အာဏာရှင်စနစ်ဖြင့် အုပ်ချုပ်မှုကာလများနှင့် ပဋိပက္ခများအတွင်း အကြီးအကျယ်လူ့အခွင့်အရေး ချိုးဖောက်မှု အမိုက်မှောင်အတွင်း ကျရောက်နေပြီး အမှန်တရားမှာလည်း ဖုံးကွယ်ခြင်းနှင့် ကြိုး ကိုင် ခြယ်လှယ်ခြင်းခံရသည်။ ဒီမိုကရေစီစနစ်သို့ အသွင်ကူးပြောင်းပြီးနောက်လည်း ပြစ်မှုကျူးလွန် သူများသည် အမြစ်တွယ်နေသည့် အပြစ်ပေးအရေးယူခံရခြင်းမှ ကင်းလွတ်မှုများကို အကာအ ကွယ်ယူကြသည်။ များသောအားဖြင့် အပြစ်ကျူးလွန်သူများသည် အာဏာကို အကြီးအကျယ် ချုပ်ကိုင်ထားကြပြီး ၄င်းတို့ထိန်းချုပ်ခဲ့သည့်ကာလ အဖြစ်အပျက်များကို လိမ်လည်၍ တင်းကြပ်စွာ ထိန်းချုပ်ထားကြသည်။ ပြည်သူလူထုအခွင့်အရေးမြှင့်တင်ရန်နှင့် အကာအကွယ်ပေးရမည့် အဖွဲ့အ စည်း အသင်းအပင်းများသည်လည်း အင်အားချိနည့်ခြင်း သို့မဟုတ် ပြိုကွဲပျက်စီးသွားတတ်ကြ သည်။ လွတ်လပ်ပြီး တာဝန်ခံမှုရှိသည့် ဒီမိုကရေစီစနစ်ကို တည်ဆောက်မည်ဆိုပါက မည်သို့ဖြစ် ပျက်ခဲ့သည်ဆိုသည့် အမှန်တရားကို စုံစမ်းဖော်ထုတ် ဝေငှခြင်း၊ ပြစ်မှုကျူးလွန်သူများအား ခုံရုံးတင် ခြင်း၊ နစ်နာခဲ့ရသူများအား ကူညီခြင်း၊ ဂုဏ်ပြုပေးခြင်း၊ အကြီးအကျယ် ချိုးဖောက်မှုများ ထပ်မံမဖြစ် ပွားစေရေးအတွက် ဥပဒေနှင့် အဖွဲ့အစည်းဆိုင်ရာပြုပြင်ပြောင်းလဲခြင်းများ ဆောင်ရွက်ကြရသည်။
အသွင်ကူးပြောင်းရေးကာလတရားမ ျှတမှု မူဘောင်သည် အကြီးအကျယ် ချိုးဖောက်ခဲ့သည့် သ မိုင်းကို ကိုင်တွယ်ရာတွင် လုပ်ငန်းများ တိုးတက်စေရန်နှင့် အကောင်အထည်ဖော် ဆောင်ရွက်ရန် ထိရောက်သည့် မဟာဗျူဟာများ ချမှတ်ရန် ကူညီပံပိုးပေးသည့် ကရိယာဖြစ်သည်။ ယေဘူယျ အားဖြင့် အဓိက အခြေခံသဘောတရား လေးပိုင်းခွဲခြားထားသည်။ အမှန်တရားရှာဖွေခြင်း၊ တာဝန်ရှိသူများအား တရားစွဲခြင်း၊ နစ်နာခဲ့ရသူများ၏ ဂုဏ်သိက္ခာနှင့် ဘဝကို ပြန်လည်တည် ဆောက်နိုင်ရန် ကူညီပေး ခြင်း (ပြန်လည်ပြုစု ပေးလျော်ခြင်း)နှင့် (အတိတ်မှ ဆိုးရွားသည့် ချိုးဖောက်မှုများ) ထပ်မံမဖြစ်ပွားစေရေးအတွက် အာမခံပေးခြင်း (အဖွဲ့အစည်းဆိုင်ရာ ပြုပြင်ပြောင်းလဲရေး) တို့ဖြစ်သည်။
အဆိုပါ အခြေခံသဘောတရားများမှာ အပြန်အလှန် အမှီပြုနေသည်။ ထို့ကြောင့် ထိရောက်သည့် ကိုင်တွယ်ဖြေရှင်းမှုများတွင် အားလုံးပါဝင်မှုရှိခြင်း၊ မတူကွဲပြားသည့် ရှေ့ပြေးဆောင်ရွက်ချက် များသည် အခြေအနေအကြောင်းအရာနှင့် ဆီလျော်သင့်တော်သည့် အစီအစဉ်များဖြစ်ရန်လိုခြင်း၊ အထိအခိုက်မခံသည့် လိင်ပိုင်းဆိုင်ရာကွဲပြားမှု အပေါ်ချဉ်းကပ်မှုကလည်း ချိုးဖောက်မှုများကြောင့် အမျိုးသားနှင့် အမျိုးသမီးများအပေါ် မတူကွဲပြားစွာ သက်ရောက်မှုကို နားလည်သဘောပေါက်စေ ရန် လိုအပ်ပြီး၊ အားအနည်းဆုံးသူများနှင့် ဖယ်ကြဉ်ခံထားရသူများ ပါဝင်ဆောင်ရွက် နိုင်စေရန် သေခြာစေရမည်။
