(က) နိုင်ငံတကာဥပဒေအရ လူကုန်ကူးခြင်း၏ အင်္ဂါရပ်များကား အဘယ်နည်း။ လူကုန်ကူးခြင်းကို လူ့အခွင့်အရေး ချိုးဖောက်မှုတရပ်အဖြစ် မှတ်တမ်းပြုနိုင်ရန် အောက်ပါအင်္ဂါရပ် (၄) ရပ် ထင်ရှားကြောင်း ဖေါ်ပြရပါမည်။
၁။ လူ (များကို) ရှာဖွေ စုဆောင်းခြင်း။
၂။ နိုင်ထက်စီးနင်းပြုခြင်း သို့မဟုတ် သဘောတူခွင့်ပြုချက် မပါရှိခြင်း။
၃။ အမြတ်ထုတ်လိုသောရည်ရွယ်ချက်ရှိခြင်း။
၄။ အစိုးရ၏ လုပ်ဆောင်ချက်။
ဝေါဟာရနှင့်ပတ်သက်၍ သတိပြုရန် – လူကုန်ကူးရောင်းဝယ်ခြင်းနှင့် လူခိုးသွင်းခိုးထုတ်ခြင်း။
လူမှောင်ခိုသွင်းထုတ်ခြင်း ဆိုသည်မှာ ငွေကြေးဆိုင်ရာ၊ သို့မဟုတ် ရုပ်ဝတ္ထုဆိုင်ရာ အကျိုးအမြတ် အ တွက် လူများကို နိုင်ငံ၏နယ်နိမိတ်များကို ကျော်လျက် ရွှေ့ပြောင်းသယ်ယူခြင်း ဖြစ်သည်။ လူကုန်ကူး ခြင်းနှင့် လူမှောင်ခိုသွင်းထုတ်ခြင်းတို့တွင် တူညီသောအင်္ဂါရပ်များ ရှိကြသော်လည်း ၎င်းတို့သည် တခုနှင့် တခု ကွာခြားသော လုပ်ရပ်များဖြစ်သည်။ ဤလုပ်ရပ် (၂) မျိုးစလုံးတွင် အမြတ်ရရေးအတွက် လူများကို ရွှေ့ပြောင်းခြင်းပါဝင်သည်။ သို့ရာတွင် လူကုန်ကူးခြင်း၌ သဘော တူခွင့်ပြုချက်မပါသော သို့မဟုတ် နိုင် ထက်စီးနင်းလုပ်သော နည်းလမ်းအပြင်၊ အမြတ်ထုတ်လိုသော ရည်ရွယ်ချက်တို့ ပါရှိသည်။ အချို့သော ဖြစ်ရပ်များ၌ ချိုးဖောက်မှုသည် လူမှောင်ခိုသွင်းထုတ်ခြင်းနှင့် စတင်တတ်ပြီး၊ နောက်ပိုင်းတွင် လူကုန် ကူးခြင်းခြင်းအဖြစ်သို့ ပြောင်းသွားသည်။ သာဓကအနေနှင့် ဖေါ်ပြရလျှင်၊ လူတဦးကသူ့အား နိုင်ငံခြား သို့သယ်ပို့ပေးရန် သဘောတူခွင့်ပြုခြင်း ရှိနိုင်ပါသည်။ သို့ရာတွင် လူရောင်းဝယ်သူ၏ နိုင်ထက်စီးနင်း ပြုမှုကြောင့် လည်းကောင်း၊ လိမ်လည်လှည့်ဖျားမှုကြောင့် လည်းကောင်း၊ မတော်မတရားလုပ် ရပ်များ ကြောင့် လည်းကောင်း ဤခွင့်ပြုချက်သည် အရာမရောက်တော့ချေ။
