ဂျီနီဗာမှာရှိတဲ့ ကုလသမဂ္ဂ လူ့အခွင့်အရေး ကောင်စီရဲ့ UPR ခေါ် လူ့အခွင့်အရေး မှတ်တမ်းတွေကို သုံးသပ်တဲ့ ၉ ကြိမ်မြောက် ညီလာခံမှာ ဇန်နဝါရီလ ၂၇ ရက်နေ့မှာ မြန်မာနိုင်ငံရဲ့ လူ့အခွင့်အရေး ချိုးဖောက်မှုတွေနဲ့ ပတ်သက်လို့ နိုင်ငံတကာရဲ့ စိုးရိမ်မကင်း ဖြစ်မှုတွေကို လေ့လာသုံးသပ်ပြီး အကြံဉာဏ်တွေ ပေးခဲ့ကြပါတယ်။ အပြည့်အစုံကို ဒေါ်လှလှသန်းက တင်ပြပေးထားပါတယ်။
ဆွစ်ဇာလန်နိုင်ငံ ဂျနီဗာမြို့တွင် ယနေ့ ကျင်းပသော ကုလသမဂ္ဂ လူ့အခွင့်အရေး ကောင်စီ၏ လူ့အခွင့်အရေး မှတ်တမ်းပြန် လည် သုံးသပ်သည့် ညီလာခံ၌ မြန်မာ အစိုးရ ကိုယ်စားလှယ် အဖွဲ့က မြန်မာနိုင်ငံတွင် လူ့အခွင့်အရေးချိုးဖောက်မှု မရှိကြောင်း ကာကွယ် ပြောကြားသွားသည်။
ကုလ သမဂ္ဂ လူ့အခွင့် အရေး ကောင်စီမှာ မြန်မာ့ လူ့အခွင့် အရေးကို ကျယ်ကျယ်ပြန့်ပြန့် ဆွေးနွေးခဲ့ ကြပါတယ်။ လူ့အခွင့် အရေး ကောင်စီက ပုံမှန် ပြုလုပ်နေကျ Universal Periodic Review (UPR) မှာ မြန်မာ့ လူ့အခွင့် အရေးကို ဆွေးနွေးခဲ့ ကြပါတယ်။
(RFA) လက်ရှိ လူ့အခွင့်အရေး အခြေအနေတွေ တိုးတက် ပြောင်းလဲလာဖို့ ဆိုရင် ဥရောပသမဂ္ဂ အပါအဝင် နိုင်ငံတကာ အစိုးရတွေအနေနဲ့ အာဏာရှင် အစိုးရတွေကို ထိရောက်တဲ့ ဖိအားတွေ ပေးကြဖို့ လိုအပ်တယ်လို့ ဇန်နဝါရီ ၂၄ ရက် မနေ့က ထုတ်ပြန်တဲ့ နိုင်ငံတကာ လူ့အခွင့်အရေး လေ့လာ စောင့်ကြည့်ရေး အဖွဲ့ (HRW) ရဲ့ ၂၀၁၁ ခုနှစ် အစီရင်ခံစာက တိုက်တွန်းလိုက်ပါတယ်။
(RFA) နိုင်ငံရေးမှုနဲ့ ဖမ်းထားသူတွေကို စစ်အစိုးရက စစ်ဆေး မေးမြန်းချိန်မှာ မူးယစ်ဆေးဝါး လျှို့ဝှက် တိုက်ပြီး ဖွင့်ဟ ဝန်ခံခိုင်းသလို၊ အဲဒီဝန်ခံချက်ကို တရားရုံးတင် အမိန့်ချတယ်ဆိုတဲ့ တိုင်ကြားချက်တွေနဲ့ ပတ်သက်ပြီး ICRC အပြည်ပြည်ဆိုင်ရာ ကြက်ခြေနီအဖွဲ့က ဝင်ရောက်စစ်ဆေးဖို့ AHRC အာရှ လူ့အခွင့်အရေး ကော်မရှင်က ဒီကနေ့ ဇန်နဝါရီ ၂၅ ရက်မှာ တိုက်တွန်းလိုက်ပါတယ်။
(RFA) စစ်ကိုင်းတိုင်း ကသာမြို့နယ် လေဘိုရွာမှာ ရွာသားတွေရဲ့ ရွှေကျင်လုပ်ငန်းသုံး စက်တွေကို စစ်အစိုးရတပ် တခုက ဝင်ရောက်သိမ်းဆည်းပြီး တဲတွေလည်း မီးရှို့သွားတယ်လို့ သိရပါတယ်။
(BBC) ရန်ကုန်တိုင်း ဒဂုံမြို့သစ် တောင်ပိုင်းရဲ က ဒဂုံအရှေ့ပိုင်း၆၁ ရပ်ကွက်နေ မျိုးမြင့်ဦး ဆိုတဲ့ လူငယ်တဦး ကို လုယက်မှု မသင်္ကာမှု နဲ့ ဖမ်းဆီးရာမှာ ဒေသခံ အာဏာပိုင် မပါပဲ ဖမ်းဆီး သလို စစ်ဆေးရာမှာလည်း၊ အမှုပေါ်အောင် ဆိုပြီး မတရားနှိပ်စက်တဲ့ အကြောင်း၊ မိခင် ဖြစ်သူက ဘီဘီစီ ကို ပြောပြပါတယ်။
(BBC) မန္တလေးတိုင်း၊ အမရပူရ မြို့နယ်၊ ဆင်ရွာမြင်းမူး အရပ်က မောင်ကျော်ရဲအောင် ဆိုတဲ့ အသက်မပြည့်သေးတဲ့ ကလေးကို ဇန္နဝါရီလ ၁၉ ရက်နေ့ က ခလရ ၁၄ က တပ်ကြပ်တဦးက တပ်ပြေးဆိုပြီး ဖမ်းဆီးသွားပါတယ်။
(VOA) အာရှအစိုးရ အတော်များများဟာ လူ့အခွင့်အရေး ချိုးဖောက်မှုတွေကို ကာကွယ်ဖို့ ပြင်ပက ဖိအားပေးတာမျိုးတွေကို လက်မခံကြဘူးလို့ နောက်ဆုံးထုတ်ဝေတဲ့ လူ့အခွင့်အရေး စောင့်ကြည့်ရေးအဖွဲ့ အစီရင်ခံစာက ဖော်ပြပါတယ်။
(ဒီဗွီဘီ) – နယ်စပ်ဒေသ တိုက်ပွဲတွေ အတွင်း နအဖတပ်သားတွေက အထိမ်းသမား ပေါ် တာတွေကို သတ်ပစ်နေတာတွေ ရှိသလို လူသား မိုင်းရှင်း ကရိယာတွေအဖြစ် အသုံးပြုနေပါတယ်။