တရားမျှတမှုစာစောင် (သြဂုတ်လ)

တရားမျှတမှုစာစောင် (သြဂုတ်လ)

ယခုလအတွင်းတွင် အစိုးရသည် စတုတ္ထအကြိမ်မြောက် ပင်လုံညီလာခံ (UPC)ကို ၂၀၂၀ ပြည့်နှစ် ရွေးကောက်ပွဲအား ဦးဆောင်နေသည့်ကြားတွင် ပြုလုပ်ကျင်းပခဲ့သည်။ နိုင်ငံရေးအရတွေ့ဆုံဆွေးနွေးပွဲကို ဆန့်ကျင်၍ လူ့အခွင့်အရေး ချိုးဖောက်မှုများသည်လည်း မြန်မာနိုင်ငံ အနှံ့အပြားတွင် ဆက်လက်ဖြစ်ပွား လျှက်ရှိသည်။ အစိုးရမှ 2G အင်တာနက်ကို ပြန်လည်ဖွင့်ပေးလိုက် သော်လည်း ရခိုင်ပြည်နယ်ရှိ စစ်ရေးပဋိပက္ခ ဖြစ်ပွားနေသော မြို့နယ် ၇ မြို့နယ် တွင်နေထိုင်သော ပြည်သူများသည်အင်တာနက် ဖြတ်တောက်မှု အကျိုးဆက်ဒဏ်ကို ခံနေရဆဲဖြစ်သည်။ COVID-19 ရောဂါဖြစ်ပွားခြင်း သည်လည်း ပြည်သူတို့၏လုံခြုံရေးကို ထိခိုက်စေခဲ့သည်။ ကရင်ပြည်နယ်တွင်လည်း တပ်မတော် သားနှစ်ဦး ပစ်သတ်ခဲ့ သော ကရင်အမျိုးသမီးနော်မုနော် အတွက်တာ၀န်ခံမှုရှိစေရန် နှင့် တရားမျှတမှုအတွက် ကရင်အရပ်ဘက် အဖွဲ့အစည်း များသည်တောင်းဆိုမှုများကို ကျယ်ကျယ်ပြန့်ပြန့်လုပ် ဆက်လက်လုပ်ဆောင်ခဲ့ကြသည်။ အင်တာနက် ပိတ်ဆို့မှုကို ရပ်တန့်ရန်ဆန္ဒပြခဲ့သော ထင်ရှားသည့် တက်ကြွလှုပ်ရှားသူ မောင်ဆောင်းခကို တရားမ၀င် ဆန္ဒပြမှုဖြင့် အရေးယူခဲ့ ခြင်းကြောင့် လွတ်လပ်စွာထုတ်ဖော်ပြောဆိုခွင့်သည်လည်း ပို၍ခြိမ်းခြောက်ခံနေရဆဲ ဖြစ်သည်။

နိုင်ငံရေးပါတီများအနေဖြင့် ကတိက၀တ်အသစ်များဖြင့် စည်းရုံးမှုနှင့်အတူ တိုင်းပြည်တွင်းရှိ ပြဿနာများကို ဖန်တရာ ထပ်နေသော ပစ်တင်မှု၀ေဖန်မှုသည် ပုံမှန်လည်ပတ်နေသော စီးပွားရေးလုပ်ငန်းသဘောအရကဲ့သို့ ဖြစ်နေသည်။ ကာကွယ်ရေးစစ်ဦးစီးချုပ်မှ ပင်လုံညီလာခံတွင် တိုင်းရင်းသားလက်နက်ကိုင်အဖွဲ့များကို ငြိမ်းချမ်းရေး လုပ်ငန်းစဥ် မအောင်မြင်မှုအပေါ် အပစ်တင်၀ေဖန်ခဲ့သည်ကို ကြည့်ခြင်းအားဖြင့် တာ၀န်ယူမှု တာ၀န်ခံမှု မရှိကြောင်း ထင်ရှားစွာ တွေ့ခဲ့ရသည်။ UPC မတိုင်မှီ တွင် ကာကွယ်ရေးဦးစီးချုပ်မှ တိုင်းပြည်တည်ငြိမ်အေးချမ်းမှု ရှိခြင်းသည် အရေးကြီးသည့် အခြေခံအချက်ဖြစ်ပြီး မိမိတို့အမှန်တကယ်လိုလားသော အရာြဖစ်သည်။ သို့ပါသော်လည်း တစ်ဦး တစ်ဖွဲ့ဖြင့် လုပ်ဆောင်၍ရသောအရာမဟုတ်ဘဲ အားလုံးပူးပေါင်းပါ၀င်လုပ်ဆောင်ရမည် ဖြစ်သည်။ ထိုသို့ပြောလင့် ကစား အစိုးရသည် ပစ်ခတ်တိုက်ခိုက်မှု ရပ်စဲရေးဆိုင်ရာ သဘောတူညီမှုကို စက်တင်ဘာလကုန်ထိ တိုးမြှင့်ရပ်ဆိုင်းရန် ကြေငြာသော်လည်း ရခိုင့်တပ်မတော်ကို ချန်လှပ်ထားခဲ့သည်။ ရခိုင်ပြည်နယ်တွင်းတွင် စစ်ရေး ပဋိပက္ခကြောင့် လုံခြုံရေးအခြေအနေစိုးရိမ်နေရသည့်အပြင် COVID-19 ပြည်တွင်းကူးစက်မှုကြောင့် ရောဂါပိုး တွေ့ ရှိသူ ၅၀၀ ခန့် ရှိနေသည်။

ပြည်ထောင်စုရွေးကောက်ပွဲကော်မရှင်မှ ရွေးကောက်ပွဲ ဆိုင်ရာ ပြည်သူ့လှုပ်ရှားမှုအဖွဲ့ (PACE)ကို လာမည့် ၂၀၂၀ ပြည့်နှစ် အထွေအထွေရွေးကောက်ပွဲတွင် ပါ၀င်စောင့်ကြည့် လေ့လာခွင့်နှင့်ပတ်သက်၍ ငြင်းဆိုခဲ့ခြင်းသည် အထွေထွေ ရွေးကောက်ပွဲ၏ ပွင့်လင်းမြင်သာမှု ဆုတ်ယုတ်အားနည်းစေသည်ကို တွေ့ရပြီး စိုးရိမ်မှုကို မြင့်တက်စေပါသည်။ အရပ်ဘက်အဖွဲ့အစည်းများမှ ကော်မရှင်၏ ဆုံးဖြတ်ချက်ကို ပူးပေါင်းအစီရင်ခံစာ ထုတ်ခဲ့ပြီးပြန်လည် သုံးသပ်ရန် ကန့်ကွက်တောင်းဆိုခဲ့ကြသည်။ ထို့ပြင် လူ့အခွင့်အရေးစောင့်ကြည့်ရေး အဖွဲ့မှလည်း အထွေထွေ ရွေးကောက်ပွဲ ကော်မရှင်အဖွဲ့ကို ထုတ်လွင့်ခြင်းဆိုင်ရာ နှင့်ပတ်သက်သော ကန့်သတ်မှု များကို ပြန်လည်သုံးသပ်ရန် အကြံပေးခဲ့သည်။ ထိုအကြံပေးချက်ကို ရုပ်မြင်သံကြားနှင့် ရေဒီယိုတို့တွင် ရုပ်မြင်သံကြားမိန့်ခွန်းများအတွက် (UEC) ထံတွင် ခွင့်ပြုချက် ရယူရန်လိုအပ်သော နိုင်ငံရေးပါတီ တော်တော်များများမှ ထောက်ခံခဲ့ကြသည်။

၈၈၈၈ နှစ်ပတ်လည်အခမ်းအနားကို ယခုလအတွင်းတွင်ကျင်းပခဲ့သည်။ “တစ်ဦးတစ်ယောက်ချင်းအနေနဲ့ရော လူ့အဖွဲ့ အစည်းတွေအနေနဲ့ပါ ဘာတွေဖြစ်ခဲ့တယ်ဆိုတဲ့ အမှန်တရားကိုလက်မခံဘဲ ငြိမ်းချမ်းရေးနဲ့ရင်ကြားစေ့ရေး ဘယ်လို ရနိုင်မလဲ။ ဖန်တစ်ရာတေနေတဲ့ စကားတစ်ခွန်းလည်းဖြစ်ပြီး ၁၉၈၈ကပေးတဲ့ သင်ခန်းစာတွေထဲက တစ်ခုကတော့ ‘အတိတ်ကအမှားတွေကို သင်ခန်းစာမယူနိုင်တဲ့ နိုင်ငံတစ်နိုင်ငံဟာ အလားတူ အမှားတွေ ထပ်ပြီး ကျိန်းသေပေါက် ဆက်မှားနေဦးမှာပဲ’ဟု ဂန်းနက်စ်၏ သမိုင်းကိုပြန်လည်ထင်ဟပ်စေသော ပြောဆိုချက်ကို ဖော်တီးယားမြန်မာ ဆောင်းပါးတွင် ကောက်နုတ်ဖော်ပြထားသည်။

ရခိုင်ပြည်နယ်

ရဲတပ်ဖွဲ့မှ ပစ်ခတ်မှုကြောင့် နှစ်ဦးသေဆုံး၊ ၃ သြဂုတ် ၂၀၂၀

ရခိုင်ပြည်နယ် စစ်တွေမြို့တွင် မွတ်စလင်ရိုဟင်ဂျာ လူငယ်နှစ်ဦးကို တွင်းမြောင်ရွာနီးရှိ ရဲတပ်ဖွဲ့လုံခြုံရေးဂိတ်မှ သေနတ်ဖြင့် လှမ်းပစ်ခဲ့သောကြာင့် တစ်ဦးသေဆုံးပြီး တစ်ဦးအပြင်းအထန်ထိခိုက် ဒဏ်ရာရရှိ သွားခဲ့သည်ဟု ဒေသခံ များမှ ပြောကြားခဲ့သည်။

တပ်မတော်မှ ဖမ်းဆီးထားစဉ် ရခိုင်အမျိုးသားတစ်ဦးသေဆုံး၊ ၁၂ သြဂုတ် ၂၀၂၀

ရခိုင်ပြည်နယ်၊ မြောက်ဦးမြို့နယ် ပုဇွန်ဖေ ကျေးရွာသား ၁ ဦးမှာ တပ်မတော်သားများထံ ဖမ်းဆီးခံရပြီးနောက် စစ်ဆေး ခံနေရစဉ် ကာလအတွင်း သေဆုံးသွားခဲ့ကြောင်း မိသားစုဝင်များမှ ပြောကြားခဲ့သည်။ ရခိုင်ပြည်နယ်အတွင်း တပ်မတော် နှင့် AAတို့ တိုက်ပွဲဖြစ်နေသောကာလ၌ တပ်မတော်မှ ဖမ်းဆီးစစ်ဆေးခဲ့စဉ် သေဆုံးသူ ဖမ်းဆီးခံရွာသား ၂၀ ဦးထိ ရှိလာပြီ ဖြစ်သည်။

လက်နက်ကြီးကျည်စ ထိမှန်မှုကြောင့် ကျောက်တော်ဒေသခံ အမျိုးသမီးတစ်ဦး ဒဏ်ရာရ၊ ၁၃ သြဂုတ် ၂၀၂၀

ရခိုင်ပြည်နယ်၊ ကျောက်တော်မြို့နယ်၊ ခပေါ်ကျေးရွာတွင် လက်နက်ကြီးကျည် ကျရောက်ပေါက်ကွဲမှုကြောင့် အသက် (၄၃) နှစ်အရွယ် ဒေါ်မသန်းရီမှာ ထိခိုက်ဒဏ်ရာရရှိခဲ့သည်။ အားလုံးပါ၀င်သော အပစ်ခတ်ရပ်စဲရေးနှင့် အမျိုးသား ရင်ကြားစေ့ရေးကိုတောင်းဆိုသော ပြည်ထောင်စု အမျိုးသားညီလာခံကိုကျင်းပနေချိန်တွင် အရပ်သားထိခိုက်ဒဏ်ရာရ ရှိမှုများမှာလည်း တိုးလာလျက်ရှိသည်။

လက်နက်ကြီးပေါက်ကွဲမှုကြောင့် ကျောင်းသားတစ်ဦးအပါအဝင် (၃) ဦးဒဏ်ရာရ၊ ၁၅ သြဂုတ် ၂၀၂၀

ရခိုင်ပြည်နယ်၊ မင်းပြားမြို့နယ်၊ စိတ္တရကျေးရွာ၌ သြဂုတ်လ ၁၅ ရက် နေ့တွင် ကျေးရွာအတွင်း လက်နက်ကြီး ကျရောက်ပေါက်ကွဲမှုကြောင့် (၇)တန်းကျောင်းသားတစ်ဦး အပါအဝင် (၃) ဦး ဒဏ်ရာ ရရှိသွားကြောင်း ဒေသခံများထံမှ သိရသည်။ ထိုလက်နက်ကြီးပေါက်ပွဲမှုကြောင့် ကျေးရွာ အတွင်းမှ နေအိမ်သုံးဆောင်ပျက်စီးသွားခဲ့သည်။

ရခိုင်ပြည်နယ်တွင် တိုက်ပွဲများကြောင့် ဆေးဝါးများကို သယ်ယူပို့ဆောင်ရာ၌ လမ်းခရီးတွင် ကြန့်ကြာမှုများရှိ၊ ၁၈ သြဂုတ် ၂၀၂၀

ရခိုင်ပြည်နယ်မြောက်ပိုင်းတွင် တိုက်ပွဲဖြစ်ပွားမှုများ ရှိနေသောကြောင့် ဆေးဝါးများကို သယ်ယူပို့ဆောင်ရာ၌ လမ်းခရီးတွင် ကြန့်ကြာမှုများနှင့် ပျက်ဆီးမှုများရှိနေကြောင်း ဆေးဝါးဖြန့်ဝေနေသူများထံမှသိရှိရသည်။ ထို့အပြင် တိုက်ပွဲဖြစ်ပွားရာ ဒေသမှ ဆေးရုံများတွင် ဆေးကုသရေး၊ ဆေးဝါးသယ်ယူရေးနှင့် လူနာသယ်ယူရေး တို့၌ အခက် အခဲများ ဖြစ်ပေါ်နေကြောင်း တာဝန်ရှိသူများက ပြောဆိုကြသည်။ လက်ရှိဖြစ်ပွားနေသောတိုက်ပွဲ များကြောင့် အရပ်သားပြည်သူများ၏ ကျန်းမာရေးအခြေအနေများ မထိခိုက်သင့်ပါ။

ရခိုင်ပြည်နယ်တွင် AA နှင့်ဆက်စပ်ပြီး ဖမ်းဆီးခံရထားသူ နေ့စဥ်တိုးလာလျှက် ဦးရှိ၊ ၁၉ သြဂုတ် ၂၀၂၀

ရခိုင်ပြည်နယ်၊ ကျောက်ဖြူခရိုင်နှင့် သံတွဲခရိုင်အတွင်းတွင် တပ်မတော်မှ AA နှင့်ဆက်စပ်ပြီး သံသယဖြင့် ဖမ်းဆီးခံရ သူဦးရေမှာ နေ့စဥ်တိုးလာလျက်ရှိသည်။ ဖမ်းဆီးခံရသူများထဲမှ အချို့မှာ အကြမ်းဖက်မှု တိုက်ဖျက်ရေး ဥပဒေပုဒ်မ များဖြင့် အမှုဖွင့်တရားစွဲဆိုခံထားရပြီး အချို့မှာ စစ်ကြောရေးကာလအတွင်း သေဆုံးမှုများနှင့် အချို့မှာ သတင်းအစအန မရရှိဘဲ ပျောက်ဆုံးလျက် ရှိနေကြသည်။

မြောက်ဦးမြို့ပေါ်ကျောင်းမှ သံဃာ ၄ ပါး AA ဖမ်းခေါ်သွား၊ ၂၁ သြဂုတ် ၂၀၂၀

ရခိုင်ပြည်နယ် မြောက်ဦးမြို့နယ် လက်ကောက်ဈေးရပ်ကွက်ရှိ ဘုန်းကြီးကျောင်းမှ ကျောင်းထိုင် ဆရာတော်၂ ပါးနှင့် ကိုရင်၂ ပါးကို ရက္ခိုင်စစ်တပ် (AA) က ဖမ်းဆီး ခေါ်ဆောင်သွား ကြောင်း ဒေသခံများထံမှ သတင်း ရရှိသည်။ ယခုကဲ့သို့ ဘုန်းတော်ကြီးများကို AA မှဖမ်းဆီးခေါ်ဆောင်မှုသည် ပထမဆုံးအကြီမ်ဖြစ်သည်ဟု ထိုဘုန်းကြီးကျောင်းရှိ ကိုရင်မှ ပြောကြား သည်။

နယ်မြေရှင်းလင်းမည်ဆို၍ ထွက်ပြေးလာသော ရသေ့တောင် စစ်ရှောင်များ အိမ်မပြန်နိုင်သေး၊ ၂၁ သြဂုတ် ၂၀၂၀

ဇွန်လ ၂၄ ရက်နေ့က ရသေ့တောင်မြို့နယ်ရှိ ကျောက်တန်းကျေးရွာနှင့် အနီးတစ်ဝိုက်ရှိ ကျေးရွာများတွင် တပ်မတော်မှ နယ်မြေရှင်းလင်းရေးလုပ်ဆောင်မည်ဟု ထုတ်ပြန်ပြီးနောက် ထွက်ပြေးတိမ်းရှောင်လာကြသည့် ဒေသခံများမှာ ယနေ့ အချိန်ထိ နေရပ်မပြန်နိုင်သေးပဲရှိနေကြခြင်း ဖြစ်သည်။ ရခိုင်တိုင်းရင်းသားမျိုးနွယ်များအစည်းအရုံး REC ၏အဆိုအရ ကျောက်တန်းဒေသတွင်တပ်စွဲထားသော တပ်မတော်မှ ထိုဒေသအနိးတ၀ိုက်တွင် နယ်မြေရှင်းလင်းရေး မလုပ်ဆောင် ပါဟုပြောဆိုသော်လည်း ထိုဒေသရှိဒေခံများအတွက်လုံး၀ လုံခြုံမှုမရှိပေ။ နေရပ်စွန့်ခွါ ထွက်ပြေးသူများကို အကူညီ ပေးသောအရပ်ဘက်အဖွဲ့အစည်းများ၏ အဆိုအရ ရသေ့တောင်တွင် နေရပ်စွန့်ခွာထွက်ပြေးသူပေါင်း ၄၀၀၀၀ ကျော်ခန့်ရှိသည်။

ပစ်ခတ်ခံမှုကြောင့်နှစ်ဦးဒဏ်ရာရ၊ ၂၁ သြဂုတ် ၂၀၂၀

ရခိုင်ပြည်နယ်၊ အမ်းမြို့နယ်၊ ဒါးလက်ချောင်းအုပ်စုအတွင်းရှိ ကွေ့ရှည်ကျေးရွာမှ ဒေသခံသုံးဦးမှာ ကဇုကိုင်း တံတားအနီးတွင် ပစ်ခတ်ခံရသဖြင့် နှစ်ဦးဒဏ်ရာရရှိခဲ့သည်။ ကွေ့ရှည်ကျေးရွာသားသုံးဦးသည် ကမ်းထောင့်ကြီး စစ်ဘေးရှောင်စခန်းသို့ ပြောင်းရွှေ့ရန်အတွက် အိမ်သုံးပစ္စည်းများကို စက်လှေဖြင့်ပို့ဆောင်ရန်သွားစဉ် ယင်းသို့ ပစ်ခတ် ခံရခြင်း ဖြစ်သည်။

ရသေ့တောင်တွင် မြန်မာ့တပ်မတော်မှ ပစ်ခတ်လိုက်သော လက်နက်ကြီးများ လူနေအိမ်သို့ကျ၍ အရပ်သား (၅) ဦး ထိခိုက်ဒဏ်ရာရ၊ ၂၄ သြဂုတ် ၂၀၂၀

ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံအပြီး တစ်ရက်ခန့်အကြာတွင် ရခိုင်ပြည်နယ်၊ ရသေ့တောင်မြို့နယ်၊ ကျောက်ရံသာစည်ကျေးရွာထဲတွင် လက်နက်ကြီးကျည်ကျရောက် ပေါက်ကွဲ၍ ၃ နှစ်အရွယ် ကလေးငယ် တစ်ဦးအပါ အဝင် ထိခိုက်ဒဏ်ရာရရှိသူ ၅ ဦးရှိခဲ့သည်။

AA တွင်မိသားစုအဖွဲ့၀င်ရှိသောကြောင့် ရခိုင်လွတ်တော်အမတ်ရွေးကောက်ပွဲ ၀င်ခွင့်မရ၊ ၃၁ သြဂုတ် ၂၀၂၀

လာမည့်ရွေးကောက်ပွဲ ကိုယ်စားလှယ်စာရင်း ထွက်လာချိန်တွင် ရခိုင်ပြည်နယ်လွှတ်တော်အမတ်တဦးဖြစ်သူ ဦးဖိုးစံမှာ သားဖြစ်သူ တပ်မတော်ဗိုလ်မှူးဟောင်းမှ ရခိုင့်တပ်မတော်ထဲသို့ ကူးပြောင်းသွားခဲ့သောကြောင့် ရွေးကောက်ပွဲ ကိုယ် စားလှယ်လောင်းအဖြစ် ပယ်ဖျက်ခံရသည်။

ချင်းပြည်နယ်

ပလက်ဝမြို့ပေါ်တွင် ဆန်ပြတ်လပ်မှုကြောင့် ဒေသခံပြည်သူများ အခက်အခဲကြုံ၊ ၁၂ သြဂုတ် ၂၀၂၀

ရခိုင်ပြည်နယ် ကျောက်တော်နှင့် ဆက်သွယ်သည့် ရေလမ်း၊ ကုန်လမ်းများကို ပိတ်ပင်ထားသည့် အတွက် ဆန်နှင့်အခြား စားသုံးကုန် ပစ္စည်းများသယ်ယူ၍မရတော့ဘဲ ပလက်ဝမြို့ပေါ်ရှိဒေသခံပြည်သူများသည် စားနပ်ရိက္ခာ ပြတ်လပ်မှု ကြုံ တွေ့နေကြရခြင်းဖြစ်သည်။ ရိက္ခာဆန်ပြတ်လပ်နေသည့် ပလက်ဝမြို့နယ်တွင်စစ်ဘေးရှောင်များအတွက် နိုင်ငံတကာ အဖွဲ့အစည်းများမှ ဆန်နှင့်အခြား ကုန်စည်များ ပို့ဆောင်ပေးမှုရှိနေသော်လည်း မြို့ပေါ်နေဒေသခံ ပြည်သူများမရရှိကြ သည့်အတွက် အိမ်ထောင်စုပေါင်း ၈၅၀၀ ခန့်သည် ဆန်ပြတ်လပ်မှုနှင့် ကြုံတွေ့နေရခြင်းဖြစ်သည်။

မြေမြှုပ်မိုင်းနင်းမိသောကြောင့် ချင်းအမျိုးသမီးငယ်တစ်ဦးသေဆုံး၊ ၈ သြဂုတ် ၂၀၂၀

ရခိုင်ပြည်နယ် အမ်းမြို့နယ် ကဇူးကိုင်းကျေးရွာနေ အသက် (၁၇)နှစ် အရွယ်ချင်းအမျိုးသမီးငယ်တစ်ဦးသည် မျှစ်ခူးရန် သွားစဥ် မြေမြှုပ်မိုင်း နင်းမိသဖြင့် သေဆုံးသွားခဲ့သည်။ မြန်မာအစိုးရအနေဖြင့် အရပ်သားပြည်သူများကိုထိခိုက် သေဆုံး စေသော မိုင်းများဖျက်ဆီးပစ်ရေးဆိုင်ရာသဘောတူညီစာချုပ်ကို ထိရောက်စွာလုပ်ဆောင်ရန်လိုအပ်သည်။

ရှမ်းပြည်နယ်

TNLA တပ်ဖွဲ့ဝင် ၂ ဦးမှ မသန်စွမ်းသူ အမျိုးသားတစ်ဦးကို ရိုက်နှက်ခဲ့သည့် ဖြစ်စဉ်၊ ၁ သြဂုတ် ၂၀၂၀

ND-Burma ကွန်ရက်အဖွဲ့၀င် TSYU ထံမှရရှိသော အချက်အလက်

ကွတ်ခိုင်မြို့နယ် ဂါလိုင်‌ ကျေးရွာမှ မသန်စွမ်းအမျိုးသား တစ်ဦးနှင့်ဇနီးဖြစ်သူကို မူးယစ်ဆေးဝါး တိုက်ဖျက်ရေး

အကြောင်းပြချက်ဖြင့် TNLA တပ်ဖွဲ့ ဝင်နှစ်ဦးမှ နေအိမ်အတွင်းဝင်ရောက်ရိုက်နှက်မှု ဇူလိုင် ၂၆ ရက်တွင် ဖြစ်ပွားခဲ့သည်။ ဖြစ်စဉ်ကို ထိုးနှက်ခံရသူ ဦးလရှီးလဗျလဆန်းမှ “တပ်ဖွဲ့၀င်နှစ်ဦးသည် ညသန်းခေါင် ၁၁ နာရီ အချိန်တွင် စစ်သားဝတ်ဖြင့်မဟုတ်ဘဲ ရိုးရိုးအရပ်ဝတ်နဲ့ရောက်လာခဲ့ကာ နေအိမ်တွင်းသို့၀င်ရောက်ကာ ရှာဖွေခဲ့သည်ဟု ပြောကြား ခဲ့သည်။ ထိုသို့လာရောက်ရှာဖွေချိန်တွင်မူးယစ်ဆေး၀ါးသုံစွဲသူ ဦးလရှီးလဗျလဆန်း၏အကိုမှာနေအိမ်တွင် ရှိမနေခဲ့ပေ။ ထို့နောက်တပ်သားနှစ်ဦးသည် ၎င်းတို့ရှာဖွေတွေ့ရှိသော မူးယစ်ဆေး၀ါးနှင့်ပတ်သက်သည့် ပစ္စည်းကိုယူလာပြီး ဦးလရှီးလဗျဆန်းအား မူးယစ်ဆေးသုံးစွဲသည်ဟု စွပ်စွဲခဲ့သည်။ ၎င်းမှမိမိနှင့်မသက်ဆိုင်ဟု ငြင်းဆိုခဲ့သောကြောင့် TNLA တပ်သားတစ်ဦးမှ ကိုလရှီးလဗျလဆန်းကို (၁၀)ချက်ခန့်ထိုးခဲ့သည်။ သူ၏အမျိုးသမီးဖြစ်သူ မနန်းဂျာအောင်ကိုလည်း တစ်ချက်ထိုးနှက်ခဲ့သည်။ ထို့နောက်၎င်းတို့နှစ်ဦးရှာဖွေတွေ့ရှိထားသည့်ပစ္စည်းကိုကိုင်ပြီး ဆဲဆိုကာ သက်သေအဖြစ် ထားရှိမည်ဟု ပြောဆိုခဲ့သည်ဟု ကာယကံရှင်မှပြောကြားခဲ့သည်။

ကချင်လွတ်မြောက်ရေးတပ်မတော်(KIA)ကအသက်မပြည့်သေးသည့်တအာင်းအမျိုးသမီးငယ်တစ်ဦးကိုဖမ်းဆီးခေါ်ဆောင်| ၇ သြဂုတ် ၂၀၂၀

ပြီးခဲ့သည့် ၂၀၂၀ ခုနှစ်၊ ဇူလိုင်လ (၂၆) ရက်နေ့ ရှမ်းပြည်နယ်မြောက်ပိုင်း၊ မူဆယ်ခရိုင်၊ ကွတ်ခိုင်မြို့၊ မုံးစီးဒေသ၊ ယုန်မောအုပ်စု၊နာခိုင်းကျေးရွာတွင်ကချင်လွတ်မြောက်ရေးတပ်မတော် (KIA) သည် ကျေးရွာတွင်းသို့ ရောက်ရှိလာပြီး တအာင်းအမျိုးသမီးငယ်တစ်ဦးဖြစ်သည့် လွေးအီ – အသက် (၁၆) နှစ်အား ဖမ်းဆီးခေါ်ဆောင် သွားခဲ့သည်။ လွေးအီ၏ ဖခင် ဦးအိုက်မောင်သည် ကချင်လွတ်မြောက်ရေးတပ်မတော်ထဲတွင် တာဝန်ထမ်းဆောင် နေသော တပ်သားတစ်ဦး ဖြစ်ပြီး (KIA) တပ်ထဲတွင် တာဝန်မထမ်း ဆောင်လိုသောကြောင့် (KIA) တပ်ထဲမှ ထွက်ပြေးခဲ့သည်ဟု သိခဲ့ရသည်။

မိုင်းကိုင်တွင်ရွေးကောက်ပွဲဝင်ရောက်ယှဉ်ပြိုင်မည့်TNPကိုယ်စားလှယ်များကိုရှမ်းပြည်ပြန်လည်ထူထောင်ရေး တပ်မတော် RCSS မှ ဟန့်တား

၂၀၂၀ခုနှစ်၊ သြဂတ်လ(၂၀)ရက်နေ့တွင် ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းကိုင်မြို့နယ်တွင် လာမည့် ၂၀၂၀၊ နိုဝင်ဘာ(၈)ရက်နေ့တွင်ကျင်းပ ပြုလုပ်မည့် ရွေးကောက်ပွဲတွင် ဝင်ရောက်ယှဉ်ပြိုင်မည့် TNP ကိုယ်စားလှယ်များကို RCSS မှ ဝင်ရောက်ယှဉ်ပြိုင်ခြင်း မပြုလုပ်ရန် သတိပေးခြင်းမျိုး (၂) ကြိမ်ကြုံတွေ့နေရသည်ဟု မြို့နယ်အလုပ်မှုဆောင် အဖွဲ့ထံမှဆက်သွယ်မေးမြန်းချက်အရသိရသည်။

ရှမ်းလူမျိုးအရပ်သားလယ်သမား ပစ်သတ်ခံရမှုနှင့်ပတ်သက်၍ တပ်မတော်မှ အရေးမယူသောကြောင့် ဒေသခံများမကျေနပ် ၊ ၁၀ သြဂုတ် ၂၀၂၀

ရှမ်းလူမျိုးအရပ်သားလယ်သမား ပစ်သတ်ခံရမှုနှင့် ပတ်သက်၍ တပ်မတော်မှ အရေးမယူ သည့်အတွက် ဇွန်လကုန်တွင် ဒေသခံများမှ ဆန္ဒပြတောင်းဆိုမှုဖြစ်ပွားခဲ့သည်။ ဖော်တီးယားမြန်မာ၏ အစီရင်ခံစာတွင် မြန်မာ့တပ်မတော်၏ အရေးယူ ခံရခြင်းမရှိသော လူ့အခွင့်အရေးချိုးဖောက်မှုများကို ဆက်လက်ငြင်းဆိုသော နည်းဗျူဟာကို အရပ်သား ပြည်သူများ မည်ကဲ့သို့တုံ့ပြန်ခဲ့သည်ကို တွေ့နိုင်သည်။

မြို့နယ်မြေယာဌာန၏ ထုတ်ပြန်ချက်ကို ကျေးသီးမြို့နယ်ဒေသခံများကန့်ကွက်၊ ၁၁ သြဂုတ် ၂၀၂၀

ရှမ်းပြည်တောင်ပိုင်း ကျေးသီးမြို့နယ် အတွင်းရှိ မြေဧက ၁၀၀၀ ကျော် ကို ကန့်ကွက်သူမရှိပါက သိမ်းဆည်းခံရမည် ဟု ကျေးသီးမြို့နယ် စိုက်ပျိုးရေး ဦးစီးဌာနမှ ထုတ်ပြန်ကြေငြာခဲ့သည်။ ထိုကိစ္စနှင့် ပတ်သက်ပြီး ပန်စေ့အုပ်စု ဥက္ကဌ လုံးစိုင်းတင့်မှ “ကျနော်တို့ လယ်ယာမြေတွေပါ။ စိုက်ပျိုးမြေမရှိရင်ရွာသားတွေဘာလုပ်ကိုင်စားသောက်နိုင်တော့မှာလဲ။ ကျနော်တို့ သဘောမတူပါဘူး။မနက်ဖြန်ကျနော်တို့ ကန့်ကွက်စာသွားတင်ပါမယ် ”ဟုပြောကြားခဲ့သည်။

တအာင်း အရပ်ဘက်အဖွဲ့အစည်းများ နှင့် ဒေသခံများမှ ပျောက်ဆုံးသွားသော ရွာသားများအတွက် တရားမျှတမှုရရန် တောင်းဆို ၊ ၂၆ သြဂုတ် ၂၀၂၀

တပ်မတော်စစ်ကြောင်းမှဖမ်းဆီးခေါ်ဆောင်သွားပြီး ပျောက်ဆုံးနေသော ရွာသားသုံး ဦး၏အလောင်းကို ရှမ်းပြည် မြောက်ပိုင်း မူဆယ်မြို့နယ် နမ့်ကတ်ကျေးရွာအုပ်စု မိုင်းဆတ်ရွာ တွင်ပြန်လည်တွေ့ရှိပြီးနောက် တအာင်း အရပ်ဘက် အဖွဲ့စည်းများနှင့် မိသားစု၀င်များမှအမှန်တရားနှင့် တရားမျှတမှုအတွက်တောင်းဆို ခဲ့ကြသည်။ တပ်မတော်မှ ထိုအမှုနှင့် ပတ်သက်မှုမရှိနိုင်ကြောင်း ငြင်းဆိုခဲ့သည်။ မြန်မာနိုင်ငံအရပ်ဘက်အဖွဲ့စည်းများနှင့် ND-Burma အဖွဲ့၀င်များ ဖြစ်သော TSYU, HURFOM, KWAT, TWO, Progressive Voice, TWU နှင့် PYO တို့မှလည်း အမှန်တရား ပေါ်ပေါက် ရန်နှင့် တရားမျှတမှုရရှိရန် ပူးပေါင်းတောင်းဆိုခဲ့ကြသည်။

ရွာသားသုံးဦးအသတ်ခံရမှုနှင့်ပတ်သက်ပြီးတပ်မတော်မှ ရွာလူကြီးများနှင့်တွေ့ဆုံ၊ ၂၆ သြဂုတ် ၂၀၂၀

ရှမ်းပြည်နယ်မြောက်ပိုင်း မူဆယ်မြို့နယ်တွင် တပ်မတော်မှ ထိန်းသိမ်းထားစဉ် ဒေသခံသုံးဦး အသတ်ခံရမှုနှင့် ပတ်သက်၍ တပ်မတော်ဘက်က စိစစ်ပေးမည့်အကြောင်းနှင့် ကျူးလွန်သည်ဟု စီစစ်တွေ့ရှိခဲ့ပါက အရေးယူသွားမည် ဆိုသော ရှားရှားပါးပါး တုံ့ပြန်မှုကိုရရှိခဲ့သည်။ ထိုသေဆုံးမှုနှင့်ပတ်သက်၍ ဒေသခံများမှ တရားမျှတမှုရရှိရန် တောင်းဆို မှုများ ပြုလုပ်ခဲ့သည်။ သို့သော်လည်း RFA ၏သတင်းအရ တပ်မတော်မှထိုအမှုနှင့်ပတ်သက်၍ မည်သည့် ထုတ်ပြန် ကြေငြာ ချက်မှမရှိကြောင်း သိရှိရသည်။

ကရင်ပြည်နယ်

မြန်မာတပ်မတော်မှ ပစ်သတ်ခြင်းခံရသော ကရင်ရွာသူနော်မုနော်၏အမှု တရာမျှတမှုရှိရေးအတွက် ကရင်ဒေသခံများ တောင်းဆို၊ ၁၁ သြဂုတ် ၂၀၂၀

ကရင်အရပ်ဘက်အဖွဲ့များဖြစ်သော ကရင်အမျိုးသမီးအစည်းအရုံး (KWO) နှင့် ကရင်ငြိမ်းချမ်းရေး အထောက်အကူ ပြုကွန်ရက် (KPSN) တို့မှ ပစ်သတ်ခံရသော နော်မုနော်အမှုတွင် ပွင့်လင်းမြင်သာမှုမရှိသည့်အပေါ် ရှုတ်ချခဲ့သည်။ ကျူးလွန်ခဲ့သော တပ်မတော်သားနှစ်ဦးကို စစ်တရားရုံး၏ အမြင့်ဆုံးပြစ်ဒဏ်ကို ချမှတ်ခဲ့ကြောင်း ထုတ်ပြန်ထားသော် လည်း ပြစ်ဒဏ်၏ အသေးစိတ်အချက်အလက်ကို အတိအကျဖော်ပြ ထားခြင်း မရှိကြောင်းတွေ့ရ သည်။

ကရင်အာဇာနည်နေ့ကို ဦးဆောင်ကျင်းပသူ သုံးဦးဖမ်းဆီးခံရ၊ ၁၃ သြဂုတ် ၂၀၂၀

နှစ် ၇၀ ပြည့် ကရင့်အာဇာနည်နေ့ကို ဒီကနေ့ ရန်ကုန်မြို့၊ မဟာဗန္ဓုလပန်းခြံမှာ ပြုလုပ်ခဲ့ပြီး အခမ်းအနားကျင်းပနေစဉ် ဦးဆောင်ကျင်းပသူ သုံးဦးကို ဖမ်းဆီးခဲ့ပြီး ငြိမ်းစုစီပုဒ်မ ၂၀ ဖြင့် တရားစွဲဆို ခဲ့သည်။ ကရင်အမျိုးသမီး အစည်းအရုံး (KWO), ကရင်လူ့အခွင့်အရေးအဖွဲ့ (KHRG) နှင့် ကရင်ငြီမ်းချမ်းရေးအထောက်အကူပြုကွန်ရက် (KPSN) တို့မှ တရားစွဲဆိုမှုကို ရုတ်သိမ်းပေးရန်နှင့် တိုင်းရင်းသားတို့၏ ရိုးရာဓလေ့နှင့် ပွဲလမ်းသဘင်များကို လေးစားအသိမှတ်ပြုရန် တောင်းဆိုခဲ့သည်။

ကချင်ပြည်နယ်

ကပ်ရောဂါကာလအတွင်း KIA အခွန်ကြောင့်ဒေသခံများအခက်ကြုံ | ၆ သြဂုတ် ၂၀၂၀

KIA မှ နှစ်စဉ် အခွန်ငွေကောက်ခံ သော်လည်း ယခုနှစ်တွင် Covid-19 ကပ်ရောဂါကြောင့် အလုပ်အကိုင်များ ခက်ခဲသောကြောင့် ဒေသခံများအခက်အခဲများနှင့် ရင်ဆိုင်ရသည်။ ကချင်ပြည်နယ်တွင် အစိုးရတပ်မတော်နဲ့ KIA တို့ကြား တိုက်ပွဲတွေစတင်ဖြစ်ပွားလာခဲ့သော ၁၉၆၀ပြည့်လွန်နှစ်တွေမှစ၍ ဒေသခံပြည်သူတွေများသည် ဆက်ကြေး အခွန်ပေးဆောင်ရခြင်း၊ တပ်သားသစ် စုဆောင်းခံရခြင်း၊ ဖမ်းဆီးသတ်ဖြတ်ခံရခြင်းနှင့် ပေါ်တာဆွဲခံရခြင်း အပါအဝင် လူ့အခွင့်အရေး ချိုးဖောက်မှု အမျိုးမျိုး ခံစားနေရသည်။

လွတ်လပ်စွာထုတ်ဖော်ပြောဆိုခွင့်

ဒေါင်းတို့မျိုးဆက် သံချပ်အဖွဲ့ဝင် မဆုရတနာမြင့် ပြန်လည်လွတ်မြောက်၊ ၁၉ သြဂုတ် ၂၀၂၀

တပ်မတော်ကို အကြည်ညိုပျက်စေအောင် သံချပ်ထိုးမှုဖြင့် တရားစွဲဆိုဆို ထောင်ချခံထားရသည့် ဒေါင်းတို့မျိုးဆက် သံချပ်အဖွဲ့ဝင် မဆုရတနာမြင့်သည် သြဂုတ်လ ၁၉ ရက်တွင်ပြန်လည် လွတ်မြောက်လာခဲ့သည်။ မဆုရတနာမြင့်သည် တပ်မတော်မှ တရားစွဲဆိုသည့် အမှုများကြောင့် စုစုပေါင်း ထောင်ဒဏ် ၂ နှစ် ချမှတ်ခံခဲ့ရခြင်းဖြစ်သည်။

အင်တာနက်ပြန်ဖွင့်ပေးရန်တောင်းဆိုသူများကို တရားစွဲဆိုထားခြင်းအားရုတ်သိမ်းရန်တောင်းဆို၊ ၂၀ သြဂုတ် ၂၀၂၀

Access Now မှ တစ်နှစ်ကျော်ကြာ အင်တာနက်ပိတ်ဆို့မှုကို ပြန်ဖွင့်ပေးရန်တောင်းဆိုခဲ့သော ကဗျာဆရာမောင်ဆောင်းခ နှင့် အခွင့်အရေးလှုပ်ရှားသူများအား တရားစွဲဆိုထားခြင်းကို ရှုတ်ချပြီးရုတ်သိမ်းပေးရန်တောင်းဆိုခဲ့သည်။

အဖြစ်သဘောဖွင့်ပေးထားသောအင်တာနက်ကို 4G အဆင့်သို့ မြှင့်တင်ပေးရန် အဖွဲ့အစည်းများတောင်းဆို၊ ၂၄ သြဂုတ် ၂၀၂၀

ရခိုင်ပြည်နယ်မှ မြို့နယ် ၇ ခုနှင့် ချင်းပြည်နယ် ပလက်ဝမြို့နယ်အပါအဝင် မြို့နယ် (၈) ခုတို့တွင် အစိုးရမှ အဖြစ်သဘော ဖွင့်ပေးထားသော 2G အင်တာနက်မှာ အသုံးပြု၍ မရရှိသဖြင့် ကိုဗစ်ရောဂါ ကျယ်ပြန့်စွာ ဖြစ်လာသော အချိန်တွင် 4G အဆင့်သို့ တိုးမြှင့်ပေးရန် မြောက်ဦးလူငယ်များ အစည်းအရုံး (MUYA) ပြည်ထောင်စုအစိုးရအားကြေညာချက်ထုတ် တောင်းဆိုလိုက်သည်။ အသံ (လွတ်လပ်စွာထုတ်ဖော်ပြောဆိုခွင့် လှုပ်ရှားမှုအဖွဲ့)မှလည်း အလားတူထုတ်ပြန် တောင်းဆို ခဲ့သည်။

ဗကသကျောင်းသားခေါင်းဆောင်ဟောင်း ထောင်ဒဏ် ၆ လ ချမှတ်ခံရ၊ ၂၆ သြဂုတ် ၂၀၂၀

၂၀၁၅ ခုနှစ်၊ ကျောင်းသားသပိတ်ကိစ္စဖြင့် တိမ်းရှောင်ခဲ့စဥ်က မှတ်ပုံတင်အတုကိုင်ဆောင်ခဲ့မှုနှင့်ပတ်သက်၍ ဗကသ ကျောင်းသားခေါင်းဆောင်ဟောင်းဖြစ်သူ ကိုလင်းထက်နိုင်(ခေါ်) ကိုဂျိမ်းစ်ကို ကျောက်တံတားမြို့နယ်တရားရုံးမှ ထောင်ဒဏ် ၆လ ချမှတ်လိုက်သည်။ အဆိုပါအမှုသည် ၂၀၁၆ ခုနှစ်တွင် နိုင်ငံတော်ကထုတ်ပြန်ခဲ့သည့် လွတ်ငြိမ်း ချမ်းသာခွင့်အမိန့်နှင့် အကျုံးဝင်သောအမှုဖြစ်သဖြင့် အမှုတရားစွဲတင်ပြီးပါက ရုတ်သိမ်းနိုင်ရေး ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ တရားရုံးသို့ညှိနှိုင်းအကြောင်းကြားခဲ့သော်လည်း လဝကဝန်ကြီးဌာနမှ ရုတ်သိမ်းပေးခဲ့ခြင်း မရှိသဖြင့် ရာဇသတ်ကြီးဥပဒေ ပုဒ်မ ၄၆၈ အရ အလုပ်နှင့်ထောင်ဒဏ် ၆လချမှတ်ခဲ့ခြင်းဖြစ်ကြောင်း သိရသည်။

ရခိုင်ပြည်နယ်အစိုးရကို ဝေဖန်ရေးသားသူတစ်ဦး ၆၆ (ဃ) ဖြင့် အမှုဖွင့်ခံရ၊ ၂၆ သြဂုတ် ၂၀၂၀

ရခိုင်ပြည်နယ်၊ စစ်တွေမြို့မှ လူမှုရေးလှုပ်ရှားသူ ဦးစိုးနိုင်အား COVID-19 ကပ်ရောဂါအပါအဝင် ပြည်နယ်အစိုးရ၏ လုပ်ဆောင်ချက်များအကြောင်း လူမှုကွန်ရက်ပေါ်တွင် ဝေဖန်ရေးသားသည်ဟုဆိုကာ ဆက်သွယ်ရေးဥပဒေပုဒ်မ ၆၆(ဃ) ဖြင့် မြို့နယ်အုပ်ချုပ်ရေးမှူးမှ အမှုဖွင့်ခဲ့သည်။

အဖွဲ့၀င်များ၏ နောက်ဆုံးရသတင်း

ချင်းလူ့အခွင့်အရေးအဖွဲ့ (CHRO)မှ ရခိုင်ပြည်နယ် အမ်းမြို့နယ်တွင် တစ်ပတ်အတွင်း မြေမြှုပ်မိုင်း နင်းမိသောကြောင့် ချင်းလူမျိုး (၃) ဦးသေဆုံးပြီး (၁)ဦးပြင်းထန်စွာဒဏ်ရာရရှိ ခဲ့ကြောင်း သတင်းထုတ် ပြန် ခဲ့သည်။ CHRO မှ နောက်ဆုံးရသတင်းများကိုပုံမှန် ထုတ်ပြန်လေ့ရှိသည်။ သတင်းများကိုဖတ်ရှုရန် ဤနေရာတွင်စာရင်းသွင်းဖတ်ရှုပါ။

ချင်းလူ့အခွင့်အရေးအဖွဲ့ (CHRO) မှ Sang Hnin Lian သည် အပြည်ပြည်ဆိုင်ရာအတင်းအဓမ္မ ပျောက်ကွယ်သွားသူ များနေ့တွင် လက်နက်ကိုင်ပဋိပက္ခတွင်ပါ၀င်ဆက်နွယ်သောသူတစ်ဦးတစ်ယောက်စီတိုင်းသည် အပြည်ပြည်ဆိုင်ရာ လူသားချင်းစာနာ ထောက်ထားမှုဆိုင်ရာ ဥပဒေ ကိုလေးစားလိုက်နာသင့်ကြောင်း Asia Time တွင်ရေးသားတိုက်တွန်း ခဲ့သည်။ CHRO မှ ပလက်၀ဒေသရှိ အရပ်သားပြည်သူများအား ဖမ်းဆီးခြင်းကိုအဆုံးသတ်ရန်နှင့် ပျောက်ဆုံးနေသော သူများကိုအတည်ပြုပေးရန် တောင်းဆိုခဲ့သည်။

ကိုဘိုကြည် (တွဲဖက်အတွင်းရေးမှူး) နိုင်ငံရေးအကျဥ်းသားကူညီစောင့်ရှောက်ရေးအသင်း မှ လာမည့် ရွေးကောက်ပွဲတွင် ပြည်သူများ မည်ကဲ့သို့မဲပေးသင့်သည်နှင့်ပတ်သက်ပြီး ဧရာ၀တီသတင်းဌါနသို့ ပြောကြားခဲ့သည်။ ထိုသို့ပြောဆိုချက် များအနက် ပြုပြင်ပြောင်းလဲရေးအတွက် အရေးပါဆုံးသောအချက်မှာ ရွေးကောက်ပွဲလုပ်ငန်းစဥ်တွင် ပါ၀င်ရန်ဖြစ် သည်။

AAPP မှ ပစ်ပယ်ချိုးနှိမ်ခံများအပါအဝင်အကျဉ်းထောင်ပြုပြင်ပြောင်းလဲရေး အစီရင်ခံစာသစ် ကိုလည်း ထုတ်ပြန် ခဲ့သည်။

မွန်ပြည်လူ့အခွင့်အရေးဖောင်ဒေးရှင်း စီမံကိန်းဒါရိုက်တာ နိုင်အဲမွန် မှ အယ်ဒီတာ Janeen Sawatzky နှင့်တွဲဖက်၍ NLD ၏ COVID-19 စီးပွားရေးထိခိုက်မှုသက်သာရေးစီမံချက်သည် မွန်၊ ကရင်ပြည်နယ် နှင့် တနင်္သာရီတိုင်းဒေသများရှိ ၀ေးလံ ခေါင်သီသောဒေသရှိ နေရပ်စွန့်ခွါထွက်ပြေးတိမ်းရှောင်ရသူများမှ မရရှိမှုနှင့် ပတ်သက်၍ ဖော်တီးယား မြန်မာ ဆောင်းပါးတွင် ပူးတွဲရေးသားခဲ့သည်။

ရခိုင်ပြည်လုံးဆိုင်ရာ ကျောင်းသားနှင့် လူငယ်များအစည်းအရုံး(AASYC)သုတေသနနှင့် မှတ်တမ်းဌာနမှ “၂၀၂၀ ခုနှစ်၊ ဇူလိုင်လအတွင်း ရခိုင်ပြည်ရေးရာ သတင်းသုံးသပ်ချက်” ကိုထုတ်ပြန်ခဲ့သည်။ သတင်းသုံးသပ်ချက်ကို ဖတ်ရှုရန် ဤနေရာတွင်ရယူပါ။

အရေးပေါ်ကပ်ရောဂါကာကွယ်ထိန်းချုပ်ရေးစီမံကိန်းများချမှတ်ရာတွင်မူဝါဒရေးဆွဲသူများအနေဖြင့်အနေဖြင့်ကိုးကား

နိုင်စေရန် ရည်ရွယ်ချက်ဖြင့် ရခိုင်ပြည်တွင်းCOVID-19 ကပ်ရောဂါကြိုတင်ကာကွယ်ရေးနှင့်ပတ်သက်၍ ရခိုင်ပြည်လုံး ဆိုင်ရာကျောင်းသားနှင့်လူငယ်များအစည်းအရုံး(AASYC)မှ ၂၀၂၀ခုနှစ်၊ ဧပြီလမှဇူလိုင်လအထိ ထုတ်ဝေခဲ့သော တွေ့ရှိ ချက်၊ သုံးသပ်ချက်နှင့်အကြံပြုချက်များပါသော အစီရင်ခံစာကိုထုတ်၀ေခဲ့သည်။ ဖတ်ရှုရန် ဤနေရာတွင်ရယူပါ။

လူ့အခွင့်အရေးမှတ်တမ်းကွန်ရက် (မြန်မာနိုင်ငံ) ND-Burmaအဖွဲ့၀င် ၁၃ ဖွဲ့သည် တိုင်းရင်းသားများ၊ အမျိုးသမီးများနှင့် နိုင်ငံရေးအကျဥ်းသားများအားကိုယ်စားပြုသောအဖွဲ့ဖြစ်သည်။နစ်နာခဲ့သူများတရားမျှတမှုရရှိရေးအတွက်လူ့အခွင့်အရေးချိုးဖောက်မှုများကို ၂၀၀၄ ခုနှစ်မှစတင်၍ မှတ်တမ်းတင် နေသည့် အဖွဲ့အစည်းဖြစ်သည်။

တင်းပြည့် အဖွဲ့အစည်းများ

၁။နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP)

၂။ မွန်ပြည်လူ့အခွင့်အရေးဖောင်ဒေးရှင်း (HURFOM)

၃။ကချင်အမျိုးသမီးများအစည်းအရုံး -ထိုင်းနိုင်ငံ (KWAT)

၄။တအာင်းအမျိုးသမီးအဖွဲ့အစည်း (TWO)

၅။တအာင်းကျောင်းသားလူငယ်များ အဖွဲ့ (TSYU)

၆။ထားဝယ် အမျိုးသမီးသမဂ္ဂ (TWU)

၇။လူ့အခွင့်အရေးကာကွယ်မြှင့်တင်သူများအဖွဲ့ (HRDP)

၈။ရခိုင်ပြည်လုံးဆိုင်ရာကျောင်းသားနှင့်လူငယ်များအစည်းအရုံး( AASYC)

၉။အနာဂါတ်အလင်းတန်းဆုံမှတ် (FLC)

ဆက်စပ်အဖွဲ့ဝင်များ

၁။ချင်းလူ့အခွင့်အရေးအဖွဲ့ (CHRO)