Author Archive for: ndb14

သုံ့ပန်းများမှာ ယမန်နှစ် ခရစ်စမတ်အကြိုနေ့တွင် မူဆိုရွာအနီး လူနှင့် ယာဉ်များ မီးပုံရှို့သည့် ဖြစ်စဉ်တွင် ပါဝင်သူများဖြစ်သည်ဟု တော်လှန်ရေးအဖွဲ့က ဆိုသည်။ လွန်ခဲ့သည့်နှစ်က ကယား(ကရင်နီ)ပြည်နယ်၊ ဒီးမော့ဆိုမြို့နယ် မိုဆိုရွာအနီးတွင် ကလေးများ အပါအဝင် လူ ၄၀ ကျော်ကို သတ်ဖြတ် မီးရှို့ခဲ့သည့် စစ်ကောင်စီတပ်ဖွဲ့မှ လေးဦးကို ဖမ်းမိထားသည်ဟု ကရင်နီအမျိုးသားများကာကွယ်ရေးတပ် (KNDF) က ပြောသည်။ ဒီးမော့ဆိုမြို့နယ် ဒုန်းကမီး(ဒေါကမီး)ကျေးရွာတွင် ဒီဇင်ဘာ ၃ ရက်က ဖြစ်ပွားသည့် တိုက်ပွဲအတွင်း ရရှိသည့် တပ်မ ၆၆ လက်အောက်ခံ အမှတ် ၁၀၈ ခြေမြန်တပ်ရင်းမှ ထိုစစ်သားများကို ကရင်နီပြည်ရဲတပ်ဖွဲ့ (KSP) ထံ အပ်နှံသွားမည်ဟု သိရသည်။ တိုက်ပွဲတွင် စစ်ကောင်စီတပ်ဘက်မှ၂၀ ကျော်သေဆုံးကြောင်း၊ ဖမ်းမိသူများမှာ တပ်ကြပ်ကြီး ၁ ဦး၊ […]

စစ်ဘေးရှောင်အချို့ နေရပ်ပြန်ကြသော်လည်း တိုက်ပွဲထပ်ဖြစ်ခြင်းကြောင့် ထပ်မံရှောင်တိမ်းနေရသည်။ အိမ်မီးရှို့ခံရမှု၊ ပစ္စည်းခိုးယူခံရမှုတို့နှင့် ရင်ဆိုင်ရသူများလည်း ရှိနေသည်။ ကယားပြည်နယ် (ကရင်နီ) နှင့် ကရင်ပြည်နယ်တို့မှ စစ်ရှောင်နေရသူများထဲတွင်   စစ်ကောင်စီ၏  ဖိအားကြောင့် နေရပ်ပြန်သူများ ရှိခဲ့သော်လည်း တိုက်ပွဲများဖြစ်ပွားနေခြင်းကြောင့် နေရပ်ကို ထပ်မံစွန့်ခွာနေရသည်ဟု ဒေသခံများနှင့် စစ်ဘေးရှောင်များ ကူညီစောင့်ရှောက်ရေးကွန်ရက်တို့က ပြောသည်။ စစ်ကောင်စီ တစ်စိတ်တစ်ပိုင်း နယ်မြေထိန်းချုပ်ထားနိုင်သည့် ကယားပြည်နယ် ဒီးမော့ဆိုမြို့နယ်နှင့် ရှမ်းပြည်နယ်တောင်ပိုင်း ဖယ်ခုံမြို့နယ် ဖယ်ခုံအင်းအရှေ့ဘက် ကျေးရွာများမှ ဒေသခံများကို ပြီးခဲ့ သည့် တစ်လခန့်မှစ၍ နေရပ်ပြန်ခိုင်းကြောင်း အဆိုပါ ဒေသခံများကပြောသည်။  ဒီးမော့ဆိုမြို့နယ် နန်းမယ်ခုံမြို့နှင့် ထိုမြို့အနီးရှိ ကျွန်းတော၊ ပူဖား၊ သေးဆူလဲရွာသစ်တို့မှ လူဦးရေ ၃၀ ရာခိုင်နှုန်းခန့် အိမ်ပြန်သွားကြကြောင်း၊  သေးဆူလဲရွာသစ်တွင် စစ်ကောင်စီနှင့် ဒေသကာကွယ်ရေးတပ်ဖွဲ့တို့ နိုဝင်ဘာ […]