“စစ်ရာဇဝတ်မှုများအတွက် နိုးထခြင်း” အစီရင်ခံစာ အကျဥ်းချုပ်တွင် မြန်မာနိုင်ငံရှိ လူ့အခွင့်အရေး ချိုးဖောက် မှုများအတွက် တာဝန်ယူ တာဝန်ခံရန် မြန်မာစစ်အာဏာရှင်တို့အား ND-Burma မှ တောင်းဆို

“စစ်ရာဇဝတ်မှုများအတွက် နိုးထခြင်း” အစီရင်ခံစာ အကျဥ်းချုပ်တွင် မြန်မာနိုင်ငံရှိ လူ့အခွင့်အရေး ချိုးဖောက် မှုများအတွက် တာဝန်ယူ တာဝန်ခံရန် မြန်မာစစ်အာဏာရှင်တို့အား ND-Burma မှ တောင်းဆို

၂၀၂၁ ခုနှစ် ဒီဇင်ဘာလ ၁၄ ရက်

ထုတ်ပြန်ချက်

မြန်မာစစ် အာဏာရှင်တို့၏ ပြင်းထန်သော ထိုးစစ်ကြောင့် လွန်ခဲ့သည့် ၁၀ လအတွင်း ထောင်နှင့်ချီသည့် အရပ်သားများ ထွက်ပြေးတိမ်းရှောင်ရသည့် အပေါ် လူ့အခွင့်အရေးမှတ်တမ်းကွန်ရက် (မြန်မာနိုင်ငံ)- (ND-Burma) မှ ပြင်းပြင်းထန်ထန် ပြစ်တင်ရှုံ့ချသည်။ “စစ်ရာဇဝတ်မှုများအတွက် နိုးထခြင်း” အစီရင်ခံစာတွင် ဖေဖော်ဝါရီလမှစပြီး စစ်တပ်မှ အပြစ်မဲ့ပြည်သူများအား စနစ်တကျနှင့် ကျယ်ကျယ်ပြန့် ပြန့် ကျူးလွန်သည့် ချိုးဖောက်မှုများကို ဖော်ပြထားပြီး အကြမ်းဖက်မှုများ အမြန်ဆုံး ရပ်တန့်ရန် တောင်းဆို ထားသည်။

ချင်း၊ ကယား (ကရင်နီ) ပြည်နယ်နှင့် စစ်ကိုင်းတိုင်းဒေသကြီးများတွင် ဖြစ်ပေါ်နေသည့် စစ်ရာဇဝတ်မှုနှင့် လူသားမျိုးနွယ်အပေါ်ဆန့်ကျင်သည့် ပြစ်မှုများကို ND-Burma အနေဖြင့် သတင်းမီဒီယာများမှ စုဆောင်း သုတေသနပြုခြင်း၊ လူတွေ့ မေးမြန်းမှတ်တမ်းတင်ခြင်းနှင့် အဖွဲ့ဝင်များမှ ပေးပို့သည့် အချက်အလက်များ အပေါ် အခြေခံ၍ ပြုစုထားသည်။ သြဂုတ်လမှ အောက်တိုဘာလအထိ ဖော်ပြပါ ပြည်နယ်နှင့် တိုင်းဒေသ ကြီး တခုစီမှ လူ့အခွင့်အရေးချိုးဖောက်မှု ဖြစ်ရပ် ၃၅ နှင့် ၄၃ ကြားကို ပျမ်းမျှ ကောက်ယူ စုဆောင်း သုတေ သနပြုခဲ့သည်။ စစ်အာဏာရှင်တို့မှ ကျူးလွန်သည့် လူ့အခွင့်အရေးချိုးဖောက်မှုများသည် ဂျီနီဗာကွန်ဗန်း ရှင်းကို အကြီးအကျယ် ချိုးဖောက်ပြီး စစ်ရာဇဝတ် ကျူးလွန်ခြင်းဖြစ်သည်ဟု ယူဆသည်။

ပြင်းထန်သည့် တိုက်ပွဲများကြောင့် ပဋိပက္ခဖြစ်နေသည့် ဒေသများရှိ အရပ်သားများမှာ ပိတ်မိနေကြသည်။ စစ်အာဏာရှင်များသည် လူသားချင်းစာနာသည့် အကူအညီများကို ပိတ်ဆို့ထားပြီး ရွာသားများ၏ ပိုင်ဆိုင်မှု အနည်းငယ်ကိုပင် ဥပဒေမဲ့ ခိုးဝှက် လုယူနေပြီး ရွာသားများ၏ အိုးအိမ်များကို မီးရှို့ပြာကျစေခဲ့သည်။ အကျင့်ပျက်မှုနှင့် ပရမ်းပတာလုပ်ရပ်များကြောင့် ရွာသားများမှာ နေ့စဥ် ဖမ်းဆီး၊ သတ်ဖြတ်ခံရခြင်းနှင့် ပစ္စည်းဥစ္စာများ လုယက်ခြင်းခံနေရသည်။ မြန်မာစစ်အာဏာရှင်များ၏ ထိန်းမနိုင် သိမ်းမရ ကျူးလွန်သည့် ရာဇဝတ်မှု များ ရပ်တန့်စေရန်နှင့် ကျူးလွန်ခံနေရသည့် ပြည်သူများကို အကာအကွယ်ပေးရန် နိုင်ငံတကာ အသိုင်းအ ဝိုင်းအနေဖြင့် တက်ကြွစွာ ဆောင်ရွက်ရမည်ဖြစ်သည်။

ကမ္ဘာလုံးဆိုင်ရာ လက်နက်တင်ပို့မှု ပိတ်ဆို့ခြင်း၊ ပစ်မှတ်ထား၍ ဒဏ်ခတ်ပိတ်ဆို့ခြင်းနှင့် စစ်အာဏာရှင်တို့ အား နိုင်ငံတကာရာဇဝတ်ခုံရုံးသို့ ပို့ဆောင်ရမည်ဖြစ်သည်။ ထိုသို့ အရေးယူရန်မှာ ကြန့်ကြာနေသော်လည်း အချိန်မနှောင်းသေးပေ။

ပိုမိုသိရှိလိုပါက
NDBoffice@protonmail.com

[wpdm_package id=’5627′]

ND-Burma အကြောင်း

ND-Burma ၏ အဖွဲ့ဝင် ၁၃ ဖွဲ့သည် တိုင်းရင်းသားများ၊ အမျိုးသမီးများနှင့် လိင်စိတ်ကွဲပြား သူများအား ကိုယ်စားပြုသည်။ နစ်နာခဲ့သူများ၏ တရားမျှတမှု ရရှိရေးအတွက် လူ့အခွင့်အရေးချိုး ဖောက်မှုများကို ၂၀၀၄ ခုနှစ်မှစပြီး မှတ်တမ်းတင်နေသည့် အဖွဲ့အစည်းဖြစ်သည်။ ND-Burma တွင် အောက်ပါ အဖွဲ့ဝင် ၉ ဖွဲ့နှင့် ဆက်စပ်အဖွဲ့အစည်း ၄ ဖွဲ့ပါဝင်သည်။

အဖွဲ့ဝင်အဖွဲ့အစည်းများ

၁။ ရခိုင်ပြည်လုံးဆိုင်ရာကျောင်းသားနှင့်လူငယ်များအစည်းအရုံး

၂။ နိုင်ငံရေးအကျဉ်းသားများကူညီစောင့်ရှောက်ရေးအသင်း

၃။ လူ့အခွင့်အရေးကာကွယ်မြှင့်တင်သူများအဖွဲ့

၄။ အနာဂါတ်အလင်းတန်းဆုံမှတ်

၅။ မွန်ပြည်လူ့အခွင့်အရေးဖောင်ဒေးရှင်း

၆။ ကချင်အမျိုးသမီးများအစည်းအရုံး -ထိုင်းနိုင်ငံ

၇။ တအာင်းအမျိုးသမီးအဖွဲ့အစည်း

၈။ တအာင်းကျောင်းသားလူငယ်များ အဖွဲ့

၉။ ထားဝယ် အမျိုးသမီးသမဂ္ဂ

ဆက်စပ်အဖွဲ့ဝင်းများ

၁။ ချင်းလူ့အခွင့်အရေးအဖွဲ့