မြန်မာ အစိုးရဟာ အဖွဲ့အစည်းပိုင်း ဆိုင်ရာ မှာရော၊ ပါလီမန်နဲ့ ပတ်သက် လို့ရော ပြုပြင် ပြောင်းလဲမှု ခြေလှမ်းတွေ လှမ်းခဲ့ ပေမယ့် လူ့အခွင့် အရေး အခြေအနေ ကတော့ အရင်အတိုင်း ပြောင်းလဲမှု မရှိ သေးဘူးလို့ ကင်တားနားက ပြောလိုက် ပါတယ်။
နိုင်ငံတကာ အသိုင်းအဝန်း တခုလုံးက တောင်းဆို နေတဲ့ ကြားမှာဘဲ မြန်မာ အစိုးရဟာ နိုင်ငံရေး အကျဉ်းသားတွေနဲ့ ပတ်သက်လို့ စဉ်းစားတဲ့ အပိုင်းကို မတွေ့ရ သေးသလို၊ သမ္မတ ကနေ ငြိမ်းချမ်းရေး အတွက် ဆွေးနွေးဖို့ ပြောနေပေမယ့် တကယ်တမ်း အဖြေ ရအောင် ဆောင်ရွက်မယ့် ခိုင်မာတဲ့ လုပ်ရပ်တွေ မတွေ့ရသေးဘူးလို့ ပြောပါနတယ်။
နယ်စပ်ဒေသက ပြည်သူ တွေရဲ့ လူ့အခွင့်အရေး အခြေအနေဟာ အခုချိန်အထိ ကောင်းမ လာသေးဘူးလို့လည်း ပြောပါတယ်။
သူ့ရဲ့ မြန်မာ နိုင်ငံ ခရီးစဉ်မှာ အစိုးရ အရာရှိ အတော် များများနဲ့ တွေ့တဲ့ အခါမှာ အစိုးရက သူတို့ ဒီပြဿနာတွေကို တကယ်ကို အလေး ထားပါတယ်လို့ ပြန်ပြောကြောင်း၊ သူ့အမြင်မှာ ဒီကိစ္စတွေကို ချက်ချင်း လုပ်ဖို့ လိုနေကြောင်း၊ ခုချိန်အထိတော့ လုပ်တာ မတွေ့ရဘူးလို့ ပြောပါတယ်။
နိုင်ငံရေး အကျဉ်းသားတွေ လွှတ်ဖို့ တောင်းဆို ခဲ့တာကို မလွှတ်သေး သလို၊ တခြား ကိစ္စ တွေကိုလည်း မဆောင်ရွက် သေးပါဘူး။
နိုင်ငံရေးအရ လူသစ်တွေ ပေါ်လာပြီ၊ အရင်က မဖြစ်နိုင် ခဲ့တဲ့ နိုင်ငံရေး အကြောင်း လူ့အခွင့် အရေး အကြောင်း ဆွေးနွေးမှုတွေ လုပ်နိုင်မယ့် အခွင့်အလမ်းတွေ ပေါ်လာပါပြီ၊ ဒီဖြစ်ပေါ် လာမှုတွေကို အသိအမှတ် ပြုဖို့ အရေးကြီးသလို တဖက်မှာလည်း လူ့အခွင့်အရေး အခြေ အနေ တိုးတက်အောင် သိသာတဲ့ ဆောင်ရွက်မှုတွေ လုပ်ဖို့ အခိုင်အမာ ရပ်တည် တောင်းဆိုရမယ်လို့ ကင်တားနားက ပြောပါတယ်။
Sources by : BBC Burmese
