၂၀၂၄ ခုနှစ်၊ မေလ (၁)ရက်မှ (၇)ရက် အတွင်း လူ့အခွင့်အရေး ချိုးဖောက်မှု ကြုံတွေ့ရသည့် တိုင်းဒေသကြီးနှင့် ပြည်နယ်များ
မေလ (၁)ရက်မှ (၇)ရက်နေ့အတွင်း စစ်အာဏာရှင်တပ်သားများက စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ တနင်္သာရီတိုင်းဒေသကြီး ၊ပဲခူတိုင်းဒေသကြီး၊ ကချင်ပြည်နယ်နှင့် ရခိုင်ပြည်နယ်တို့တွင် လေကြောင်း အသုံးပြု ဗုံးကြဲ တိုက်ခိုက်ခြင်းများ ပြုလုပ်ခဲ့သည်။ မေလ (၁) ရက်နေ့တွင် အမျိုးသားများ ပြည်ပထွက် အလုပ်လုပ် ခွင့်ကို စစ်အာဏာရှင်တပ်က တားမြစ် ပိတ်ပင်ခဲ့သည်။ စစ်အာဏာရှင်တပ်၏ လက်အောက်ခံ ပျုစောထီး အဖွဲ့က ပဲခူးတိုင်းဒေသကြီးတွင် ပြည်သူ (၄)ဦးကို ဖမ်းဆီးသတ်ဖြတ် စွန့်ပစ်ခြင်းများ ပြုလုပ်ခဲ့သည်။ စစ်အာဏာရှင်တပ်သား များက စစ်ကိုင်းတိုင်းဒေသကြီး နှင့် မကွေးတိုင်းဒေသကြီးတို့တွင် အမျိုးသားများကို စစ်မှုထမ်းရန်အတွက် အဓမ္မ ဖမ်းဆီးခြင်းများ ပြုလုပ်ခဲ့သည်။
စစ်အာဏာရှင်တပ်သားများ၏ ဖမ်းဆီးသတ်ဖြတ်မှုကြောင့် တပတ်အတွင်း ပြည်သူ (၇)ဦး သေဆုံးခဲ့ရပြီး (၅၀)ဦးကျော် ဖမ်းဆီးခံ ခဲ့ရသည်။ စစ်အာဏာရှင် တပ်သားများ၏ မြေမြှုပ်မိုင်းကြောင့် ပြည်သူ (၁)ဦး သေဆုံးခဲ့ရပြီး (၂)ဦး ထိခိုက်ဒဏ်ရာ ရရှိခဲ့သည်။
