးရကို ကုလသမဂ္ဂက တိုက်တွန်းလိုက်ပါတယ်။ ဒီသတင်းနဲ့ ပတ်သက်ပြီး ကုလသမဂ္ဂက အထူးစိုးရိမ်ကြောင်းနဲ့ မြန်မာအစိုးရအနေနဲ့ ကုလသမဂ္ဂအဖွဲ့တွေကို အဲဒီဒေသကို သွားခွင့်ပြုဖို့ ကြာသပတေးနေ့ သတင်းစာ ရှင်းလင်းပွဲမှာ ကုလသမဂ္ဂအတွင်းရေးမှုးချုပ်ရုံး ပြောခွင့်ရ Stéphane Dujarric ကပြောကြားခဲ့ပါတယ်။ “ဒီသတင်းက အစုလိုက်အပြုံလိုက် မြှုပ်နှံထားပုံရတယ်လို့ ပြောတဲ့အတွက် အတော့်ကို စိတ်အနှောက်အယှက်ဖြစ်စရာပါ။ ဒီသတင်းနဲ့ ပတ်သက်ပြီး ကုလသမဂ္ဂက သိပ်စိတ်ပူ ပါတယ်။ ဒီလို ဖြစ်နေတဲ့ သတင်းမျိုး ရခိုင်ပြည်နယ်မှာ တွေ့ရတာကြောင့် ဒါဟာ ရခိုင်ပြည်နယ်ထဲကို ကုလသမဂ္ဂ သွားခွင့် ရဖို့ လိုနေပြီဆိုတာကို ပြလိုက်တာ […]

February 3, 2020 by

သားအမိနှစ်ဦး မိုင်းနင်းမိပြီး ဒဏ်ရာပြင်းထန်သဖြင့် ဆေးကုသမှု ခံယူနေရ

ဇန်နဝါရီလ ၃၀ ရက် ၂၀၂၀ခုနှစ် ဇန်နဝါရီလ ၂၈ ရက် မနက်ပိုင်းတွင် ကျောက်မဲမြို့နယ် ကျောက်ဖြူကျေးရွာအုပ်စု ကွမ်စလန်းရွာနေ သားအမိဖြစ်သူ ဒေါ်နွယ်နှင့် လွေးရှီလာဝ် တို့ မိုင်းနင်းမိပြီး ဒဏ်ရာပြင်းထန်သဖြင့် လားရှိုး ဆေးရုံတွင် ဆေးကုသမှု ခံယူနေကြောင်း သိရှိရသည်။ မိုင်းစထိသော ဒေါ်နွယ်ပြောပြချက်အရ “ ကျမတို့ သားအမိက ရွာနားမှာရှိတဲ့ လက်ဖက်ခြံထဲမှာ နေကြတယ် သုံးဖို့ ထင်းကောက်နေ့တဲ့အချိန်မှာပဲ မိုင်းပေါက်ကွဲတာ သမီးကဒဏ်ရာ ပိုပြင်းတယ် ဘုန်းဘုန်းတို့ ချက်ချင်းမရောက်လာရင် သမီးလေးအသက်တောင် ဆုံးနိုင်တယ်”ဟု ပြောသည်။ အသက်(၄၉)နှစ်ရှိ ဒေါ်နွယ်သည် ညာဘက် ခြေတစ်လုံးနှင့်ပေါင်တွင် ဒဏ်ရာရရှိပြီး အသက် (၁၃)နှစ်ရှိ လွေးရှီလာဝ်မှာ ညာဘက် ခြေချင်းဝတ်နှင့် ညာဘက်နံရိုးတွင် ဒဏ်ရာပြင်းထန်သဖြင့် လားရှိုးဆေးရုံတွင် ခွဲစိတ်ကုသမှုနေသည်။ မိုင်းထိသော […]

January 31, 2020 by

တအာင်းဒေသအတွင်း မြေမြုပ်မိုင်းနှင့် စစ်လက်နက်ကျန်ပစ္စည်းကြောင့် ထိခိုက်မှုများလာသည့်အပေါ် သဘောထားထုတ်ပြန်ချက်

တအာင်းဒေသအတွင်း မြေမြုပ်မိုင်းနှင့် စစ်လက်နက်ကျန်ပစ္စည်းကြောင့် ထိခိုက်မှုများလာသည့်အပေါ် သဘောထားထုတ်ပြန်ချက်   ရက်စွဲ။     ။ ၂၀၂၀ခုနှစ်၊ ဇန်နဝါရီလ (၃၁) ရက် (၁) ၂၀၁၆ ခုနှစ်မှ စပြီး မြန်မာ့တပ်မတော်နှင့် တိုင်းရင်းသားလက်နက်ကိုင်အဖွဲ့များသည်  ရှမ်းပြည်နယ်မြောက် ပိုင်း၊ ဒေသအတွင်းတွင် မြေမြုပ်မိုင်းများနှင့် လက်နက်ကြီးများ တွင်ကျယ်စွာ အသုံးပြုနေကြပြီး၊ အပြစ်မဲ့ပြည်သူ များအား နေ့စဉ်နှင့်အမျှ ထိခိုက်နစ်နာမှု၊ အသက်ဆုံးရှုံးမှုများ ကြုံတွေ့နေကြရသည်။ ထို့ကြောင့် မည်သည့် လက် နက်ကိုင်အဖွဲ့အစည်းမဆို မြေမြုပ်မိုင်းအသုံးပြုမှုအပေါ် မိမိတို့ တအာင်းကျောင်းသားနှင့်လူငယ်များအဖွဲ့မှ ကန့် ကွက်ရှုံ့ချသည်။ (၂)  ၂၀၂၀ ခုနှစ် ဇန်နဝါရီလ (၂၈)ရက်နေ့  နံနက် (၁၀)နာရီ ဝန်းကျင်တွင် မိုင်းငေါ့မြို့နယ်ခွဲ ကွမ်းစလန်း ကျေးရွာ အနီးရှိ သားအမိနှစ်ယောက်သည် လက်ဖက်ခြံတွင် ညအိပ်ဖြင့် အလုပ်လုပ်ပြီး ထင်းသွားကောက်ရာတွင် မိုင်းနင်း မိခဲ့ကာ(၂)ဦးစလုံး ဒဏ်ရာရရှိခဲ့သည်။ အမေဖြစ်သူ ဒေါ်ယာနွမ်သည် ညာဘက်ခြေထောက်နှင့် ပေါင်တွင် ဒဏ်ရာ ရရှိခဲ့ပြီး၊ သမီးဖြစ်သူ လွေးဆိုင်လောဝ် သည် နံရိုးနှင့် ခြေထောက်နှစ်ဖက်လုံး တွင် ပြင်းထန်စွာ ဒဏ်ရာရရှိခဲ့သည်။ (၃)  ၂၀၂၀ခုနှစ် ဇန်နဝါရီလ ၂၃ ရက် ညနေ (၄)နာရီအချိန်တွင် ထင်းခုတ်ပြီး ပြန်လာသော ကျောက်မဲမြို့နယ် အာပြောင်ကျေးရွာရှိ ရွာသား (၃)ဦးသည် မြေမြုပ်မိုင်းနင်းမိပြီး ပြန်းထန်စွာ ဒဏ်ရာရရှိခဲ့သည်။ ထိုမိုင်းနင်းမိသည့် ရွာသား (၃)ဦးသည် မိုင်းမင်းနိုင်မှာ ညာခြေသလုံး၊ ဝဲပါး၊ လက်နှစ်ချောင်းတွင် ဒဏ်ရာရရှိခဲ့ပြီး၊ မိုင်းကျော်ရွှင်မှာ ပေါင်၊ ခြေသလုံး၊ လက်တွင် ဒဏ်ရာရရှိကာ ကျောက်မဲဆေးရုံတွင် ဆေးကုသမှုခံယူနေပြီး မိုင်းအလေး သည် ဝမ်း ဗိုက်တစ်ဝိုက်တွင် ပြင်းထန်စွာ ဒဏ်ရာရရှိသောကြောင့် မန္တလေးဆေးရုံတွင် ဆေးကုသ ခံယူနေရသည်။ (၄) ရှမ်းပြည်နယ်မြောက်ပိုင်း တအာင်းဒေသအတွင်းရှိ မြို့နယ်များ အထူးသဖြင့် နမ့်ဆန်မြို့နယ်၊ ကျောက်မဲမြို့ နယ်တွင် မြေမြုပ်မိုင်းနှင့် စစ်လက်နက်ကျန်ပစ္စည်းကြောင့် လက်တလော ထိခိုက်ဒဏ်ရာ၊ နစ်နာမှု နှင့် အသက် ဆုံးရံှူးမှုများ မြှင့်မားလာသည်ကို တွေ့ရသည်။ မိမိအဖွဲ့၏ စစ်တမ်းအရ ၂၀၁၉ခုနှစ် ဒီဇင်ဘာလ မှ ၂၀၂၀ခုနှစ် ဇန်နဝါရီလထိ (၂)လအတွင်း ကျောက်မဲမြို့နယ်၊ နမ့်ဆန်မြို့နယ်နှင့် နမ္မတူမြို့နယ်အတွင်း မြေမြုပ်မိုင်းနှင့် စစ်ကျန် လက်နက်ပစ္စည်းကြောင့် သေဆုံးသူ စုစုပေါင်း (၄) ဦး နှင့် အသက်ရှင်ကျန်ရစ်သူ စုစုပေါင်း (၁၈)ဦး ရှိခဲ့ပါသည်။ ထို့ပြင် ၂၀၁၆ခုနှစ် မှ ၂၀၂၀ခုနှစ် ဇန်နဝါရီလထိ ထိခိုက်ဒဏ်ရာရရှိသော တအာင်းအပြစ်မဲ့ ပြည်သူများစုစုပေါင်း (၁၄၀)ဦး ရှိပြီး၊ သေဆုံးသူပေါင်း (၁၈)ဦး ရှိခဲ့သည့်အတွက်ကြောင့် အသက်ပေါင်းများစွာ ဆုံးရှုံးနေရသည့်အပြင် ကိုယ်လက်အင်္ဂါများလည်း ဆုံးရှုံးနေရသည်။ (၅) သို့ဖြစ်ပါ၍ မည်သည့်လက်နက်ကိုင်အဖွဲ့အစည်းမဆို လူသားချင်းစာနာထောက်ထားမှုကို အလေးအနက်ထား ကာ စစ်ပွဲနှင့် စပ်ဆိုင်သော အပြည်ပြည်ဆိုင်ရာ စာချုပ်များတွင် ပါရှိသည့် စစ်ကျင့်ဝတ်များ လေးစားလိုက်နာပြီး အပြစ်မဲ့မိဘပြည်သူတို့၏ အသက်၊ အိုးအိမ်များကို ထိခိုက်ပျက်စီးမှု မရှိစေရန်အတွက် လူထုလုပ်ကိုင် စားသောက် သည့်နေရာ၊ လူအများသွားလာသည့်နေရာများတွင် လက်နက်ကြီးပစ်ခတ်ခြင်း၊ မိုင်းထောင်ခြင်းများ မပြုလုပ်ကြ ရန် နှင့်  ထောင်ထားသည့်မိုင်းကြောင့် ထိခိုက်ဒဏ်ရာ၊ အသက်ဆုံးရံှူးသွားသည့် ပြည်သူများအပေါ် တာဝန်ယူမှု၊ တာဝန်ခံမှု ရှိစေရန် သဘောထားထုတ်ပြန် တောင်းဆိုအပ်ပါသည်။ ဆက်သွယ်ရန်                                                                 ၀၉ – ၂၅၇၇၂၆၇၁၃                                         တအာင်းကျောင်းသားနှင့်လူငယ်များအဖွဲ့ ၀၉ – ၄၄၂၈၈၈၁၀၀                                                   ၂၀၂၀ခုနှစ်၊ ဇန်နဝါရီလ၊ ၃၁ရက်နေ့

January 31, 2020 by

အာဗြောင်ရွာသား ၃ ဦး မိုင်းနင်းမိ၍ ဒဏ်ရာများစွာ ရရှိပြီး ဆေးရုံတက်ရ

ဇန်နဝါရီ ၂၄ ရက် ၂၀၂၀ တအာင်းအမျိုးသမီးအဖွဲ့အစည်း ဇန်နဝါရီလ ၂၃ ရက် ၂၀၂၀ ခုနှစ်တွင် အာဗြောင်ကျေးရွာ၊ မိုင်းငေါ့မြို့နယ်ခွဲ ကျောက်မဲခရိုင်တွင် နေထိုင်သည့် ရွာသား ၃ ဦး မိုင်းနင်းမိ၍ ဒဏ်ရာကိုယ်စီ ရရှိပြီး ကျောက်မဲနှင့် မန္တလေးဆေးရုံတွင် ဆေးကုသမှု ခံယူနေရသည်ဟု သိရသည်။ ဒဏ်ရာရရှိသူများမှာ မိုင်းအိုက်လင်း (၃၀) နှစ်၊ မိုင်းကျော်ရွှင် (၂၆) နှစ် နှင့် မိုင်းမင်းနိုင် (၂၇) နှစ် တို့ဖြစ်ပြီး တောင်ယာတွင် ထင်းခုတ်ရန် ဆိုင်ကယ်ဖြင့် သွားနေစဉ် ကျေးရွာနှင့် ၁၀ မိခန့် အကွာအဝေးတွင် မိုင်းထိမိပြီး ဒဏ်ရာ အသီးသီး ရရှိခဲ့သည်။ ခြေထောက်တွင် ဒဏ်ရာရရှိသူ မိုင်းအိုက်လင်းနှင့် မိုင်းကျော်ရွှင်မှ ကျောက်မဲပြည်သူ့ဆေးရုံတွင် ဆေးကုသမှု […]

January 24, 2020 by

AA အဖွဲ့က ကျီးလေရွာနေ သားအဖ(၃)ဦးကို ရွာလယ်သစ်ပင်မှာကြိုးတုတ်ချီကြပြီး ဝါးလုံးတွေနဲ့ရိုက်နှက်

  (ပလက်ဝမြို့ – ၂၂၊ ၀၁၊ ၂၀၂၀)ချင်းပြည်နယ်တောင်ပိုင်း ပလက်ဝမြို့နယ် ကျီးလေကျေးရွာနေ သားအဖ(၃)ဦးကို AA အဖွဲ့က ရွာလယ်သစ်ပင်မှာ ကြိုးတုတ်ချီကြကာ ဝါးချောင်းတွေနဲ့ရိုက်နှက်ခဲ့သည်ဟု အမည်မဖော်ပြလိုသူ ဒေသခံတဦးက ချင်းလူ့အခွင့်အရေးအဖွဲ့ထံ သတင်းပေးပို့ပါသည်။ ကျီးလေကျေးရွာနေ အသက်(၄၇)နှစ်အရွယ် ဦးမောင်ကြီးနှင့် သမီးတွေဖြစ်ကြတဲ့ အသက်(၂၅)နှစ်အရွယ် မကျောက်စိန်နှင့် အသက်(၂၀)အရွယ် မခင်ကိုး တို့ကို ၀၈၊ ၀၁၊ ၂၀၂၀ရက်နေ့ ညနေပိုင်း ၃-နာရီလောက်တွင် AA အဖွဲ့က ဖမ်းဆီးချုပ်နှောင်ကာ ရွာလယ်သစ်ပင်မှာကြိုးတုတ်ချီပြီး ဝါးလုံးတွေနဲ့ရိုက်နှက်ခဲ့ကြကြောင်း ထိုသူက ဆက်ဆိုသည်။ ဦးအောင်ကြီးကို ပလက်ဝမြို့ရှိ တပ်စခန်းဆီ သတင်းပေးပို့သည်ဟု မဟုတ်မမှန် စွပ်စွဲကာ အခုလို သူတို့သားအဖ(၃)ယောက်ကို AA အဖွဲ့က ဖမ်းဆီးချုပ်နှောင်ကာ ရိုက်နှက်ရခြင်းဖြစ်ကြောင်း သိရပါသည်။ “ဒီလ(၈)ရက်နေ့မှာ AA တွေက […]

January 23, 2020 by

အမျိုးသမီးငယ်တစ်ဦး မြေမြုပ်မိုင်းနင်းမိတဲ့အတွက် ညာဖက်ခြေထောက်ကြိုးပဲ့ကာ ပလက်ဝမြို့ဆေးရုံတွင် ဆေးဝါးကုသမှုဆံယူ

  (ပလက်ဝမြို့ – ၂၂၊ ၀၁၊ ၂၀၂၀) ချင်းပြည်နယ်တောင်ပိုင်း ပလက်ဝမြို့နယ် င/ရှားကျေးရွာက နောက်ထပ် အမျိုးသမီးငယ်တစ်ဦး မြေမြုပ်မိုင်းနင်းမိတဲ့အတွက် ညာဖက်ခြေသလုံးကျိုးပဲ့ကာ ပလက်ဝမြို့ ပြည်သူ့ဆေးရုံတွင် ဆေးဝါးကုသမှု ခံယူနေလျှက်ရှိသည်ဟု ဒေသခံတဦးက ချင်းလူ့အခွင့်အရေးအဖွဲ့ထံ သတင်းပေးပို့ပါသည်။ ပလက်ဝမြို့မှမြောက်ပိုင်း မိုင်(၂၀)လောက်ကွာဝေးတဲ့ င/ရှားကျေးရွာက အဘ ဦးအောင်ဝင်း၏သမီး အသက်(၂၂) အရွယ်ရှိတဲ့ မခင်းလုံးသည် ၁၇၊ ၀၁၊ ၂၀၂၀ရက်နေ့ မနက်ပိုင်းတွင် တောင်ယာသို့ စပါးထမ်းသွားနေစဉ် မြေမြုပ်မိုင်းနင်းမိတဲ့အတွက် အခုလိုညာဖက်ခြေထောက်ကြိုးပဲ့ခြင်းဖြစ်ပြီး အဲဒီနေ့ညနေ ပိုင်းမှာ တခါတည်းပလက်ဝမြို့ ပြည်သူ့ဆေးရုံသို့ ပို့ဆောင်ခဲ့ကြကြောင်း သူကဆက်ဆိုသည်။ အလားတူစွာ ၀၇၊ ၀၁၊ ၂၀၂၀ရက်နေ့တွင် အမေဖြစ်သူ ဒေါ်ဟွေ့တင်သည် တောထဲသွားရာကနေ မြေမြုပ်မိုင်းနင်းမိ၍ ညာဖက်ခြေထောက်နှင့်မျက်နှာတွင် ဒက်ရာရရှိခဲ့ပြီး ဒဏ်ရာအခြေအနေပြင်းထန်တဲ့အတွက် ပလက်ဝဆေးရုံမှာ မကုသနိုင်ဘဲ […]

January 23, 2020 by

ICOE အစီရင်ခံစာပါ တပ်မတော်သားတွေ ပြစ်မှု စစ်ဆေးဖို့ သမ္မတရုံး ပြော

လွတ်လပ်သော စုံစမ်းစစ်ဆေးရေးကော်မရှင် (Independent Commission of Enquiry-ICOE) ရဲ့ အစီရင်ခံစာ အတိုင်း တပ်မတော်သားတွေနဲ့ လုံခြုံရေးတပ်ဖွဲ့ဝင်တွေရဲ့ ရာဇဝတ်မှုကျူးလွန်တာတွေကို စစ်ဆေးပြီး တရားစွဲဆို သွားဖို့အတွက် အစီရင်ခံစာ အပြည့်အစုံကို နိုင်ငံတော်သမ္မတက တပ်မတော် ကာကွယ်ရေးဦးစီးချုပ်ထံ ပေးပို့ ထားကြောင်း နိုင်ငံတော် သမ္မတရုံးက ဒီကနေ့ ကြေညာချက် ထုတ်လိုက်ပါတယ်။ လူ့အခွင့်အရေး အဖွဲ့တွေကတော့ ICOE ရဲ့ အစီရင်ခံစာကို ဝေဖန်မှုတွေရှိပါတယ်။ တပ်မတော်သားတွေ ကျူးလွန်ခဲ့တယ်လို့ စွပ်စွဲထားတဲ့မင်းကြီးရွာ (တူလာတိုလီ)နဲ့ ချွတ်ပြင်ကျေးရွာတွေက သတ်ဖြတ်မှုတွေနဲ့ ရာဇဝတ်မှုတွေအပြင် နေရပ်စွန့်ခွာ ထွက်ပြေးသွားတဲ့ မွတ်ဆလင်ကျေးရွာတွေက နေအိမ် မီးလောင်မှုတွေကို တားဆီးဖို့ ပျက်ကွက်ခဲ့တာကြောင့် တပ်မတော်စစ် ဥပဒေချုပ်ရုံးအနေနဲ့ စုံစမ်းစစ်ဆေး တရားစွဲဆိုတာတွေ တိုးချဲ့လုပ်နိုင်အောင် ICOE အစီရင်ခံစာ အပြည့်အစုံကို […]

January 21, 2020 by

AA နဲ့ပတ်သက်မှုရှိသည်ဟုစွပ်စွဲခြင်းခံနေရသူရဲ့ ဇနီးသည်အား တပ်မတော်က ပြင်းထန်စွာ ညှင်းပန်းနှိပ်စက်ရာမှ ဒဏ်ရာပြင်းတဲ့အတွက် ဆေးရုံတက်ခဲ့ရ

(အမ်းမြို့ – ၁၄၊ ၀၁၊ ၂၀၂၀) AA နဲ့ပတ်သက်မှုရှိသည်ဟုစွပ်စွဲခြင်းခံနေရသူရဲ့ ဇနီးသည်အား ရခိုင်ပြည်နယ် အမ်းမြို့တွင်အခြေစိုက်လျှက် ရှိသော အနောက်ပိုင်းတိုင်းစစ်ဌာလက်အောက်ခံတပ်က ဖမ်းဆီးချုပ်နှောင်ကာ ပြင်းထန်စွာ အမျိုးမျိုးညှင်းပန်း နှိပ်စက်ရာမှ ဒဏ်ရာပြင်းထန်တဲ့အတွက် ဆေးရုံတက်ခဲ့ရသည်ဟု အမည်မဖော်လိုသူ ဒေသခံတဦးက ချင်းလူ့အခွင့်အရေးအဖွဲ့ထံ သတင်းပေးပို့ပါသည်။ အမ်းမြို့မှ (၁၆)မိုင်လောက်ကွာဝေးတဲ့ ခမောင်းတောကျေးရွာသား အသက်(၅၁)နှစ်အရွယ် ဦးတင်ထွန်းကို တပ်မတော်က AA အဖွဲ့နဲ့ပတ်သက်နေသည်ဟုစွပ်စွဲကာ သူခရီးလွန်နေတဲ့အချိန် ၀၄၊ ၀၁၊ ၂၀၂၀ရက်နေ့တွင် ၎င်းနေအိမ်ကို ဝင်ရောက်ရှာဖွေပြီးနောက် ဇနီးဖြစ်သူ အသက်(၄၄)နှစ်အရွယ် ဒေါ်မလှနှင့် သားဖြစ်သူ အသက်(၂၁)နှစ်အရွယ် မောင်ကျော်တို့ကို ဖမ်းဆီးပြီး ရွာ၏စာသင်ကျောင်းခန်းထဲတွင် ချုပ်နှောင်ထားခဲ့ကြကာ နည်းပေါင်းစုံဖြင့် ရက်စက်စွာ ညှင်းပန်းနှိပ်စက်ခဲ့ကြောင်း ဒေါ်မလှရဲ့ ပြောပြချက်ကို ကိုးကားပြီး အဆိုပါဒေသခံကပြောဆိုပါသည်။ “စစ်တပ်တွေက အမ်းမြို့ကဖြစ်တယ် ခလရ(၃၇၁)လာ […]

January 18, 2020 by

“မြောက်ဦးလူသတ်ပွဲ” အစီရင်ခံစာ သတင်းထုတ်ပြန်ချက်

နေ့စွဲ – ၂၀၂၀ ခုနှစ်၊ ဇန်နဝါရီလ (၆) ရက်။ ရခိုင်ပြည်၊ မြောက်ဦးမြို့၌ ၂ဝ၁၈ ခုနှစ်၊ ဇန်နဝါရီလ (၁၆) ရက်နေ့တွင် (၂၂၃) နှစ်မြောက် ရခိုင့်အချုပ်အခြာ အာဏာ ကျဆုံးသည့်နေ့ ဝမ်းနည်းအောက်မေ့ဖွယ် အထိန်းအမှတ်အဖြစ် စာပေဟောပြောပွဲ ကျင်းပပြုလုပ် ခြင်းအား ဒေသအာဏာပိုင်များက ပိတ်ပင်တားမြစ်လိုက်သဖြင့် ဒေသခံပြည်သူများမှ ငြိမ်းချမ်းစွာ ဆန္ဒဖော်ထုတ် တောင်းဆိုခဲ့ကြသည်။ ထိုသို့ တောင်းဆိုမှုကို ဒေသအာဏာပိုင်များမှ အကြမ်းဖက်နှိမ်နင်း ခဲ့သည့်အတွက် ဆန္ဒပြပြည်သူ (၇) ဦးသေဆုံးကာ (၁၂) ဦး ဒဏ်ရာရရှိခဲ့သည်။ ဒဏ်ရာရရှိခဲ့သူ (၁၂) ဦးထဲမှ (၄) ဦးမှာ ဆေးရုံမှ ထွက်ပြေးလွတ်မြောက်သွားပြီး (၈) ဦးမှာ ဖမ်းဆီးအကျဉ်းချခံခဲ့ရသည်။ ဤဖြစ်ရပ်၏ နောက်ဆက်တွဲအနေဖြင့် အမ်းမြို့နယ် မဲဆန္ဒနယ်မှ […]

January 7, 2020 by