ကြောက်ရွံ့မှုထက် အမှန်တရားကိုရွေးချယ်ခဲ့သည့် လူငယ် ၅ ဦးသည် အကြမ်းဖက်စစ်ကောင်စီ၏ လုံခြုံရေးတပ် ၀င်ရောက်စီးနင်းဖမ်းဆီးချိန်တွင် တိုက်ပေါ်မှ ခုန်ချသွားခဲ့သည်။ အကြမ်းဖက်စစ်ကောင်စီသည် မိသားစု၀င်များ၏ ဆန္ဒမပါ၀င်ဘဲ မီးသင်္ဂြိုဟ် ခဲ့ကြသည်။ သေဆုံးသူများ၏ အရိုးပြာကိုလည်း မိသားစု၀င်များ ကောက်ခွင့်မရခဲ့ပါ။ ဤကြေကွဲ၀မ်းနည်းဖွယ် ကောင်းသော ဖြစ်ရပ်သည် ဒီမိုကရေစီနှင့်ငြိမ်းချမ်းရေးကို လိုလားသူများအား ၀မ်းနည်းကြေကွဲ စေခဲ့ပြီး အသက်စွန့်ခဲ့သောလူငယ်များအတွက် အနုပညာဖြင့် အမျိုးမျိုးပုံဖော်ကာ ဂုဏ်ပြုခဲ့ကြသည်။ ထိုအဖြစ်အပျက်သည် အာဏာသိမ်းစစ်ကောင်စီ၏ ဆိုးကျိုးကို သိသာမြင်သာစေပြီး လူငယ်များသည် ၎င်းတို့၏ လွတ်လပ်မှုအတွက် ဘာမဆို စွန့်စားပေးဆပ် လိုကြောင်း လူငယ်မျိုးဆက်သစ်တို့အား အထင်ကြီးစေသည့် အမွေကိုပေးခဲ့သည်။ သူတို့ ငြိမ်းချမ်းစွာနဲ့ အနားယူနိုင်ပါစေ။
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် Christine Schraner Burgener မှ မြန်မာနိုင်ငံတွင် အထူးသဖြင့် လက်ရှိရင်ဆိုင်နေရသော ကိုဗစ်ကူးစက်ရောဂါဖြစ်ပွားမှု မြင့်တက်နေချိန် မြန်မာပြည်၏အခြေအနေသည် အလွန်ခက်ခဲ ဆိုးရွားသောကြောင့် စိုးရိမ်ကြောင်း ပြောကြားခဲ့သည်။ ၎င်း၏ စိုးရိမ်ပူပန်မှုသည် အာဏာသိမ်းခေါင်းဆောင် မင်းအောင်လှိုင်၏ အိမ်စောင့်အစိုးရ ပြောင်းလဲဖွဲ့စည်းခြင်းနှင့် အမျိုးသားဒီမိုကရေစီအဖွဲ့ချုပ် (NLD) ဖျက်သိမ်းခံရမည့်အရေးကြောင့် ဖြစ်သည်။ ထို့ပြင် ဘရူနိုင်းနိုင်ငံခြားရေးဒုဝန်ကြီး Erywan Yusof အားမြန်မာနိုင်ငံဆိုင်ရာအထူးသံတမန်အဖြစ်ခန့်အပ်ရန် အာဆီယံ၏ဆုံးဖြတ်ချက်သည်လည်း နောက်ထပ်စိုးရိမ်စရာတစ်ခုဖြစ်နေသည်။ အာဆီယံသည် အမျိုးသားညီညွတ်ရေးအစိုရနှင့် အဓိပ္ပာယ်ရှိသော တွေ့ဆုံဆွေးနွေးမှုလုပ်ရန် ပျက်ကွက်ခဲ့သောကြောင့် ထိုကဲ့သို့ မြန်မာအာဆီယံ အထူးကိုယ်စားလှယ် ခန့်အပ်ခြင်းကို ကန့်ကွက်ခဲ့ကြသည်။ ဘရူနိုင်းနိုင်ငံခြားရေးဒုဝန်ကြီး Erywan Yusof အပေါ်ယုံကြည်မှုမရှိခြင်းသည် အကြမ်းဖက်စစ်တပ်နှင့် စီးပွားရေးအရ ဆက်နွယ်သည့် သတင်းကြောင့်ဖြစ်သည်။
မည်သို့ပင်ဆိုစေကာမှု မြန်မာပြည်သူတို့၏ အကြမ်းဖက်စစ်အာဏာရှင်ကို ခုခံတွန်းလှန်သည့် အရှိန်အဟုန်သည် ငြိမ်သက်သွားခြင်းမရှိပါ။ အသံများကိုတိတ်ဆိတ်စေနိုင်သည်ဟု မှတ်ယူရသော အကျဥ်းထောင်၌ပင်လျှင် အာဏာရှင်ကို တွန်းလှန်သည့် အသံကိုကြားနေရသည်။ ၁၉၈၈ အရေးတော်ပုံ နှစ်ပတ်လည်နေ့တွင် တစ်နိုင်ငံလုံးအတိုင်းအတာအနေဖြင့် ဒီမိုကရေစီရေးအတွက် အားဖြည့်တောင်းဆို ဆန္ဒပြခဲ့ကြသည်။ မန္တလေးမြို့ရှိ အိုးဘိုအကျဥ်းထောင်တွင် လူငယ်နှင့်ကျောင်းသားအများစုပါ၀င်သော အကျဥ်းသားများ သည် ဒီမိုကရေစီရရှိရေး ကြွေးကြော်သံများဖြင့် ဆန္ဒပြခဲ့သောကြောင့် တိုက်ပိတ်ခံခဲ့ရသည်။ အကြမ်းဖက်စစ်ကောင်စီသည် အကျဥ်းသားများအား ရိုက်နှက်ခြင်းအားဖြင့် ပို၍ ရက်စက်ကြမ်းကြုတ်သောနည်းလမ်းဖြင့် ဖြိုခွဲခဲ့သည်။
တိုင်းရင်းသားဒေသများရှိ ပဋိပက္ခများသည်လည်း ထိခိုက်လွယ်ဆုံးသောသူများကို ပို၍ ထိခိုက်စေသည်။ ကရင်ငြိမ်းချမ်းရေးအထောက်အကူပြုကွန်ရက်၏ အဆိုအရ နေရပ်စွန့်ခွာ စစ်ဘေးရှောင် အနည်းဆုံး ၇၀၀၀၀ ရှိပြီး နေရပ်သို့ပြန်ရန် ကြောက်ရွံ့နေကြသည်။ ကုလသမဂ္ဂ၏ အဆိုအရ စစ်အာဏာသိမ်းပြီးနောက် နေရပ်စွန့်ခွာရသူပေါင်း ၂၀၀,၀၀၀ ခန့်ရှိသည်။
