Entries by ndb14

ကွတ်ခိုင်ဒေသခံ နှစ်ဦး ရိုက်နှက်ခံရမှုကို အရေးယူပေးဖို့ TNLA ကို ကချင်ပါတီ တောင်းဆို

■ ရှမ်းပြည်နယ် ကွတ်ခိုင်မြို့နယ် ဂါလိုင်ကျေးရွာမှာ ကချင်တိုင်းရင်းသား နှစ်ဦးကို တအာင်းအမျိုးသား လွတ်မြောက်ရေးတပ်မတော် TNLA တပ်သားနှစ်ဦးက ရိုက်နှက်ခဲ့တာနဲ့ပတ်သက်ပြီး စစ်ဆေးအရေးယူပေးဖို့နဲ့ ဒေသတွင်းမှာ လူမျိုးဘာသာမရွေး စောင့်ရှောက်ပေးဖို့ ကချင်အမျိုးသားကွန်ဂရက်ပါတီ (KNC) က ဒီနေ့တောင်းဆိုလိုက်ပါတယ်။ ကွတ်ခိုင်မြို့နယ် နမ့်ဖက်ကာဘက်မှာ ကချင်တိုင်းရင်းသားတွေကို ရိုက်နှက်တာ ဒီအမှုအပါအဝင် လေးခုလောက် ရှိပြီး အကျိုးအကြောင်းမမေးဘဲ အကြောင်းမဲ့ ရိုက်နှက်တာမျိုးတွေ ထပ်ဖြစ်မှာလည်း စိုးရိမ်တယ်လို့ KNC ပါတီ ဥက္ကဋ္ဌ ဦးMကောလက ပြောပါတယ်။ ပြီးခဲ့တဲ့ ဇူလိုင်လ ၂၆ ရက်နေ့က ကွတ်ခိုင်မြို့နယ် ဂါလိုင်ကျေးရွာမှာ နေထိုင်တဲ့ ကချင်မိသားစု ဦးလရှီးလဗျဆိုင်းနဲ့ ဇနီးကို တိုင်းရင်းသားလက်နက်အဖွဲ့ဖြစ်တဲ့ TNLA တပ်သားနှစ်ဦးက အကြောင်းမဲ့ ရက်စက်စွာ ရိုက်နှက်ခဲ့တာကို စိတ်မကောင်းဖြစ်မိတယ်လို့ KNC ပါတီ […]

July 29, 2020 by
,

မြန်မာရဲတပ်ဖွဲ့ကို ကူညီမှုရပ်ဆိုင်းဖို့ ဂျပန်အစိုးရကို HRW တိုက်တွန်း

မိုးမြင့်၊ ဝေမာထွန်း■ လူ့အခွင့်အရေးချိုးဖောက်မှုတွေ ကျူးလွန်နေပြီး အရပ်သားအစိုးရရဲ့ ထိန်းချုပ်မှုအောက်မှာမရှိတဲ့ မြန်မာနိုင်ငံ ရဲတပ်ဖွဲ့ကို ကူညီထောက်ပံ့မယ့် အစီအစဉ်ကို ဂျပန်အစိုးရဘက်က ချက်ချင်းဖျက်သိမ်းသင့်တယ်လို့ နယူးယောက် မြို့ အခြေစိုက် လူ့အခွင့်အရေးစောင့်ကြည့်အဖွဲ့ Human Rights Watch က ဒီနေ့ ဇူလိုင် ၂၃ ရက်မှာ တိုက်တွန်းလိုက်ပါတယ်။ရခိုင်ပြည်နယ်ပဋိပက္ခအတွင်း လူ့အခွင့်အရေးချိုးဖောက်မှုတွေအပါအဝင် ကိုရိုနာဗိုင်းရပ်စ် ပျံ့ပွားနေချိန်ကာလ အထိ ရဲတပ်ဖွဲ့ရဲ့ လုပ်ဆောင်ချက်တွေကို ထောက်ပြပြီး ဂျပန်အစိုးရက မြန်မာနိုင်ငံရဲတပ်ဖွဲ့ကို မော်တော်ယာဉ်နဲ့ ဆက်သွယ်ရေးသုံးပစ္စည်းတွေဝယ်ယူဖို့ အမေရိကန်ဒေါ်လာ ကိုးသိန်းသုံးသောင်း လှူဒါန်းမယ့် အစီအစဉ်ကို ဖျက်သိမ်းဖို့ HRW က တိုက်တွန်းတောင်းဆိုလိုက်တာဖြစ်ပါတယ်။လူ့အခွင့်အရေး စောင့်ကြည့်မှုအဖွဲ့ HRW ရဲ့ အာရှရေးရာ လက်ထောက်ညွှန်ကြားရေးမှူး Phil Robertson က မြန်မာရဲတပ်ဖွဲ့ဟာ လူ့အခွင့်အရေး တက်ကြွလှုပ်ရှားသူတွေသာမက […]

July 23, 2020 by

ရှမ်းနီ ကျောင်းသား ၂ ဦးကို KIA တပ်ဖွဲ့ဝင်များ သတ်ဖြတ်မှုဖြစ်

By ဇင်လင်းထက် 23 July 2020 စစ်ကိုင်းတိုင်းဒေသကြီး ဟုမ္မလင်းမြို့နယ်၊ပါဟုတ်ကြီးရွာမှ ရှမ်းနီလူမျိုး ကျောင်းသား လူငယ် ၂ ဦးကို ကချင်လွတ်မြောက်ရေး တပ်မတော် (KIA) မှ တပ်ဖွဲ့ဝင် ၅ ဦးက သတ်ဖြတ်မှု ဖြစ်ပွားခဲ့ကြောင်း စုံစမ်းသိရှိရသည်။ KIA ပြန်ကြားရေးတာဝန်ခံ ဗိုလ်မှူးကြီးနော်ဘူ က “အဲဒီကိစ္စနဲ့ပတ်သက်ပြီး စစ်ဆေးတဲ့အခါမှာ KIA ရဲ့တာဝန်ထမ်းဆောင်နေရင်းနဲ့ ဖြစ်တာ မဟုတ်ဘူးလို့ ကျနော် တို့ စစ်ဆေးလို့ရပါတယ်။ သဘောကတော့ ဒီလိုလုပ်ဖို့ KIO ကညွှန်ကြားတာလည်း မရှိပါဘူး။ သူတို့အချင်းချင်း သောက်ရင်းစားရင်း ရန်ဖြစ်ကြတယ်ဆိုတဲ့ စစ်ဆေးချက် ကျနော်တို့ရပါတယ်” ဟု ပြောသည်။ ကျူးလွန်သူများကို စစ်ဆေးမေးမြန်းနေဆဲဖြစ်သဖြင့် ဖြစ်စဉ် အတိအကျကို မသိရသေးကြောင်း၊ စစ်ဆေး မေးမြန်းမှုများ ပြီးစီးပါက ကျူးလွန်သူများကို အရေးယူသွားမည်ဖြစ်ပြီး သေဆုံးသွားသူ ၂ ဦး၏ မိဘများကိုလည်း တောင်းပန်သွားမည် ဖြစ်ကြောင်း ၎င်းက ဆိုသည်။ အသတ်ခံလိုက်ရသူများမှာ ပါဟုတ်ကြီးရွာမှ အသက် ၁၇ နှစ်အရွယ် နဝမတန်းကျောင်းသား မောင်ဇော်မျိုးဦး နှင့် မုံရွာတက္ကသိုလ်တွင် အင်္ဂလိပ်စာပထမနှစ် အဝေးသင်တက်ရောက်မည့် မောင်သန့်ဇင်အောင်တို့ဖြစ်ပြီး ၎င်းတို့ ၂ ဦးသည် ညီအစ်ကိုဝမ်းကွဲ တော်စပ်သူများဖြစ်ကြောင်း မောင်သန့်ဇင်အောင်၏ ဖခင် ဦးအိုက်ဆန်းက ဧရာဝတီသို့ ပြောသည်။ ဦးအိုက်ဆန်း က “မနေ့က (ဇူလိုင် ၂၂ ရက်) မှ ကျနော်တို့ ကြားလိုက်ရတယ်ဗျ။ KIA ဘက်က သူတို့ ဘာသာရေး ဆရာက တဆင့် လက်လွန်သွားပြီဆိုတာကို ချိတ်ဆက်ပြီး ကျနော်တို့ကို ပြောတယ်ဗျ” ဟု ပြောသည်။ မောင်သန့်ဇင်အောင်သည် အမေရိကန် သံရုံးတွင် အင်္ဂလိပ်စကားပြော သင်တန်းတက်ရောက်နေသူဖြစ်ပြီး ကိုရိုနာဗိုင်းရပ်စ်ဖြစ်ပွားမှုကြောင့် သင်တန်းများ ပိတ်ထားချိန်တွင် ၎င်း၏ ဇာတိဖြစ်သော ပါဟုတ်ကြီးရွာ နေအိမ်သို့ ပြန်ရောက်နေသူဖြစ်ပြီး ရန်ကုန်သို့ ဇူလိုင် ၇ ရက်တွင် ပြန်ရန် စီစဉ်ထားခြင်း ဖြစ်သည်။ သို့သော် ဇူလိုင်လ ၆ ရက်၌ KIA တပ်ဖွဲ့ဝင်များက ဖမ်းဆီးခေါ်ဆောင်သွားပြီးနောက် ၁၆ ရက် အကြာတွင်မှ KIA ဘက်က သားဖြစ်သူ၏ ဖြစ်ရပ်အပေါ် အကြောင်းကြားလာခြင်းဖြစ်ကြောင်း ဦးအိုက်ဆန်းက ပြောသည်။ ၎င်းက “ကျနော်တို့ ပါဟုတ်ကြီးရွာက ကုန်းပေါ်နဲ့ အောက်ကျင်းဆိုတာ ရှိတယ်ဗျ။ ကျနော်တို့က ကုန်းပေါ်မှာနေတာ။ ခါတိုင်းလည်း အောက်ကျင်းကို ဆင်းဆင်းသွားနေတာ။ အဲဒါ ခါတိုင်းလည်း ဆင်းနေတာဆိုတော့ ကျနော်လည်း ဘာမှ မပြောလိုက်တော့ဘူးလေ။ အဲဒီနေ့က ရန်ကုန်ပြန်သွားရတော့မယ်ဆိုတော့ သူတို့က နှုတ်ဆက်တဲ့ အနေ နဲ့ ပျော်ပွဲစားထွက်ကြတာပေါ့။ အဲဒီလိုအခါမှာ ဖြစ်တာပဲ” ဟု ပြောပြသည်။ ရှမ်းနီနိုင်ငံရေးပါတီများကမူ ပါဟုတ်ကြီးရွာ အနီးရှိ ဆယ်ဇင်းရွာတွင် KIA တပ်ဖွဲ့ဝင် ၅ ဦး စီးလာသည့်ကားကို ကျောင်းသားများ စီးလာသည့် ဆိုင်ကယ်က တိုက်မိရာမှ အချင်းများပြီး ရန်ပွဲဖြစ်ပွားကာ လူငယ် ၂ ဦးကို ဖမ်းဆီးသွားခြင်းဖြစ်ကြောင်း ပြောဆိုထားသည်။ ဦးအိုက်ဆန်း က “တယောက်နဲ့ တယောက် စကားပြောကြဆိုကြရင်းနဲ့ သူတို့ကလည်း ယူနီဖောင်းနဲ့ မဟုတ်တဲ့ အခါကျတော့ အရပ်သား အချင်းချင်းလိုမျိုးဖြစ်တော့ ကလေးတွေက ထိုးလိုက်ကြိတ်လိုက်တာလိုမျိုး ဖြစ်တယ်ဗျ။ သူတို့ ကလည်း လူများတဲ့အခါမှာ ကျနော်သားကလည်း ၁ ယောက်၊ ၂ ယောက်နဲ့ဆိုတော့ မဖြစ်နိုင်ဘူးလေ။ အဲဒီနေ့ ကပဲ တခါတည်း ပွဲချင်းပြီး ဖြစ်သွားသလားတော့ မသိဘူး” ဟု ဆိုသည်။ KIA ဘက်ကမူ လူသတ်မှု ကျူးလွန်သည့် ၎င်းတို့ တပ်ဖွဲ့ဝင်များကို ဖမ်းဆီးထားပြီး အမှုဖြစ်စဉ်အမှန်ကို စုံစမ်းစစ်ဆေးနေသည်ဟု ဆိုသည်။ အသတ်ခံရသူ မောင်သန့်ဇင်အောင်၏ ဖခင်ဖြစ်သူ ဦးအိုက်ဆန်း ကမူ သားဖြစ်သူ၏ အလောင်းကို ပြန်လိုချင်ကြောင်း ပြောသည်။ “ပထမအချက်က ကျနော့်သားရဲ့ အလောင်းကို ပြန်ရချင်တယ်ဗျ။ ပြီးရင်တော့ ဗုဒ္ဓဘာသာ အနေနဲ့ ကောင်းမှု ကုသိုလ် လုပ်ချင်တာပေါ့။ လက်ရှိကတော့ ကလေးရဲ့ အလောင်းကို မမြင်ရသေးဘူး။ မတွေ့ရသေးတဲ့ အခါ ကျတော့ ဘာသာရေးနဲ့ ပတ်သက်လို့ ဘာမှကို မလုပ်နိုင်တာ” ဟု ဦးအိုက်ဆန်း က ဆိုသည်။ KIA ပြန်ကြားရေးတာဝန်ခံ ဗိုလ်မှူးကြီးနော်ဘူကမူ “ကျနော်တို့ မူအားဖြင့်တော့ အလောင်းပြန်ပေးလို့ရပါတယ်။ ဒါပေမယ့် လက်တွေ့ပိုင်းမှာတော့ ကျနော်လည်း ပြောလို့မရဘူး။ သူတို့ အလောင်းကို ဘယ်လို လုပ်လိုက်တယ် ဆိုတာက ကျနော်လည်း သဲသဲကွဲကွဲမသိဘူး” ဟု ပြောသည်။ ထိုဖြစ်စဉ်နှင့် ပတ်သက်ပြီး ရှမ်းနီနိုင်ငံရေးပါတီ ၂ ခုဖြစ်သော တိုင်းလိုင် (ရှမ်းနီ) အမျိုးသားဖွံ့ဖြိုးတိုးတက်ရေး ပါတီ (TNDP) နှင့် ရှမ်းနီ (တိုင်းလျန်) သွေးစည်း ညီညွတ်ရေးပါတီ (SSP) တို့က KIA တပ်ဖွဲ့ဝင်များ၏ လုပ်ရပ်ကို ဇူလိုင်လ၂၃ ရက်တွင် ကြေညာချက်များ အသီးသီး ထုတ်ပြန်ကာ ကန့်ကွက်ခဲ့သည်။ TNDP ပါတီ ဥက္ကဋ္ဌ ဦးစိုင်းဌေးအောင်ကလည်း KIA တပ်ဖွဲ့ဝင်များသည် ရှမ်းနီလူမျိုးများအား အနိုင်ကျင့် သတ်ဖြတ်မှုများကို ယခုမှ ဆောင်ရွက်ခြင်းမဟုတ်ဘဲ KIA တပ်ဖွဲ့ တည်ထောင်စဉ်ကတည်းကပင် ဆောင်ရွက် နေခြင်း ဖြစ်သည်ဟုဆိုသည်။ ၎င်းက “ဒါမျိုးတွေ ဖြစ်နေရင် ပြဿနာက ပိုကြီးလာနိုင်တယ်လေ။ သူတို့ဘက်ကလည်း တိုင်းရင်းသားအချင်းချင်း ငြိမ်းချမ်းစွာ အတူယှဉ်တွဲနေနိုင်ရေးကို ရှေးရှုပြီးတော့မှ လုပ်တဲ့သူကို နောင်ကျဉ်အောင် အရေးယူဖို့လိုသလို နောင်ကိုဘယ်တော့မှ မလုပ်ဖို့ကိုလည်း သူတို့အနေနဲ့ ဆင်ခြင်ဖို့လိုပါတယ်” ဟု ပြောသည်။ KIA ဘက်ကမူ ကျောင်းသားလူငယ် ၂ ဦး အသတ်ခံရမှုသည် ကျူးလွန်သူ လူတဦးချင်းနှင့်သာ ဆိုင်သည့် ပြဿနာဖြစ်ပြီး ရှမ်းနီနှင့် ကချင်လူမျိုးများအကြား ဖြစ်သည့် ပြဿနာမဟုတ်ဟု ပြောဆိုထားသည်။ ဧရာဝတီသတင်း

July 23, 2020 by

တပ်မတော်သားနှစ်ဦး၏ ကရင်အမျိုးသမီးအား ပစ်သတ်မှုအပေါ် ထိရောက်စွာအရေးယူပေးရန် ကရင်အဖွဲ့အစည်းများ တောင်းဆို

အပြစ်ပေးတာက ခဏလောက်ပဲ လွတ်ငြိမ်းချမ်းသာ ပေးလိုက်တာပဲ။ အဲဒါမျိုးတွေရှိတာပေါ့။ အဲဒါကြောင့် ပြောရမယ်ဆိုရင် တပ်မတော်ရဲ့ လုပ်ထုံးလုပ်နည်းအပေါ်တော့ ယုံကြည်စိတ်ချမှု သိပ်မရှိဘူး မိုးမိုး။ အသက်၄၀ အရွယ် ကရင်အမျိုးသမီး နော်မူနော်အား ပစ်သတ်ခံရမှုအတွက် နိုင်ငံတကာ လူအခွင့်အရေးအဖွဲ့အစည်းများက စုံစမ်းစစ်ဆေးမှုပြုလုပ်၍ ကျူးလွန်သူကို ထိရောက်စွာ အရေးယူပေးရန် ကရင့်နိုင်ငံရေးနှင့် လူမှုအဖွဲ့အစည်းများက မနေ့က သဘောထားထုတ်ပြန် တောင်းဆိုခဲ့ကြသည်။ ၂၀၂၀ ခုနှစ် ဇူလိုင် ၁၆ရက်တွင် စကခ(၈)လက်အောက်ခံ၊ ခြေလျင်တပ်ရင်း (ခမရ-၄၀၉)မှ တပ်သားနှစ်ဦးသည် ခိုသွီးထာ (လှဂွန်းဂျို) ကျေးရွာအခြေစိုက်စခန်းမှ ထွက်လာသော ဖာပွန်ခရိုင် ဒွယ်လိုမြို့နယ် ပိုလိုးထာရွာသူ နော်မူနော်အား အကြောင်းမဲ့ပစ်သတ်သွားပြီး လက်ဝတ်ရတနာများ ချွတ်ယူသွားခဲ့မှုအပေါ် လုံးဝကန့်ကွက်ရှုတ်ချကြောင်း KNU Concerned Group၊ ၏ ထုတ်ပြန်ချက်များတွင် ဖော်ပြထားသည်။ ပစ်သတ်ခံရသူ […]

July 21, 2020 by

တအာင်းအမျိုးသမီးငယ်တဦး အဓမ္မပြုကျင့်ခံရခြင်းနှင့်ပတ်သက်၍ သဘောထားထုတ်ပြန်ချက်

တအာင်းအမျိုးသမီးငယ်တဦး အဓမ္မပြုကျင့်ခံရခြင်းနှင့်ပတ်သက်၍ သဘောထားထုတ်ပြန်ချက် ရက်စွဲ။  ။ ဇူလိုင်လ ၂၀ ရက်၊ ၂၀၂၀ ပြည့်နှစ် ၂၀၂၀ ခုနှစ်၊ ဇွန်လ (၁၇) ရက်နေ့တွင် နမ္မတူမြို့နယ်၊ ချောင်းဆာအုပ်စုတွင် နေထိုင်သည့် အမျိုးသမီး ငယ်တဦးသည် တောင်ယာမှပြန်လာစဉ် အဓမ္မပြုကျင့်ခံရသည့် ဖြစ်စဉ်တခု ဖြစ်ပွားခဲ့ကြောင်း မိမိတို့လူ့အခွင့် အရေးမှတ်တမ်းကွန်ရက် (မြန်မာနိုင်ငံ) မှ သိရှိရသည်။ အမျိုးသမီးငယ်မှာ အသက် ၁၆ နှစ် မပြည့်သေးသည့် အမျိုးသမီးငယ် တစ်ဦးဖြစ်သည်။ ကာယကံရှင် အမျိုးသမီးငယ်ကိုယ်တိုင်မှ ကျူးလွန်သူ အမျိုးသားမှာ ရှမ်းပြည်ပြန်လည်ထူထောင်ရေး ကောင်စီ/ ရှမ်းပြည်တပ်မတော် (RCSS/SSA) မှ တပ်ဖွဲ့ဝင်တဦဖြစ်သည့် စိုင်းအိုက်ပန်ဆိုသူ ဖြစ်သည်ဟု ထုတ် ဖေါ်ပြောကြားခဲ့ကြောင်းသိရှိရပြီး ထိုတပ်ဖွဲ့သည် လွန်ခဲ့သော ၂ လခန့်မှ နမ္မတူမြို့နယ်တဝိုက်တွင် […]

July 20, 2020 by

ပြစ်မှုကျူးလွန်သူတပ်မတော်သားများကို အရေးယူနိုင်သည့်ကာလသတ်မှတ်ချက်ကို ပြင်ရန်ကြိုးစား

တပ်မတော်အက်ဥပဒေအရ တပ်မတော်သားတစ်ဦးသည် ပြစ်မှုကျူးလွန်ပြီး သုံးနှစ်ကျော်လျှင် စစ်တရားရုံးက ယင်းပြစ်မှုအတွက် အရေးယူစီရင်နိုင်ခြင်း မရှိပေ တပ်မတော်သားများ ပြစ်မှုကျူးလွန်ပါက သုံးနှစ်ကျော်လွန်ပြီးနောက် အရေးယူမရသည့် တပ်မတော်အက်ဥပဒေပါ ပုဒ်မကို ပြင်ဆင်ရန်ဥပဒေကြမ်းကို ယနေ့ (ဇူလိုင် ၁၅) ကျင်းပသည့် အမျိုးသားလွှတ်တော် အစည်းအဝေး၌ တပ်မတော်သားကိုယ်စားလှယ်က တင်သွင်းခဲ့သည်။ ၁၉၅၉ ခုနှစ် တပ်မတော်အက်ဥပဒေပုဒ်မ ၁၂၅ (၁) တွင် တပ်မတော်သားတစ်ဦးသည် “ပြစ်မှုကျူးလွန်သည့် နေ့ရက်မှ သုံးနှစ်ကုန်ဆုံးသည့်အခါ ထိုပြစ်မှုအတွက် စစ်တရားရုံးဖြင့် စစ်ဆေးစီရင်ခြင်းကို စတင်မပြုလုပ်ရ” ဟု ပြဋ္ဌာန်းထားသည်။ တပ်မတော်သားလွှတ်တော်ကိုယ်စားလှယ် ဒုတိယဗိုလ်မှူးကြီး အောင်ထွန်းလင်းက ပြင်ဆင်လိုသည့်ဥပဒေကြမ်းတွင် အချိန်ကာလသတ်မှတ်ချက်သုံးနှစ်ကို ပြစ်မှုကျူးလွန်သည့်နေ့ရက်မှ စတင်ရေတွက်ခြင်းအပြင် နစ်နာသူနှင့် အရေးယူနိုင်သည့်အခွင့်အာဏာပိုင်က ပြစ်မှုကျူးလွန်မှု သို့မဟုတ် ပြစ်မှုကျူးလွန်သူကို စတင်သိရှိသည့် အစောဆုံးနေ့ရက်မှ စတင်ရေတွက်ရန် ဟူသည့် […]

July 16, 2020 by

စာရင်းမပါသည့် လက်ဗလာများ (COVID-19 ကူးစက်ရောဂါကာလအတွင်း မြန်မာနိုင်ငံတောင်ပိုင်းရှိ ရွှေ့ပြောင်းအခြေချသူများ၏ စားဝတ်နေရေးရုန်းကန်မှု)

အစီရင်ခံစာ ထုတ်ဝေခြင်း မွန်ပြည်လူ့အခွင့်အရေးဖောင်ဒေးရှင်း ၁၅ ဇူလိုင် ၂၀၂၀ မြန်မာနိုင်ငံတောင်ပိုင်း ဝေးလံခေါင်သီသောဒေသများရှိ ရွှေ့ပြောင်းအခြေချသူများအနေဖြင့် COVID-19 ကူးစက်ရောဂါ ကာလအတွင်း စားဝတ်နေရေးအတွက် ခက်ခဲကြပ်တည်းစွာ ရုန်းကန်နေကြရသည်။  အသွားအလာကန့်သတ်ခြင်း ကဲ့သို့သော COVID-19 နှင့်ပတ်သက်သည့် ကန့်သတ်ထိန်းချုပ်မှုများကို နိုင်ငံတော်အစိုးရသာမက တိုင်းရင်းသား လက်နက်ကိုင်အဖွဲ့အစည်းများကပါ ချမှတ်ကျင့်သုံးခဲ့ရာ ရွှေ့ပြောင်းအခြေချသူများအနေဖြင့် ပုံမှန်လုပ်ငန်းများ လုပ်ကိုင် ရန်နှင့် မိုးတွင်းအတွက် အစားအစာများ ကြိုတင်သိုလှောင်သိမ်းဆည်းရန် မဖြစ်နိုင်ခဲ့ချေ။ ရွှေ့ပြောင်းအခြေချသူများ၏ အထက်ပါရုန်းကန်မှုများကို နိုင်ငံတကာအသိုင်းအဝိုင်း၊ အစိုးရနှင့် သက်ဆိုင်ရာအင်အား စုများ သိရှိနားလည်ရန်အတွက် မွန်ပြည်လူ့အခွင့်အရေးဖောင်ဒေးရှင်းက “စာရင်းမပါသည့် လက်ဗလာများ” အစီရင်ခံစာ ကို မြန်မာနှင့် အင်္ဂလိပ် နှစ်ဘာသာဖြင့် ထုတ်ဝေလိုက်ပါသည်။ “တဖြည်းဖြည်းနဲ့ စားရမဲ့ သောက်ရမဲ့ဘဝကို ရောက်တော့မယ်။ ဆင်းရဲတာကနေ “လက်ဗလာ” အနေအထားကို ရောက်တော့မယ်။ ဒီရောဂါက ကျွန်တော်တို့ကို သပ်သပ်ခွဲခြားလိုက်တာပဲ။ ဥပဒေ(ကန့်သတ်ချက်) အသစ်တွေ ကြောင့်လည်း အလုပ်လုပ်ဖို့ အဆင်မပြေဘူး။ မိသားစုကို ဘယ်လိုရှာကျွေးမလဲ။ အခုတော့ ဖြေလျှော့မှု တစ်ချို့တော့ ရှိလာပါပြီ။ ဒါပေမယ့် သိပ်နောက်ကျနေပြီ။ မိုးကျလာပြီလေ။ နွေရာသီမှာ အစားအစာစုဆောင်းဖို့ ကျွန်တော်တို့ အလုပ်လုပ်ခွင့် မရခဲ့ဘူးလေ” စီးပွားရေးထိခိုက်မှုကို ကုစားနိုင်ရန်အတွက် ၂၀၂၀ ဧပြီလ (၂၈) ရက်နေ့တွင် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီက COVID-19 စီးပွားရေး ထိခိုက်မှု သက်သာရေး စီမံချက်ကို ချမှတ်ခဲ့သည်။ ပန်းတိုင် (၇) ရပ်၊ နည်းဗျူဟာ (၁၀) ချက်၊ လုပ်ငန်းစဉ် (၃၆) ချက်နှင့် လုပ်ဆောင်ချက် (၇၆) ချက်ပါဝင်သော အဆိုပါစီမံချက်တွင် သာမန်လက်လုပ်လက်စား အိမ်ထောင်စုများကို အစားအသောက်နှင့် ငွေကြေး ထောက်ပံ့သည့် အစီအစဉ်အပြင် ရွှေ့ပြောင်းအခြေချသူများနှင့်သက်ဆိုင်သော စီမံချက်များလည်း ပါဝင်သည်။ နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “မည်သူ့ကိုမျှ ချန်မထားခဲ့သည့် စီမံချက်” ဟုဆိုကာ အဆိုပါစီမံချက်ကို ချီးကျူးခဲ့သည်။ “ကလေးတွေက စားစရာတောင်းရင် မရှိဘူးလို့ ကျွန်မ ဘယ်လိုပြောထွက်မလဲ။ သူတို့ကို လုံလုံလောက်လောက် မကျွေးနိုင်ဘူးဆိုတာ သိတယ်။ ဒီအချိန်က ကျွန်မအတွက် အခက်ခဲဆုံးပဲ။ ကျွန်မခင်ပွန်းက လွန်ခဲ့တဲ့ (၂) နှစ်က တည်းက ကျွန်မကို ကလေး (၃) ယောက်နဲ့ ထားသွားတယ်။ ကိုယ့်ဟာကိုယ်ပဲ ရှာဖွေစားသောက်နေရတယ်။ တံမြက်စည်းပင်တွေ ရောင်းတယ်၊ ရာဘာခြံတွေမှာ အလုပ်လုပ်တယ်” အထက်ပါအခက်အခဲများအပြင် နိုင်ငံရပ်ခြားမှ ပြန်လာသည့် ရွှေ့ပြောင်းအလုပ်သမားများအရေးကြောင့်လည်း မွန်နှင့် ကရင်ပြည်နယ်များမှ ဒေသခံပြည်သူများက ပိုမိုအခက်ကြုံခဲ့ရသည်။ ကန့်သတ်ချက်များကြောင့် အလုပ်မလုပ်နိုင်သဖြင့် ဝင်ငွေမရှာနိုင်သည့်အနေအထားတွင် ပြည်ပမှပြန်လာသူများကို ကူညီပံ့ပိုးပေးရသည့်အတွက် ဘူးလေးရာဖရုံ ဆင့်ဖြစ်ခဲ့ ရသည်။ “အစိုးရ လက်တွေ့ကျကျ ဘာမှ မထောက်ပံ့ဘူး။ ကျိုက်မရောမြို့နယ်က ကျေးရွာအားလုံးလိုလိုပဲ နေရပ်ပြန်တွေကို လက် ခံဖို့ သူတို့ကျန်းမာရေးကို စောင့်ရှောက်ဖို့ အခက်အခဲဖြစ်နေတယ်။ မွန်အဖွဲ့အစည်းတစ်ခုက အပူတိုင်းစက် လှူတယ်၊ နောက်မွန်အဖွဲ့တစ်ခုက လက်ဆေးရည်တို့ နှာခေါင်းစည်းတို့ လက်ကမ်းစာစောင်တို့ လာပေးတယ်။ ကျွန်တော်တို့ရွာ မှာတော့ အစိုးရထုတ်ပြန်ချက်တွေကို တော်တော်လေးလိုက်နာကြတာ တွေ့ရတယ်။ အစိုးရက ဘာမှမထောက်ပံ့ဘူး ဆိုပေမယ့်ပေါ့လေ။ ထုတ်ပြန်ချက်တွေကို အတိအကျလိုက်နာနိုင်ဖို့အတွက် ရွာသူရွာသားတွေကို (ရောဂါကာကွယ်ရေး ဆိုင်ရာ) ပစ္စည်းကိရိယာတွေ ထောက်ပံ့ပေးဖို့ အစိုးရကို တောင်းဆိုချင်ပါတယ်” ဟု ကျိုက်မရောမြို့နယ် မယ်ဂရိုကျေးရွာမှ တက်ကြွလှုပ်ရှားသူတစ်ဦးဖြစ်သူ နိုင်ရွှေဝင်းက မေတ္တာရပ်ခံပါသည်။  အစီရင်ခံစာအပြည့်အစုံကို ရယူရန် (English / Burmese). အစီရင်ခံစာနှင့်ပတ်သက်၍ အသေးစိတ်သိရှိလိုပါက – မြန်မာနှင့် အင်္ဂလိပ်ဘာသာအတွက် ဗညားအက်ဗန် +95 996 191 9757 Email: ogvon@rehmonnya.org မွန်၊ မြန်မာနှင့် အင်္ဂလိပ်ဘာသာအတွက် နိုင်အဲမွန် +66 861 679 741 Email: info@rehmonnya.org, auemon@rehmonnya.org, Website: www.rehmonnya.org

July 15, 2020 by
,

AA ဖမ်းသွားတဲ့ ကျမတို့ ယောကျ်ားတွေကို ပြန်လွှတ်ပေးပါ

ဧရာဝတီ၊ ဇူလိုင် ၁၀၊ ၂၀၂၀ ချင်းပြည်နယ်၊ ပလက်ဝမြို့နယ်ထဲက ဘောင်ဝကျေးရွာမှ ခူမီးချင်း အမျိုးသား ၄ ဦးသည် ပျောက်ဆုံးနေသည်မှာ ယခုလ ၁၆ ရက်တွင် တစ်နှစ်တင်းတင်း ပြည့်ပြီ ဖြစ်ပြီး ယခုအချိန်အထိ အိမ်ပြန်ရောက်ရှိလာခြင်း မရှိသေးကြောင်း သိရသည်။ ၂၀၁၉ ခုနှစ် ဇူလိုင်လ ၁၆ ရက် ည ၇ နာရီဝန်းကျင်တွင် ဘောင်ဝကျေးရွာသားများ ဖြစ်ကြသည့် အိုက်ကျော်ကျော်သန်း၊ အိုက်ကျော်စန်း၊ အိုက်စိုးရဲအောင် နှင့် အိုက်ကျော်လင်း တို့သည် ကုလားတန်မြစ်ကြောင်းပေါ်က တံတားဆောက်လုပ်ရေး လုပ်ငန်းခွင်မှအပြန် လမ်းတွင် လက်နက်ကိုင်အဖွဲ့တခုက ခေါ်ဆောင်သွားခဲ့ခြင်း ဖြစ်သည်။ အင်တာဗျူး – နန်းလွင်နှင်းပွင့် ရိုက်ကူး/တည်းဖြတ် – ငြိမ်းဇော်

July 10, 2020 by
,

တိုက်ပွဲအတွင်း အရပ်သားသေဆုံးမှုကြောင့် တပ်ကို ICC တင်ဖို့ AI တောင်းဆို

တပ်မတော်ရဲ့ ဆိုးဝါးတဲ့ ကျူးလွန်ချိုးဖောက်မှုတွေ ဆက်လက်ဖြစ်ပွားနေတာကြောင့် မြန်မာနိုင်ငံ အခြေအနေတွေကို နိုင်ငံတကာရာဇဝတ်ခုံရုံး ICC မှာ တင်ပြပေးဖို့ ကုလသမဂ္ဂ လုံခြုံရေးကောင်စီကို နိုင်ငံတကာ လွတ်ငြိမ်းချမ်းသာခွင့်အဖွဲ့ AI က ထပ်မံတောင်းဆိုလိုက်ပါတယ်။ ရခိုင်ပြည်နယ်နဲ့ ချင်းပြည်နယ်မှာ လေကြောင်းတိုက်ခိုက်တာတွေကြောင့် အရပ်သား သေဆုံးဒဏ်ရာရတာတွေ တားဆီးနိုင်ဖို့ တပ်မတော်ကို နိုင်ငံတကာ ရာဇဝတ်ခုံရုံး ICC တင်ဖို့ ကုလသမဂ္ဂ လုံခြုံရေးကောင်စီကို နိုင်ငံတကာ လွတ်ငြိမ်းချမ်းသာခွင့်အဖွဲ့က ဒီကနေ့ တိုက်တွန်းလိုက်ပါတယ်။ ရက္ခိုင့်တပ်တော် AA နဲ့ ဖြစ်ပွားတဲ့ တိုက်ပွဲတွေမှာ တပ်မတော်က ပစ်မှတ်ခွဲခြားခြင်းမရှိတာကြောင့် လေကြောင်းတိုက်ခိုက်မှုတွေမှာ ကလေးသူငယ်တွေအပါအဝင် အရပ်သားတွေသေဆုံးတဲ့ အထောက်အထားတွေ ရထားတယ်လို့ ဒီအဖွဲ့ရဲ့ သတင်းထုတ်ပြန်ချက်မှာ ဖော်ပြထားပါတယ်။ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကတော့ စစ်ဆင်ရေးတွေမှာ တပ်မတော်အနေနဲ့ […]

July 8, 2020 by
,

ကာချုပ်နဲ့ ဒုကာချုပ်ကို ဗြိတိန်က အရေးယူပိတ်ဆို့/အမေရိကန်က ထောက်ခံ

မြန်မာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒု- ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး စိုးဝင်းတို့ကို ဗြိတိန်အစိုးရက စီးပွားရေးအရေးယူပိတ်ဆို့လိုက်တယ်လို့ မနေ့က ဇူလိုင်လ ၆ ရက်နေ့မှာ ကြေညာလိုက်ပါတယ်။ ပြီးခဲ့တဲ့နှစ်ပိုင်းတွေအတွင်းက ရိုဟင်ဂျာတွေကို စနစ်တကျ အကြမ်းဖက်နှိမ်နင်းတယ်ဆိုတဲ့ စွပ်စွဲချက်နဲ့ အရေးယူလိုက်တာဖြစ်ပါတယ်။ ဗြိတိန်နိုင်ငံကို ဝင်ရောက်ခွင့်ဗီဇာပိတ်တာ၊ ဗြိတိန်နဲ့ ဆက်စပ်တဲ့ဘဏ်တွေမှာသိမ်းထားတဲ့ပိုင်ဆိုင်မှုတွေရှိရင် ထုတ်ယူသုံးစွဲခွင့်မပြုတာ၊ ဘဏ်တွေကတဆင့် ငွေအလွှဲအပြောင်းလုပ်ခွင့်မရအောင် ထိန်းချုပ်လိုက်တဲ့ သတ်မှတ်ချက်တွေဖြစ်ပါတယ်။ ဒီလို ဗြိတိန်နိုင်ငံက ၂၀၁၈ ခုနှစ် ပိတ်ဆို့အရေးယူရေးနဲ့ ငွေကြေးခဝါချမှုတိုက်ဖျက်ရေး အက်ဥပဒေအရ အရေးယူ ပိတ်ဆို့လိုက်တာကို အမေရိကန်ပြည်ထောင်စုက ကြိုဆိုတဲ့အကြောင်း နိုင်ငံခြားရေးဝန်ကြီး Mike Pompeo က မရှေးမနှောင်းမှာပဲ ကြေညာချက် ထုတ်ပြန်လိုက်ပါတယ်။ ရုရှား၊ ဆော်ဒီအာရေးဗျ၊ မြန်မာနဲ့ မြောက်ကိုရီးယားနိုင်ငံတွေက ပုဂ္ဂိုလ်တဦးချင်းနဲ့ အဖွဲ့အစည်းတွေကို ဗြိတိန်က စီးပွားရေးပိတ်ဆို့တဲ့ […]

July 7, 2020 by