စစ်ကိုင်းတိုင်း၊ ကလေးမြို့မြောက်ပိုင်းက နန်းစောင်းပုရွာကို စစ်ကောင်စီတပ်နဲ့ ပျူစောထီးပူးပေါင်းအဖွဲ့က မတ်လ ၁၄ ရက် ညပိုင်းမှာ ဝင်ရောက်စီးနင်း မီးရှို့ခဲ့ပြီး ရွာမှာရှိတဲ့ ဒေသခံတချို့လည်း ပိတ်မိနေတယ်လို့ ဒေသခံတွေက ပြောပါတယ်။
ဒေသကာကွယ်ရေးအဖွဲ့တွေ သိမ်းပိုက်ထားတဲ့ ကံကြီးရွာနဲ့ ကံသာယာရွာဘက်ကို စစ်ကောင်စီတပ်က စစ်ကြောင်းထိုးလာစဉ် နန်းစောင်းပုရွာအနီးမှာ မတ်လ ၁၃ ရက်က တိုက်ပွဲတွေဖြစ်ပွားခဲ့ပြီးနောက် အဲဒီရွာကို ဝင်ရောက်မီးရှို့ခဲ့တာလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက ပြောပါတယ်။
“မနေ့က အဲဒီရွာနားမှာ ထိတွေ့မှုရှိတယ်။ စကစဘက်က ကျတာရှိတယ်၊ ဒါကြောင့် အခုလို မီး၀င်ရှို့တာ။ ရွာက ဒေသခံတွေက တိုက်ပွဲတွေ စကတည်းက ပြေးကြပြီ။ ရွာထဲမှာ မပြေးဘဲနေခဲ့တဲ့ ဒေသခံနည်းနည်းတော့ ပိတ်မိနေတယ်လို့ ကြားတယ်”
အိမ်ခြေ ခြောက်ဆယ်ခန့်ရှိတဲ့ အဲဒီရွာမှာ မီးလောင်သွားတဲ့ နေအိမ်တွေနဲ့ ပိတ်မိနေတဲ့ ဒေသခံအရေအတွက် အသေးစိတ်ကိုတော့ မသိရသေးဘူးလို့ သူက ဆိုပါတယ်။
ဒီကိစ္စနဲ့ပတ်သက်လို့ စစ်ကောင်စီရဲ့ စစ်ကိုင်းတိုင်းပြောခွင့်ရသူ တိုင်းလူမှုရေးဝန်ကြီး ဦးညွန့်ဝင်းအောင်ကို RFA က ဆက်သွယ်ခဲ့ပေမယ့် လက်ခံဖြေဆိုတာ မရှိသေးပါဘူး။
အခုစစျကွောငျးမှာ အငျအား ရှစျဆယျခနျ့ပါပွီး ဘေးပတျဝနျးကငြျကိုလညျး ဆကျလကျစစျကွောငျးထိုးလာနိုငျတာကွောငျ့ နနျးစောငျးပုရှာ အနီးတစျဝိုကျ ကြေးရှာတှကေ ဒသေခံတှကေလညျး တိမျးရှောငျနကွေတယျလို့ ဒသေခံတှကေ ပွောပါတယျ။
မတ်လ ၁၄ ရက် တစ်ရက်တည်းမှာပဲ ကလေးမြို့နယ် လက်ပံချောင်းရွာကို စစ်ကောင်စီတပ်က လက်နက်ကြီးနဲ့ ပစ်ခတ်ခဲ့တာကြောင့် အရပ်သားနှစ်ဦးသေဆုံးခဲ့တယ်လို့ ဒေသခံတွေက ပြောပါတယ်။
