၂၀၂၀ ခုနှစ် ဖေဖော်ဝါရီလ ၂၄ ရက်
ပြန်လည်ကုစားပေးလျော်မှုအလုပ်အဖွဲ့ (RWG) မှ ကြီးမှူးပြီး ပြန်လည်ကုစားပေးလျော်မှုဆိုင်ရာ ဆွေးနွေးပွဲကို နေပြည်တော်တွင် ဖေဖော်ဝါရီ ၂၁ နှင့် ၂၂ ရက်တို့တွင် အောင်မြင်စွာ ကျင်းပခဲ့သည်။
ဆွေးနွေးပွဲတွင် ဖိလစ်ပိုင်နိုင်ငံမှ လူ့အခွင့်အရေးရှေ့နေ မိုဟာမက် ဂျမာလူ ဂျေ ဂီဒူကော့စ် (Mohammad Jamalul J. Giducos) မှ ဖိလစ် ပိုင်နိုင်ငံ အာဏာရှင် သမ္မတဟောင်း မားကို့စ် လက် ထက် (Ferdinand Marcos) ချမှတ်ခဲ့သည့် စစ်အုပ်ချုပ်ရေးကာလအတွင်း လူ့အခွင့်အရေးချိုး ဖောက်ခံရသူများအတွက် ပြန်လည်ကုစားပေး လျော်မှုဆိုင်ရာ ဥပေဒဖြစ်သည့် Republic Act 10368 ပေါ်ပေါက်လာစေရန် အရပ်ဖက်အဖွဲ့အစည်းများမှ တိုတ်တွန်း စည်းရုံးခဲ့မှုများ၊ ဥပဒေပါပြ ဌာန်းချက်များ၊ လူ့အခွင့်အရးချိုးဖောက်ခံရသူများမှ ကျူးလွန်ခံရကြောင်း တင်ပြချက်ကို လက်ခံစိ စစ်သည့် Human Rights Victims Claims Board (HRVCB) ၏ တာဝန်၊ လုပ်ပိုင်ခွင့်နှင့် သက်တမ်း၊ HRVCB မှ ကျူးလွန်ခံရသူများအဖြစ် အတည်ပြု သူများအား ကျူးလွန်ခံရမှု အတိုင်းအဆအလိုက် ပြန်လည်ကုစားပေးလျော်ပေးမှု၊ ထိုသို့ ပြန်လည်ကု စားပေးလျော်နိုင်စေရန်အတွက် သမ္မတမား ကို့စ် တိုင်းပြည်မှ မတရားရယူထားသည့် ၄င်း၏ကြွယ်ဝမှုများကို ဆွစ်ဇာလန်ဘဏ်မှ ပြန်လည်ရရှိ စေရန် ဥပဒေကြောင်းအရ တိုက်ပွဲဝင်ခဲ့မှုများကို ဆွေးနွေးသည်။
တက်ရာက်လာသည့် ပြည်သူ့လွှတ်တော်နှင့် အမျိုးသားလွှတ်တော်တို့မှ ကိုယ်စားလှယ်များနှင့် RWG အဖွဲ့ဝင်များမှလည်း မြန်မာနိုင်ငံနှင့်ပတ်သက်ပြီး ဆောင်ရွက်သင့်သည့် ပြန်လည်ကုစား ပေးလျော်မှုဆိုင်ရာ နည်းလမ်းများ၊ ဥပဒေတရပ်ပေါ်ပေါက်လာစေရန် ဆောင်ရွက်ရမည့် လုပ်ငန်း စဥ်၊ အချိန်ကာလနှင့် ထိုသို့ဆောင်ရွက်ခြင်းဖြင့် ရရှိလာမည့် အကျိုးကျေးဇူးများ၊ အခက်အခဲများကို ပွင့်ပွင့်လင်းလင်း ဆွေးနွေးကြသည်။
ဆွေးနွေးပွဲသို့ ပြည်သူ့လွှတ်တော်နှင့် အမျိုးသားလွှတ်တာ်အသီးသီးရှိ ကော်မတီဝင်များနှင့် တိုင်း ရင်းသား ပါတီများမှ ကိုယ်စားလှယ် ၂၁ ဦး၊ RWG အဖွဲ့ဝင် ၂၈ ဦး စုစုပေါင်း ၄၉ ဦး တက်ရောက် သည်။
အတိတ်မှ လူ့အခွင့်အရေးချိုးဖောက်ခံရသူများအတွက် အစိုးရမှ ဦးစီးဆောင်ရွက်သည့် ပြန်လည် ကုစားပေး လျော်မှုလုပ်ငန်းစဥ်တရပ် ပေါ်ထွန်းလာစေရန်အတွက် Reparation Working Group (RWG) ခေါ် ပြန်လည်ကုစားပေးလျော်မှုအလုပ်အဖွဲ့အား ND-Burma နှင့် မိတ်ဖက် အရပ်ဖက်အဖွဲ့ အစည်းများမှ ၂၀၁၅ ခုနှစ်တွင် ဖွဲ့စည်းခဲ့သည်။
