Entries by ndb14

,

စစ်ကိုင်းတွင် ဓားစာခံများ အစုလိုက်အပြုံလိုက် သတ်ဖြတ်ခံရ

ဦးခေါင်းနှင့် ခြေလက် ဖြတ်တောက်သည့် စစ်ကြောင်း ဝင်ရောက်သွားသည့် စစ်ကိုင်းမြို့တွင် အမျိုးသမီးတချို့ အပါအဝင် ဒေသခံ ၁၄ ဦး၏ ရုပ်အလောင်းများကို တွေ့ရသည်။ (သတင်းအတွင်း စိတ်မချမ်းမြေ့ဖွယ်ရာ ဓာတ်ပုံအချို့ ပါဝင်သည်) မူးမြစ်နှင့် ဧရာဝတီမြစ် ပေါင်းဆုံသည့် ဒေသ စစ်ကိုင်းတိုင်း၊ စစ်ကိုင်းမြို့နယ် တာတိုင်ရွာ တော်လှန်ရေးအဖွဲ့၏ ခေါင်းဆောင်တစ်ဦးကို စစ်ကောင်စီတပ်က အပိုင်းပိုင်းခုတ်ထစ် သတ်ဖြတ်သွားသည်။ ယမန်နေ့ (မတ် ၁) မိုးမလင်းမီ ဖြစ်ပွားသည့် ထိုဖြစ်စဉ်အတွင်း စစ်ကောင်စီက ဓားစာခံ ဖမ်းခေါ်သွားသည့် အမျိုးသမီးသုံးဦးအပါအဝင် အခြားဒေသခံ ၁၄ ဦးပါ သတ်ဖြတ်ခံခဲ့ရသည်ဟု ဒေသတွင်းသတင်းရင်းမြစ်များထံမှ သိရသည်။ ထိုစစ်ကြောင်းမှာ ဖေဖော်ဝါရီ ၂၈ ညဦးပိုင်းတွင် တာတိုင်ရွာ အရှေ့ဘက်ရှိ မြင်းမူမြို့နယ်မှ ဧရာဝတီမြစ်ကြောင်းအတိုင်း ထွက်လာသည်၊ မူးမြစ်နှင့် […]

March 2, 2023 by

ယင်းမာပင်မြို့နယ် ကုန်းရွာတစ်ရွာလုံးနီးပါးမီးရှို့ခံရပြီး အရပ်သားသုံးဦး သတ်ဖြတ်ခံရ

စစ်ကိုင်းတိုင်း၊ ယင်းမာပင်မြို့နယ်က အိမ်ခြေ ၇၀၀ ကျော်ရှိတဲ့ ကုန်းရွာကို ဖေဖော်ဝါရီလ ၂၈ ရက် ညပိုင်းမှာ စစ်ကောင်စီတပ်က ဝင်ရောက်မီးရှို့ခဲ့လို့ တစ်ရွာလုံးနီးပါး မီးလောင် ဆုံးရှုံးခဲ့သလို ရွာထဲမှာလည်း သတ်ဖြတ်ခံထားရတဲ့ အရပ်သား သုံးဦးရဲ့ ရုပ်အလောင်းတွေ ကို တွေ့ရှိခဲ့တယ်လို့ ဒေသခံတွေက ပြောပါတယ်။ သေဆုံးသူ အမျိုးသားသုံးဦးဟာ အသက် ၃၀ နဲ့ ၄၀ ကြားအရွယ်တွေဖြစ်ပြီး နှစ်ဦးက ကုန်းရွာသားတွေ ဖြစ်ပါတယ်။ နောက်တစ်ဦးကတော့ ဘယ်ရွာသားဆိုတာ မသိရသေးဘူး လို့ ဆိုပါတယ်။ မနေ့က ညနေပိုင်းက ကုန်းရွာအဝင်မှာ စစ်ကောင်စီတပ်နဲ့ ဒေသခံကာကွယ်ရေးတပ်ဖွဲ့တွေ တိုက်ပွဲဖြစ်ပြီး စစ်ကောင်စီဘက်က အထိနာတဲ့အတွက် ရွာကို ဝင်ပြီး မီးရှို့သွားတာ လို့လည်း လုံခြုံရေးအရ အမည်မဖော်လိုတဲ့ ဒေသခံ တစ်ယောက်က […]

March 1, 2023 by
,

လူ့အခွင့်အရေးချိုးဖောက်မှု မှတ်တမ်းများ (ဖေဖော်ဝါရီ ၂၂ မှ ၂၈) ရက်နေ့ထိ

ဖေဖော်ဝါရီလ ၂၂ရက်မှ ၂၈ ရက်အတွင်း စစ်ကိုင်းတိုင်း၊ ချင်းပြည်နယ်နှင့် ကချင်ပြည်နယ်တို့တွင် လေကြောင်း အသုံးပြု ဗုံးကြဲ တိုက်ခိုက်မှုများ ပြုလုပ်ခဲ့သည်။ ဖေဖော်ဝါရီ ၂၂ ရက်နေ့က စစ်ကိုင်းတိုင်းမှ ရွှေဘို ၊ အရာတော်နှင့် ဝက်လက် သုံးမြို့နယ်ကို စစ်အုပ်ချုပ်ရေးနယ်မြေအဖြစ် ထပ်တိုးကြေညာခဲ့သည်။ ပဲခူးတိုင်း အုတ်ဖိုမြို့နယ်မှ CDMသူနာပြုဆရာမကို စစ်တပ်က ဖမ်းဆီးနှိပ်စက်ကာ မသတ်ခင် အဓမ္မပြုကျင့်ခဲ့ပြီး စစ်ကိုင်းတိုင်း ကသာမြို့နယ်မှ CDM သူနာပြုဆရာမကို ဖမ်းဆီး ပစ်သတ်ခဲ့သည်။ မန္တလေး အိုးဘိုထောင်မှ နိုင်ငံရေး အကျဉ်းသူတွေကို မိသားစုများအား အသိမပေးဘဲ ထောင်ပြောင်းရွေ့ခဲ့ကြသည်။ 2023 Feb 22 to 28 (MM)Infogram

March 1, 2023 by
,

လူ့အခွင့်အရေးချိုးဖောက်မှု မှတ်တမ်းများ (ဖေဖော်ဝါရီ  ၁၅ မှ ၂၁) ရက်နေ့ထိ

ဖေဖေဖော်ဝါရီလ ၁၅ရက်မှ ၂၁ ရက်အတွင်း ကရင်ပြည်နယ် ဖာပွန်ခရိုင်နှင့် ကော့ကရိတ်တောင်ပိုင်းတို့ကို လေကြောင်းအသုံးပြု ဗုံးကြဲတိုက်ခိုက်မှုများ ပြုလုပ်ခဲ့သည်။ စစ်အာဏာရှင်တပ်က စစ်ကိုင်းတိုင်း၊ မကွေးတိုင်းနှင့် ကရင်ပြည်နယ် တို့တွင် စစ်ကြောင်းထိုး ဝင်ရောက်ခဲ့ပြီး ကျေးရွာများကို မီးရှို့ ဖျက်ဆီးခဲ့သည်။ စစ်ကြောင်းထိုးရာ ဒေသ တလျှောက်ရှိ ဒေသခံ ပြည်သူများကို ဖမ်းဆီးရိုက်နှက်ခဲ့ပြီး ဓားစာခံအဖြစ် ဖမ်းဆီး ပြုလုပ်ခြင်းများ ရှိခဲ့သည်။ စစ်အာဏာရှင်တပ်သားများက စစ်ကိုင်းတိုင်း ကန့်ဘလူမြို့နယ်မှ ပြည်သူ ၂ဦးနှင့် မကွေးတိုင်း ရေစကြိုမြို့နယ်မှ ပြည်သူ ၂ဦးတို့ကို မီးရှို့ သတ်ဖြတ် ခဲ့သည်။ 2023 Feb 15 to 21 (MM)Infogram

February 22, 2023 by

ကယားပြည်နယ်မှာ စစ်ဆေးရေးဂိတ်တွေကြောင့် အစားအစာနဲ့ ဆေးဝါး ပြတ်တောက်နေ

လက်နက်ကိုင်ပဋိပက္ခ ပြင်းထန်နေတဲ့ ကယားပြည်နယ်မှာ စစ်ကောင်စီရဲ့ အခြေစိုက်တပ်စခန်းတွေနဲ့ စစ်ဆေးရေးဂိတ်တွေဟာ ပြည်နယ်ရဲ့ အချက်အချာကျတဲ့ လမ်းမတွေနဲ့ လမ်းဆုံလမ်းခွတွေမှာ ဖြတ်သန်း သွားလာသမျှ ကားနဲ့ ဆိုင်ကယ်တွေကို တင်းတင်းကျပ်ကျပ် စစ်ဆေးနေတယ်လို့ ဒေသခံတွေက ပြောပါတယ်။ ပြည်နယ်တစ်ခုလုံးမှာ စစ်ကောင်စီတပ်ရဲ့ စစ်ဆေးရေး ဂိတ်စခန်းပေါင်း ၄၀ နီးပါး ရှိနေပြီး အများစုက မြို့တော် လွိုင်ကော်၊ ဒီးမော့ဆိုနဲ့ ဖယ်ခုံမြို့ အဝင်အထွက် လမ်းမတွေမှာ တင်းတင်းကျပ်ကျပ် စစ်ဆေး နေတာလို့ ဆိုပါတယ်။ “ကယားပြည်နယ်တစ်ခုလုံးမှာရှိတဲ့ စစ်ဘေးဒုက္ခသည်တွေကို အနုနည်းနဲ့ အစာရေစာဖြတ်နေတာလို့ မြင်တယ်” အဲဒီစစ်ဆေးရေးဂိတ်တွေကို စစ်တပ်က အာဏာသိမ်းပြီး တစ်နှစ်အကြာ ၂၀၂၂ ခုနှစ် အစောပိုင်းကတည်းက ဖွင့်လှစ်ထားတာဖြစ်ပြီး ပြည်နယ်အတွက် အဓိက ရိက္ခာသယ်တဲ့ လမ်းကြောင်းတွေကို တင်းတင်းကျပ်ကျပ် စစ်ဆေးနေတာလို့ […]

February 21, 2023 by

ကော့ကရိတ်တောင်ပိုင်းကို လေတပ်က ၅ ကြိမ်ဆက်တိုက် ဗုံးကြဲ

ဖေဖော်ဝါရီ ဒုတိယပတ်အတွင်း KNU  တပ်မဟာ ၃ ခုထက်မနည်းကို လေတပ်က ဆက်တိုက် ဗုံးကြဲနေရာ ဒေသခံ ရာနှင့်ချီ ထွက်ပြေးတိမ်းရှောင်နေရသည်။  ယနေ့ (ဖေဖော်ဝါရီ ၂၀) နံနက်တွင် စစ်ကောင်စီလေတပ်က ကရင်အမျိုးသားအစည်းအရုံး (KNU) တပ်မဟာ ၆ နယ်မြေဖြစ်သော ကရင်ပြည်နယ်၊ ကော့ကရိတ်မြို့နယ်တောင်ပိုင်းကို ၅ ကြိမ် ဗုံးကြဲ တိုက်ခိုက်ခဲ့သည်။ ကော့ကရိတ်မြို့ တောင်ဘက် ၈ မိုင်ခန့်အကွာတွင် ရှိသည့် ဒေါက်ပလန်ကျေးရွာနှင့် ဘော့ဒိုင်းကျေးရွာအကြား ဗုံးကြဲခဲ့ခြင်းဖြစ်ပြီး အရပ်သားထိခိုက်သေဆုံးမှုအခြေအနေကို စိစစ်နေဆဲဖြစ်ကြောင်း KNU ဒူးပလာယာခရိုင် အတွင်းရေးမှူး ပဒိုစောလစ္စတန်က ပြောသည်။ “ခုကြဲတာက တောထဲတောင်ထဲဆိုတော့ ကျွန်တော်တို့ ခိုအောင်းမယ်လို့ ယူဆပြီး ပစ်ခတ်တာ ဖြစ်နိုင်သလို လူထုရှိနေတဲ့ နေရာမှာ ခိုလှုံတာမျိုး၊ လူထုက လက်မခံရဲအောင် ခြိမ်းခြောက်တာမျိုး ဖြစ်နိုင်ပါတယ်” ဟု ၎င်းက […]

February 20, 2023 by
,

လူ့အခွင့်အရေးချိုးဖောက်မှု မှတ်တမ်းများ (ဖေဖော်ဝါရီ ၈ မှ ၁၄) ရက်နေ့ထိ

ဖေဖော်ဝါရီလ ၈ ရက်မှ ၁၄ရက်အတွင်း စစ်အာဏာရှင်တပ်ကို ဆန့်ကျင်သော မန္တလေးမြို့မှ လူ(၃၀)ဦးခန့် ၊ ပဲခူးမြို့မှ လူ (၂၀)ကျော်၊ ရန်ကုန်တိုင်း လှိုင်မြို့နယ်မှ (၁၀)ဦး ဝန်းကျင်တို့ကို ဖမ်းဆီးခဲ့သည်။ မန္တလေးတိုင်း မတ္တရာမြို့မှ ဒေသခံ (၂၀)ဦးကို လည်း လူသားဒိုင်းအဖြစ် ပြုလုပ်ခဲ့သည်။ မန္တလေး အိုးဘိုထောင်မှ အကျဉ်းသူ (၇၀) ကျော်ကို ရိုက်နှက်ခဲ့ပြီး အကျဉ်းသူ (၃၀)ကျော်ကို တိုက်ပိတ်ထားခဲ့သည်။ ဧရာဝတီတိုင်း ပုသိမ်ထောင်မှ ထောင်ဝင်စာပိတ် ခံထားရတဲ့ နိုင်ငံရေးအကျဉ်းသားမိသားစုတွေဆီကို ထောင်ဝန်ထမ်းတွေက လိမ်လည် ငွေညစ်ခဲ့သည်။ စစ်အာဏာရှင် တပ်ကို ဆန့်ကျင်ကြောင်း လူမှုကွန်ရက်မှာ ရေးသားခဲ့သော ပြည်သူ (၁၀)ဦးကို အမှုဖွင့်ခဲ့ကြောင်း နိုင်ငံပိုင် သတင်းစာမှ ကြေငြာခဲ့သည်။ 2023 Feb 8 […]

February 15, 2023 by

စစ်ရေးပဋိပက္ခကြောင့် KNU နယ်မြေမှာ တစ်လအတွင်းအရပ်သား ၁၆ ဦးသေ၊ ၄၇ ဦးဒဏ်ရာရ

စစ်ကောင်စီတပ်နဲ့ ကရင်အမျိုးသားအစည်းအရုံး (KNU) အကြား စစ်ရေးပဋိပက္ခတွေ ကြောင့် KNU ထိန်းချုပ်နယ်မြေမှာ ၂၀၂၃ ခုနှစ်၊ ဇန်နဝါရီလအတွင်း အရပ်သား ၁၆ ဦး သေဆုံးပြီး ၄၇ ဦး ထိခိုက်ဒဏ်ရာရရှိခဲ့တယ်လို့ KNU ဗဟိုက ဖေဖော်ဝါရီလ ၁၄ ရက်မှာ သတင်းထုတ်ပြန်ပါတယ်။ စစ်ကောင်စီက KNU ထိန်းချုပ်နယ်မြေ တပ်မဟာ (၅) နဲ့ တပ်မဟာ (၆) တွေအတွင်း လေကြောင်းတိုက်ခိုက်မှု ၅၇ ကြိမ်အထိပြုလုပ်ခဲ့ပြီး ဗုံး ၂၀၈ လုံးအထိ ကြဲချခဲ့တာလို့ KNU က ထုတ်ပြန်ပါတယ်။ အဲဒီတိုက်ခိုက်မှုကြောင့် ဒေသခံ ၁၃ ဦးသေဆုံးပြီး ကိုးဦး ဒဏ်ရာ ရရှိခဲ့ပါတယ်။ ဒီအပြင် လက်နက်ကြီးနဲ့ ၉၅ ကြိမ်အထိ ပစ်ခတ်ခဲ့ပြီး […]

February 15, 2023 by
,

ချင်းပြည်နယ်ကို စစ်ကောင်စီ ပိတ်ဆို့၊ ဒေသခံတို့ ရိက္ခာလိုအပ်ချက်များနေ

ချင်းပြည်နယ်မြို့များသို့ သွားရောက်နိုင်သည့် အဓိကလမ်းမများကို ခြေကုပ်စခန်းများချထားခြင်း၊ စစ်ဆေးရေးဂိတ်များ ရှိနေခြင်းကြောင့် ရိက္ခာသယ်ယူရန် ခက်ခဲနေသည်။ ချင်းပြည်နယ်သို့ သွားရာလမ်းကြောင်းများကို စစ်ကောင်စီတပ်က ပိတ်ဆို့ဖြတ်တောက်ထားခြင်းကြောင့် ထန်တလန်မြို့ခံ စစ်ရှောင်များနှင့် ဒေသခံများ စားနပ်ရိက္ခာနှင့် ဆေးဝါးလိုအပ်ချက် များပြားလာနေသည်ဟု သိရသည်။ ချင်းပြည်နယ်မြောက်ပိုင်းရှိ ဟားခါး – ထန်တလန်လမ်းမကြီးနှင့် ဖလမ်း၊ ကလေးမြို့များရှိ အဓိကလမ်းမများကို ပိတ်ဆို့ထားသလို စစ်တပ်က ခြေကုပ်စခန်းများချကာ စစ်ဆေးရေးဂိတ်များ ဖွင့်ထားသည်ဟု ချင်းပြည်သူ့ကာကွယ်ရေးတပ် CDF  တာဝန်ရှိသူတစ်ဦးက ပြောသည်။ “ဟားခါး-ထန်တလန် လမ်းမကြီးဆိုရင် စစ်ကောင်စီရဲ့ ထန်တလန်မြို့မ​ရဲစခန်းဖြစ်တဲ့ တပ်ကုန်းဆိုတဲ့ ခြေကုပ်စခန်းရှိနေလို့ သုံးလို့မရဘူး၊ ပိတ်နေတာ ကြာပြီ။ ပြည်သူတွေကပဲ အခြားတောင်ကြောတွေကနေ လမ်းကြောင်းအသစ်တွေ ဖောက်ပြီး ရိက္ခာတွေ သယ်နေရတယ်။ လမ်းဖောက်တာတောင် တော်တော်ကြာတယ်။ ပြည်သူတွေ စားနပ်ရိက္ခာအတွက် အရမ်းရုန်းကန်နေရတယ်” ဟု သူက […]

February 14, 2023 by
,

စစ်ကိုင်းနှင့် ရှမ်းနယ်စပ်တွင် စစ်ကြောင်းဝင်၊ အိမ်ခြေ ၆၀၀ ခန့် ပြာကျ

စစ်ကောင်စီလက်နက်ကိုင်တို့က ပြည်သူ ၆ ဦးကိုပါ သတ်ဖြတ်ခဲ့ကြောင်း၊ ထိုအထဲမှ နွားကျောင်းသား နှစ်ဦးကိုသာ အမည်နှင့်တကွ အတည်ပြုနိုင်ကြောင်း ဒေသတွင်းသတင်းရင်းမြစ်တို့က ဆိုသည်။ နယ်မြေထိစပ်နေသည့် စစ်ကိုင်းတိုင်း ကသာမြို့နယ်နှင့် ရှမ်းပြည်နယ်မြောက်ပိုင်း မဘိမ်းမြို့နယ်ကြား စစ်ရေးလှုပ်ရှားနေသည့် စစ်ကောင်စီတပ်က ကျေးရွာ ၆ ရွာကို မီးရှို့သဖြင့် ရက်ပိုင်းအတွင်း အိမ်ခြေ ၆၀၀ ခန့် ပျက်စီးဆုံးရှုံးသွားသည်။ အင်အား ၁၅၀ ခန့်ပါ စစ်ကြောင်းသည် ဖေဖော်ဝါရီ ၉ ရက်နေ့မှစ၍ ရှမ်းမြောက် ငအိုးရွာဘက်မှ ကသာမြို့နယ်သို့ ဝင်ရောက်လာစဉ် အလယ်ကျွန်းရွာ၌လည်းကောင်း၊ ၁၁ ရက်နေ့တွင် မယ်ငိုရွာအနီး၌လည်းကောင်း ဒေသခံတော်လှန်ရေးအဖွဲ့များနှင့် တိုက်ပွဲဖြစ်ပြီးနောက် အနီးဝန်းကျင်ရွာများကို ဖျက်ဆီးစဉ် ဒေသခံ ၆ ဦးကိုပါ သတ်ဖြတ်သည်ဟု ဒေသတွင်း သတင်းရင်းမြစ်နှစ်ခုထံမှ သိရသည်။ မယ်ငိုရွာတွင် ဖြစ်ခဲ့သည့် […]

February 14, 2023 by