မြန်မာလူ့အခွင့်အရေးတက်ကြွလှုပ်ရှားသူများနှင့် အရပ်ဘက်အဖွဲ့အစည်းများသည် ရုရှား၏ကျူးကျော်ခြင်းခံရသော ယူကရိန်းနှင့် အတူရှိကြောင်း ထောက်ခံအားပေးခဲ့သည်။
ယူကရိန်းနိုင်ငံ၏ အချုပ်အချာအာဏာ၊ လွတ်လပ်မှုနှင့် တည်တံ့ခိုင်မြဲမှုကို ခြိမ်းခြောက်သော ရုရှား၏ အကြမ်းဖက်တိုက်ခိုက်မှုများအတွက် မြန်မာလူ့အခွင့်အရေးလှုပ်ရှားသူများနှင့် အရပ်ဘက်အဖွဲ့အစည်းတို့မှ မိမိနိုင်ငံ၏ ငြိမ်းချမ်းရေးအတွက် ခုခံကြိုးပမ်းနေသော ယူကရိန်း ပြည်သူများနှင့် စည်းလုံးညီညွတ်စွာ ရပ်တည်လျက်ရှိကြောင်း ထုတ်ပြန်ခဲ့သည်။
တစ်သားထဲရှိကြောင်း အားပေးတိုက်တွန်းသည့်စာ ထုတ်ပြန်ခဲ့သည်။ အမျိုးသားညီညွတ်ရေးအစိုးရ NUG မှ ဖေဖော်ဝါရီလ ၂၅ ရက်နေ့တွင် ယူကရိန်းနှင့် ၎င်း၏ပြည်သူ များအပေါ် ဆင်နွှဲလာသည့် စစ်ပွဲကို ရှုတ်ချကြောင်း ထုတ်ပြန်ခဲ့ပြီး ကုလသမဂ္ဂ ပဋိညာဉ်စာတမ်းကို လိုက်နာရန် တောင်းဆိုခဲ့သည်။
မတ်လ ၂ ရက်နေ့တွင် ကျင်းပခဲ့သော ကုလသမဂ္ဂလုံခြုံရေး ကောင်စီ၏ အထူးအရေးပေါ်အစည်းအ၀ေးတွင် ရုရှားတပ်များကို ယူကရိန်းမှ ချက်ချင်း ပြန်လည် ရုပ်သိမ်းပေးရန် တောင်းဆိုသည့် ဆုံးဖြတ်ချက်အတွက် မဲခွဲဆုံးဖြတ်ရာတွင် ထောက်ခံမဲ တခဲနက်ပေးခဲ့ကြသည်။ အကြမ်းဖက်စစ်အာဏာရှင်မှ ဖယ်ရှားရန် ကြိုးပမ်းနေသည့် မြန်မာကိုယ်စားလှယ် ဦးကျော်မိုးထွန်သည် ထောက်ခံမဲပေးသူများထဲတွင် ပါ၀င်ခဲ့သည်။
တစ်ချိန်တည်းတွင်ပင် ရုရှားနိုင်ငံအနေဖြင့် နိုင်ငံရဲ့အချုပ်အခြာအာဏာ တည်တံ့ခိုင်မြဲစေရန် လုပ်ဆောင်ခဲ့သည် လုပ်ဆောင်ချက်ဖြစ်ကြောင်း စစ်အာဏာရှင်မှ ထောက်ခံပြောဆိုခဲ့သည်။ အဆိုပါ ရပ်တည်ချက်သည် ကမ္ဘာနှင့်အဝှမ်း လုံးဝဆန့်ကျင်ဘက်ဖြစ်ပြီး မြန်မာစစ်တပ်နှင့် အာဏာရှင်ခေါင်းဆောင်များကြား ခိုင်မာသော ဆက်ဆံရေး ရှိနေသည်။ ဆန့်ကျင်ဘက်အားဖြင့် ရုရှားအရာရှိများသည် မြန်မာနိုင်ငံ၏ စစ်တပ်အာဏာသိမ်းမှုကို ချီးကျူးခဲ့ကြပြီး အပြစ်မဲ့ အရပ်သားများကို သတ်ဖြတ်ရန် အသုံးပြုခဲ့သည့် လက်နက်များ ပေးအပ်ခြင်းဖြင့် ၎င်းတို့၏ ထောက်ခံမှုကို ပြသခဲ့ကြသည်။ စစ်ကိုင်းတိုင်းဒေသကြီးအတွင်း လေကြောင်းဖြင့်တိုက်ခိုက်မှုတွင် ရုရှားလုပ် Mi-25 တိုက်ခိုက်ရေး ရဟတ်ယာဉ်များဖြင့် ပစ်ခတ်ခဲ့သည်။
အရပ်သားပြည်သူများသည် ရုပ်သေးရုပ်မဟုတ်ကြောင်း မြန်မာနှင့်ယူကရိန်း နိုင်ငံသားတို့၏ ဆန့်ကျင်တွန်းလှန်မှုဖြင့် ဖော်ပြသနေသည်။
မြန်မာနှင့် ယူကရိန်းနိုင်ငံသားတို့၏ ဒီမိုကရေစီနှင့် လူ့အခွင့်အရေးအတွက် အသံများကို အကြမ်းဖက် နှိမ်နှင်းနေသော စစ်အာဏာရှင်ခေါင်းဆောင်များ၏ လုပ်ဆောင်မှုများကို နှိုင်းယှဥ်မှုများ ရှိသည်။ သို့သော်လည်း မြန်မာနှင့် ယူကရိန်းပြည်သူများ၏ ခုခံတော်လှန်မှုသည် အကာအကွယ်ပေးရမည့် အခြေခံလွတ်လပ်မှုနှင့် အခွင့်အရေးများ အချဥ်းနှီးဖြစ်ခြင်းထက် အရပ်သားများသည် ရုပ်သေးများမဟုတ်ကြောင်းနှင့် ဗုံးကြဲခြင်း၊ ခြိမ်းခြောက်မှုများနှင့် မတည်မငြိမ်ဖြစ်စေမှုများသည် စိတ်ဓာတ်ကို ပြောင်းလဲစေနိုင်ခြင်း မရှိကြောင်းပြနေသည်။
လူပုဂ္ဂိုလ် နှစ်ဦးစလုံးသည် ပြည်သူ့ဆန္ဒကို လုံး၀လျှော့တွက်ခဲ့ကြသည်။
မြန်မာနိုင်ငံသားများသည် ယူကရိန်းအကျပ်အတည်းကို ကမ္ဘာက ရည်ရွယ်ချက်ရှိရှိ၊ အရေးတကြီး တုံ့ပြန် ဆောင်ရွက်နေခြင်းနှင့် လူ့အခွင့်အရေးနှင့် အကာအကွယ်ပေးရေးကို အားပေးထောက်ခံနေသော်လည်း နိုင်ငံတကာအသိုင်းအ၀ိုင်းမှ မြန်မာပြည်သူတို့၏ အကျပ်အတည်းကို တုံ့ပြန်ရာတွင် နှေးကွေးသောကြောင့် စိတ်ပျက်နေကြရသည်။
