ဒဂုံတက္ကသိုလ် ကျောင်းသား ၇ ဦးကို စစ်ခုံရုံးက သေဒဏ်ချ
ထောင်တွင်းစစ်ခုံရုံးက သေဒဏ်ချထားသူ ၁၃၄ ဦး ရှိလာသည်၊ စစ်တပ်က ပြည်သူများကို သတ်ဖြတ်ရန် တရားရုံးကို အသုံးပြုနေခြင်း ဖြစ်သည်ဟု ကျောင်းသားသမဂ္ဂက ဝေဖန်လိုက်သည်။ ကမ္ဘာ့ရတနာဘဏ်မန်နေဂျာ ဒုဗိုလ်မှူးကြီး(ငြိမ်း) စောမိုးဝင်း ပစ်သတ်ခံရမှုနှင့် ပတ်သက်၍ အသက်၂၀ ကျော်အရွယ် ကျောင်းသား ၇ ဦးကို အင်းစိန်ထောင်တွင်း စစ်ခုံရုံးက နိုဝင်ဘာ ၃၀ တွင် သေဒဏ်အမိန့်ချသည်ဟု ဒဂုံတက္ကသိုလ်ကျောင်းသားများသမဂ္ဂက ပြောသည်။ ဒဂုံတက္ကသိုလ်ကျောင်းသားများဖြစ်သည့် ကိုသူရမောင်မောင်၊ ကိုသီဟထက်ဇော်၊ ကိုဟိန်းထက်၊ ကိုခန့်ဇင်ဝင်း၊ ကိုဇော်လင်းနိုင်၊ ကိုသက်ပိုင်ဦးနှင့် ကိုခန့်လင်းမောင်မောင်တို့သည် ကြိုတင်ကြံစဉ်ကာ လူသတ်မှုကျူးလွန်သည်၊ ရာဇသတ်ကြီးဥပဒေပုဒ်မ ၃၀၂က/၃၄ ကျူးလွန်သည်ဟု စစ်ကောင်စီတရားရုံး စီရင်ချက်တွင် ဖော်ပြထားသည်ဟု ဆိုသည်။ ဧပြီ ၁၈ နံနက်တွင် တောင်ဒဂုံမြို့နယ် ဘဏ်ခွဲ့သို့ လာသည့် မန်နေဂျာဦးစောမိုးဝင်း ဘဏ်ရှေ့အရောက် ကားပေါ်မှ ဆင်းစဉ် အခြားကားတစ်စီးပေါ်မှ မြို့ပြပြောက်ကျားလူငယ်များက […]