လက်နက်ကြီးကျည်ကျရောက်ပေါက်ကွဲတဲ့အတွက် မစိုးစိုးရီဟာ ညာဖက်ဝမ်းဗိုက်မှာ ထိခိုက်ဒဏ်ရာ ရပြီး အစာအိမ်ကိုလည်းထိမှန်တဲ့အတွက် အရေးပေါ်လူနာအဖြစ် ချက်ချင်းခွဲစိပ်ကုသနေရကြောင်းနှင့် ယခုအခါ အမ်းမြို့ ပြည်သူဆေးရုံမှာ ဆေးဝါးကုသမှုဆက်လက်ခံယူနေလျှက်ရှိကြောင်း သိရပါသည်။
“လက်နက်ကြီးက ဘယ်သူဖက်ကပစ်တာလဲဆိုတာတော့ တိတိကျကျပြောလို့မရဘူး၊ သူတို့ရွာရဲ့ အနားအနားတဝှက်မှာ စစ်တပ်စခန်းလည်းမရှိဘူးပေါ့ ဒါပေမဲ့ အမ်းမြို့ဖက်ကနေလာပြီး နယ်မြေ လုံခြုံရေးအတွက် စစ်ကြောင်းထွက်နေတာတွေတော့ပုံမှန်ရှိတယ်၊ အဲဒီနေ့မှာ အဲဒီရွာကနေ နည်းနည်း အလှမ်းဝေးတဲ့နေရာမှာတော့ နည်းနည်းပါးပါး ပစ်ခတ်တိုက်ခိုက်အသံတွေတော့ကြားနေရတယ်” ဟု သူကဆက်လက်ပြောဆိုပါသည်။
အမ်းမြိ့မှအနောက်ဖက် (၂၈)မိုင်လောက်ကွာဝေးတဲ့ ကစုကိုင်းကျေးရွာအုပ်စု ဂျိတ်ချောင်းကျေးရွာသည် အိမ်ခြေ(၂၀၀)လောက်ရှိပြီး ချင်းလူမျိုးတွေအများစုနေထိုင်သော ကျေးရွာအရွာဖြစ်ကြောင်း သတင်းရရှိပါသည်။
