Author Archive for: ndb14

စစ်ကိုင်းတိုင်း၊ ရွှေဘိုမြို့နယ်နဲ့ ခင်ဦးမြို့နယ်မှာ စစ်ကောင်စီတပ်က စစ်ကြောင်းထိုး လာတာကြောင့် ဇူလိုင်လ ၁၆ ရက်မှာ ကျေးရွာ ၁၂ ရွာက အရပ်သားရှစ်ထောင်ကျော် ထွက်ပြေးတိမ်းရှောင်နေရတယ်လို့ ဒေသခံတွေက ပြောပါတယ်။ ရွှေဘိုမြို့နယ် ညောင်ပင်သာရွာ၊ ကျားရွာနဲ့ အင်ပင်လှရွာ၊ ခင်ဦးမြို့နယ်က တယ်ဘိုပင်ရွာ၊ ကြာပင်အိုင်ရွာ၊ တပင်ကောင်းရွာ၊ သိန်တော်ရွာ၊ ညောင်ပင်ကြီးစုရွာ၊ ကျွန်းလည်ရွာ၊ ကျွန်းဆွယ်ရွာ၊ မှန်သာရွာနဲ့ မှန်တော်ရွာတွေက ဒေသခံတွေ ထွက်ပြေးနေရတာပါ။ စစ်ကောင်စီတပ်သားအင်အား ၁၀၀ ကျော်ဟာ ဇူလိုင် ၁၅ ရက်မှာ ရွှေဘိုမြို့နယ် ညောင်ပင်သာရွာကနေ ခင်ဦးမြို့နယ် တယ်ဘိုပင်ရွာကို ဝင်ရောက်ခဲ့တာပါ။ ဇူလိုင် ၁၆ ရက်၊ ဒီနေ့မှာလည်း ဆက်ပြီးစစ်ကြောင်းထိုးနေတာကြောင့် တယ်ဘိုပင်ရွာအနီး ကျေးရွာတွေက အရပ်သားတွေပါ ထွက်ပြေးနေရတယ်လို့ ဒေသခံတစ်ဦးက ပြောပါတယ်။ “ဒေသခံတွေဟာ […]

စစ်ကိုင်းတိုင်း၊ ဝက်လက်မြို့နယ်တောင်ပိုင်း မန္တလေး-မြစ်ကြီးနား ရထားလမ်းတစ်လျှောက် ကျေးရွာများကို အင်အား ၆၀ ခန့်ရှိသည့် စစ်ကောင်စီတပ်က စစ်ကြောင်းထိုး၍ နယ်မြေရှင်းလင်းစဉ် အသက် ၆၀ ကျော် အမျိုးသား ၂ ဦးကို သတ်ဖြတ်ခဲ့သည်။ ယခုလ ၈ ရက်နေ့ကတည်းက ရွှေဘိုမြို့မှ ဝက်လက်မြို့နယ်အတွင်း ဝင်ရောက်လာသည့် ထိုစစ်ကြောင်းသည် ဇူလိုင် ၁၂ တွင် ဧရာဝတီမြစ်အနောက်ဘက်ကမ်း သာလိုင်းကျေးရွာမှ ၆၅ နှစ်အရွယ် ဦးသံချောင်းကို ပစ်သတ်ခဲ့သည်၊ ထို့နောက် အနီးရှိ သုံးဆင့်ကန်ရွာကို မီးတင်ရှို့ရာ လေဖြတ်ဝေဒနာ ခံစားနေရသော ၆၂ နှစ်အရွယ် ဦးခင်မောင်ဌေး နေအိမ်အတွင်း မီးလောင်သေဆုံးခဲ့သည်။ ထွက်မပြေးနိုင်သူများ သေဆုံးခြင်းဖြစ်သည်ဟု ဝက်လက်မြို့နယ်ပြည်သူ့ကာကွယ်ရေးအဖွဲ့ (ပကဖ) တာဝန်ခံက ပြောသည်။ “သာလိုင်းရွာက အသက် ၇၀ လောက်ရှိတဲ့ အမျိုးသားကို ပစ်သတ်သွားတယ်၊ […]

လီလီနိုင်ကျော်အား လုပ်ကြံမှု သံသယဖြင့်  ဖမ်းဆီးခံထားရသည့် အသက် ၂၃ နှစ်အရွယ် ကိုကောင်းဇာနည်ဟိန်း နှင့် အသက် ၃၀ အရွယ် ကိုကျော်သူရတို့အား ဇူလိုင် ၆ ရက် ညပိုင်းက ရန်ကုန်မြို့ မြောက်ဒဂုံမြို့နယ်တွင် စစ်ကောင်စီက သေနတ်ဖြင့်ပစ်ခတ် သတ်ဖြတ်လိုက်ပြီဟု ကနဦးသတင်းရရှိသည်။ သေဆုံးခဲ့သည့် အကြောင်းအရင်းကို သက်သေခံပစ္စည်းများ လိုက်ပြခိုင်းစဉ် ထွက်ပြေးရန် ကြိုးစားခြင်းကြောင့် ပစ်ခတ်ဖမ်းဆီးခဲ့ရသည်ဟု အကြောင်းပြသည်။ ၎င်းတို့နှစ်ဦးသည် လွန်ခဲ့သည် ၁လခန့်ကတည်းက ရန်ကုန်မြို့တွင် ဖမ်းဆီးခံခဲ့ရသည်။ ဖမ်းဆီးခံထားရသူများအား မြောက်ဒဂုံ (၂၉) ရပ်ကွက်၊ မောင်းမကန်လမ်းအနီးတွင် ပစ်သတ်ခဲ့ခြင်းဖြစ်ပြီး သေနတ်ဒဏ်ရာ ၃ ချက်စီဖြင့် ပွဲချင်းပြီးသေဆုံးသွားကြောင်း စစ်ကောင်စီ၏ လက်နက်ကိုင်တပ်ဖွဲ့ သတင်းအရင်းအမြစ်များကို ကိုးကားပြီး Voice of Myanmar သတင်းဌာနက ရေးသားသည်။ […]